شنو اهديتي لزوجج بعيد زواجكم؟؟؟

[ام شيخة]

السلام عليكم حبايبي

اشلونكم شخباركم

حبيت اكتب هالموضوع اخذ فيها افكاركم الغريبة والحلوة


شنو تشترين هدية لزوجج بعيد زواجكم؟؟؟؟

بالنسبه لي انا شريت له (سليب شورت) وروب وشبشب خاص حق الليلة هذي:eh_s(6):


يلا كل وحده تكتب شنو شرتله​

 

[ناز]

والله انا باخر عيد زواج اهديته ساعه سواش وعيد زواجنا قرب وما ادري شنو اهديه؟؟

 

[ضوى العيون]

بصراحه انا نصحت اختي تعطي زوجها موبايل وسوت له كيكه على صورته

 

[ورده بنفسجيه]

انا بعيد زواجنا طرشتله ورد وحطيتله الهديه تحت مخدته وعلقت صوره

وهو صغير وصور يهال وتفافيخ خليت الدار اتصير باااااااااااااارده

علشان يمكن يتذكر لمن انولد وحطيت صوت ياهل نوااااااااااا نواااااااااااااا

ويوم عيد ميلاده اهييييييييييييييييييييييي تدرون شسويت

















لفيت علبه تهبل من بيت الهدايا واول ما يفتح العلبه كلها قش وكرت

مكتوب فيه يا أغلى ما عندي دور الهديه عااااااد اهو مستانس


يدور ولا ذيييييييييييييييج الحيه السوووووده جان يصرخ ويقول لا باركت

فيج والا بالساعه اللي عرفتج فيها ومات من الضحك بعدين لما استوعب​

 

[ام شيخة]

مشكورين يا حبيايبي على المرور بس هذي شغلات سويتها وابي شي غريب عاد مو مثلج يا طشة ورشة هذي اسويها له اذا كان زعلان وابي اراضيه او اذا كنت محترة منه وباط جبدي​

:eh_s(14):

 

[أم طه الحولة]

انا شريتله بدله بربريز مثل شورت وتيشيرت مع بوك مفاتيح من جيفنشي بس لاتاخذون جيفنشي اكتشفت انه سكه .. وعزمته عالعشا وسويتله حفلة عيد ميلاد عائلية ورا عيد ميلاده بيوم ... اما بعيد زواجي حجزت جناح بهيلتون المنقف بس كان شي ملكي .. طبعا كان شي لا ينسى

 

[om-rayan]

سويتله مفاجاه وايد غريبه وحلوه ...خليت يطلع بره البيت ولاسياره ليموزين ناطرته و وديته عشيته في مطعم راقي وبعدين رحنا الفندق

 

[:: عائشه بقلبي ::]

بيوم زواجكم؟؟؟؟

الله وين القى سليبات رجاليه يوم زواجي قرب ومحتارة شنو اسوي له ؟

 

[الكويتـ80ـية]

السلااااااااااااااام عليكم بناااااات

انا للحين ما تزوجت بس مو جنه المفروووض الريال اللي يشتط و يحجز الفندق و يعزم ع العشا؟؟؟

و الله حبايبي يعطيكم العافيه .. أنا بالنسبه لي المفروووض اسوي ليله رومانسيه و بس . و اكبر هديه انااااااااااااااااا
ههههههههههه شرايكم

تلبسين و تتضبطين.. و تلفين شريطه على عمرج و تكتبين استلم الهديه .. ههه
حلوه ها؟؟

 

[ام الغزال]

