شنو بيقولون عنا ناسبنا عبيد !! كلنا عبيد لله

[أمي قرة عيني]

اهلج ينظرون للمستقبل حتى عيالج بيطلعون سمر؟

طبعا مووو عذر بس اوضح وجهة نظر اهلج

اعرف واحد ابيييض ماخذ سمرااا حيييل و عياله سممممر و اهو قطنه احس ما ادري الموضوع مو راكب ع بعض؟!!

فكري شكلج كبيره بالعمر و تبين تتزوجين صح ؟؟

وفرضا تزوجتي شيفكج من نظرة الناس باجر و حتى عيالج حرام يتأذون

الله يكتبلج الي فيه الخير و اذا من نصيبج راح تاخذينه غصب عن الكل


الله يوفقج

لا ماني كبيره حيل 22 مو سالفة عمر السالفه أكبر ما أقدر أقولها خليها بقلبي

اللهم آآآآآآآآمين مشكووورة على الدعووووووووة الله يسعد قلبج

 

[أمي قرة عيني]

-

بصراحه تفكير اهلج خطأ
واذا لونه اسود عاااادي
بس مدري لـ متى هالتفكير راح يضل؟
هذا وبعد مسلمين وبعدهم يفكرو هالتفكير
والله الأجانب عادي عندهم حتى لو الوحده بيضه عادي تتزوج اسود والعكس
بس هنا التفكير مدري ليش جذي؟
وانتي حاولي تكلمين امج
طيب قولي حق امج يمكن يجيج واحد ابيض بس اخلاقه تكون صفر.!!!!
يعني هو ماشرط ع لون البشره اهم شئ الأخلالالالالالالالالالاق
توني ادري انه هالتفكير بعده موجود,!!!
ترى شئ عادي حيييل
الله يوفقج

أدري غلط وكل اللي قلتيه كنت قايلته لأمي وأمي ماعندها مشكله مشكلتها أن خواتي يوافقون وبس هذا المههههههههم

آمين ومن قال الله يفررح قلبج :eh_s(22):

 

[أمي قرة عيني]

مع احترامي لابوج واختج بس اهم بيطلعون ااصل واحسن وانسب من الرسول عليه الصلاه والسلام والعياذ بالله ، اذا ربج والرسول ما فرقوا بين الابيض والاسود وبين العربي والاعجمي اشلون ابوج الله يهداه ياي يفرق

المشكله ماكوو أبو عشان جذي الكل يقوول رايييه !! هدد !! خليها على الله

والبلا الاكبر والاعظم مايدروون عنج فوق والا حدر بس من يصير خطووبه يرتززون !

الله يقلب قلوووبهم قولوا يااارب :yaaaaaarb:

 

[أمي قرة عيني]

رد: شنو بيقولوون عننا ناسبنا عبــيــد !!

مارضاااااااا علي الخواااااااااال يازينهم زينااااااااااه خفافة دم وطيبة قلب وشكووو اختج شتبي قلنا الام الاب يرفض اهي شكو داشه عرض شتبي هذي حياتج بصراحة بطت جبدي اختج حقريها وشفيهم السمر ها كلمتها هذي راح تندم عليها حبيبتي مالج شغل فيها اصري علي هلج ختولي تغار منج اكيد هذي حياتج وانتي كيفج الريال مايعيبه غير جيبه والحمدلله ريال الله راهي وشكله مبين شاريج وداش من الباب مو من الدريشه يبي الستر والحلال وعلي قولتج منو يدري عن الثاني الكل لاهي اهي باجر لمن تتزوج ماتدري عنج اصري علي امج قوليلها انا مرتاحه حق الوالد وعاجبني ياربييي شكو توقف بحياتج. وكلمتها لمن تقولج عبيد ردي عليها كلنا عبيد الله وباجر لمن تموتين اعمالج وصدقاتج وحسن اخاقلاقج تنفعج بس لوني مراح يفيد سوي المستحيل وانشالله لج نصيب معاه ختولي وبشرينا ااااا الا الخوال هاااااا الله يوفقج حبيبتي *

كل الكلام هذا يعرفووونه بس مايقدرون يخالفون الاعراف هذا كلامهم وغير جذي على مسألة

الدين عارفين أن الشي هذا حراااااام

تراها متزوجه وعندها عيال ... آآآآآآه هو بس أخلاق وربي حتى صلاة الفير يقووم يصليها بالمسيد

انا أخوي بس صلاة اليمعه وساعات لا ما يروووح !! :eh_s(2):

مشكووره الله يوفقج انتي بعد :eh_s(7):

 

[أمي قرة عيني]

تفكيـر اختج غلط !!

شنو الاصل اول شي عقب الاخلاق والدين !!!؟؟؟؟؟!!!

