شنو تعلمتي من الغربه ؟ عفيه بنات نبي تفاعل (مغتربات و غير مغتربات حياكم)

[Ms.LoL]

السلام عليكم ..
الله موضوعج بوقته ..
حيل تشجعت ..
أحس مراح أتسنع إلا لو سافرت
و أحسن شي انه الاغلبية بأمريكا الديره اللي بروحها يعني ..
ياريت كل وحده تدخل تجاوب .. متابعتكم ..

سمعت إنه ما يعاملون المتحجبات عدل صج ؟
يعني تفرقه بالدرجات و مايكلمونهم زين .. صج و لا لأ؟
لأني لما رحت أمريكا بالصيف ما حسيت بجذي ! كلهم طيبين !
بس قالوا لا بالدراسه غير !

 

[Model Look]

انا صارلي سنه ونص ببريطانيا

تعلمت واااايد اشياء

تعلمت النظااام ،،، احترااام الوقت

صرت نوعا ما بالكلام اقل ،،، لانه انا طبعي قرقه

تعلمت انه ماكو ديره مثل الكويت

تعلمت ما احط مكياج وااايد لووووول >>> كنت بالكويت الطخ ،، بس صرت كلش ما احط الا خفيف

تعلمت التواااضع

تعلمت الاعتماد عالنفس بكل شي ،،، رحمت الخدم واااااايد

ونفس رد الاولى الصرااااحه كلامها 100٪

اما صاحبه الموضوع على ما اعتقد تقولين مافيه رفيجه بالغربه

انا اخالفج من هالناحيه ،، انا ما صادفت كويتيات ،، بس سعوديات عسسسسسسسسل

بس الصراااحه انا ما احاول احتك مع العرب وااااايد عشان اللغه

وبس تعبت لوووول

 

[Ms.LoL]

بسألكم ..
ما تخافون لما تمشون بالشارع بروحكم ؟
تركبون باصات و جذي .. و لا تسوقون ؟

 

[hend6363]

صراحه خوووووشش سؤال.. انا اول شي تعلمته ان الكويت ما في مثلها وانها جنه شي خالصين منه.. انا بامريكا..
وتعلمت التوفييييييير لان الامريكان بخلااااااااااااااا وبس ايمعون مادري لي متى
تعلمت شلون وجودي مع زوجي وولدي يسوى الدنيا ومافيها ..لان بالكويت ماحس فيه كله طالع خخخخ
واهم شي تعلمت البساطه وعدم التكبر ..حسيت شلون احنا يالكويتيين وايد شايفين روحنا على الناس ..الهنادوه والشرق اسيووين نعتبرهم خدم وهناك شفت المهندسين وناس واصله واحسن مننا..تعلمت ان لما ارد احترم الخدم صج لانهم انسان وبشر واللي يابهم اهوه الحاجة
وتعلمت احترام الاديان لانها كلها منزله من السما وان ما احقد على انسان لان مسيحي والا يهودي لان بصراحه احس بالكويت مانحترم احد احنا يالله نحترم بعض :"(
وطبعا تعلمت ان احمد ربي بكل يوم اعيشه لان عطاني اشياء ناس وايد يتمنون نقطه منها.. لما اشوف هال هوم لسس شلون مسدحين بالشوارع واااااي عوار قلب لا وبنص البرد والثلج.. الحمدالله على النعمه ..والله يعز الكويت :aha:

اجمل و احسن راي بالنسبه الي

 

[black_arno0oBa]

انا تعلمت وايد اشساء والحمدالله رديت الديره يا ديره ما بعدج ديره تعلم اسوي اللقيمات والتشربيه مع انه انا ما احب اطبخ وعمري ما طبخت بس عشان يانا رمضان وزوجي كسر خاطري حدنا كنا نتشرق على اهل الكويت واكل الكويت حدي بطينه

 

[~{GooShTa}~]

تعلمت اني ما اثق بأي شخص
و تعلمت انه شهادتي و دراستي اهم من كل شي
و تعلمت اني اصير قويه و فعلا كنت قوية و صرت اقوى

 

[AnnaLina]

انا كنت متمردة وااااااااايد ولساني طويل على الكل حتى على اغلى الناس حلوة اللبن وكنت اقول حق اهلي اني بس يصير عمري 18 راح اروح اهاجر امريكا واكتب كتاب عن حياتي مع اهلي تحت عنوان 18 سنه بالجحيم هههههههههههههههههههههه والله كانت علي سوالف تموت ضحك واهم شي اني كنت اذا بسب احد اقوله يالعربي او يالعربيه يعني هاذي مسبه خخخخخخخخخخخخخخخخخخخخخ

والله بس اذكر سوالفي اموت من الضحك

طبعا صار عمري 17 سنه ورحت سافرت ويت معاي امي اول شهر وبعدين ردت ويوم كانت معاي كنت اقولها واااي انتي متى تردين الكويت؟ ترا وايد تحنين اففف !!

