شنو تلبسون حق حمولتكم بالزواره ؟؟؟

[brettey]

رد : شنو تلبسون حق حمولتكم بالزواره ؟؟؟

انا ساكنه عند حمولتي بيوميا اقعد مع خالتي او شبه يوميا اول ماتزوجت دراريع كشخه وبدل كشخه وميك اب والحين لا يبا طرق العبايه والشيله خو عادي بس طاحت الميانه
والمكياج ساعات احط لان انا عندي حب المكياج لدرجه الادمان فانا بالدار اقعد اتفنن واحط واطلع اقعد معاها
بس قبل كنت اروح مع خالتي اليمعه في بيت امها لان خواتها وحريم خوانها وبناتهم والجناين فهني اكشخ باللبس والجناط الماركات والشيلات احب الماركات والميك اب اتفنن فيه عدل
بس صار لي سنتين تقريبا قمت ما اروح الا بالعيد او المناسبات مالي خلق احد مع انهم حبوبين بس مالي خلق
بس اذا على اللبس حق الكشخه احب من الاسطوره لايم لايت لبسهم ماركات او محلات المجمعات مثل الافنيوز ومارينا و..........الخ مثل جويس وريفا ووزارا وكوكاي ومانغو و.........الخ
او ساعات افصل لان احب اصمم والحمدلله وايد يمدحون بتصاميمي
والجناط ماركات الصالحيه وفيلا مودا ...........الخ والشيلات من فولار او البوتيكات نفسها
والساعات من ون تايم او روائع جنيف او على حسب الي يعجبني

 

[kuwaitya_zoGaa]

ماشاء الله عليكم بنوتات
تشوقون وذويقات لا اله الا الله عليكم :tek:
حدكم ذوووووووووووق
مشكورين بنوتات على الردود

 

[غير عنهم]

موضوع حلو <<عقبالي اجي واحكيلكم ^_^ بس اكيد بلبس مستر أحترام لأم زوجي

 

[om MaRyooM]

انا البس ميكس ..


يعني مرة تنورة وتوب مرة جنز وقمصان حلوة .. والحمدلله دايما يسالوني عن هدومي مع انهم عاديين بنظري
وبالنسبة للميك اب اذا لي خلق احط مكياج كامل واذا زيارة عادية مكياج بسيط وحمرة فاتحة

بس اهم شي عندي العطر .. عشان الكل يدوخ لوووووول

 

[kuwaitya_zoGaa]

يعطيكم العافيه ومشكورين على الردود الحلوه

 

[فديت حبوبي]

انا دراريع وملفع لاني مثل باقي الخوات ساكنه مع حمولتي والرياجيل داخلين طالعين ولا بالجمعه اتكشخ والبس كل اللي يلوق لى وبخاطري

 

[! بــدويه وآآيــد !]

،

انا عبي كشخه عبيي كلهم من الخبر
ودراريع بس اكره الدرايع وتوبه افصل لان مولايق علي
هبيه البنطرونات والتوب بس الي تفصال مالات الاستقبال والمناسبات
وتوه رفيجتي ردت من فرنسا تجهز لعرسها شاريه البنطرونات الوسيعه تشوق حدي مت عليهم وماقصرت فديت عمرها راحت فصلت لي عليهم وبروح اركب عليهم قمصان مع سكارفات او حزامات

ومتااابعه​

 

[ҜęҜสђ]

انا ساكنه عند حمولتي في البيت ..واذا نزلت دايما عباه وملفعي علي لان حمواني يدشون ويطلعوون..
وحتى بالزواره مااشط عمري لان ماكو الا خواته ثنتين بس اللي يزورون ولبسهم عاادي
لاكن لو زواره خالاته >>>هنيه ابرد قلبي باللبس والكشخه

 

[dectora 7elwa]

انوع
مرا دراريع
مرات قميص ذرب وبنطلون واسع

 

[Seriously!!]

انا طموشه واحنا من صوب اهل امي نكشخ وجي وانا حيل اكشخ يعني كل مره تسريحه وستايل والميك اب غالبا ناعم وساعات ارواج غامجه وهيك والبس نفانيف وبناطلين وتنانير قصيره يعني وايد انوع كل الستايلات واهتم بكل شي
وفـ بيت اهل ابوي احنا اكشخ ناس وايد نهتم من عبي ميك اب وشناط لان مانروح الا نادر ومانقط العبي وعبينا وايد كشخه بس هم حدهم مايكشخون كلش ><" يعني كله بجلابيات النوم يدوب بس عندي عمه كشخه هاي الوحيده وفوق هاي تمدحنا اذا شافتنا كاشخين عكسهم بنات عمامي واييييي هلاقه هلاقه فاللبس وماجوفهم الا بجلابيات النوم والشعر كشه مايتسنعون كلش وفوق هاي مايمدحون يا انهم ينتقدون او يمدحون نفسهم مثل وااي احنا نهبل كشخه لما نروح زوارات> طل يعني ماعرفكم,, وان البنات كله يمدحونا وان احنا كشخه والصراحه كنت اتاثر وايد لين مالاحظت ان بنت عمي اللي حيل حيل تمدح نفسها كانها توصفني يعني انا في شي بـ ملامحي وايد مميز والكل ينصدم ان واي سيرسلي هالشي يهبل يهبل فيج>ماني قايله شنو هههههههههه وهي حيييييييييل عاديه من هالناحيه وتخيلو من عرفتها وهي تمدح هالشي فيها وان البنات منصدمين شلون الله خالقني جي ><" والله يقهرون بس الحين صرت ماهتم لهم وصرت واثقه من نفسي عكس قبل لانهم مايسون جي الا محترييييييين

 

[om_dodo]

اب

اب

 

[ELFAD3Ah]

البس الدراريع الكشخه مع االشيلات الكشخه ومرات بدل ومرات نفانيف مع ميك اب

 

[أحلى الألماس]

انا ساكنه عند حمولتي وألبس دراعه كشخه وميك اب ناعم
والملفع مااقطه لان حمواني داشين وطالعين
بس لو كان عندهم جمعة حريم او عزيمه
البس اللي ابيه من بدل ضيجه او قصير
ناعم

 

[q8sweeta]

الصوت الجريح عادي سكتي وسمعي وقولي انا عاجبني يقولون مو حلو لا قولي ناس اذواق او من ذوقكم بس عاجبني
تصدقون ريلي قالي حلو وانا اثق بذوقه
ردي بهدوء وابتسمي
الناس اذواق ترى يمكن يغارون يمكن مايعجبهم عادي ليش مزعله نفسج
تكلموا عنج عطيهم 3 دقايق وغيري الموضوع

 

[اخاف اقول تتغلى]

حبيبتي مادامج مرتاحه مع ريلج هذا كافي وريلج راضي بلبسج ومقتنع هذا الكافي و مااايهم اي واحد يذمج انكان صاج ولا جاذب اهم شي ريلج وبس
ونصيحة اذااا احد كلمج قوولي والله ريلي عاجبه وبسسسسس والله يتمم عليكم

 

[نورعيونك]

اب اب

 

[لبيك وسعديك]

اما انا البس واكشخ حده
لان معاي بالبيت لان البيت بيتي وهما معاي ماكو فكه البس كل يوم دراعة وملفع يديد لان خوانه معاي ويمرون بس اذا تيمعنا نزلت حريم خوانه تحت عند امه عاد انا ماقصر بللبس لدرجه انهم يقلدون شنو لابسه من دراعه او ساعه او حتي طريقه الميك اب التسريحة صبغه الشعر وااااو بس تدرون ونااااسه تحسين انج مرة لان لازم تحرينهم بلبسج حتي عيالي لازم مرتبين وخداماتي بعد

 

[أسيـ(^_^)ـل]

ثوب الخيلاء

الله واكبر كل الناس يلبسون بعض الاساليب تقهر

 

[كويتيه شقرا]

دراريع كشخه

 

[متوترة]

تنوره جينز وبلايز كشخه .. واحيانا تنوره رصاصيه حلوه
ومرات البس قمصان ناعمه

والميك اب ناعم بس اذا في زيارات عندهم او شي اكشخ حيل
والي عندي معقدين مايحبون القصييرر والبنطلونات . الله يعين