شنو تحبين أكثر

[خالتي عمتي]

السلام عليكم بنات

شلونكم ان شاءالله بخير ........عسى دوووم يارب

أنا عندي سؤال و أبي الكل يجاوب عليه .. .. .. و بكل صراحه

إذا سافرتي تحبين تروحين في جوله سياحيه حق الأماكن المشهورة و التاريخيه بالدوله


ولا

تحبين تروحين حق السوق و تتسوقين و ما تخلين محل الا داشته


شنو تحبين قولي و بكل أمانه .. و أنا ما أنسى انج امراءة تحبين السوق و الفره

بس أنا الصراحه أحب أشوف معالم الدوله و إذا رحنا السوق حيل اتملل منه أشتري شي أو شين بالكثير

ولا بعد أوقف عند باب المحل علشان الوالده تستعجل:dddds:

و إنتوا يا بنات المنتدى شنو تحبون

و آسفه على الإطاله ::​

 

[شقرديه]

انا بالنسبه لي احب اتفسح -->على قولة امي خخخخخخخ
والسوق لاحقين عليه

 

[حاااايره]

انا بصراحه مو ذاك الزود مع السوق ولا يهمني بس احب اشتري اللي ناقصني واذا سافرت اشتريلي شغلات خفيفه عن الحسووفه حتى زوجي مستغرب ومستانس مني

والاماكن المشهوره احبها اكثر

 

[خالتي عمتي]

مشكورة أختي شقردية على المرور الطيب و المشاركة الطيبة و أنا نفسج عندي أتفسح و السوق لا لأ بس طله بسيطه .

مشكورة أختي حااااير على المرور و المشاركة الطيب و الصراحه مالومه لأن إذا تبين تجابلين السوق ما تخلصين منه و لا بعد لا تنسون الصوغه حق فلان و فلانه الله يعينهم علينا .




شدعوه بنات بس بنتين الي شاركوا ليش ناقشوا معانا يلا نبي مشاركه طيبه منكم .:gathering:​

 

[miamy]

مممممممممممممم

طبعا الماكن السياحيه واللي تونس واحب اشوف آثار قديمه وقصور وجذي..

بس اذا رحت السوق لاااااازم اشتري

وبالسفر لازم بتلقطين من عندهم سوالف وتناتيف

 

[om mariam]

انا احب اشوف كل شي بعدين السوق قبل لا ارد علشان عيالي لا يقولون ماشريت لنا شي

 

[rawona]

انا احب استانس بالمكان اللي ارحله وامر على اهم الاماكن والمعالم السياحيه فيه ..

بس في دول معينه الواحد يتعنالها قبل للسوق مثل اسواق لندن وامريكا بس الحين انا اشوف كل شي موجود بالكويت والله يخلي التكنلوجيا اللي تقدرين تطلبين من الانترنت اي شي تبينه ويوصل عندج للباب ..

فالشوبنغ اخر شي نسويه قبل الرده مو الاساس ..

ومشكوره على الموضوع :eh_s(8):​

 

[[Q8TYA]]

انا عندي الثغلتين مهميييين
الطلعات والرحلات والاماكن المشهوره بالديره لازم نروحلها والسوق بعد لااااازم
ومرات نخلص الرحله الصبح وباجي اليوم بالسوق فنستغل اليوم بالشغلتين مانضيع وقت

 

[الانثى الصعبة]

انه اهم شي عندي السوق والدولة الي اروحلها اول شي اسويه اطب سوقها طوالي لاني وايد احب السوق انسى نفسي فيه

 

[خالتي عمتي]

مممممممممممممم

طبعا الماكن السياحيه واللي تونس واحب اشوف آثار قديمه وقصور وجذي..

بس اذا رحت السوق لاااااازم اشتري

وبالسفر لازم بتلقطين من عندهم سوالف وتناتيف

مشكوره على المرور الطيب أختي و الله ياليت تصير سفراتنا كلها سياحيه و تكون رحت السوق حق الأسواق الشعبية و بس . ​

:tek:

 

[خالتي عمتي]

انا احب اشوف كل شي بعدين السوق قبل لا ارد علشان عيالي لا يقولون ماشريت لنا شي

شكرا على المرور و الرد الطيب أختي ، الله يعين اليهال لازم سوق ولا سوق الألعاب الله يختارون كذا لعبه حقهم الله يعينكم عليهم أنا أخوي الصغير لازم جذي من ندخل السوق يروح يدور محل ألعاب .:tek:​

 

[خالتي عمتي]

انا احب استانس بالمكان اللي ارحله وامر على اهم الاماكن والمعالم السياحيه فيه ..

بس في دول معينه الواحد يتعنالها قبل للسوق مثل اسواق لندن وامريكا بس الحين انا اشوف كل شي موجود بالكويت والله يخلي التكنلوجيا اللي تقدرين تطلبين من الانترنت اي شي تبينه ويوصل عندج للباب ..

فالشوبنغ اخر شي نسويه قبل الرده مو الاساس ..

ومشكوره على الموضوع :eh_s(8):​

مشكورة أختي على المرورالطيب و المشاركة الحلوه:dddds:

أنا أيدج أن الكويت كل شي عندها حتى المحلات الأمريكيه بدوا يبطلونها في الكويت بمجمع الأفينيوز والانترنت بعد كل شي يعجبنا طلبنا منه . بس في ناس تكون رحلتهم كلها سوق بسوق ، يعني أنا لو على الوالده تروح تتسوق و لا تروح أماكن سياحيه . و:tek:

 

[خالتي عمتي]

انا عندي الثغلتين مهميييين
الطلعات والرحلات والاماكن المشهوره بالديره لازم نروحلها والسوق بعد لااااازم
ومرات نخلص الرحله الصبح وباجي اليوم بالسوق فنستغل اليوم بالشغلتين مانضيع وقت

مشكوره أختي على على المرور الطيب و المشاركة الحلو ، الصراحه مو كل يوم تروحين السوق و تتسوقين بس إذا كان عندج وقت فراغ بس و الله الأماكن السياحيه عندي أحلى على الأقل إذا رديتي الديره و سألوج عن مكان تقولي رحتله .:tek:​

 

[خالتي عمتي]

انه اهم شي عندي السوق والدولة الي اروحلها اول شي اسويه اطب سوقها طوالي لاني وايد احب السوق انسى نفسي فيه

مشكوره و ما قصرتي أختي على المرور الطيب و المشاركه الحلوه ، الصراحه مو كل يوم بالسوق راح تملين
و إذا رحتي أماكن سياحيه راح تعرفين أكثر عن الدوله ، وإذا أحد اسألج عنها أو سألج عن المكان معين راح تقولين إي و الله رحت و شفت إهو حلو أو مو حلو . :tek:​

 

[اميرة الغيد]

انا عن نفسي اهم شي عندي السوق صج كل شي موجود بالكويت بس احب السوق شاسوي ، بس مع هذا اقولج حسب الديره اللي تروحين لها ، يعني مثل العام رحنا ميونخ سوقها حلو ويبرد الكبد وفريت فيه عدل ، بس يوم رحنا باريس ضاق خلقي لان اغلب اسواقها ماركات يعني لو اشتري راح اشتري شي واحد او اثنين او 3 بالكثير يعني مابرد قلبي من سوقهم ، صج فيها اماكن سياحيه بس هم السوق مهم ، الديره اللي مافيها سوق يسوى مثل فيينا وزلمسي ماتعجبني مع ان زلمسي حلوه .