كويتيه 26 كلامج عين العقل .. آنا أول مره شريت نظاره شمسيه و طقم عطور و بوك .. هذا أول عيد زواج و لمن فاجأته فيهم قالي حلوه خذ منه و عايده !!صراحه إنصدمت زوجي حده ما يعرف الرومنسيه و لا عمره فكر فيها لا و لمن لبس النظاره ما عجبته قالي آنا البس هالسوالف ! بروح أبدلها .. جان أندقر مره ثانيه .. و لمن بطل سيت العطور قال هذا كان واصلني هديه من واحد من الربع و ما عجبني و عطيته اخوي .. إهني جان تخنقني العبره و أول ما شاف البوك جان يقول إنتي الظاهر ما عرفتي طبعي آنا ما احط فلوسي ببوك ما احب البواكه شكلج ما إنتبهتي ... إهني جان تطلع دموعي شلالات و لا شلالات نياجرا .. و قلبت الليله لزعل .. صج لوع جبدي ... و آخر تها قالي رجاءا ثاني مره وفري على نفسج من ألحين اقولج لا عيد زواج و لا فلنتاين و لا راس سنه و لا هالخرابيط !!! تخيلو شنو كان موقفي !!! عاد آنا اموت على هالسوالف !!! قصه

قمت كل ما صارت مناسبه من هالمناسبات لبست و كشخت و رحت أحتفل مع اهلي ... الفلنتاين مع أهلي و راس السنه ما رديت البيت نمت عندهم و لمن وصلنا لعيد زواجنا .. شريت طقم روب حمام و سيت شموع و عطورات للإسترخاء و كتبت عالبطاقه كل عام وآنا فلانه بخير وحطيتهم بحمام غرفة النوم و ضبطت البانيو على كيف كيفج .. و أول ما صارت الساعه 12 طبيت بالبانيو .. و على ضوء الشموع إسترخيت .. قصه طريفه .. ماراح أكملها الا لمن اشوف تفاعل بنات المنتدى ..

 

[الحلوة العسولة]

السلام عليكم :
الظاهر انتي نفس حالتي بس يمكن انا احسن شوي..
انا وحدة حددددي احب الرومانسية ..واتمنى انا كل يوم يفاجئني زوجي بهديه..
بس يمكن مايحب هالسوالف وانا دائما اجيب له هدايا واذكرة حتى وانا مسافرة .بس المفاجئة اللي سواها لي يوم عيد ميلادي انه جاني وقالي يالله بنروح البحرين .وفعلا رحنا وحنا قاعدين بالفندق والا بالكيكة اللي مكتوب عليها عيد ميلاد سعيد.. وانا ماتوقعت منه بس والله ستانست ..
طيب ليه يارربي دائما احنا اللي نبادر بها الشي وهم لا.وبس حبيت اشارك وياكم وعطيت رأي..بااااااي.....

 

[قمووره]

يالله عطووونا افكاااركم عيد زواجي الاول قريب انشالله

ام غزلان اخااااااف زوجي يطلع طبعه نفس زوووجج يالله االله يستر


ام غزلان كملي القصه بسرعه

 

[ام الغزال]

السلام عليكم ورحمة الله وبركاته
أكمل قصتي ..

صرت كل ما صار مناسبه إحتفلت فيها بطريقتي .. و مع اهلي ولا مع صديقاتي .. بس دايما أحرص إنه يلاحظ هالشي أو أعطيه خبر .. لأن الشيطان شاطر .. و يمكن يفر مخه و يشك فيني ..
و بنفس الوقت آنا مستمره في إني أبين له إنه مهم و إنه غالي و إنه حبيبي اللي ما أقدر أعيش من دونه ..
يا بنات ترا زوجي صج مو رومانسي بس في مواقف وايد بين إنه يحبني و يهتم بمشاعري ...

صج إنه يقثني بعض المرات خصوصا إذا تناجرنا .. يطنشني ولا يراضيني .. بس الصراحه ترا اغلب الهوشات تافهه و مالها معنى ...

