شنو الموضوع اللي كتبتيه بأناملج الذهبيه و انقل كوبي بيست بمنتديات ثانيه؟

[G!RLooNa]

قووه

أمس الفير مادري شفيه المنتدى علق ما قام يفتح

شسويت من الفراغه

فتحت قوقل

و قمت اكتب عناوين مواضيعي اللي انا كاتبتها هني و اشوف شنو اللي نقلوه المنتديات الثانيه

يحليلي والله لقيت جم موضوع لي ناقلينهم كوبي بيست

اول شي لقيته موضوع : سمعتوا عن توائم بينهم سنه كامله
http://q8yat.net/showthread.php?t=759280

هذا اهوا الموضوع

و اهم شي اني اول الموضوع كاتبه اني تذكرت السوالف و انا اسبح :dddds: واللي ناقل مادري ناقله الموضوع ناقلينه نفس ما اهوا ما شالوا حتى هالكلمه و ما كتبوا منقول :dddds:

ووو موضوع شقق فاجره للتمليك
http://q8yat.net/showthread.php?t=691632


هذا صوره بس ناقلينه بمنتدى طارق العلي نفس عنوان الموضوع ونفس الجمله اللي كاتبتها بالموضوع بالضبط... واللي ناقله واحد :dddds: الظاهر يتجسس علينا

و الموضوع اللي احتل الصداره

و لقيت تقريبا كل المنتديات ناقلته

موضوع

فحصتي عذريتج قبل الزواج

http://q8yat.net/showthread.php?t=728606

طلعتلي 4 او 5 صفحات بقوقل منقول بمنتديات وايد دشيت ابي اشوف الردود اغلبهم لازم تسجلين عشان تطلع الردود او يطلع رد ردين والباجي مخفي عاد ودي اقرا بس مالي خلق اسجل فراغه

_ _ _ _

ووو بكمل بعد بشوف شنو مواضيع انقلت كوبي بيست ما كملت كل مواضيعي :q8:

دوركم تشوفون

كتبوا عنوان الموضوع بقوقل

و شوفوا اذا منقول الموضوع ولا لأ

ادري ماكو شغل بس انتو كلكم ماعندكم شغل ولا جان ما دشيتوا المنتدى اساسا :dddds:

 

[مستقله]

رد : شنو الموضوع اللي كتبتيه بأناملج الذهبيه و انقل كوبي بيست بمنتديات ثانيه؟

كويتيات أول منتدى أسجل فيه
وماكتبت مواضيع لي إلحين عشان ينقل


ومواضيعج غيرلونا
دايما حلوه واحب أتابعج:hjy5jewf:​

 

[Mtwah8a b3marha]

رد : شنو الموضوع اللي كتبتيه بأناملج الذهبيه و انقل كوبي بيست بمنتديات ثانيه؟

ههههههه ذكرتيني كنت افكر اني اكمل دراستي برى الكويت و كتبت موضوع يعني موضوع خاص فيني مو موضوع عام
كتبته باحد المنتديات السعودية وصارت سالفة وهواش مو مني اهما الي رادين تهاوشوا مع بعض انا ههههه موحافظه كلمت السر ضيعتها لاني ماابي بالمنتدا شي غير هذا السؤال والشباب قام يتهاوشون مابينهم وانا بس اقرا مواضيعهم واضحك بعدها بجم يوم رديت ادخل علي قوقل ادور علي موضوعي الا الاقي موضوعي بمنتدا ثاني ابيييييي مت من الضحك لهالدرجة الواحد ماله خلق يكتب ههههه امره عجيب
ادري طولت عليكم فراغة شسوي هههه*

 

[G!RLooNa]

هههههه زين احد رد علي

مستقله اخجلتي تواضعنا

متوهقه بعمرها خخخخخخ اهم شي ينقلون مشكله شخصيه صج فراغه

 

[G!RLooNa]

:eh_s(4):

 

[احساس السعوديه]

