شنو تحطين بجنطتج لطياره

[Rimova]

هااي بنات شلونكم
عندي سؤال وااايد يخطر في بالي "شنو تحطين في جنطتج للطياره؟؟"
كل ماسافرت اشوف جناط اليد ملوت البنات كبار ومتروسه ,وانا وحده منهم
فكل وحده تقول شنو لازم تحط فيها

 

[Rimova]

انا ببتدي
لازم يكون فيها جنطه صغيره فيها عده المكياج لضروره +البوك+عطر+الموبايل+كلينكس معطر+كلينكس عادي+نوته+قلم(ضروري)+
نظارتي الشمسيه ونظاهر ريلي الشمسيه+مفاتيح الشقه
وقبل مااروح المطار لازم احط اشياء اكون ناسيتهم مثل دبابيس للشيله واشياء ثانيهمثل ساعه اذا مالي خلق البسها وبس

 

[حلم الأمومة]

انا عن نفسي احط ... جنطة مكياجي بس تكون صغيره ..والبوك نوتة صغيره مع القلم ..لوشن لليدين ..وكريم الحماية ... صابون غسول للبشره .. مناديل جونسون المعقمة لازالة المكياج ..نظارتى الشمسية ..وجوازاتنا وبطاقة السحب ..واهم شي بندووول وعلج وجم حلاوة لزوووم هبوط الطياره وسلااااااااامتج

 

[toot^o^mishmish]

انا اول شي احط قراني وكتيب صغير مال ادعية واحط جنطة مكياج صغيييرة وغسول مال ايدين ديتول ....
والايبود ونظاراتي وكريم مال ايدين وويه والبي اس بي مالت ريلي وحلاو وكاكاو واهم شي مجلتين (ما ادري ليش اموت عالمجلات بالطيارة)
ووايييييييييييييييد اغراض والله اتذكر وارجعلج...

 

[مســـــافره]

جنطه ميكب صغيره - جل ديتول المعقم - منظره - علوووج - عطر - بوك - نظاره شمسيه - تلفون - كريم مرطب للايد - بندول وبسسسسسس

 

[ديما الكويت]

كلينكس ،كري فيري ، سروال (بانتي) لاتضحكون إحتياط ،معقم الأيدين، علوج/كاكاو كيت كات/مجلات أو كتاب صغير /منظرة صغيرة /دلاقات(جوارب) احب امدد ريولي بالطيارة وهذا كل اللي على بالي ناو

 

[ام عيالها الغاليين]

حبوب دوار الطيارة،،بندول،،كلينكس،،قلم ونوته،،شنطة مكياج الصغيرة،،موبايلي،،علك،،حلاو

 

[اوركيدا]

دايما اثقل واتحسف ..
شنطه مكياج فيها فاونديشن السائل والبودر وكحل سائل او كحل داخل العين ومسكرا وحمره وقلوس وبلاشر وعلبة الشدو بألوان بدلة المطار او بروشات للشدو

ومن هالشنطه كلها مااستخدم غير الفاونديشن البودر .. الكحل السائل القلوس والمسكره والبلاشر وبروشه بس .. داااااائماً.

معقم Bath and Body works او كلينكس ديتول وعادي .

عطر صغير (مع الانظمه اليديده .. عادتاً اشتري العطر من المطار مايكون عندي صغار لانه).

قلم او دفتر .. مااحتاج الدفتر الا نادرا او القلم مهم لتعبئة الفورمات قبل زحمة المطار.

كاميرا لانه عندي كبيره وصغيره فانا افضل اخذ للمطار لصغيره منهم بجنطتها.

كتاب حصن المسلم وريشه لشعري .. بس

 

[Rimova]

لاحظت ان مانستغني عن المكياج حتى بالسفر لووووووووووووووووووووول

 

[R&N Store]

آيبود , PsP , حلاو و كاكاو لول << ناقصين شحم..
كاميرتي , بوكي , نظارتي الشمسيه
نوت و قلم , انتي بكتيريا , كلونيا صغيره
كلنكس , موبايلين , كير فري , روايه و مجلات

 

[NoWay2know]

أحط dvd عشان اتسلى واحط مجلات عشان اقراهم واحط لعبة سودوكو عشان احلها ، وقلمين ، وآلة حاسبة
والباجي الاشياء الاساسية ..

