شنو تبين من أمج؟؟ علشان نسمعكم ونعرف شنو اللي بقلوبكم

[الصابرة المحتسبة]

السلام عليكم​

شلونكم يا أحلى من الحلى كله​

اي موضوعي لكم يابنيات أبي تقولون كل شي بخاطركم​

شنو اللي تبونه من الأم؟؟؟​

ناقصكم شي ؟؟​

تكلمتوا وماسمعنالكم؟؟​

فهمتونا واحنا ما نبي ؟؟​

مرت عليكم اوقات تبونا وما لقيتونا؟؟​

مشكلة مرت عليج بمدرسة او كلية او حتى بينج وبين رفيجتج وماوقفنا معاكم؟؟​

كله انتوا الغلط واحنا الصح؟؟​

سلبياتنا ؟؟؟ ​

تفضلوا العين أوسع لكم من المكان.​

 

[حسآويه]

رد : شنو تبين من أمج؟؟ علشان نسمعكم ونعرف شنو اللي بقلوبكم

شنو اللي تبونه من الأم؟؟؟

الحب و التفااهم و الحنااان والحمد لله كل هذا في امي​

ناقصكم شي ؟؟
بوجودها مو ناقصني شي الحمد لله
يمكن احيانا تنقصني اشيا بس عادي .. شي يعوض شي ثاني​

تكلمتوا وماسمعنالكم؟؟
لا ​

فهمتونا واحنا ما نبي ؟؟
لما كنت اصغر احس اني اكلمها وماتفهمني وماتحس فيني
بس كبرت و عرفت انها حاسه فيني وفاهمتني وقلبها على قلبي​

مرت عليكم اوقات تبونا وما لقيتونا؟؟​

الله لايجيب هاليووم ..

مشكلة مرت عليج بمدرسة او كلية او حتى بينج وبين رفيجتج وماوقفنا معاكم؟؟​

لالا الله لايخليني منها ولا من وقفتها معاااي

كله انتوا الغلط واحنا الصح؟؟
احيانا هذا تفكيري .. بس الصح امي و اهي ادرى بمصلحتي وخبرتها بالحياااة اكثر مني

سلبياتنا ؟؟؟

الأم لو فيها عيوب الدنيا نحبهـا بكل عيوبها​

موضوعج حلووووو يالصابره .. تسلمين ياقلبي :wqedqw:

 

[شطانه طفله]

رد : شنو تبين من أمج؟؟ علشان نسمعكم ونعرف شنو اللي بقلوبكم

شنو اللي تبونه من الأم؟؟؟

انا ابي حنان وثقه وحب :eh_s(2):​

ناقصكم شي ؟؟
ناقصني دفا الام :eh_s(2):​

تكلمتوا وماسمعنالكم؟؟
الله كريم :eh_s(2):​

فهمتونا واحنا ما نبي ؟؟
كله اندم اذا فتحتلها قلبي :eh_s(2):​

مرت عليكم اوقات تبونا وما لقيتونا؟؟
اي :eh_s(2):​

مشكلة مرت عليج بمدرسة او كلية او حتى بينج وبين رفيجتج وماوقفنا معاكم؟؟
اي لان اذا بقولها بتسويلي سين وجيم :eh_s(2):​

كله انتوا الغلط واحنا الصح؟؟
اي :eh_s(2):​

سلبياتنا ؟؟؟ ​

ما تسمعيني دايما وكله عبالج ان انا مو زينه ما توقين يمي يمه احبج بس محتاجتج يمي ما عندي احد غيرج ليش بعيده عني :eh_s(2):


موضوعج وااااااااايد حلو انشالله لي عوده وافتح قلبي اكثر بهالموضوع اللي يطبطب على الجرح :eh_s(2):

لان الحين خلص الدوام :eh_s(4):

 

[نهى الأحمد]

جزاك الله الف خير يا الغاليه


عساه في ميزان حسناتج


يا احلى واغلى ام بالدنيا

 

[غير كل الناس]

مابي الا شي واحد بس





































رضاها

 

[كيكه توفي]

