شنو حطيتي ميكب اليوووم؟؟

[عنزية والهيبه وايليه]

هااااي بنااات

انا بقوولكم مكياجي اليومي

يلا نبدي

اول شي احط كريم ديور

وبعدين بودرة انا شاريته من وحده اسمها ام عبدالرحمن تبيع بالمعارض بس البوودره عجيبه


وو شادو شارمل

وكحل قلم << ترا انا ما احط كحل سائل

احط الكحل القلم وفوقه بالشادو الاسود ماركة مكياجي اللي يحطونها على الحواجب

<<بعد شتبون مسويه خصم 100 % الدرزن بمية فلس هههههههههههههه


والشادو الاسود هذا

وبعدين البلاشر

وبعدين الحمرا << طبعا احلى حمره حمرة شارمل لحه خل ادورها بقوقل اذا لقيتها بحطلكم الصوره

^^^^^^^^^^^^^^^^^^^


مالقيتها مع الاسف

يلا تشااااااااااااااااووو _03BA:

 

[بنوتة نعومة]

صباح الخير

شلونكم

وين بتروحون اليوم

انا شكلي اليوم بقعد بالبيت لان الكل ماله خلق يطلع و انا الضحية :0bee2e8d89:​

 

[Na77olah]

امس كنت عزومه وعلى اساس اني بلبس لفه فيها لون مشمشي بس ماعندي حمره مشمشيه ومامداني اروح اشتري والرطوبه والخيسه ماشجعتني



المهم



كنت لابسه نفنوف اسود طويل كريب خفيف وفيه تور و حزام عريض تحت الصدر كله عليه احجار لون اسود كبار وصوب الصدر فوق هم فيه احجار لون اسود والجم ثري كوارتر<<<< ماتتعامل مع الجم الطويل
اهوه طبقات وفيه فتحتين طوال بس لبست تحته ليقينق اسود الي طرفه دانتيل كان شكلي يونس فيه جني ليدي <<<< شوفي التعليق


ولبست معاه لفه موسكينو مشيره بيج وفيه ورود حمره وفيه زيتي بعد ومحدده باحمر


وجنطتي الشانيل البيجيه <<<<< تموت عالجناط ولابسه اسود بس علشان اشيل هالجنطه

وساعتي شوبارد بيجيه <<<<<<<< بايقتها من اختي مو مالتي

وتكرمون الجوتي من زارا بيجي وفيه من جدام احجار كبيره





:bbbiu:



الحين الموضوع عن اللبس ولا الميك اب ؟؟؟؟؟؟؟؟؟؟؟؟؟؟؟؟؟؟



:080402ask_prv:





جربت كريم اساس مره قلتلكم عنه طالبته من التلفزيون حق الجسم اهوه يخفي اذا في اثار حروق او اي اثر جربته عجني لأنه مات وما يدهن الويه ولونه طلع حلو على ويهي مزبوووووووووووووط

وحطيت بودرة اساس شانيل وفوقه الكور مال بادي شوب البرونز الفاتح جدا الكراميل علشان لا اطلع بيضه وايد انا هالأثنين ما استغنى عنهم كلللللللللش


ولبس عدسات توتي لونه بندقي ترى على فكره شريته وطلع نفس لون عيني والبسهم واختي تقولي الحمدلله والشكر بس الي عاجبني فيهم انه يكبر بؤبؤ العين

وكحلت داخل عيني بكحل اسود من نيفيا عمه بعينها الي تبيع بفافافوم اتقولي اسوووووووووود جربيه طلع عادي قطيته ورديت على كحل ريفلون وسويت الحركه القاتله الفتاكه والي اهيا بوز من بداية عيني ورسمت تحت عيني وسحبته لي بره بس مو وايد


وحطيت شدو مخملي بيجي على كل جفني وعالجفن المتحرك شدو اسود بس مو وايد اسود ولونه يطلع حلو مع البيج الي تحته وخليت الشدو طرف عيني مدور لي تحت ودمجته مع الكجل بالطرف خليته مدور طرف عيني مو بوز وطبعا قمجت اللون الأسود من الطرف بس من جدام خليت اللون فاتح

