- إنضم
- 3 مارس 2011
- المشاركات
- 1,529
- مستوى التفاعل
- 2
- النقاط
- 0
السلام عليكم صديقاتي الحلوات
اليوم جبتلكم موضوع حلو وكل وحده تشاركنا شنو تشيل معاها بشنطتها كل يوم. حسيت الفكره حلوه لان منها متعة وتبادل افكار وبنفس الوقت ناخذ فكره بسيطة عن شخصية الوحده من الشغلات الي تشيلها معاها بالاضافة الا ان الموضوع سهل وبسيط تحتاجين بس شنطتج + كيمرا 
راح ابتدى معاكم انا واعرض صورة محتويات شنطتي:
صوره ثانيه:
اوكي نبتدي:
1. اول شي الشنطة اهيا من ماركه Mulberry وانا بصراحه زهقت وايد من الماركات الي بكل مكان لوي فيتون وشانيل وصايره ادور الشي المو كل الناس تشيله وقبل كان عندي فكره عن ملبري ان محل عيايز لندن بس بعدين شفت الشنطة هاذي بالنت وحبيتها وايد واهي اسمها alexa من تصميم عارضه ازياء بريطانيه اسمها اليكسا وانا وايد احب ستايلها. الشي الي يعجبني بالشنطه انج تقدرين تشيلينها بطريقتين. وانها جلد (وايد احب الشناط الجلد) وحجمها لا هو كبير ولا صغير يعني تشيل اغراضج بس يكونون مرتيبن داخلها وبعدين فيها مخبى صغير حق الجوال يعني مو لازم تدورين وايد لما تلفونج يرن على طول تلقينه.:eh_s(15):
2. المظله لا تستغربون منها لاني عايشه برع والمطر من المفاجأت ال غير ساره فاحب اخذ احتياطي.
3. البلاك بيري طبعا و الايبود.
4. الكلكليتر لازم لان زوجي دايما وهو يسوق او اي شي يبيني احسبله شغلات فجاه وانا اكره ماعندي استخدم كلكليتر الجوال.
5. فاين معطر , مطهر يد وفاين وطبعا كريم اليد لا استغني عنه.
6. كتاب لاني احب اقرا واقرا بكل مكان بس مودايما اشيله معاي يعني اذا رايحه جمعيه او سوق افضل اخفف وزن الشنطه.
7. دفتر وقلم لاني نسايه عوده وساعات ابي اكتب اسم ماركه مكياج او رقم روج واحيانا في قعدات الاهل اسال خالاتي وحريم خوالي عن وصفات اكل ومابي اضيعهم.
8. البوك (بوكي مو عاجبني وابي اغيره خاطري ببوك اخضر او اصفر مصنفه) والنظاره شي طبيعي.
9. الكيمرا لاني وايد اشوف اشياء حلوه واحب اصورها. وتجمعلج ذكريات
10. شنطة المكياج اكيـد. وهالشنطة ماخذتها من هارودز من فتره واحبها لان حجمها حلو ونايلون ماتتوصخ بالمكياج مثل باقي الشناط ودايما فيها فاونديشن كريم الي مع اسفنجه وبلشر وارواج حق التعديلات السريعه.
11. عطر. وانا قمت ماشيل عطورات الماركات معاي لان ريحتها وايد قويه احب ارشها بالبيت قبل ما اطلع وبس وبالطلعه اذا حبيب ارش body mist اخف ومنعش.
12. واخير ربطه شعر حق حالات الطوارئ والحر او في حال المشبك انكسر.
وطبعا بعض الاشياء مثل الفوط اليومية وغيره المخشوشة منعا للاحراج :nocommint:
يالله اتمنى الكل يشاركني والي زهقانات بالمكتب يالله فضو الشنطة وصورو . انتظر ردودكم
تحياتي :eh_s(7):
التعديل الأخير:
