نا من عشاق لبنان , باذن الله الله ايسرها واروح هالسنه اما عالسوقه تختلف الاذواق .
اللي يعجبني بلبنان قمصان النوم احلا من الكويت بوايد اخذهم من المجمعات نفس كولكشن أوربا حتى لاسنزا خذيت قميص العام للحين ماشفته بلاسنزا الكويت .
والاكسسوارات خذيت اكسسوار سنة 2010 من اي بي سي الاشرفيه اهو كورنر واللي يبيع تروفه الله يهديه الاكسسوار كان قلب ويصير سوار الكل يسألني عنه نفس اكسسوار نوال لزغبي وللحين ماشفته بالكويت وخذيت منه بعد سلسله وخاتم كأنها ذهب ,,,,
اما الجناط والفلاتات اخذهم من السوليدير ولا يهمني السعر لان بشهادة الكل فلاتاتي مميزه يعني تقطين وماتتحسفين .
واخذت جناط على 30 دينار هاند ميد تصلح لاستقبالات ومناسبات وماشفتهم بالمعارض هني لقيت وحححده بس نفس جنطتي بس بدبي وسعرها 60 دينار .
وفي محل بالسوليدير يسوي اكسسوارات وجناط تصاميمهم خاصه وفي عندهم فرع بالسيتي مول والسيتي مول فيه مركز .
العام يوم رحت شريت قميص بس للطلعه والكل سأل عنه وسووا عليه كوبي
مامداني اتهنى فيه بس رفيجاتي ما اقدر اقولهم لا مايغلى عليهم
خذيته من الاي بي سي الاشرفيه موديله شانيل طلع علي ب 40 دينار .
والسهره في محل وانتي طالعه من السيتي مول ماعندي كرته الحين في اشياء حلوه للسهره وفي بدلات عرايس وسهره بس لا دخلتي المحل بتشترين عالاقل اقل شي بالبوك 500 دينار انا احب موديلاته .
خذيت لي بدله سهره من السوليدير من محل عادي بس ركبت تنوره ومعاها بدي وطلعت ولا اروع ب 60 دينار .
وبلبنان كل مكان تروحين تلقين لج قطعه تعجبج , عندج سوق جبيل تراثي وتلقين فيه اشياء حياكه يدويه حلوه والحمرا بعد فيه محل اسمه جمانه لعبايات الحياكه وافتري فيه للشوز والجناط .
واذا حابه تصبغين ( مع اني احب العروس بالشعر الاسود) حجزي بصالون جو رعد وبلغيهم انج محجبه .
اتمنى اني فدتج ولو بالقليل لاني احس اكتب بدون ترتيب افكار
وباختصر لج لبنان بجمله ((( بلد عربيه بشعب أوربي )))
وتحياتي ,,,,,,
