شنو تعلمين خدامتج عليه اول ما توصل

[طوق البنفسج]

يعني مثلا انا كنت اقول لها ما تنام الا 11 والتزمت اسبوع وبعدها صارت تنام قبل ال11 الى ان صارت تنام 10؟؟؟
فتعلمت اني اتابعها شهر او اكثر حتى تعرف اني جادة في كلامي
وكنت اتعمد امر على غرفتها قبل نومها بربع ساعة أتأكد من انها قاعدة.

مو معاج بهالنقطه ..

يعني اذا اهي ماعندها شغل ليش تنطر لي ال 11 بس عشان انتي محدده لها الوقت .. اهي بشر متى ماتبي اتنام اتنام ..

حطي روحج مكانها احدد لج وقت و انتي تعبانه دايخه راسج يعورج 11 يعني 11 .. شيصير لي نامت قبلها و لا عقبها .. ترى اهي اول و تالي بشر مو مكينه عشان اتحاسبينها على الربع ساعه و النص ساعه بالنومه ..

 

[ii DareeN ii]

الراحمون يرحمهم الرحمن ارحمو من في الارض يرحمكم من فس السماء علموهم على النظافة والنظام بس لاتنسون انهم بشر مثلنا يغلطون ومن بيئة ثانية

 

[سله كرز]

الله يعطيك الصحه والعافيه
موضوع روعه ومشاركات اروع اول ما تستلمين الشغاله من المكتب ادعي عساالله يكفينا شرورهم لان شرهم اكثر من خيرهم

 

[أم كادي]

انا اول ما ايبها من المكتب افتش اغراضها وبعدين اخليها تتسبح وتاكل وترتاح شوي لما تقوم اعطيها نوت واقولها بعض الاشياء تسجلها وتدق اول مره من حسابي تطمن اهالها بعدين اليوم الثاني اغسل الحمامت واخليها تشوف وتكتب بالنوت كل شي ولا اعصب عليها لو نست هالشهرين تحت التدريب معاشها اخليلها ملف وتوقع وادز فلوسها اللي بتطرشهم واصورلها نسخه حقي ونسخه حقها واخليلها كل شهر 10 على جنب واذا فكرت اعطيها اكسترا مسويه شي زين واكتب على الملف العشره هاذي الله يسلمكم اخشها لها لما تيمع مبلغ محترم واقولها عشان اذا رحتي ديرتج ولقيتي اهلج صارفين كل اللي تدزينه تقدرين تستانسين فيهم هناك وتقعدين المده اللي تبينها ويستانسون على هالفكره وبس اعلمها نظافة شخصية والاشياء اللي مسموحه ومن تقاليدنا والاشياء الغير مسموحه

 

[خاشووقه]

يعطيج العافيه

 

[حصوص الكويتية]

موضوع حلو

 

[milk shake]

عندي خدامتبن كل وحده اول ماتزصل اعلمها الطباخ والنفاخ لما تصك علي وبعدين اهي تعلمني اكلات هالايام:dddds:

 

[شيخة الحلوة]

يعطيج العافية

 

[همسات ليالي]

نصايح حلوووووووووة وانا اول شي اقول لها انا ممكن اتغاضى عن اي شي الا فيما يتعلق بعيالي

وعن سالفه النوم انا ساعات اخليها تنام تسع ونص او عشر اذا كان مدارس وعيالي نايمين مبجر

ليش اخر نومها

 

[espresso]

ماشالله واايد حلو الموضوع

وين أقدر ألقى موضوعج الثاني عن الجداول ؟؟؟

 

[قلب نواف]

بارك الله فيج موضوعج يينن

 

[حلوة ومملوحة الكويت]

مشكووووره على هالموضوع المفيد
وفعلا الخدم شر لابد منه..لكن شنسوي مافي بديل
وآنا من تجربتي ما أجيب خدامات صغار من اربعين وطالع..هذي قناعتي
تكون راكده وجايه تدور العيشه..مو الصغار اللي بس عينج عليهم وتحاتينهم
وترى العامل النفسي يلعب دور لما تتطمن على عيالها بديرتها.فمره بالشهر اشتريلها كرت ابو دينار واخليها تكلم ديرتها خمس دقايق وتعالي شوفي النفسيه اشلون تتحسن بعدين.
وحاولي كثر ما تقدرين انج ما تخاذينها بزوارتج إذا تقدرين..لان الخراب ما يجي إلا من جمعة الخدامات مع بعض والهذره الوايد.

 

[*مــــســــك*]

آلله يعطيكم آلعآفيه

 

[Miss sensitive]

الله يعطيج العافيه

 

[manara81]

مشكورة وايد على هالنصايح , الصراحة نبهتيني عن أشياء أنا غافلة عنها مثل الكبت مع القفل والموبايل

 

[@الجود@]

تسلمييييييييييييييييييييييييييييييين

 

[العسل اللذيذ]

والله مشكلة هالخدم
المشكلة احنا محتاجينهم
بس الصراحة انا ماعندي خدامة تنام الظهر
لأن اغلب طلعاتي هالحزة
فما تنام تقعد تجابل اليهال او تكوي الملابس المهم انها ماتنام الظهر
لأنها راح تنام مبجر حق المدارس

 

[ثلاثينية]

موضوع حلو بس سالفه تحديد موعد النوم والاستيقاظ هذا اللي دمر حياتي
تخيلي انا بالنفاس وعندي ضيوف الساعه 9 خلتني وراحت بحجه انه موعد نومها لوووول
بس بعدها شلت هالقاعده

 

[memy-08]

مشكوره

 

[memy-08]

مشكوره