شنو حطيتي ميكب اليوووم؟؟

[sweety_love2]

اليوم مو حاطه غير ماسكارا ولبست عدساتي رماديه من نظارات حسن يهبلون توني ماخذتهم ماركه كمدور
وحطيت مسكرتي الحلوه لوريال الذهبيه والي فيها قسمين بعد اسود وابيض تهبل ما استغنى عنها وبس

 

[Miss Golden]

على فكره.. حبيت اوضح للي مايدرون

انا امس واليوم كنت معزومه على عرسين من جذي لابسه قصير لووول..

​

 

[×لمار×]

انا امس معزومه عند ام ريلي سويت بوفنيت وسويت شعري لافايف ورسمت البرواز ازرق وجحلت عيوني من كلرنس وسويت الشدو مخمل من الفراشه ومسكرة من نابلين بس اينن صج ارتحت حيل ماكو اي مشاكل ولابست السكيني والجواتي لاصغار

 

[banoota_ad]

مكياجي اليوم كان .....اول شي لبست عدساتي (تراي كولور hazel ) بعدين حطيت جل حق البشره الدهنيه من inglot وعقب حطيت كونسيلر من ماكس فاكتر تحت عيوني...بعدين حطيت لون بيج على جفني الي فوق وفوقه لون بيج بس فيه لمعه ياي على برونز على عيني كامله..بعدين رسمت حواجبي ورتبتهم..وحطيط شدو بني مطفي بين جفني المتحرك وجفني الي تحت حاجبي يعني بالكسره ...يعني بالنص حطيت اللون البني المطفي ودمجته شوي عشان ما يبين انه خط ..لازم ادمج الالوان...المهم وعقبها قلم ابيض داخل عيوني ومن بره اسود وفوقه من الطرف قلمي التركوازي من ميك اب فور افر...واخر شي ماسكرا من لوريال وفوقها ماسكارا من استلودر على رموشي الي تحت والي فوق...وبعدين حطيت باودر من ديور على ويهي وفوقه اضاءه على خدودي من ماك وفوقه بلشر لونه برونزي على مشمشي شوي ..لووووول الالوان ضاربه عندي ماعرف اشرح:eh_s(14):....واخر شييييييي كونسيلر على شفايفي وفوقه روووج نووود من ماك وفوقه شوووي من روجي البرتقالي من كلارنز فصار اللون النهائي مشمشي فااااااتح وهادي ...وبسسسس

 

[BaiTotia]

نايس لوكات

اليوم حطيت شي خفيف حق الصبح

كونسيلر ماكس فاكتر ومرطب نمبر 7 الملون وبودرة ماكس فاكتر الذهبية بالفلرشة

على الجفن الفوقي كله حطيت كريم كولوور بيس hush لونه مشمشي بلمعة وتحت الحاجب إضاءة من إستي لودر اسمها tea biscuit

صارت اللمعة تينن

وعالجفن المتحرك حطيت شدو لونه بيييييييييييييييج يهبل من مادينا ودمجته مع الإضاءة

وداخل عيني قلم بني و تحت عيوني رسمتها بالقلم على منابت الرموش

وماسكرا

البلش peaches من ماك + بلش لحمي بلمعة اللي قلت لكم عنه حيل حلو جربوه

والحمرا تحديد لحمي + روج من ريفلون رقمه 200 لونه مشمشي فاتح على بيج

 

[شهووده]

خووش لووكات بنااات ..

 

[Na77olah]

هلووووووووووووو بنات


نايس لوكات ياحلوين كالعاده


اليوم لوكي مدعم بالصور لووووول

فاونديشن فور ايفر
وبودره ستوديو فكس
واخر شي كور بادي شوب لون الكراميل

وبلش برجوا الوردي الفاتح

اضاءه من كراجا لونها وردي فاااااااااتح صورته بس مايبين لونه عدل حطيته عالجفن كله ودمجته مع شدو تراكس
وداخل العين كحل اسود من نيفيا <<<لأنه لونه فاتح موغامج وايد انا ابيه جذي
ومسكرا اورغانس

تحديد لونه لحمي على بنفسجي على حد الشفايف وبالنص لون لحمي من كراجا
وقلوس من برستيج

وبس :eh_s(6):

 

[نطوووعه]

هاااااااااي بناااااااااات


امبيييييييه امس كتبت رد وييييييين راااااااااااح لااااء !!