والله شوفي آختج ,, اذا انتي صج تبينه وراضيه فيه وهلج ماعندهم مانع صلي استخاره والله يكتب لج الي فيه الخير

أدري غلططططط

شفتي شلوون أول شي الأصل هذه وين صارت !!؟

المشكله أهلي من ؟ أمي وأخوي وهي أمشيه رايهااا على الكل !! :eh_s(2):

 

[NEW WOMEN]

الله يكون بعونج غلاتي

 

[أمي قرة عيني]

بنات مو كل الردوود أقدر أعلق عليها بس بقوول وايد مشكوورات واااااااااايد أحبكم والله صج مو حجي بس

اللي قلبوا السالفه الكويت والسعوديه = الله يهديكم ترا صج محتااجه شوركم مو هواشكم !

والموضوع مو حكر للسنه ولا للشيعه شكو التفرقه كلنا بشر !

اللي دعووا لي وااايد مشكوورات الله يسعدكم

بنات انا كنت يايه بقوولكم شنو التطورات اللي صارت بس الهواش والحوسه نستني ^_^

رفيجتي تقول أخوها يبي يحاجي أمي ويفر رأسهاا بعيد عن أختي وأخووي وهي لا أقتنعت محد بيقول شي شرايكم ؟؟؟؟

أحس الحركه قووويه صج أمي طيبه واايد بس ردة فعلها شنو بتكون ؟ والله ما عنده وقت ولا يخاف بعد اللي صار ويبي يكلم أمي !

ودي أسأله شحقه متمسك هههههههه

أنطر ردوودكم بنات مو هواش تكفوون ...

 

[7elwa&3soola]

ادعي ربج وصلي استخاره واذا نصيبج بتاخذينه غصبا عن الكل وموفقه ان شالله

 

[ذوق الرياض]

أحترمك وأقدر وجهة نظرك أحسك منصدمه من طريقة تفكير أهلك أكثر من رفضهم للعريس , الله يعينك يارب
مع أن بعض الأحيان تمر علي مواقف أتفائل فيها بالمجتمع ( جارنا وصله صك من قبيلة معروفة تثبت نسبهم لها ورماه لأنه في غنى عن نسب يرفض بسببه خطاب خلوقين ودينين لبناته, أو يشعره بأن الآخرين أقل منه بحجة النسب)
الا أن قصتك وبعض الردود أثرت فيني الله يفرج لك ولكل الناس المسجونه بالعادات والتقاليد
وأقول لكل الناس اللي مقدسين هالموضوع تراه أقل من ماتتصورون لكن تربية أهلكم كبرته في عيونكم والدين بريء منه , وخلط الأنساب يجي من الزنا - والعياذ بالله - , أو تسمية الأيتام باسم كافلهم ( التبني )
أنا عني والله لو يتقدم لي واحد من أي جنسية أو أصل وخلوق ودين ما أرده عشان أصله
وحتى لو تقدم لي واحد من عيال القبايل بتمشي عليه نفس الشروط (الخلق والدين ) وزيادة ( مايوقف بطريق زواجات أولادنا مستقبلا بحجة النسب )
مع أن نسبنا يرجع لقبيلة بس مانفتخر ولا نتكبر فيه (الحمد لله حتى أهلي نفس التفكير )

 

[المرتاحة]

بنات مو كل الردوود أقدر أعلق عليها بس بقوول وايد مشكوورات واااااااااايد أحبكم والله صج مو حجي بس

اللي قلبوا السالفه الكويت والسعوديه = الله يهديكم ترا صج محتااجه شوركم مو هواشكم !

والموضوع مو حكر للسنه ولا للشيعه شكو التفرقه كلنا بشر !

اللي دعووا لي وااايد مشكوورات الله يسعدكم

بنات انا كنت يايه بقوولكم شنو التطورات اللي صارت بس الهواش والحوسه نستني ^_^

رفيجتي تقول أخوها يبي يحاجي أمي ويفر رأسهاا بعيد عن أختي وأخووي وهي لا أقتنعت محد بيقول شي شرايكم ؟؟؟؟

أحس الحركه قووويه صج أمي طيبه واايد بس ردة فعلها شنو بتكون ؟ والله ما عنده وقت ولا يخاف بعد اللي صار ويبي يكلم أمي !

ودي أسأله شحقه متمسك هههههههه

أنطر ردوودكم بنات مو هواش تكفوون ...

والله فكرة حلوه انه يكلم امج بس المشكلة امج بسرعه تتأثر باختج و تغير رايها

يعني مادري والله

بس حلوه ان يحاول سبحان الله ما تدرين شنو بيصير يمكن اخوج واختج يغيرون رايهم

وان شا الله يارب اذا اهو فيه فيه يكون من نصيبج يا رب

 

[بحر هادي]

زين والله اذا بيكلمها لحالها..بس اهم شي لايدرون اختك واخوك..

