شنو تلبسون تحت العبايه الفلو؟

[LOVE KUWAIT1]

مرحبا بنات:



حبيت اعرف من كل وحده شنو تلبس تحت عبايتها وانتو عارفين الحين الجو حر وصعبه الواحد يلبس جينز
واحيان العبايه تشف ومافي وحده تحب انه جسمها وريولها تبين على الشمس خصوصا اذا كانت العبايه فلو هذي مشكله اما اذا كانت طبقتين شوي تستر


انا سمعت انه في بنات يحطون تحت العبايه بطانه سوده علشان حتى لو طارت بالهوا مايبين شي

 

[منى الكندري]

تقصدين لف صح ؟؟
لبسي بطانه سوده حفر ...تكون خامتها بارده وحلوه بنفس الوقت
أو بنطلون أسود..وبدي أسود حفر

وإذا تقصدين البشت...نفس الشي لبسي بطانه سوده

أو آنا عن نفسي أفضل البس تحت العباة البشت سترج أسود..لأنه أستر...البشت فضيحه لي دار هوا

 

[LOVE KUWAIT1]

لااا مو لف قصدي العبايه اللي جنها دراعه طايحه مافي قصة صدر

بس شلون اشتري خامه وادويها المشغل يسونها لي حفر؟ على شكل نفنوف

 

[منى الكندري]

ئي حبوبه سوي جذي بس لا تسوينها واااايد وسيعه

أو عندج بالديره..سوق المباركيه عندهم شلحات جاهزه تونّس من الململ وبكل الألوان على دينارين

روووعه ما جنهم شلحات...كأنهم نفانيف...الوالده الله يحفظها....راحت وشرت كل الألوان وتهاوشنا عليهم آنا وخواتي :23_asmilies-com:

 

[قمر الكويت]

انا عن نفسي
البس ليقنز طويل مع بلوزه حفر
احلا ليقنزات عن نكست عملين واخفاف

 

[LOVE KUWAIT1]

مادري انا ماحب يبين شي ملون او تريننق تحت عبايتي احس فشله

 

[منى الكندري]

لا لا مو تريننج

أول شي البطانه لازم باللون الأسود....لأن الألوان الثانيه من أمه هلاقه :eh_s(16):
والشلحه الململ ...هم بعد باللون الأسود تحت العباة....وترا ما جنها شلحه نهاااائي عشان جذي حبيناها

كأنها بطانه...وخام الململ معروف ما في أبرد منه

واللقنز الأسود...بالعكس ...حلو لما ينلبس تحت العبايه

البنطلون الأسود ينلبس بس تحت العبايات اللف المفتوحه....

شكلج تفضدين العبات البشت..وأنسب شي البطانه أو اللجنز الأسود

 

[LOVE KUWAIT1]

انا اول شي على بالي انتي كاتبه الكلمه خطأ الشلحه الململ عااد طلع اسمها جذي؟ اول مره اسمع فيها من وين تحصلونها

ومشكوره واااايد حبيبتي

 

[Mort 7aSSon]

انا البس لقنز برمودا اللي يصير خفيف ومن فوق فنيله داخليه قطن علاق

 

[LOVE KUWAIT1]

امبيييييه

شلون ليقنز؟

عيل شنو الداعي البس شي تحتها اذا اللقينز اصلا مايغطي كل الريل

 

[ًwo0ow]

البس شلحه لا لقنز ولا بدي ولا شي
اسهل لي واخف لي قطي الشلحه عليج وفوقها العباه وامشي

 

[الدلوعه2008]

هههههههههههه

انا لبس بنطلون اسود او جينزي وقميص حفر وقميص نص كم وعبايه مصكره عادي ما يبين شيء

وللي تبي تسوي لها شيء يغطي جسمها تحت العبايه محلات العبايه يسوون لج شلحه اذا تبينها حفر كمله فيها علق او جنه مريول يسوون لج مع العبايه

بس انا تعودت علي بنطلون بالعبايه ما عرف امشيء لا بالبنطلون والعبايه مصكره

 

[ام الدرر]

انا البس شلحة قطن سودة ومن فوق بلوزة ريلي البيضا الداخلية :eh_s(20):ابرد في هالجو الحار من خامة العباة​

 

[cup-cacke]

انا البس لاقنز..بس الطويل

 

[ملح بدويه]

أنا على حسب المزاج

مره شلحه مره ليقنز مره تنوره وبدي

 

[pure.soul]

انا البس يا بنطرون اسود وسيييع شريته من سبلاش يونس أو شروال اسود قطن و جبنييزاسود ..

و الشروال حددده خفيف وبارد احسن من الجنز ..

 

[&& دعاء &&]

رفع
رفع

 

[مسك]

فكره الشلحه الململ حلوه تحت العبايه بجربها ان شاء الله

انا العاده البس بدي قطن مع بنطلون اسود قطن خفيف ريشه اخذه من ماركسبنسر مريييح

او البس تنوره سوده وسيعه قطن

 

[أحب أمي]

والله البس اللي موجود واطلع ماكو شي محدد

وبروحها العبايه مسكره

وحتى لو لابسه شلحه وكفخج هوى شدعوه مو مبين جسمج!!

ولو لابسه بنطلون بعد بيبين يعني انتي مو متعمده يبين شتسوين بعد


وبس ^_^

 

[M!Ss Smart]

انا البس لقنز وبلوزه اريح وااايد وبرااد