المهم .. لمن حسيت إنه تعود و قام يقط نقزات ها عيد ميلادج هالمره وين بيكون .. منو بيروح معاكم .. راس السنه بتنامين عند أهلج و لا بتسهرين بس .. و من هالسوالف .. عرفت إني ضربت عالوتر الحساس ..
نطرت أول مناسبه و غيرت السستم نهائي ...
ما طلعت قعدت بالبيت ..
بس كنت عاديه يعني مو خابه عمري .. لأ ملابس البيت العاديه و شاي و قهوه و حب و أقلب بهالقنوات ...
لمن دخل البيت إستغرب ( بصراحه اهني آنا طرت من الفرحه بس بيني و بين نفسي يعني مثقله نفسي و جنه عادي الوضع )
قالي غريبه توقعتج طالعه .. مو عادتج ..
طالعته ببرود .. قلت مالي خلق أطلع .. .
قعد عندي .. وشربله فنجانين قهوه .. جان يقولي مو جوعانه ؟!
آنا إهني تبققت عيوني .. بس هم سويت نفسي ريلاكس ( طل بعيني قلبي من الفرحه بغى يطلع من حلجي )
جان أقوله يعني ..
جان يقولي جم يبيلج على ما تجهزين ... ( كان ودي أصرخ من الفرحه )
قلت يعني نص ساعه ( يعني الوضع مو مهم بالنسبالي .. )
صدمني : جان يقول لج ساعه لبسي على كيفج و فكري وين تبينى نتعشى ..
إهني عرفت إني بديت أوصل للي أبي ..
ترا الهدايا و الفلوس ما تسوى لحظه أحس فيها إن زوجي وده يطلع و يغير جو معاي .. هاذا دليل إنه مشتاقلي و إنه لاقي راحته معاي ..
بغض النظر عن اليوم او المناسبه ..

طلعنا و تعشينا و سولفنا و ضحكنا و كانت ليله حلوه بكل معانيها .. من أولها لييييي تاليها .



شوفو يا بنات .. آنا ما قلت قصتي مني و الطريج .. لأ ...

لأن لي هدف و هدف نبيل .. كل كلامكم صح .. و فعلا المرأه إهي اللي بتعلم زوجها إشلون تخليه رومانسي ..
لكن ..

إنتو ما سألتو نفسكم ليش الريال مو رومانسي ..

إحنى رومانسيتنا أقوى من الزوج ...

لكن لو فكرتي فيها شوي تلقين إن الزوج :
1- ما يعرف يعبر عن الحب .. بس بتصرف منه لو عفوي و بسيط بتعرفين إنه يحبج ..
2- ما يحبون اللف و الدوران .. اما البنات يالله .. تلف و تدور و تطولها وإهي قصيره لا و فرحانه و مستانسه و إهي تمطط بالسالفه .. عكس الزوج ..
يحبها سيده و ما عنده إسلوب التمطط..
3- كل زوج ما يحب يروح السوق .. و لا يحب الفراره بالسوق .. و حتى إنتي لو بتطلعين معاه السوق ينشف ريقج على ما يتنازل و يوديج .. اما إحنى يالبنات ... جاهزين .. أصلا وناستنا بالسوق .. فتلقينا نشتري ولا تنكرون بعض المرات تشوفين شغله و تطري على بالج أمج و تاخذينها .. ولا رفيجتج و لا إختج و لا حتى خدامتج .. عدل ! بس في مره وحده شافت زوجها داش و شاري لأخوه شي ولا لأمه و لا لرفيجه ؟! في اندر الأحوال لا و يكون الطرف الثاني موصيه بعد !!!

هاذي طبيعتهم ما نقدر نغيرها لكن نقدر نعدلها و نتأقلم معاها ..
فهمتو يا حلوات ..

هاذا حل يمكن يفيدج .. و إنتي و شطارتج .. و على فكره الزوج ما يحب المقارنات .. ولا يحب الصراحه الزايده اللي تلوع جبده ..

عطيه مجال يبدع ..

عطو سداح فرصه ..

 

[وين^العهود]

في عيدميلاد زوجي شريت لة عطر ومدالية وبزمات سالوران وكلهم حطيتهم في علبة , وزينت الصالة بزينة العيدميلاد وحطيت ليتات الملونة اللي تشب وتطفي وحطيت اللوحات اللي مكتوب عليها هابي بيرثدي وتفافيخ بكل مكان وسويت لة كيكة على صورتة وانا طبعا تكشخت اخر كشخة وقبل مايدش البيت صكرت الليتات وخليت الليتات الملونة شابة جنة عرس اول ومسكت كامرة فيديو واول مادش انا بوية واصورة عاد اهو طارت عيونة مستغرب ومستانس وشاف اللي مسويتة لة وايد استانس وعزمتة على عشا في فندق..