الله يسهل اموركم..وطمنينا عاد

ياارب نباركلك باقرب وقت

 

[OM BARAK]

الله يرزقج باللي احسن منه

انتي صغيره وحلوه و الطريج جدامج طويل لا تحاتين و تفكرين نصيبج انشالله بييلج
والاهل ساعات يشوفون شي احنا مانشوفه بس بعد سنين نتذكر ونقول صح كلامهم​

 

[حامضه]

الله يجعله من نصيبج انتي ادعي ربج مالج غيررره والله كريم
والله يفكنا من بعض التعقيد والتخلف في بعض الاموورّ!!!!

 

[ƒⱥ6ǿØǿღ]

الله يكون بعونج

 

[UNICORNA]

رد: شنو بيقولوون عننا ناسبنا عبــيــد !!

وربي من كثر كرههم للخوال ربي أرسل هالادمي !!

والا انا وين وهو وين !

لا واللي يقهر المشايخ الكشف حرام والنمص حرام والعطر حرام ومدري شنو حرام امور ظاهريه

يحجوون فيها طيب والامور العقديه اللي على أساسها أنبنى الاسلام !

من تقووى وعفه وتسامح وتواضع ومساواة ما أحد يحجي فيها ! :eh_s(2):

الدين بالمزاااج ! :eh_s(2):

وانا من قبل لا يخطب ماعندي مشكله ويا الخوال يعني اللي اقووله مو بس عشان واحد منهم خطب

شوفى انتى عشان نيتك طيبه وماتنظرين للناس بدونيه فأعرفى ان ربك راح يعطيك

احسن شى ان شالله

وفعلا الدين صار مزاج عشان كذا دوم فى كل ردودى اقول واعيد ان مو كل شى يقولونه

الشيوخ تاخذونه ترا الشيوخ بعد يحورون الدين حسب تربيتهم واعتقادتهم الخاصه

فلازم تعقلون الشى بالاول وبعدين تتوكلو على الله ( اعقلها وتوكل )

والرسول عليه افضل الصلاوه السلام قال بما معنى

من جاءكم ترضون دينه وخلقه فزوجوه والا باء وباء فى الارض عظيم

و ماقال من جاءكم ترضون لونه وماله :eh_s(4):

علاوه ان الله وديننا مافيه ابيض واسود ولا طويل ولا قصير واللى يطالعون الناس

بدونيه كنهم مو متقبلين خلقه الله :eh_s(2):

لازم تكلمين حد عاقل وراسه كبيره مثل عم لكى او خال او او

ودامك موافقه فربك يكتبلك اللى فيه الخير وكلن بياخذ على نياته :eh_s(7):

 

[UNICORNA]

على قوله البنات خله يقابل امك حتى بالصدفه

يعنى انزلى انتى وامك المول مثلا وسوى انك قابلتى صاحبتك واخوها بالصدفه وخله يكلمها

او يشوفها او اى شى كنها صدفه ماتعرفين يمكن ربك يسهلها عليكى (=

 

[أمي قرة عيني]

المشكله ماكو أحد كبير عندي !

الله ييسر الموضوع الحين أخته تقولي خوفي أمج تقوول أنه بينكم شي وااايد صعبه باجر حتى الجامعه يحرمونج منها خرعتني

وهو قاعد يقول بكلمها بطرريقه أخليهاا توافق تتطمن عليها وهي وياي ! والله ما أدري

ولو بيسويها بيسويها وهو مسافر عشان أبد لا ينقال أنعرف بعض هو جذي تفكيره

المرتاحه تصدقين عاااااد هذا الللي يخوف بسررعه تتأثر من أختي الله يسامحها

بحرر هادي على قوولج بفكر فيهاا عدل عدل عشان لا أندم والا تصير بلاوي أنا بغنى عنها

وانا بأذن الله راااح أقوولكم شنو يصير وياااااااي

بحفظ الله ^_^

 

[أمي قرة عيني]

حامضه

ام براك

مشكوورات الله يسعدكم ياااااااااااااااارب

 

[أمي قرة عيني]

على قوله البنات خله يقابل امك حتى بالصدفه

يعنى انزلى انتى وامك المول مثلا وسوى انك قابلتى صاحبتك واخوها بالصدفه وخله يكلمها

او يشوفها او اى شى كنها صدفه ماتعرفين يمكن ربك يسهلها عليكى (=

بقولبها بمخي عشان لا أتوووهق :eh_s(2):

مشكوووووورة وان شاء الله أطمنكم قريب :eh_s(7):

 

[أمي قرة عيني]

الله يكون بعونج

آآآآمين ومن قال يااااااااااااااااارب

شحليلتج تاااسع واااي من زمان عن هالمررحله

مشكووووووووووره والله يووفقج :eh_s(7):