 

[bint_looda]

احط طبعا تلفوني وبوكي واحط بعد بسكوت بكاكاو او اي شي خفيف احط لازم علج واحط كتاب سودوكو ااو مجله وباقي سوالف اللحظه الاخيره الي ماقدر ادخلها الجنطه الكبيره

 

[روعة خيال]

أنا احط بالجنطة بوكي و موبايلي و الايبود نانو وحصن المسلم و جنطة صغيرة للمكياج و اممممممممم

علج عشان الضغط

و كاميرتي و الشحن مالها


وبث

 

[white**angel]

احط بوكي - كامرتي - تلفوني - معقم - علج - ككاو - كريم للايد - عدساتي الطبيه - نظاراتي- قلوس
نوته وقلم وبس

 

[الجزيره الجذابه]

البوك -النظاره - كريم للايد- كلينكس مبلل- كلينكس عادي -كاميرا ص - عطر ص - علج لوووووووووووول

 

[hello!]

بوكي . ايبود .نظاره شمسيه . قلوس . كلينيكس ديتول معقم . كريم مرطب . كاميرا صغيره . علج . تليفوني . وكتاب حصن المسلم الي فيه الاذكار الصباحيه والمسائيه وبس لووول

 

[مغروره بس معذوره]

لاحظت ان اكثركم نفس الشغلات تاخذوون

انا احط بوكي - نظاره شمسيه اذا سافرت الصبح او الظهر - تلفوني - جنطة مكياجي - كلينكس ديتول و المعقم ديتول ( احب الديتول ) - كلينكس عادي - علوووووووج لازم طبعا- كريم ايد - كير فري او كوتكس - عطر - مبرد - فلاش --- طبعا هذيل ماشيلهم من الجنطه لو وين ماروح

 

[إستبرق]

وي الله يعين الجنطه على الغراض تصير اثقال
كننكس - معقم ديتول - كامره - نظاره شمسيه - بوك - حمايه- كريم صغير - فنديشن - بودره - كحل - مسكره- محلول للعدسات - علبه عدسات - طبعا ككاو وعلج وممممم بعد يربي احس ناسيه اشياء

 

[الـمـــــاااااس]

اية والله متشابهين

انا ماخذ جنطة مكياج احب تكون جنطتي خفيفه قد ماقدر

اخذ معاي البودرة وقلوس ونوتا وقلم وادعية وكاميرا طبعا وتيلفوني وكلينكس و ديتول معقم وبوكي وبطاقة الكي نت و بنندول علوووووووج واااااايد اوزع على اخواني ههههههههههه و حلاو و عطر وكريم لليدين اغلب هالاشياء ماتطلع من جنطي سواءا بالكلية او بالسوق او السفر

كلها مهمه

بعدين اطلع القى الجنطقة هالكبر وانا ودي اخفف
هههههههههههههههههههه

صج بنات مانعرف نخفف

 

[raq6a]

انا آخذ جنطتين معاي وحده كروس والثانيه هاند باك

الكروس احط فيها :- البوك والنظارة -قرآن -كتيب صغير اذكار -المخدة مالت الرقبه اذا كانت السفره طويله - عطر والجوازات والتذاكر - كلينكس - كلينكس ديتول -كريم - كاميرا

الهااااند باااااااااااااااك احـــــــــــط فيها ههههههههههههه :- نوعين حب حق ريلي عشان ألهيه عن السجاير -بطاط - كاكاو - بسكوت - شنطه صغير مكياج -كير فري - ساعات آخذ وجبه معاي او آخذ ساندوش امريكانا (تحسبا يمكن مايعجبني اكل الطيارة ما أضيع )_03ba:_03ba:​