شنو اللي تبونه من الأم؟؟؟

الحنان

ناقصكم شي ؟؟
وجودها معاي على طول كافي الحمدلله

تكلمتوا وماسمعنالكم؟؟

لا
فهمتونا واحنا ما نبي ؟؟
احيانا

مرت عليكم اوقات تبونا وما لقيتونا؟؟

اي
مشكلة مرت عليج بمدرسة او كلية او حتى بينج وبين رفيجتج وماوقفنا معاكم؟؟
لا

كله انتوا الغلط واحنا الصح؟؟
لا

سلبياتنا ؟؟؟

تقولون حق الناس عن اغلاطنا المفروض مايطلع من البيت

ومشكوره

 

[ام دليار]

رد : شنو تبين من أمج؟؟ علشان نسمعكم ونعرف شنو اللي بقلوبكم

جزاك الله الف خير

 

[*الأثــــــــير*]

عسى الله يخليها لنا ورضاها با
لدنيااااا كلها

 

[نور مغليها]

رد : شنو تبين من أمج؟؟ علشان نسمعكم ونعرف شنو اللي بقلوبكم

انا امي ما قصرت معاي بــأي شي ’ أنا الي قصـــــرت معاها بكـل شي
والله صج اتمنى إنها تساامحنـي وما تزعل علي ...

احيـآنـأأ أكون معصبهــ وتسسـألني اشفيج ومن العصبيــهـ والضيقهـ اعصب واتهاوش واياهاا


بصريح العبآآرهـ << ماعمري تمنيتها ومالقيتهاا .. كل ما بغيتها الاقيها جدامي
الله يخليج لي يا يمآآآآآآآآآ




الله يطول بعمرج وعسى يووومي قبل يووومج ..

 

[اكابر]

امي فديتها ..

على طووووووول اذا احتجتها الاقيها ..

بس ساعات ما اقدر اتكلم احس صعب اطلع اللي بقلبي ...

يما احبج واسفه على كل غلط غلطته بحقج ..

تسلمين ياقلبي على هالموضوع..

 

[معكرونه أسبكتى يم يم]

رد : شنو تبين من أمج؟؟ علشان نسمعكم ونعرف شنو اللي بقلوبكم

ابي منها بس تحفظ اسراري مو كل شي ينقال لخالاتي

 

[$الـــحـــلاوه$]

رد : شنو تبين من أمج؟؟ علشان نسمعكم ونعرف شنو اللي بقلوبكم

؛

مادري ليش دمعت عيني يوم شفت الاسئله
ماماتي فديتها مو مقصره معانا باي شي
انا احس اني مقصره بحقها حبيبتي
وان شاءالله تكون راضيه عني على طول
الله يحفظها ويشفيها ويخليها لنا ​

 

[فانتا ستروبري]

شنو اللي تبونه من الأم؟؟؟

ابي منها العطف والحنان والاهتمام وشوي تحس فينا

ناقصكم شي ؟؟

اشياء وايد ودي تهتم فينا تدافع عنا تحبنا وما تقصر علينا بشي ولا تجرحنا

تكلمتوا وماسمعنالكم؟؟

وايد او دايما اتكلم وماكو فايدة اخر شي قمت ما اشكي لها ولا اقول لها شي

فهمتونا واحنا ما نبي ؟؟

دايما افهمها واهيه ما نبي تفهم تبي تسوي اللي براسها واللي يقولونه خواتها وبس

مرت عليكم اوقات تبونا وما لقيتونا؟؟

اي والله صارت لي مشاكل الدنيا المفروض اقول لها حق امي وما لقيتها او ما سمعتني ولا عبرتني

مشكلة مرت عليج بمدرسة او كلية او حتى بينج وبين رفيجتج وماوقفنا معاكم؟؟

اي وفي مشاكل وايد ما قلت لها لان اي شي بالبيت يصير تروح تقول حق خواتها ماكو سر بالبيت

كله انتوا الغلط واحنا الصح؟؟

اي كله احنا الصح وامي الغلط لان تسوي شي بدون تفكير تروح تسأل وتطبق عليها لو شنو تسويه عادي

سلبياتنا ؟؟؟

انها ما تسمع لنا شي ولا توقف ويانا ولا تدافع عنا واشكثر تصير مشاكل مع خواتها وعيالهم

دايما تصف معاهم ضدنا مع ان احنا حدنا محترمين مع الكل ولا نقل ادبنا على احد وكله ساكتين

وجم مرة تصادفنا مشاكل بحياتنا سواء انا او اخواني تروح تقول السالفة كلها حق خواتها

