شنو اهدي ام زوجي بمناسة عرس ولدها؟؟

[G!RLooNa]

اهيا شكو اشتروا حق حماج و مرته

 

[الكوويت]

عادي بنات مافيها شي اذا عطيت ام زوجي عانيه بمناسبة عرس ولدها ....
انا اقول عطيها 50 دام انج مو ظفه وموفقه ان شاءلله

 

[MY GLITTER]

خلي ريلج يعطي اخوه هديه و بس

 

[رشيدية وافتخر]

مالها داعي اهي وشوله تهديها منو الي بيتزوج اهي ولابنتها

 

[ترجمة احساس]

فلوس وانتي ومقدرتج

 

[~{GooShTa}~]

لا تعطينها شي .. حماج اولى بالهديه

 

[om MaRyooM]

مو لازم

بس زوجج يجيب هدية لعرس اخوه وتوجبونهم وبس

 

[Mrs Al-Nasser]

ليش تهدينها؟
ولدها اللي بيتزوج مو اهيا ؟ :\
​

 

[برايفت]

عادي بنات مافيها شي اذا عطيت ام زوجي عانيه بمناسبة عرس ولدها ....
انا اقول عطيها 50 دام انج مو ظفه وموفقه ان شاءلله

+1 :eh_s(17):

حسب مجتمعكم استغربت إن أغلب الردود مصدومين !!
عادي ولدها بيتزوج يعطونها الناس عانيه أو مشاركه في فرحتها و تكون فلوس مو هديه !
إذا مجتمعكم نفسنا عطيها فلوس
و إذا نفس أغلب الردود جيبي لها قطعة خام و مبخر !
بالتوفيق

 

[الله معايا]

انا خالتي بعرس حماي اهديتها بدله كانت دور موديل معين وشغل وشك وجذي والحمد الله حصلت واهديتها لها بس كانت غاليه شوي بس المهم الفكره البدله الي بالعرس لما يسألونها وااااااو تجنن من وين تقول مرت ولدي جابتها لي وينذكر اسمي شريره صح ههههههههههههههههه

 

[باااربي]

مو لازم هدية
بعدج مو موظفة
ولازم اهي تقدّر هالشي ماعتقد غصب
واذا لازم لازم قولي حق ريلج يعطيها بدالج هههههه

 

[الفرحه السجينه]

ههه بعض الردود عجيبه يمكن اهم نظامهم العروس تتكفل بالعرس مو الرجال

حبيبتي من السنع تعينين خالتج او حماج

انا عرس حماي شلت عن خالتي الخدمه الحلو القهوه العصير والموالح والبخور


وحماي الثاني عطيتها 300 دينار وحماي اهديته عطور


بس ليش للحين في نفسج سالفةهدية خالتج .... البنت الطيبه السنعه اذا بترد الهديه ترد بهديه احسن منها خليج اطيب من الناس اخذيها كقاعده هذا اللي علمونا امهاتنا ..


والرسول صلى الله عليه وسلم قال تهادوا تحابوا

 

[النوري نور عيني]

ههههههههههههههههه ضحكتني الردود ...الحضر ما يهدون الخاله ...البدو يهدون ويعينون الخاله ...وتهدي مرت الحما .. العروس الجديده وما لها شغل بالمعرس اخوه يعينه ...

 

[أغلى حبيبه]

شي يديد الصراحه

 

[a-a-alrajhe]

هلا حبيبتي انا اقول عطيها فلوس اللي تقدرين عليه
اميه اوخمسين شي جذي وجمكلمه حلوة تكسبينها بالعكس
وتشوف انج حابتها واقفه معاهم
مو عادة نفسج غريبه عن العايله
صدقيني بتستانس وريلج بيستانس منج:rerrerek::eh_s(15):

نفس الراي​

 

[DALALEY]

حبوبه لازم عانيه اكيد بتكون قاطه فلوس وايد ومكلفها العرس الفلوس احسن شي خوفج تييبين لها هديه وماتعجبها

 

[شيهانه 23]

سياره



لوول امزح والله مادري انا قبل شهر زواج اخوي ولا وحده من حريم اخواني عطت امي شي
وانتي بكيفج

 

[غنج بدويـه]

عطيهـــآ 100

والله يتمم لهم أفراحهم ع خير

 

[~ الــــزيــــن ~]

عطيها 100 دينار غلفيها تغليف ذرب واهديها

 

[فديت سالم]

هههههههه الردود تضحك معقووووله ماتهدون خالاتكم ؟!! عندنا لااااازم بعرس حماتي كنت مفلسه وللعلم انا بعد موو موظفه اهديت خالتي ٥٠ وقطعتين خام وعبايه وكذا شغله بعد ووووو بخووور عطووور وحماتي عطيتها ٥٠
وعرسً حماي الشهر الجااي بعطيهاا ان شااءالله ١٠٠ وخاام وكذا شغله بعد