شنو حطيتي ميكب اليوووم؟؟

[BaiTotia]

شهوووووووودة نايس لوكات

نطاطيعو ماتشوفين شر حبيبتي .. إن شاالله تقومين بالسلامة إنتي والبيبي

الشركة تبيع ماركات من طقه dmgm و pierre cardin يعني ماركات فرنسية وإيطالية وأسعارهم حلوه مو مالوت الهنود هذا اللي أذكره

وأنا هاليومين ماكو لوك

 

[نطوووعه]

عيل جيكي على تجميل الشاميه عندهم بيير كاردان اكيد

 

[pink]

ماشالله بنااات كل لوك أحلى من الثاني ..

نطوووعه .. حبيبتي سلامااات ما تشوفين شر و الله يحفظلج البيبي ..


لوكي اليوم ..

مرطب فيتامين E اللي باضاءة .. بيس كلارنس اللي يخفف الخطوط .. كونسيلر ماك السائل ..
فاونديشن لوريال المينرال ..

بير ستدي على كامل الجفن .. فوقه شدو لحمي فاتح من بوبي براون ايي في باليت فيه ألوان ناتشورال
حلووو .. كحل كحلي من مكياجي 22K داخل العين و طلعته شوي لبره و بالبنسيل برش موهته و
حطيت من الكحل نفسه خط فوق العين و ثبته بآي لاينر سائل كحلي من مكياجي .. و مسكرت عيني
الرموش الفوقية بتليسكوب من لوريال .. والرموش التحتية بماسكرا سان لوران الكحلية ..

أما الشفايف حطيت تحديد من الهنود زهري و قلوس تشيري بلوسوم وردي فااااتح - بيبي بنك - من
كولكشن كالت أو شيري ..

وللخدود حطيت البلش الوردي من كولكشن ريد شي سيد و فوقه حطيت بلش نوبا الوردي - حبييييته -
على كامل الويه بطريقة ناااعمة مثل كل مرة



أما لوكي أمس :

حطيت جل العين و مرطب كلارنس - حسافة خلّصوا السامبلز حسيته حلووو - و بيس كلارنس
لتخفيف خطوط الويه .. فاونديشن لوريال المينرال ..

على الجفن الثابت بير ستدي و الجفن المتحرك فريسكو روز و فوقه شدو hot contrast لونه
دمج بين هالالوان ( أسود- سلفر-أحمر ) طلع اللون عجيييييب رمادي محومر .. سويت خط فوق
ضعييييف بكحل ريفلون الاسود و حطيت كحل بعد داخل العين و طلعته لبره و رسمت خط عريييض
شوي تحت و موهته بنفس الشدو بس ناحية السادة - لون أسود - بالبنسيل برش .. مسكرت عيني
بماسكرات لوريال تيلسكوب و الثانية مادري شسمها بس لونها رمادي ..

أما الويه .. استخدمت بلش بوبا يتكون من كذا لون وردي و فوشي عنابي و ذهبي و فوقه طبعا
اضاءة نوبااااا ..

و الشفايف تحديد فوشي من الهنود و الحمرة قلوس ريميل فوشي .. و بس

 

[BaiTotia]

نطاطيعو مشكورة أبيي منهم حمره لونها عاجبني و مولاقيه نفسها

بنكوشه شوقتيني على الرمادي المحووووووووومر .. نايس لوك

اليوم حطيت تنتد موسترايزر مال نمبر 7 وفوقه فاونديشن بنفت ولوز باودر عالخفييييييييييييف وكونسيلر ماكس فاكتر

تحت الحاجب إضاءة .. وحددت عيني من فوق وتحت بشدو بني محروق بالفرشة المشطوفه وداخل عيني قلم بني وماسكرا

البلش هوني من نمبر 7 وايد أحبه يحلي الويهه

والشفايف حددتهم وعبيتهم بمحدد لحمي و الروج من سيفورا لونه بيج على بني فاتح بلمعة خفيفة

 

[نطوووعه]

ثااانكسوووو بنااات

بنوووك لااءااااااااا بووكااتج موطبيعيييييييييه


شنو بوودره نووبا اللي تحطينها حق الويه كلهه؟


و ماشاااء الله مااااااااافكرت احط من الهوت كونتراااست فوووق الفريسكو بنك!! شلوون تخطرلج هالسوااالف هيهيي


بس صج صج خوووووووووش لوكاااااااااااااات


بيتووتيه فيري نااايس لوووكج ناااااعم وطبيعي احس اللوك اللي جذي يحلي الملاااامح

شوقتيني على بلش هني ضرووري اجربه ان شاااء الله

و شنوو لووون الحمره اللي تينها من بييركاردان؟؟


و بقوولج شي ممممممممممممم ترى ماكو بالشاااميه :| انا سوووري تلخبطت :| مو تعصبيييييييييين هيهيهيه

 

[شهووده]

هلووو بنوووتات :*



ناااايس لووك بنوووكه + بتبووووته




لووكي اليوم :-

كريم النهاار من أولاي + بقمنت فانيلا تحت حواجبي

بينت بوت قراوند وورك على كامل الجفن وفوقه حطيت بجمنت بلوو براااون <<<< اينن واايد أحبه

رسمت عيني من تحت بكحل فوريفر التركواز بقلتر خفيييف ..

