شنو تبين من أمج؟؟ علشان نسمعكم ونعرف شنو اللي بقلوبكم

[ملآمح يوسفيه]

رد : شنو تبين من أمج؟؟ علشان نسمعكم ونعرف شنو اللي بقلوبكم

ما ابي غير رضآآهاآ

​

 

[عرش الأنوثه]

شنو اللي تبونه من الأم؟؟؟

تفهمني وتدعيلي بالتوفيق
واحس انها مو راضيه عني مادري ليش


ناقصكم شي ؟؟
اي ناقصني للأسف

تكلمتوا وماسمعنالكم؟؟
اي وايد

فهمتونا واحنا ما نبي ؟؟
ياما وياما

مرت عليكم اوقات تبونا وما لقيتونا؟؟
وايد اوقات

 

[M!s$ GoOnA]

رد : شنو تبين من أمج؟؟ علشان نسمعكم ونعرف شنو اللي بقلوبكم

ياااااااااااااااا بعد قلبي وروحي وجبدي وحياااااااااااااااااتي كلهاا يا يمه الله لا يرحمني منج ياارب


تسلمين على الموضوع الحلو

 

[Kitty^_-Kat]

انا علاقتي بامي ماكانت وايد زينه بكل طلعه نختلف ونتهاوش

بس اخر هوشه صارت انها حلمت حلم موزين وريلي كان يبي يسفرني قالتله لا وقنعته

فعصبت وقلتلها موكيفج وانا بقط ولدي لانه حجزنا قصيت عليها جان تقولي مابي ولدج لاتيبينه عصبت زياده

وانا بالسياره اكلم ريلي واصارخ واقوله ماحبها ومابي اشوفها وسبيتها وقلتلها حتى ولدي ماتشوفه ولاازورها

ماوعيت الا وانا بنص الشارع وناس حولي وحرمه فتحت عبايتها تغطيني من الشمس وشباب قاطين غتررهم علي قلتلهم انا احلم ولاشنو

طلع اني انقلبت بالسياره مرتين ومة قوه القلبه طلعت من جامت الباب اللي يمي يعني تقريبا طرت لي نص الشارع

ويوم كنت بالمستشفى مخدريني ماكنت واعيه باللي اقوله يوم شفتها تبجي وماسكينها وكانت منهارره قلتلها انتي ماتحبينيييي وماتحبين ولدي

طلعوها برا لانه كانت بطيح من شافتني


بس والله يايمه انا اسفه وانا احبج محد ساعدني وخلاني ارد امشي غيرج كانت تشيلني وتغيرلي وتسبحني لاني من العوار اصارخ على السسترات وتقوم من نومها تلفني يمين ولايسار لاني ماكنت اقدر اتحرك كلش احبها والله يخليها حقي

الحين مستحييييييييييييييييييييييل ازعلهااااااا اذا قالت لا ادري تبي مصلحتي

 

[جروح خالده]

رد : شنو تبين من أمج؟؟ علشان نسمعكم ونعرف شنو اللي بقلوبكم

امي مشكلتها طيبه زايد عن اللزوم
تحب اخواني وتحبني اكيد بس احس بغيره من كثر ماتحب اخواني ..

فاقدي حنانها وعطفها علي من انا صغيره ,,بخاطري يوم توقف معاي وتقولي انتي صح بخا طري تبين لي حبها وتمدحني

احس بتفرقه بالمشاعر خاص بين خواتي معني اصغر واحده ,,

امي طيبه حيل وتحب الخير لي ولغيري كررريمه لدرجه التبذير بس ماعمرها بين لي حبها واهتمامها وخوفها

لدرجه والله كنت اتمني اتعب واطيح بالمستشفي عشان اشوف غلاتي عندها








((بس محتاجه حنانها ))


تكفوون ادعولها ربي يشافيها وتريح بالها حييل تعبانه