شنو اللي صاير للمسلسلات الكويتيه في رمضان ؟؟؟؟

[الحــــياة]

انا اقووووول مالت على مسلسلاتكم الي تفشل يا كاتبين وممثلين

فضحتوووووونا براا الكويت

شنو هالمشاهد القذرة الي تعبر عن انحطاط الفنانين ويييييييييييييييييع عن جد ارف

من متى العايله الكويتيه جذي؟؟!!!

احب زوج اختي وبالانصنصير قذارة مابعدهاا قذارة
نعنبووووا داركم استحوا على وجيهكم

فشلتوناا وربي!!!

غير خالد امين مع اخوانه وحريمهم ويسوولف عن الخدامه والسايق

احنا جمعتناا العائليه جذي بالجرئه الرياجيل وحريمهم يقعدون بسفرة وحده ويسولفون بهسوالف .!!

وملاك ومطوعهاا ولقطات وايحاءات وقحه بشهر الفضيل انا بفهم شلون قدرت تسوي هالمشهد مع رجال اجنبي مايقرب لهاا

يوووووومه شنو هالجرأه والوقاحه

عفيه رياجيلن ضافينكم استغفر الله ياربي!!!

صج مجتمع الفن مجتمع ................................!!!!

 

[* ليــــدي *]

http://i28.tinypic.com/33ud85s.jpg
كاهي الصورة وصاااخه ودنااااءة مرة واحدة فصخنا الحيا وقمنا نمثل جذي استغفر الله

اييييييييييي ششششششششششي امبيييييييييه ويع لهدرجه ومستانسه بعد

 

[فـلـفـلـهـ]

الحمدالله ماأشوووف البرامج الفاشله

 

[خشف شمّر]

رد : شنو اللي صاير للمسلسلات الكويتيه في رمضان ؟؟؟؟

الله يعين ..
شوهو صورة مجتمعنا .

 

[ياشوقي للجوري]

رد : شنو اللي صاير للمسلسلات الكويتيه في رمضان ؟؟؟؟

شنو خرب سمعت الكويت الا هالمسلسلات
ليش كل المسلسلات اطلع الشين
يعني مايشد المشاهد الا الافكار الوسخة
خلصنا من فجر جت هبة كلهن مثل مثل
الحلو تاليف حياة الفهد مسلسلاتها حلو
الا ليلة عيد لانه موتاليفها

 

[حسآويه]

رد : شنو اللي صاير للمسلسلات الكويتيه في رمضان ؟؟؟؟

يحليل باب الحاره حتى سيقانهم ماتبين

 

[ms.al7lwa]

رد : شنو اللي صاير للمسلسلات الكويتيه في رمضان ؟؟؟؟

بالعـــــكس هاذا الوااقع !!
وزوارهـ خمييس حلوو حداا ..
يعني مساكيين شيسوون واذا سوو كوميديا قلتوا ملاقه وحق يهال
واذا حطو مشاكل " عوودهـ " قلتوا عيييب ومايصيير ؟؟!
عييييل شيسوون ؟؟!

 

[هدولى]

زواره خميس ماشاف الواقع يفشل كله خيانات وبلاوى واليهال المشكله يطالعونه .

 

[فاقده حنان ابوه]

ترا صج هذا الواقع يا بنات

هذا الي قاعد يصير بالهزمن

 

[لمعة الالماس]

مومعقوله زوارة خميس مافي ثقه كلش

عطوا صوره البنت الكويتيه موحلوه شدعوه فري كلش ..

ولا ملاك تتزوج ولا يدري عنها احد ولا يطلع عقد زواج وتطيح على حسين مهدي تبيه يتزوجها

ولا زوجه صديق سعود ماعندها احد ولااهل يدخل على كيفه ويتزوجها ..

 

[lulwa-q8]

لا حول ولا قوة الا بالله

 

[> Miss M6ereiah <]

مو عاجبكم ليش متابعين ادق التفاصيل غيروا المحطة وخلاص < اتغشمر
انا عن نفسي حيل عاجبني صج فيه مبالغات بس انطره مناطر
وشكرا

 

[توته f]

رد : شنو اللي صاير للمسلسلات الكويتيه في رمضان ؟؟؟؟

بنات بصراحه هذا الواقع والي قاعد يصير جدامنا يعني شي صج ما تبون يتكلمون عنه هذا الي قاعد نسمعه من الناس بصراحه مسلسل زواره خميس حلو

 

[ألماسهABM]

آه من مسلسلاتنا والمصيبه إنها منتشره بكل القنوات :

1 . زوارة خميس : ماكو ريال صاحي كلهم تفكيرهم وصخ و...