وكحلت عيوني بالسمولدر كحل من مااك <<<< سواده مووطبيعي ..

ومسكرت رموشي باكزاجريت ريميل ..

على خدووودي بلش ريميل البررونز ..

وحددت شفايفي بتحديد سماينلق بيج فاااتح وفوقه حطيت قلوس ميبيلين لونه بيج فاااتح على لحمي لمعته واايد حلووه ..

وبس =)

 

[نطوووعه]

ناايس لوووك حبيبتي شهوووود


انا لوكي ناااو ايلاينر غين رسمه غير و عين رسمتها غييير لووول قاعده لجرب مااكو شغل بخااطري اتفنتف برسم عيووني من قمت استعيل بحط الميكب وانا ماكو تفنن كلللللللشششش

 

[pink]

بيتوووته .. ألوانج حلوووة و ناااعمة .. بس سين سؤال ملاحظة أغلب

لوكااتج على بنيااات أو ناتشورال ..شدو أحمر برتقالي زهري مايدور عندج ؟؟؟

ترى حلوووين إذا حطيتيهم بطريقة نااااعمة أو دمجتيهم مع أي درجة بني تحبينه :eh_s(6):

و حبيبتي لا تزعلين من تعليقي بليييز .. كلش و لازعلج ..


نطووووعه .. حبيبتي أحرجتيني بكلامج الحلوووو .. يسلموووو .. و ترى أحب

أخبص و أدمج باللي عندي من شدوات وطبعا كله على حساب ضغط ريلي - لأنه

يمل من النطرة - .. بلش نوبا استخدمه كاضاءة للويه أحسه أحلى من مال بودي شوب

المدرج و رقم البلش ( pinky blush 10 ) جربيه إن شالله يعجبج ..


شهووود .. ما شالله لوكج خطيييير اليوم .. و الصراحة قتلتيني بالكحل التركواااز

أحب تأثيره بالميكاب و بكل شي.. و مع البلو براون يطلع عجييييب .. يبيلي أجرب

هالكومباينيشن ..




لوكي اليوم كان أخضراااني برونزي ..


للويه .. بيس كلارنس .. كونسيلر ماك السائل .. فاونديشن لوريال مات كشمير
خلطته مع فاونديشن ريميل رينيو .. بدارك سكين فينش حددت ويهي ..

العين .. بينت بوت green stroke على الجفن المتحرك .. واستخدمت فوقه شدو
fresh green mix حطيت في بداية الجفن اللون الاخضر السادة و كملته بالبارت
اللي فيه كذا لون بس أغمج يعطي على زيتي و حددت الرموش اللي فوق بآي لاينر
أخضر زيتي .. و على منابت الرموش اللي تحت حطيت كحل أسود و موهته بالبنسل
برش بشّدو الزيتي .. وداخل العين حطيت كحل ذهبي من مكياجي وااايد حلوووو ..
و مسكرت الرموش بكذا طبقة بماسكرا ريميل الرمادية .. و تحت الحاجب لون ذهبي
فااتح من السكين فينش ..

أما الخد .. حطيت بلش بوبا الفوشي على وردي .. اضاءة نوبا على كامل الويه ..

و الشفايف .. تحديد من ماك جنه اسمه ماجنت فوشي بنفسجي .. قلوس فنتابيولس حّده
عجييييب أنصحكم بنات تشتروووونه ..


وبس

 

[pink]

انا لوكي ناااو ايلاينر غين رسمه غير و عين رسمتها غييير لووول قاعده لجرب مااكو شغل بخااطري اتفنتف برسم عيووني من قمت استعيل بحط الميكب وانا ماكو تفنن كلللللللشششش

نطووووعة ..حبيبتي انتي شنو هالحركااات الخطيييرة ..

عاد قوليلنا أي عين راح تنتصر ؟؟؟ و شنو أسباب انتصارها :eh_s(6):

 

[شهووده]

بنوووووك

مشالله لووكج خطييير ..

وعاجبتني حركة إنج تموهين الكحل بالبينسل برش بشدووو ..

بجربها ان شالله ..



يسلموو حبيبتي ..

اليووم كنت كااشخه حق رفيجتي لوول زايرتنا إهي وأمهاا ..

وصاااجه الكحل التركواز وااايد حلوو حتى لما أحطه برووحه مع ماسكرا بس يشوووق ..