وسويت تكتلات برموشي بمسكارا لوريال وديور <<<<< انظموا الي عشاق التكتلات


وحطيت على ويهي كله بلشر من برجوا بس اخففه بايدي قبل لا احطه واصلا اهوه خفيف علشان اخفف من بياض ويهي لأني بحط حمره حمره


وحطيت لمعه على عظمة خدي بس من فوق تحت عيني


وحطيت حمرة حمره بس خففت لونها بقلوز لوريال وايد وايد خففت لونه لأنه مو حلو علي انا بيضه وشفايفي صغار ولمن اخفف اللون الأحمر بقلوز لوريال يطلع لون غريب حلووووو





وطلع شكلي نااااااااااااااااااااااااااااااااااااااااايس





وبث :eh_s(8):

 

[Na77olah]

ماااااااااااك


قصدي

بنوووووووووووووته

لوووووووووووووووووول



:tomato2:




انتوا ماعندكم زواره بالويك اند ؟؟؟؟؟؟؟؟؟؟



ما احب اطلع بالويك اند ما احب الزحمه





واي نسيت اقولك اختي بالمبنى الرئيسي اهيا تخصصها كمبيوتر بس ما اعرف اسم قسمها بس اهوه تبع الكمبيوتر

 

[بنوتة نعومة]

نحوووووووووولة لكج يونس صج ليدي​

 

[بشه المنفشه]

عندي اقتراح جهنمي

ليش كل وحدة عقب ما تكتب خطوات اللوك اتحط صورتها هههههههههههههههه

ترى اتشوقوووون ما شاء الله عليكم أسرح بالوصف وأقعد أتخيل صج صج ودي أشوف أشكالكم شلون تطلع


--


انا بالنسبة لي أمس كانت زوارة بيت يدتي ففرصة أتمكيج لأني ما أحط فل ميك اب إلا حق البيوت والزوارات والمناسبات .. حق الدوام والطلعات العادية أتفنن بالكحل الأسود والملون والقلوسات الفاتحة وبس .. ماحب أكثر مو متعودة وبيني ويكم أحلى وأنعم خصوصاً مع جونا الخرافي


المهم ..


انا متعودة أكشخ عندهم لكن هالمرة لبست عباة لأن آخر مرة ترصصت اشزيني والكل قالي صايرة دبة فقلت هالمرة بروح بعباة عشان ما يتحجون خخخخخخخخ قاعدة أسوي رجيم لما أضعف ان شاء الله بترصصلهم مرة ثانية وأوريهم الحركااااات


عباتي فيها بنفسجي شوي فحطيت شدو بنفسجي خفيف على الجفن المتحرك وفوقه بيج على ذهبي على الجفن الثابت ومن تحت حطيت شدو بنفسجي من نص عيني ومديته لي بره وايد .. خليت عيني مسحوبة بس من تحت .. الشدو من فوق خليته عادي .. الصراحة اطلعت عيني وااااو لأن عيوني انتف فكبرتهم بهالحركة

تحت عظمة الحاجب خففت الذهبي بلمعة صدفية من داخل زاوية العين لي برة

وفكرت أحط آي لاينر بس حسيت اللوك بيصير عادي فرحت حطيت كحل قلم بنفسجي على خط الرموش من فوق وبعدين ماسكارا كثيفة وطبعا تحت خط السحبة اللي تحت حطيت شدو بيج عشان ما يخترب الخط ولا يحت الشدو فصار مستقيم ما شاء الله تبارك الرحمن أول مرة يضبط معاي سيدة .. العادة واحد صاعد وواحد نازل وأطنقر بالأخير وأمسحه هههههههههههههه


الحمرة حطيت بنفسجي بس حسيتها فاقعة جان أحط عليها قلوس بيج صارت حلوة وماشية وعيوني إبرزت