احس البيت صار ما فيه خصوصية واذا محتاجين شي كله تقول ما عندي خاصتا اذا فلوس

بس خلتيي اختها تبي لو 1000 دينار تدبر لها لو من تحت الارض

والحين انا واختي تزوجنا وما نحس ان فقدنا الام او نوله عليها عادي السالفة يعني

مرات شهر شهرين ما ازور ما يهمني احس ودي احس الاحساس اللي يحسونه كل

الناس والعلاقة بين الام وبنتها المفروض تكون صداقة حب صراحة منعدمه الثقة بيني

وبينها اشوف كل الامهات يخافون على عيالهم ويلمونهم ويبوسونهم اللا انا ما اشوف

هالشي لي درجة اني اقول اي شي سوته امي ما راح اسويه مع عيالي ان شاء الله

راح احطهم بعيوني واحبهم واحافظ عليهم واخليهم يصيرون مثل اصدقاء وكل شي

يقولونه ويعبرون عن مشاعرهم تجاهي

ادري حدي طولت بالرد بس قلبي متروس ومفكرة من زمان اسوي موضوع عنها وابي

حلول للمشكله اللي احنا فيها

ومشكورة عالموضوع حبيبتي ​

 

[الـــدفـــشـــة]

امي ياما وقفت معاي بكل شي وبكل موقف

يارب انك ماتحرمني منها ومن حنانها


تسلمين على هالموضوع الروعه مثلج

 

[أنفاسي دخون]

ما ابي من امي الا رضاها ودعاها لي

يا ربي لك الحمد انا اشوف امي احسن ام في الدنيا كلها من يوم حنا صغار ما تعاملني انا وخواتي كأم وبناتها بالعكس كنها رفيقتنا ويوم صرنا مراهقات ما خلتنا بروحنا كانت تدش بجونا وتسمع مغامراتنا حتى كنت انا معجبه بشاعر لا شافت مجله فيها اللي احبه شرتها تقول تسوون الشي من قدامي ولا من وراي والحين انا اخذ طريقتها بالمعاملة

والله ما اذكر اني خشيت عليها شي سواء شي حلو بتمدحني وتستانس مني او شي غلط وادري انها بتزفني وتلعن خيري وكل هذا نتايجه اثمرتها الحين

الله لا يحرمني من رضاها والله يرزقها بري وتشوف نفعي انا واخواني وجعل يومي قبل يومها

 

[أم تذكار]

رد : شنو تبين من أمج؟؟ علشان نسمعكم ونعرف شنو اللي بقلوبكم

وجودهاااااااااااااا بحياتي يكفيني

ربي يخحليها لييييييييي ياااااااااارب

ويبعد عنها كل حاااااااااااااااااسد ومناااافق يارب

 

[MoonDiamond]

مابي الا رضاها
الله يرحمها
ويزاج الله خير على هالموضوع الحلو

 

[الإسراء]

ما أبي من أمي غير رضاها علي ودعاءها ..
يا ربي توفقني في خدمتها وطاعتها ..
ما أبي منها شي .. الحمدالله مكفية ووفت وألحين دوري أخدمها وتطلب مني ..
أحسن ام في الدنيا وما في مثلها ..
الله يخليها لي ويطول بعمرها ..
مو عشان شي بس عشان أخدمها .. ورد الجميل مع إني لا يمكن إني أرده ..


وااي خليتي الدمعة على عيني ة..
يعطيج العافية عالموضوع الرائع ..

 

[كوشيه فوشيه]

رد : شنو تبين من أمج؟؟ علشان نسمعكم ونعرف شنو اللي بقلوبكم




امي مو مقصره معاي بشي بالعكس انا اللي مقصره



قبل كنت ما احب اسولف لها عن اي شي يصيرلي



لاني كنت احس انها ماتفهمني مع اني ماكنت مجربه



بس كانت هالشغله مطبوعه بــ بالي



بس الحين صرت اقولها اشياء وااجد واكتشفت انها تفهمني حييل



وحتى لو كان الشي اللي سويته غلط ماتهاوشني بس تنصحني بأسلوب



يجبرني اطيعها الله يخليها لي يااارب ويطول لي بعمرها



ومابي شي سوا رضاها فديتها



يعطيج الف عافيه موضوعج روووعه :eh_s(22):

 

[Flower20]

رد : شنو تبين من أمج؟؟ علشان نسمعكم ونعرف شنو اللي بقلوبكم

الله يخلي كل الامهات ويحفظهم من كل سوء