ويوم صارت الصجيه ..وشالت جنطها ..ورحت معاها المطار اوصلها ..حسيت جني قاعد امشي للقبر من كثر ما ضاق خلقي واول ما ركبت الطيارة وراحت جان انفجر بجي بالمطار جني ياهل عمره 5 سنوات والناس يشوفوني وعلى ويهم علامه استفهام

رديت بالتاكسي البيت والتاكسي لاعت جبده من بجييي لاني كنت ابجي صوت عالي هههه المهم يوم وصلت البيت قعدت ابجي لليوم الثاني مواصله اللي عيوني راحت فيها صارت جنها زيتون وامي كانت ناسية شويه من ملابسها فقمت احضنهم واشم ريحتهم جني مينونه والبسهم وانام فيهم

وطبعا اهني عرفت ان اهلييييييييي اغلى ناااااااااااااااسي والحياة معاهم احلى حياة والتمرد اختفى مني وصرت انسانه يديده عطوفه حنونه اموت على اهلي لي درجه اذا رديت من الكويت اكشت بكل رفيجاتي واقعد بالبيت وكل طلعاتي زواره من بيت خاله لي بيت خال لي بيت يد لي بيت عمه ...كلشي اهل اهل اهل وفديييييييييييت اهلي وكل لحظة معاهم ...والحين كلما بطلع من بيتنا واسافر تييني حاله اكتئااب وبجي ومناحه وخنقه واصير سلبيه وايد بيوم سفري وما يمر يوم ما اكلم فيه امي لااااااااازم لازم حتى لو بروح الجمعيه ادز لها مسج ماما بروح الجمعيه الحين واذا رديت ادزلها ماما انا توني رديت كلشي تفاااصيل ممله اقولها

وهذا اللي تعلمته !

وطبعا في وايد اشياء بس هذا باختصار

 

[lolwah]

conetsa
والله اللي صارلج يصير حق اي احد سواء بالكويت او بالغربه
و انا صارلي نفسج بس اهون منج لانه بالكويت
و طاااف الحياه حلووه

 

[ياشايل الظبى]

اول شى تعلمته بالغربه
انى اعتمد على نفسى .. فى كل شى .. فى التنظيف .. فى الطبخ ..
وفى ترتيب الحفلات والجمعات .. تعلمت انظم وقتى
وشفت ناس وايد .. فيهم الشين وفيهم الزين .. وكل واحد فيهم تعلمت منه شى
والغربه قربتنى من زوجى وايد وصار يفهمنى قبل لا اتكلم ..

 

[ام سلمان---4]

اااااااااااه من الغربه وهمها ياربي توب علينا من الغربه ....انا قبل عند امي ماادل المطبخ وين صاير الحين اطبخ وانفخ واغسل اهدوم وانظف واربي اعيالي وادرس واسوي عزايم ابد ميري بس اكويتيه:dfgl: طلعت من الكويت عروس عمري 17 سنه والحين عمري 25سنه :ioljnmlk:صرت شاطره بكل شي واعتمد علي نفسي بشغلات واجد وبعد تعلمت اني نسيت شي اسمه كشخه واعروس وزيارات حتي اللبس نسيته اسلون صايركله بجايم وبناطير والديره اللي انا فيها معرف احد تخيلو بس انا وزوجي وعيالي معدن دوله عربيعه بس اتقولين جاين من كوكب ثاني:krkrkr: والطلبه اللي مع زوجي محد فيه متزوج الاواحد وامرته بالكويت واسمع ان فيه اسعوديا وخليجيات بس ماعرف احد:0bee2e8d89::0bee2e8d89: وطول اليوم هذي حالتي انا وعيالي:j013::23_asmilies-com: نسيت الضحك والجمعات مغير صرت نفس الهنود اطلع من البيت يوم الجمعه:bye22::RoadRunner::lolo::lolo: ..........بس هانت باقي ثلاث اشهر ويتخرج زوجي ان شالله