كفيتوا ووفيتوا بانتقاد هالمسلسل

بس بعرف منو اللي يزورهم كل خميس ؟!!!!

(كلهم بالبيت وماشاءالله حتى ريوقهم مع بعض !!!! ههههه)

__________

2 . ليلة عيد : حياة الفهد مكرره ألف مره

والمذله ماتوصل إنها تبيع كليتها عشان أخوها ياخذ الفلوس

(يعتبر تشجيع للخبول بيقولون قامت جنها الحصان ماصار فيها شي!!!)

__________

3 . أميمه في دار الأيتام :

شدعوه هدى بنتج تنسرق موميته وتسافرين تكملين دراستج عشان تنسينها (صج ماجربتي الضنى ااااا)

كل الأيتام عوب ولسانهم طويل ومغازلجيات وقليلات أدب ،،،

وساكنين بشاليه !!!!!

وهدى السوبر أميمه ذكيه وتقرا الأفكار وماكو شي ماتعرفه (طبعا من دراسة براااا)

دار الأيتام يا هبــه (الكاتبه للي ماتعرفها!!)فيها بنات محترمات عاقلات ومؤدبات

ويصلون وفي منهم متحجبات وفي منهم وايد يحبون الطبخ والخياطه والغسيل

والنظافه مـــو القذاره اللي جايبتها من بيئتج لأن كل وحد تفكيرها من اللي حواليها

وحلقة اليوم بعد شجون متبرعه بكليتها ،،،

شالتحريض على بيع والتبرع بالكلي بالمسلسلات !!!!!!!!!!!!!!!!!!!!

_________

4 . ساهر الليل : كل عيال وبنات الكويت سنة 70 مغازل X مغازل

ماعندي تعليق زايد لأن كل ماشفتهم إلا ماسكين التلفون !! جان خلوه مسلسل إذاعي هههههههه

_________

5 . كريموووووووو : بااااااااايخ ومو وقته وماله شغل بالمسلسلات الكويتيه ،

مسلسل إيراني مترجم للهجه الكويتيه ،،،، :nocommint:

يحليلهم كل جيراننا متابعينه (الرميثية هههههه).

________

ترا كل الانتقادات بس فراره عالتلفزيون

الله لوني متابعه جان كل شوي موجز لنشرة الأخباااار . لوووووووول :eh_s(17):​

 

[&صدى الحرمان&]

رد : شنو اللي صاير للمسلسلات الكويتيه في رمضان ؟؟؟؟

الحمدلله ما اتابع ولا مسلسل

 

[قدساووويه كووول]

كل مالهم ويصيرون أسوأ وأجرأ

 

[جوك احلى جو]

في لقطات ماكان لها داعي تنعرض مو شي الجرأه الزايده

 

[لووللو]

رد : شنو اللي صاير للمسلسلات الكويتيه في رمضان ؟؟؟؟

ايه والله وانتي الصاجه فشلونه !!!

 

[[]نهاوند[]]

رد : شنو اللي صاير للمسلسلات الكويتيه في رمضان ؟؟؟؟

المسلسلات الكويتيه من زمان انا حاطه عليها اكس وبالذات مسلسلات اللي مصدقه نفسها كاتبه اللي اسمها هبه مشاري حماده مسلسلاتها لاتمت للواقع بصله نهائيا بعرف انا ليش مخليه كل ابطال المسلسل يكلمون ويغازلون وعندهم حبيبات حتى المدين يغازل ؟؟ ​

 

[ملاك ^ الحب]

بنات لا تزعلون من كلامي

البيوت اسرار صح انتو ا ما تدرون شنو يصير داخل البيوت ممكن هالشغلات كلها تصير داخل البيوت انتو ما تدرون

وممكن تكون من الخيال بس لا تسوون ان الكويتيين كلش ما يغلطون لا وايد ناس تغلط وايد شباب وبنات متزوجين ومو متزوجين قاعدين يغلطون

لان احنا مو نازلين من الفضاء وانتو اذا شفتو مثلا مسلسل مصري في شي غلط شنو تقولون هذا صج فيهم اهم يمثلون واقعهم او مسلسل سوري او تركي او او او ليش الكويتي ما يغلط

انا ما اقول كل الناس ممكن فئه بسيطه من الناس بس عالعموم بصراحه المسلسلات كلها حلوه احلا من العام

ولا يحد يزعل من كلام الحق