ولاايطووفج مع البلو براون يطلع خطيير .. رفيجتي واايد عجبها ميكابي اليووم ..

 

[pink]

شهووووود .. شوقتيني عليه زياااادة ..

باجر باذن الله بدخله بلوكي غصب طيب ..

 

[نطوووعه]

بنووووك يا ام اللوكات الخطييير

ماشاء الله استانس على وصفججججججججج


بس انا ماحب اني احط الاخذر مع الوريااات دايما مع البروونز و البيجيات و المشمشيات بس يبيله اجرب الوردي يمكن اغير رايي؟؟

ايهو كحل مكياجي الذهبي؟؟ ماركه كي 22؟
و شلون لوونه داخل العين؟ و شنو ايلاينرج الزيتي؟

و صرااحه ولا عين انتصرت كل وحده الوع من الثااانيه مريضه و حاطه ايلانر شتوقعيين شكلي لووول لااا و ولدي بسم الله عليه يمي يحن يعني كلللللللللش ماكو ابداااااااااااع لوول

 

[pink]

نطووووعه .. أول شي الله يهدي وليدج ويناااام .. آنا أتحلطم على

بنتي ليش نومتها مقطعة و كاسرة خاطر نفسي .. طلع الوضع عندج

مزري .. الله يعينج حبيبتي ..


آنا الغالب أحط حمرة و بلش مشمشي بس ساعات أحب أغير ..

و حسيت ميكاب العين ستل هااادي بغيت شي يطلعه قلت مافي غير

الورديااات ..


الآي لاينر الاخضر ماخذته من واحد سوري اللي في سوق السالمية الاحمر ..

و الكحل الذهبي اللي من مكياجي نفس ما قلتي 22k .. حلووو يعطي وسع للعين ..



و ما تشوفييين شر حبيبتي .. هالمرة ما ضبطوا إن شالله اليايات أكثر من الرايحات

و تظبطين و تفنتقين أحلى الفناتق ..

 

[شهووده]

بنوووك

جربي هاللوك وعطيناا رايج :*





نطووع

اي أنا بعد ساعاات جذيه أقعد أجرب على عيووني وكل وحده رسمتها غيير

 

[ناتشوو]

هاي جميعا
من زمان مشتهية المشاركة بالموضوع بس اتعيجز

آخر مرة حطيت ميك اب قبل امس
بالبيت كنت مشتهية ادلع نفسي
حطيت مرطب من الهملايا
اساس من اتيلير
البودرة مضغوطة من ماكس فاكتور
شدو بني من ذتولز
خط كحل ناعم فوق من محمود سعيد
ماسكارا ريميل
كحل قلم بنفسجي من ريميل داخل العين
قلم الحواجب من كرولاين
البلاشر خليط من بلاشرات علبة بن ناي
الحمرة مطفية من كاراجا والمحدد بعد من كاراجا
لمعة كاملة لكامل الوجه من ماركة تنباع عند زلزلة وهي اساسا شدو بس خذتها لان لونها حلو
استخدمت اللمعة الذهبي والابيض اللي بالصورة
(انا ما اقيد نفسي يعني ممكن شدو استخدمه بلاشر، كونسلر اخفف فيه الحمرة......الخ)

وإلى اللقاء مع مكياج بيوم آخر

 

[نطوووعه]

هاااي بنوتااات


ثاانكس حبيباااتي


بنوووك الوضع مزري و بس؟؟ خلييها على الله :\


ابي رقم كحلج بلييز بقاارنه مع اللي عندي.. و فيه غلتر والا لاء؟



اليوووم لوووكي كان ناااعم عجبنيييي


حطيت مرطب فيتامين اي

كونسيلر اج ار

بودره لوريال المنرااال ماشاء الله فظييعه ان شاء الله تظل جذي و ما اتغير على ويهي

بلش ريفلون لحمي على وردي بنفسجي wine with every thing
هاابه فيه هبه عنيييفه اينن اهوا و بودره لوريال يخلون الويه مخملي ماشاء الله

و خطيت على كل ويهي و ركزت عالخدود و الخشم و اليبهه بووودره لمعتها ذهبيه من مكيااجي 22k

و رسمت عيوني رسمه القطوه شبه مسكره يعني قربت الخطين اللي فووق و تحت العين من بعض بس مااالزقتهمم و كحلتها من داااخل بكحل مكياجي الاخضر و كحل ثاني نسيت ايهوو لووول

و حطيت ماسكرا بوورجوااا الايلاينر يديده اهيا و فووقها لوريال اركتكت

و رسمت حواجبي بقلم بني غاامج من مكياجي بس هالخفيف لاني مااعرف لوول مو متعوده


و حطيت على شفايفي فازلين ليب بالم المدور و بسسسسسسسسس

 