عقب كشخت بعباتي وطلع المكياج مرتب وحلوووو ما شاء الله



وسلامتكم

 

[بنوتة نعومة]

هلا نحووولة

احنا زوارتنا باجر خوالي ايونا البيت و صاجة طلعت الويك اند قثيثة مع هالزحمة و الي بالمجمعات كله يهال مع ان الحين امتحانات المفرووض المفروووض يقعدون بالبيت يدرسوون مو هياته من مول لي مول

خلف الله علينا الي ماكنه نشوووف الشارع الا الاربعا و الخميس و اليمعة مانطلع لاازم نتزهب حق ثاني يوم
" السبت " مدرسه :eh_s(14)::eh_s(14)::eh_s(14):​

 

[سابقه جيلها]

اليوووووووووووم مريحه بشرتي خلاص هلكت ميكب اب هههههههه

 

[بنوتة نعومة]

وينكم يا قووم ؟؟؟؟؟؟

صايرين صخه علامكم :eh_s(1):​

 

[BaiTotia]

بعد شوي بطلع بروح أشتري مكياااااااااااااااج من التجميل بالجمعية وبشتري عطر بعد من زمان ماسكة إيدي عن العطور

نحولة المحل بمشرف برا الجمعية ولوكج يونس حبيت لبسج

 

[بنوتة نعومة]

بيتوتية لمن تردين كتبي شنو حطيتي وو شنو شريييتي


ناطرينج​

 

[HASB_83]

هلوووووووو بنااات كيفووووووووو



نطوووعه حبي الحمر كنت حاطه الوان من كاراجا شاريتهم الواانهم فاتحه كلش ماتبين وخلطتهم مع بنفسجي غااااامج (مادري شلون شريته هههههه)
وحطيت وردي وعنااابي والله اطلعت خووش حمره الحيييين


والكولكشن الجنطه مع البرشات والله حلووووه

واسعارهم واايد حلوه
احسن من ما اشتري البرش بــ 17 او 16 اول جنييي هبله بس اخمط عالفاضي


برشات شدووو وكونسيلر!! وانا اساسا ماحط كونسيلر!!

انا احط الفاونديشن على ويهي كله



ايييي فاونديشن ماكس فاكتور كللللش ماضبط معاااي لما حطيته ميراكل تاتش

لان انا بشرتي دهنيه وصاارت بزوده دهنيه

التي زون كل شوي وامسح او اطبطب بكيلينكس او اسفنجة الكومباكت


وههههههههه لون الشدووو كنت ماخذه وخالطه الواان بلاشر بودي شوب البرونز اللي فيه لمعه ذهبي

بس والله خوش لوووون

 

[HASB_83]

وااي بنات اليووم كنت بطلللع بس تعييزت وهونت


عاد الحين تحسفت هههههههههههههه



ودي اشتري ميك اب بس مادري شاخذ!!!!!!

من كثر اللي عندييي حدي حايسه



بناات شسالفه فاونديشن بينيفت؟؟؟

حلووو؟؟ اناااا بشرتييي دهنيييييييييييييييييييه







واااي الله يخس ابليسهم سنتر بوينت جاان خذيت الماسكرات والله متحسفه

بس اهم شي عزت نفسي لووووووووووووووول

 

[بنوتة نعومة]

هلااا

انا تحسفت ليش شريت مسكرتي التلسكوب من لوريال من جمعية الشامية اكيد سنتربوينت مسوين عليها خصم فبروح اشتري الفاونديشن اللوس بودر اليديد مالهم و مسكرة اشواريا الذهبية عناااد

و اساس بينيفت حلو انا بشرتي مختلطة يعني فيها مناطق دهنية و هالاساس يعطيج لوك طبيعي و اذا حطيتيه على ويهج يصير جنه بودر حده يهبل ​

 

[نطوووعه]