اني وييييييييييي


لووكاااتكم وااايد حلو بناااات


ام عوض حيااج الله معانا ونبي لوكاتج

مسمووس حيااتي اشتئتللللك

شنو السبراي البروونز؟ و شنو الاوريينتال سن؟؟


عندي لكم لووكييييين :

الاول

مرطب ملون نمبر 7 و كونسيلر اج ار

عالجفن كله بينت بوت ريبنسك
تحت الحااجب لمعه فلوووف اوف واايت على نتفه بنك فضي
عالمتحرك غرين سموك و الجفسه ساتن تووب حدي حبيت الكومبينيشن

حددت عيوني من تحت بكحل اخضر تركواازي غاامج من مكيااجي

و ماسكرات ريمل الحمرا و الرماديه

كريمي بلش من ماك اسمه ليليسنت

محدد سوور وردي من ماك و فووقه غلووس مااك انجانترز المشمشي القوولدي و بس


و اليوووووووووووم

مرطب نمبر 7 و كونسيلر اج ار

عالجفن كله بينت بوت بير ستدي

عالجفن كله المتحرك و الثاابت شدوو بيج بلمعه اسمه ريتروسبيك

و عالجقسه من الجهة الخاارجيه بس مو كل الجفسه حطيت ساتن توب و عالطرف حطيت شدوو رمادي بغليتر هم من مااك و دمجته مع الساتن تووب و غمجت اللون عالطرف بشوية بلاك تايد اسود بغلتر فضي هم من ماااك و رسمت عيوني من تحت بالبنسل برش بالشدو الرمادي اللي بغلتر و رسمت عيوني كلها بكحل مائي من كريولان و عدت فووق الرسمه بالشدو الرمادي عشان ماتصير رسمه العيون محدده واايد

و دااخل عيني كحل رماادي بغلتر خفيف من ماك اسمه فوون نمبر
ماسكرا هيبنووز و ريمل الحمرااا


هطيت على ويهي كله باسفنجة الكومباكت باودر لمعه من جفنشي فووقها بنفس الاسفنجة لووز باودر بلمعه من فوورايفر

البلش المنرال دينتي وردي على مشمشي من ماك

الشفاايف محدد ميبلين وردي على مشمشي فةةقه غلووس بلمعه من لووريال اسمه كريستال موووون اشوه مس طلع عندي منه هيهيه و بسسس كنت لااابسه اسود برمادي بمشمشي

 

[ghalaty]

صباحكم عسل وكل عااااااااااااااااااااااام وانتم بخير لوكي اليوم مرطب اولاي كريم ماكس فاكتور المدور وبودره ريميل والعين شدو بني وتحت الحاجب بيج بلمعه خفيفه وكحل داخل العين ما قدرة احط ماسكره عيني تعبانه وبلاش من ريميل والشفاه محدد فاتح من ريميل وحمره نارس الي علي شكل قلم لون لحمي وفوقهم غلوس ريميل وسلامتكم

 

[نطوووعه]

حلوة لووكاااتكم يااابناااات

هالاياام هاابه حق التسيايير و الحفلات والاستقبالات احط كريم اساس كريولان اللي اهوا مثل الكونسيار فيه 3 الوااان اينننننننن يعطي تغطيه حلوة و بنفس الوقت لووك رطب للويه جنج حااطه كريم مرطب و الويه يلمع عالخفييييف


و ذاك اليوم كنت لاابسه سيلفر انتييك مع الوردي الوصخ اللي جنه دااخل معاه رماادي تخيلتو الاوان امبيه اتينن الموووهم بس بشرحلكم ميكب عيووني

حطيت بيس بير ستدي هالجفن كله

يعدين شدو ريتروسبيك عالجفن كلللله الثااابت و المتحرك لووونه بيج بلمعه احسها يايه على فضي شوي مو اللمعه البيج الذهبيه لاء ..

فوووقه عالمتحرك بس حطيت تراااكس بنفسجي قاااتح بذرات ذهبيه خفيييفه

عالجفسه حطيت ساتن تووب اينن لوونه رمادي على بروونز خفيف فضيييع اللون واايد احبه

عالطرف شدو رمادي بذرات فضيه و فووقه شوووويه بلاك تايد اسود بغلتر فضي


تخيلو مزييج الوااان مع بعض امبيييييييييه والله مووو صج كااانت الالواان غرييييبه و متناااسقه بنفس الوقت ويااايه على لبسي بضضضضضضضضبببببببببط

و طبعا رسمه القطوه المسكره بالبلاك تراك و ماسكرات ريمل الحمرا و الرمااديه و هيبنوووز من لاانكوم و بسس

 

[نطوووعه]

بيتووتيه حبييبتي بغيت اسم او رقم الشدو البيج مال مادينا شوقتيينيي عليييه

 

[BaiTotia]

نطاطيعو ماشاالله لوكج يشوووووووق عجبتني ألوان بدلتج وميكبج عليج بالعافية وبقلدج بشتري نفس شدواتج

شدو مادينا البيج رقمه 028 مات

 

[BaiTotia]