رد : شنو الموضوع اللي كتبتيه بأناملج الذهبيه و انقل كوبي بيست بمنتديات ثانيه؟

هلا غيرلونا كيفك اخبارك وحشتيني
ما ادري بس ما اتوقع لاني ولا مرة الفت موضوع من عندي او احط موضوع بس جد اعفس فيه لازم اغير بالكلام
بجرب وبرد اقول لك اذا لقيت نفس مواضيعي بالضبط
يسلمو جد مواضيعك اوتأليفك حلوويستحق ينقل <<< اهم شي تأليف

 

[G!RLooNa]

هههه احساس السعوديه مشكوره :$

 

[G!RLooNa]

:eh_s(1):

 

[نهى الأحمد]

مشكوره حبيبتي على الطرح الرائع


بصراحة انا لقيت اكثر من موضوع لي منقولين لمنتديات ثانيه

عليهم بالعافيه لكن اهم شي انهم يكتبون عليه منقول

 

[مستقله]

رد : شنو الموضوع اللي كتبتيه بأناملج الذهبيه و انقل كوبي بيست بمنتديات ثانيه؟

up
""​

 

[G!RLooNa]

نهى صج اذا موضوع متعوب عليه تتحسفين ان انقل و نسبوه حق روحهم

 

[نهى الأحمد]

نهى صج اذا موضوع متعوب عليه تتحسفين ان انقل و نسبوه حق روحهم

هلا ياقلبي

اي والله الواحد يتحسف اذا تعب في موضوع وغيرج ينقله من دون ذكر كلمة منقول

 

[Stylista_Q8]

رد : شنو الموضوع اللي كتبتيه بأناملج الذهبيه و انقل كوبي بيست بمنتديات ثانيه؟

مادري ما جربت لوول

بس بمدونتي بالمنتدى

في جم بنت قآلولي انهم ينقلون اشيا مني لي منتديآت ثآنيه ،، وعطيتهم القرين لايت لوووول :$

وبعد بالمدونه مره دشيت مدونة بنت ثانيه اشوف مدونتها

ولاااا .. والله ولا ٦ اشيا كوبي بيست من مدونتي امبيه لوووول اشكراا عآد

ونفس الالوان .. والتنسيق كله كله سيم سيم !!

خو بوقي الحجي رآضين بس مو كل شي مره وحده اشكراا عيني عينك :$

وموآضيعي اكثرها استفسآرآت آو اشيا بسيطه اذا بيبوقون حلالهم لوول

وثآنكيووو قيرلونآ ^^

 

[G!RLooNa]

ولكمز

 

[eldalla3]

واااايد مواضيع انقلت خخخخخخخخ وحتى مافي كلمت منقول والمشكلة البنات يقولون لها مشكورة خخخخخخخخخخخ والي يضحك ان حتى الخط والاسلوب مو مغيرة في شيي وصارتلي بالمنتدى وحدة كاتبة نفس موضوعي خخخخخخخخخخخخخخخ​

 

[G!RLooNa]

لوووول اي حتى لون الخط نفسه

 

[frawlah_83]

رد : شنو الموضوع اللي كتبتيه بأناملج الذهبيه و انقل كوبي بيست بمنتديات ثانيه؟

لوووووووول اشوه لي اللحين ماكتبت مواضيييع اللهم الاواااحد

لووول دام داشه فراغه ماعندج شغل دشي سجلي ورد على الموضوع وقولي انا الي كاتبه هالموضوع وحطي لنك مو موضوعج اهني بالمنتدى لووووول خل يستحوون على ويووهم شوي @@@

صار فيني فضوول لي صرت فاضيه بقعد اشووف مواضيعج الي بالمنتديات الثانيه

الظاهر يعجبهم اسلووبج بالطرح من جذي ابوقوونه

صراحه ماكنت ادري عندج هل موهبه ماشاءالله علييج :********

 

[درة أهل الطولات]

رد : شنو الموضوع اللي كتبتيه بأناملج الذهبيه و انقل كوبي بيست بمنتديات ثانيه؟

ولا شي للحين

 

[G!RLooNa]

فراوله اي شعبالج

 

[بدرانيه 17]

لالا انا ما صارت لي >> برااااا
يسلمووو ع المووضووع خيتو تقبلي مروري