بنوووت لووول شخباااري نيييلز وناسه اي قناااة؟؟ انزين حسيتي هالاتج خفو مع كونسيلر غيرلان؟ اذا جذي يمكن اخذه عيل ؟؟

و اذا تبين اساس سائل و بصلح للبشره الدهنيه عندج مال استيه لودر اسمه دبل وير اينن اذكر مجربته من زمااااااااااااااااان تعرفين اللي يغطي من قلببببببببببب من اسمه يبين و لووو شنو مايسيييييييييييح لا مع العرق و لا الرطوووبه و لا البشره الدهنيه اختي بعد ويها دهني جربته و وااايد كيفت عليه بس المشكله بالدرجه كانت تبي برووونز و ماختارت الدرجه المضوووطه بالشمس يبين لووون الويه غلط عاد انتي رووحي على يوم ويهج نظييف مافيه ميكب و جربي و طبعي بالشمي شوووفي الحلووو ردي اخذيه و الاسطوره تمدحه بعد و تمدح بزدرته انا بس مجربه الاساس نفسه

وانا عندي اساس ماك السائل بايقته من اختي حتى غامج علي افتحه باساس ديوور الوردي ماغيره عرفتوه و شوي دايموند كريم الوردي يطلع نايس اشوفلج اسمه اذا بغيتي بس انا ارشحلج الدبل وير double wear

و ايه تذكرت كان عندي الكريمي مال ماك عجييييب يغطي عدل بس ريحته ويع


و الماسكرا اظن عندي انا عندي مالت ايشورايا بس اللي تكون صابين فكرتها فاشله ماعجبتني عاااديه في غيرها ماسكرات خطوة وحده و تاثيرها فظيييع نفس التلسكوب ترى حتى برووحها اتينن بس حطي طبقااات


بيتوتيه كيفك يا امر


مريوما ماك كله اينن احلى شي الشدوات و الحمر و اللمعات سئلي عن شي اسمه menerelized skin finish حتى مالوت الكولكشنات القديمه ساعات يكون باقي منهم اخذي اللي تقدرين عليه لانه اينننننننننننننننننن هذا اضااءه للويه


قوليلي شنو لون بدلتج واقوولج شنو تشوفين شدوات من ماك



واي نحووله الله يعينج دوامج القديم مأسااااة عاد المرااجعييين يخزوووون و حااااله ويييع اشوة انج طلعتييي

 

[BaiTotia]

بنوتة يافرحة ماتمت

وصلت متأخر هناك الساعة 9 و35 على أساس الساعة 10 يسكرون طلع اليوم يسكرون 9 ونص لأنه اليوم يمعة أوف

شسوي بعد

باجر بروح

أساس بينفت إذا ويهج فيه عيوب وايدة ماينفع لأنه جنه شفاف يلوق مع أي لون بشرة إذا كنتي بيضة ولا حنطية راح يمشي معاج

ينور أكثر من إنه يغطي

سنتربوينت السالمية أكو فيه سيل؟

 

[BaiTotia]

نطوعة أنا تمام وإنتي شلونج؟

شنو الشدو اللي مرة قلتي وايد حلو ويلوق مع كل الألوان

ممكن اسمه؟

 

[مريوما الحلوه]

مشكوره انا بدلتي قصيره بنفسجي وشك تحت الصدر بنفسجي وفضي قلت بحط فضي شدو بس ابي اساس حلو ما احب الاساس المات احب اللمعه شفتي شلون ممثلات هوليود يتلامعون جذي احب

 

[نطوووعه]

هاسب شلون خلطتي الحمر حدي حنه كيفج الا تعلميني p;


بنوووت انا شاريه اللوز باودر مال لوريال المنرال اينن بس اختاري الدرجه اللي تناسيج بضببططط انا درجتي مو ذاكره بضبط بس فيها كلمه doree



بعرف اساس بنفت ايهوو؟ العصار لونه احمر جنه؟؟

 

[BaiTotia]

نطوعه لا صاير على شكل إسطوانة

وماقلتي شنهو الشدو