شنو اهدي ام زوجي بمناسة عرس ولدها؟؟

[أنوثه ودلع]

مدري احس ماله داعي تهدينها ابنها اللي يتزوج مو هي
انا يوم تزوج حدهم قهروني لا أم زوجي ولا اهل زوجي محد جابلي هديه مع العلم ان حالتهم الماديه ممتاااأزه ولا بيني وبنهم شي

 

[اميره1980]

الهدية للعروس مو حق امه
اذا تزوجو و اسكنو بيتهم زوريها و اهديها "" للعروس ""

 

[بنت الكويت 25]

انا اشوف مالة داعي تهدينها شي هذي وجة نظري

 

[Tauoofa]

مو تهدينها هديه
يعني توقفين معاهم قولي لها مثلا فلوس البوفيه والحلو والقهوه علي
انا اشوف جذيه احسن
والله يبارك لهم

 

[barbie girl]

مدري احس ماله داعي تهدينها ابنها اللي يتزوج مو هي
انا يوم تزوج حدهم قهروني لا أم زوجي ولا اهل زوجي محد جابلي هديه مع العلم ان حالتهم الماديه ممتاااأزه ولا بيني وبنهم شي

ما عطوج مهر وشبكه؟؟؟؟؟

 

[مذهــلــه]

ليش هي ام المعرس اللي تتكفل بالعرس والا الابو؟؟!!!!!

الهديه تكون للعروس والمعرس اخوه يهديه

اذا تبين تقديم شي من طيبج والا مو لازم انا هذا رايي اللي قلته اول بس استغربت من ردود البنات اللي قالو ان ام المعرس راح تكون متكلفه بالعرس ،، شكووو؟؟!! ))

 

[بنات حواء2]

ماكو شغل اعطيها شكو
مادري احنه ما عندنه جذي بصراحه
ولدها بيتزوج هي عطيها شكو شنو عروس

 

[بنات حواء2]

امبي توني افهم شسالفه
ههههههههه
ياحليلنه الحضر تهنه بالسالفه
ههههههههههههه
توني اعرف هذي العاده عند اخوانه البدو
عمومن انا احب عاداتكم فيها حس الكرم ملحوظ و الله يهنيكم فيها

 

[kareeb]

اااااااااااااب

 

[om_3azoz]

اول مره اسمع الحمى بيتزوج اعطي هديه حق الخاله اعطي هديه حق حماي يعني زوجته مو خالتي

 

[نـعـومـه]

اول مره اسمع ان لازم اهديها

انا بعد اول مره اسمع بهالشي

 

[om deaj]

مادريت يعطون ام الممعرس هدية
شكوووو

خلي فلوسج لج وكشخي بعرسهم وخلاص

 

[منال $]

والله حبيبي انا اول مرة اسمع انة لازم تهدي هدية لام زوجك
يمكن بعاداتكم هيك
اهديها شي ممكن تلبسو بفرح ابنها حسب شو راح تلبس فستان ولا اي شي تاني
ومبررررررررررررررررروك سلف

 

[ابدا يالغالي مانساك]

بنات ليش مستغربين هذي عاده عند
كذا قبيله تهدين ام الولد اللي هو المعرس بكيفج عندنا يعطون عانيه اللي هي فلووس 100 وفوق وفيه اللي تحت واللي يبي يجيب هدايا كيفيه
وبالنسبه للعروس كذا بعد يهدوون ام العروس والعروس
وبعد اللي تولد لاتقولون ماعندنا هالعااااااااده

 

[ELFAD3Ah]

عطي حق الولد مو الام فلوس احسن شي

 

[شب وحرمل]

والله بلشه الزواج تصرفين عليه وعلى اهله

 

[حالة حنان]

أول مره أسمع جذيه

 

[وآحشنــي زمآنـك]

مثل ما قالو البنات عينيها بحلاا العرس أو إذا سوت استقبال ..