[BaiTotia]

عيدكم مباااااااااااارك

نايس لوكات بنوتات

بنكوشة والله أموت عالألوان وحتى وأنا أزهب بباللي أدمج ألوان بس حزة الحزة أحط البني لوووووووووووووووووووووووووووووول يمكن أسهل وأسرع لون (دايما مستعيلة ولا مالي خلق)

بس بالحفلات والمناسبات لا أمدج على رااااااااااحتي

ومن اليوم ورايح على شانج بغير

شهودة تحب الأحمر وإنتي الأزرق وأنا البني

نطاطيعووووووووو بلى عصبت لوووووووووووووووووول

الحمرا اللي أبيها لونها بنفسجي على وردي شكلها نفس القلوس بس ماااااات و مخملية تينن ولو أدمجها مع حمرا بيجية أو لحمية اللون يطلع روعة بصورها لكم إن شاالله

***************************************************

اليوم كنت مستعيلة فاللي سويته خشيت صفار ويهي خخ

تنتد موسترايزر نمبر 7 و لوز باودر لانكسر

البلش لونه بنفسجي على وردي يهببببببببل من محل يبيع إكسسورات بالفنار

ومحدد لحمي و قلم حمرا لونه وردي محومر يهبل من نفس المحل

وبس

 

[نطوووعه]

هااااي بنووتااات


عيييدكم مبااارك


هاا وييين لووكااتكم مااالت العيييييييييد !!!! :gr4uu:


اليووووم بدلتييي كاانت درجااات البني و البروونزي النحاااسي


الميييكب كاان كالتااالي


مرطب فيتامين اي

بوودر منرال لوريااال كل ويهي تغطيتي عجيبه و يعطي نوور للويه

كونسيلر اج ار

بينت بوت لاين لوو لحمي مطفيي

على الجفن المتحرك حطيت سيبل بس لوونه ماطلع واااضح مادري ليش او يمكن هذا لوونه و ماني عااارفه لاني اول مره استخدمه بصراااحه

و البني الغاامج عالاطرااف و الجفسه من كلت اوف جيري كواد الجوكليت سبايس

و دمجتهم زييييييين بفرشه 217


طبعا بما اني قايمه متاخر نسيت احط تحت الحاااجب اضااااءه !!

كحلت عيوني رسمه القطوة الشبه مسكره ببلاك تراك و فرشه 210


حطييت ماسكرا لانكوم هايبنوز و شي ثااني فووقها نسيت :\

و كحلت عيوني من دااخل بكل اخضر من جفنشي بس سيحته قبل بولاعتي الورديه لووول


حطيت بلش من مكياااجي لوونه برووونزي نحااااسي


فوووقه اللمعه الذهبيه الكور من مكياااجي بعد و هم وزعتها على ويهي كله


و حددت شفاايفي اب سبايس من ماك

و حطيت الحمره العجيييبه الموووطبييعيه بروونز شيمر من ماااك لوونها مو طبيعي بنااات بررووونزي نحاااسي من قللللللللللللللللللللب

و حطيت فوووقها من الداازل غلالالاس مس داينامايت لووونه ذهبي بروونزي خفييييف و بس )

 

[نطوووعه]

بيتووتيه نايس لوووك حبيبتي


اي محل اللي بالفنار؟؟ انزين شنو مااركتهم شمكتووب عالعلبه؟؟؟

 

[BaiTotia]

نايس لوك نطوعه شوقتيني عالحمرااااااا جنج تدرين بخاطري حمرا هاللووووون عليج بالعافية

المحل بالفنار صوب كارن ميلن و سترادي فاريوس اسمه كولورز & بيوتي يبيع إكسسورات وميكب

المهم بالعيد كنت لابسه أصفرغامج خخ و رمادي غامج

فاونديشن جيرلان ولوز باودر لانكسر والكونسيلر ماك التيوب

تحت الحاجب بقمنت فانيلا

وعالجفن المتحرك حطيت كريم كولور بيس hush لونه جنه لون الجفن مشمشي بلمعه

عالطرف الخارجي والجفسه رمادي غامج بلمعة سلفرية خفيفة

تحت عيني رسمته بالفلويد لاينر خط ضعيف و ببداية عيني أخذت اللون الذهبي( اللي من كولكشن الريد شي سيد اللي صاير بالنص)

حطيت اللون فوق الآي لاينر تحت لي قبل النص (عسى فهمتوا خخخ)

طبعا لو كان عندي قلم ذهبي بيطلع أحلى

وداخل عيوني قلم أسووووود وماسكرا سوده

خدودي بلش ENOUGH SAID

وشفايفي قلوس ذهبي من نمبر 7 (إحترت بلون الحمرة وحطيت القلوس)


شرايكم بلووووووووك العيد؟