ليش صار صخة جذي؟

اليوم حطيت كونسيلر ماكس فاكتر و فاونديشن بنفت وفوقه بالفرشة بودرة ماك المنيرال

عيوني عالجفنن الفوقي كله كريم كولور بيس hush من ماك

عالجفن المتحرك two to glow الجزء الرخامي

طلع لونه برونزي

وعالطرف الخارجي شدو بني ودمجتهم مع بعض

تحت عيوني شدو بني بالفرشة المشطوفه

بس كان حيييييييييييييييل ناعم

وتحت الحاجب شدو vanila

وكحل بني داخل العين وماسكرا

البلش لحمي بلمعة

الشفايف محدد لحمي و حمرا من سيفورا لونه بيج بلمعة

 

[نطوووعه]

هاااااااااااااايوووووووووووووووو


بناااااااااااااتوووووو ااااااام بااااااااااك لووول


بيتوتيه حبيبة البي انتي اممممواااااااااااااااااااااه تسلملي لوكاااتج الحلوة و شدوااتي و مييكبي كلللللللللله حلاااااااااالج حبيييبتييييييييييييي

انا مع الثقل صااايره عياااازه


يااماحط مييكب

والا احط بس مااالي خلق اكتب :dddds:

و لما يصير ليي خلق و ابي اكتب لووكاااتي السااابقه الا اكووون ناااسيييتهم :dddds:

هيهيهيهيهي


حالتي عجيييبه



الموووووووووهيم اليوم رحت اتغدى برة و لبست اسود ابي بيج و بنفسجييييي

حطيت مرطب نمبر 7
و كونسيلر اج ار
و القاونديشن خلطت على ايدي شويه فاونديشن ريفلووون مع شويه لمعه ورديه من بدي شوب اللي تكوون عصاار و وزعته على ويهي صااار فيه لمعه حللللللللللوة انصحكم بهالعصااار

هالجفن الثاابت و المتحرك حطيت بينت بوت فريسكو بنك

و عالجفسه شدو بنفسجي مات درجته وايد حلوة من كولكشن انغاااروو

و تحت الحااجب حطييت لمعه من ماك اسمها فلووف اتينن وردي فااااتح صدفييييييييي و دمجتها زييين مع البنفسجيي

رسمت عيووني كلها رسمه القطوة المسكره اب ايلاينر دييقوو ايننننننن هالايلاينر

و ماسكرا تلسكوووب العجيييبه


و البلش وردي من بودي شوب فووقه البلش الوردي المدرج هم من بودي شوب يعطي لمعه حلوة وناااااعمه


و بغيت احط حمره لايتلي راايب لونها وردي حلووو و رطبه بس مالقيتها فحطيت حمره ورديه فاااتحه على بيييج من ريقلون و خلطت ويااها محدد سوور الوردي من مااك و شوي غيرل اياوت تاون و فووقهم غلووس شفااااف


و بسسسسسسسسسسسس تعبتتتتتتتتتتتتتتتتتت /B]

 

[BaiTotia]

هلا نطاطيعووووووووو الله يسهل عليج إن شاالله

ماشاالله لوكج حلو فلوف هذا بعد حاطته بلستتي الطويلة

هالأيام مالي خلق أتمكيج ولا أكو مناسبات ولاشي فكله كحل داخل العين وماسكرا وإضاءة تحت الحاجب

والبلش والحمرة أغيرهم عاللبس

 

[امل الوجدان]

اب
اب
اب

 

[shushuwa]

هلوو
اليوم رحت المستشفى وحده والده عندنا
وميكبي كان ناعم كنت توني قاعده من النوم

مرطب اولاي خلطته مع لمعة الوردية مالت بودي شوب (نطوعه نفس مالج حده حلوو)
وايلاينر بلاك تراك طلعتها لي برا ومسكرة ريميل الحمرا وحطيت شوي ايلاينر بطرف العين من تحت وفوقه شدو اسود من لانكوم
ومن جدام عيني نايلون
وبلش نونس من ماك وحمرة لوريال قلام شاين كلها لمعة تونس;p

 

[milkshake]

لوكاتكم رهيبة بنات..

نطوووعة بس بغيت اسألج انتي اي كونسيلر تستخدمين من hr ? انا جربت الماجك كونسيلر ..بس صديقتي اتقولي في كونسيلر ثاني منهم اعتقد اسمه فول كفرج ويغطي احسن ..

 

[ghalaty]

لوكي اليوم كريم اولاي بودره مضغوطه من بوتيك ومسكره ريميل الحمره ومرطب وبس

 

[ghalaty]

هاااااااااااااااااااااااااي اشلونكم ليش جذي صخه انا لوكي اليوم كريم اولاي وبودة ريميل وحمره رشن اسيا من ماك وسلامتكم