شنو اللي ميزّج بعرسج او تحسينه بيميزج

[مشتطـه]

السلام عليكم عرايس


سؤالي واضح

شنو الشي الي حسيتيه ميزّج بعرسج وكان واو كسرتي القاعده


او الحين انتي سويتيه وتحسينه بيطلع غير وروعه


طرا علي هالموضوع من عرس رفيجتي
تبارك الرحمن يا نفنوفها وايد ذرب وناعم وراقي

لو اني عروس شريته منها

بصراحه كسرت قاعدة العرايس بالدانتيل والتصميم

توه كان عرسها والكل تحجى بطريقتها



انتي شنو اللي حسيتيه غير عن الشكل التقليدي اللي ملينا منه بالعروس ؟


مثلا انا ما سويت شي كسر القاعده
بس دخلت متغطية طرحتي كانت تور واطرافة دانتيل
حبو الحركة اهلي وايد
والحمدلله بعت نفنوفي لان كان روعه


الحين قاعده اقول لرفيجتي بيعي نفنوفج ولا طيحته بالكبت خصوصا ان
في بنات بتتميز ب شي سعره معقول
وقاعده تفكر :eh_s(9):



المهم ناطرة ردودكم عالسؤال ^^^^^^

 

[مس استي لودر]

انشالله يفيدونج البنات

 

[الحـــلوه]

مشكورة خوش موضوع
رفيجتج شلون صاير وصفيلنا اكثر ..

 

[MiSsY HottY]

ماكو شي ببالي بس ان شاء الله يكون كلاسيكي ومرتببببببببب
​

 

[MiSsY HottY]

رفيجتج من وين ماخذه نفنوفهااااا
​

 

[yam_yam]

انا ميزني الزفة كانت اغنية خاصة باسم العروس و عايلتي فعماتي واايد سووو اكشن ههههه


بالنسبة لشكلي كعروس ميزني بدلتي لانها كانت كم طويل و لونها سلفر دانتيل ماكنت ابي الابيض
و كان الكم مشبوك مع الطرحة و نازلة الطرحة عالبدلة من جدام مادري شلون اوصف لج
بس كانت روووووعه بدلتي و حيل حلوة على قولة رفيجاتي ملكة هههههه

و اللي لفت النظر اكثر مكياجي كانوا يسلمون عليي و اشكرا يسالوني وين حاطته و كان بشيراتون عند امل

 

[مشتطـه]

حياكم الله بنات وبالنسبة للبنات الي سألو شوفو الخاص

 

[مشتطـه]

يم يم
احلى شي اكمام طويييلة تحسين انج ملكة

 

[زبــــــــدة]

انا طرحتي كانت وااااو

حتى لما دشت سمعت وده من المعازيم قالت الله طرتها عجيبه ههههههههههه عاد دي استانست

اهيا تور وبالاطراف كلها دانتيييل بارز ... نفس نقشة النفنوف .. وكانت طويييييله وايد ...

وحطيتها فوق التسريه صوب ملموم وصوب طايح ...وايد كانت حلوة ومليتني ...

 

[banotah]

خوش موضوع

 

[بنوته ستايل]

اممممم مادري بس ستايلي راح يكون اوربي بحتتتتتت وخاطري اسوووي مسسكه غريييبه عشان تلفت النظر واكسر ستايل النفنوف..



دعواااااااااااااتكم بنات عفيه يكووون شكلي بالعرس مثل ما ابي..

يسلمووو صاحبه الموضوع

 

[مشتطـه]

عسى الله يوفقكم

زبدة مثل طرحتي تقريبآ

 

[انوثتي غير وياك]

موضوعج حلووو

 

[pinkzz]

الله يتمم عليكم عرايس يا رب ةاتصيرون احلى عرايس بليلتكم
صج فكرة النفنوف الكم اطوال وايد حلو يطلع ومميز
موفقين يارب​

 

[❞ Cleoραtrα ❝]

الموضوع يشووووق , ,

انا ماحطيت شي فبالي بس ودي بستايل كلآسيكي ,,

لانه مايجدم على مر العصور لول ولاتروح موضتته

up

up

 

[حكاية قلب ~]

اممممم انا مفكره ان شاء الله البس اتسوس (قفازات) <<<< احلا يا الفصحى

يكون على شكل دانتيل هم ابي شي جديد وغريب ما ابي منفوش وشوارفسكي خلاص ملينا

حابه اسوي دخله مميزه بس ما دري شلون يمكن اسوي نظام الدخان


حبوبه ياليت توصفين لنا اكثر عن لبس رفيجتج بالعرس واي اتليه مسويه النفنوف

 

[غـيوم]

الله يسعدكم حبايبي

 

[مشتطـه]

حيياكم نورتو

 

[مشتطـه]

بعض البنات رديت لهم بالخاص ما حقرتهم هني

 

[على مودك]

مشتطه حبيبتي بليز ارسلي لي ع الخاص وصف لبدلة صديقتك ومن وين أخذتها

اختي محتاجه لبدله بنفس مدحك ماشاء الله