شنو تشربون وقت الدوره

[ام رحاب]

احسن شى للدورة

:0bee2e8d89: احسن شى بابونج مع نعناع وحبة بيسكوبان وتلبسين شى يدفى وتنامين

 

[برشلونيه]

بالنسبه لي دورتي مو نفس الاوادم حمدالله والشكر متخربطه وتيي كل اسبوعين


فـ عوارها مو طبيعي ونفسيتي زفت زفت زفت حدها فـ اغلب شي اسويه اكل بروفين واخمد اريحلي واريح حق اللي معاي بالبيت

لانه صج اول الايام اتعب نفسيا منها


والزعتر والجاااي اكثر شي اشربهم وقتها بس هم الاكل مخربط عندي مهمله بعض المرات

 

[ريميــه]

مشكووووورين حبيبااتى

 

[hmama]

حبيبتي

انا قبل الدور بأسبوع ابتععد عن السوائل البارده

وكله ماي حار وبابونج وجاي

واي شي باكله اسخنه

وباول يوم دوره طبعا يصير عندي الشتا

بنطرونين فوق بعض وبلوزتين فوق بعض وفوقهم بالطو والبس كبوس صوف فوق راسي واتلحف لووووووووووووول ولاتنسين الدلاغات ،، اثنين فوق بعض بعد

واذا فيني عوار وايد ما اكل واذا مافيني عوار عادي اكل بس شوي ما اكثر

بس صج السوائل الدافيه قبل الدوره باسبوع وايد زينه وماراح تحسين بلوعه ولا ترجيع

 

[ريمه الكويت]

انا بالنسبه لي اول ايام الدوره تشوفين دورتي نزيف فاخذ حبوب البونستاين اشتريهم مالت الحكومه موشي اما الي اشتريها تخففلي الالم وتخفف تدفق الدم وبعدين ا اشرب جاي المرميه يقولون المرميه تخفف من تدفق الدم زينه للي دورتهم قويه اما الي ماتنزل دورتها عدل تاخذ دارسين اوحلبه تنزلها عدل وبعد لاتشربون شي حامض وقت الدوره ودفو روحكم عدل واكلو مظبوط وكثري من الفواكه والخظار والمفروض نخفف من الدياي واللحوم مع اني مااطبق هالشي لانه يلخبط الهرمونات بالجسم خاصه الدياي احاول ماابذل مجهود لان جسمي يكون مكسر وتعبان لازم اريح وانام

 

[dal3 kuwaiti]

انا بالنسبه لي الدوره عندي لاراحت ولا جت بس الحمدالله اتذكر الكوتكس قبله بأيااام

اشرب مااااي وااااجد ..... عشان ينزل الدم

والامور طبيعيه ولله الحمد :sfg:

عاد بقولكم سالفتي مع الكوتكس مره وصية خدامتنا الجمعيه تخيلوااااا شنو جابتلي

بامبرز امبيه مت ضحك عليهاااا .... :dddds: اهي حرااام جديده ماتعرف ..

يوم فهمتها بالاشارات ماتت ضحك على نفسهاااا

 

[نونو ام كشة]

انا قبل لا اتزوج كانت دورتي عذاب نفسي وجسدي
وقبل عرسي بجم شهر قالتلي وحده اشربي قبل موعد الدوره بثلاث ايام دارسين مع مسمار وحطي سكر حسب الرغبة
واشربيه اول ثلاث ايام بالدوره وتدفي عدل ولبسي بنطلون طويل تحت بجامتج ودلاقات ووخري عن الحوامض والبيبسي والاكلات الي تتفخ البطن والحمدالله من اول مره خف العوار شوي وكل اللي ابطني نزل وصرت احس نفسي خفيفة وانتظمت دورتي ومن تزوجت حملت على طول
وهالنصيحة اقولها حق كل البنات لانها مظمونة 100 ب100

 

[عروس وضايعة]

سبحان الله وبحمدة سبحان الله العظيم

 

[غمزة عين]

أهم شئ تدفين نفسج عدل وتلبسين دلاغات وتشربين سوائل دافيه ولاتأكلين الحلى واجد لأنه يحبس الماء في الجسم ولفي رأسج بملفع للدفئ وحتى لا يدخل الهواء برآسج (صدقين هذه المعلومه عن خبره مني) وأكلي بندول وحاولي ماتجوعين نفسج ولا تنتخمين من الأكل 00

 

[بصْمةُ ضِيَاءْ]

الدوره وما ادراكي من دورهـ <<<:eh_s(13):
اخخخخ بس هالدوره اذا هلت اسوي مناحه وبجي تدرون سالفه هذي من متى من عمري14 سنه لييي 20 سنه
شوفووا جم سنه ابوي شفيج امسح ادموعي الله لايوريكم وبعض المرات ادعي ربي انها تنقطع عني استغفر الله
بس الحمدالله لقيت الحل وامي الله يخليه لي يارب جابتلي المسك الاسود ومسحت ع بطني من تحت وع ظهري
اقسم بالله يابناات اني ماحسيت فيهاا واقول لأمي لاما أصدق ان الدوره علي <<< قولي ماشاء الله لاتسكين روحج:23_asmilies-com:
جربووهاا وراح تدعوولي وادعولي الله يحقق امنياتي ويطول بعمر امي :eh_s(22):​