 

[قـ(عيوني)ـرة]

واللللله حلللوه طشه عجبتني فكرتج هاذي بسويها اذا طفرني وبظحك معاه
لان انا نوعي مره اظحك ومره معصبه ومره هاديه وغيرها يعني موعلى موجه وحده وهذا الي يبونه الرياجيل علشان جذي زوجي ولله الحمد يموت فيني
ذكرتيني من قبل يومين سويت فيه مقلب مقارب
كان قاعد يطالع فلم اجنبي وحدددده مندمج
جان اطلع اجهز العشا والقى قناع شاريته للرجل الاخضر والبسه وتسحب ادش عليه اهو من الخرعه فز بس على خفيف علشان ماينبهني ههههههه
احلى شي ان حياتكم ماتكون على وتيره وحده لان الرجال يمل
اما انا بعيد ميلاده شريت الليتات الي بمحل بو100 وشبيتها وقطيتها بالدار بكل مكان بس بطريقه حلوه
واول مادش عجبته اليتات واندمج معاها وطنشني جان اعصب واقول انت حتى ماطالعتني شلابسه !!
واهو قعد يظحك جان على طول اظحك ,,مشكلتي قلبي طيب ماعرف اطول بالزعله

 

[خبيرة اعشاب]

هذا اللي ناقص اهديه بعد هدايا

و الله هو يجيب لي هديه و كافي انه متزوجني ...هههههههههه

 

[**مذهلة**]

تبين تهدينة هدية حلوة شوفي اهو اش ميولة
يعني اذا يحب يقرا يبيلة كتاب او موسوعة
واذا يحب الجخ يبيلة شي يلبسة مثل بدلة او قرافيت او جوتي
واذ يحب الالكتونيات هاتيلة شي يديد حق كمبيوترة مثل اي ملحقات من اليديد
الصراحة زوجي يحب القرائة ما خليت له كتاب يديد يطلع في المكتبة الا ويبتة واوووووووووووو وش فرحتة بهلكتب
ويحب السفر عزمتة على سفرة في عيد زواجنا في هصيفية ورحنا السعودية انهبل وايد بغا يتشقق من الوناسة طبعا هو من النوع الي يحب الطبيعة فرحنا الى مدينة ابها



احلا هدية انك تشوفين الي يحبة لا اتكلف واتعنا وفي الاخير ما يستفيد منها حاولي تحسين وش يحب واذا يبتيلة الهدية يقدرها لانة اذا كان محتاجها بيستخدمها ولا لا حبايبي

 

[بوشه_بوشه]

انا اول زواجي اهديته ساعه كرستيان ديور للحين يلبسها وما يحب اغيرها واهوا اهداني خاتم شوبارد والعيد الثاني اهديته موبايل نوكيا كان توه نازل واهوا اهداني ساعه ديور نفس اللي اهديته نفس الموديل والاعياد اللي عقب طخينا صارت هدايانا عطور وانا بطبعي احب الرومانسيه واحب افاجاه بهدايا من غير مناسبات وريلي تعود عالهدايا الغاليه وكله متوقع مني هدايا غاليه ولم اييبله هديه عاديه احس انه يتحبط

 

[ضوى العيون]

مشكله الريال لو تعود على

شي بس فكرة التذكرة والسفر حلوة

 

[أم فرووحة]

حلوه افكاركم..

انا من البداية قالي ترى لا اعياد ميلاد ولا فلانتاين ولا راس السنه هذي كلها اعياد النصارى و مايجوز نحتفل فيها..

و طبعا يابلي الادله من المشايخ لاني كنت احاول اقنعه بعكس رايه..

طبعا لما يابلي اقتنعت..

و فكرت اني اهديه بعيد الاضحى و الفطر و ان شاء الله ببتدي من هالعيييد..

حتى عيالنا بالمستقبل مالهم امل اعياد ميلاد هههههه مساكين عكس يهال العايله..

بس دام اني اقتنعت و اهو مصر على رايه خلاص بعد اهم شي انه مايجوز..

و ممكن نحتفل باي وقت بدون مناسبه..