شنو رايكم في الناس اللي تشارك بالبرامج الاذاعيه او التلفزونيه؟؟؟

[متواضعة]

السلام عليكم ورحمة الله وبركاته


شخباركم ياحلوين


كنت افكر في هالموضوع وحبيت اخذ رايكم فيه


شرايكم في هالناس اللي تشارك بالبرامج الاذاعيه الصبح او الظهر او بالليل


مثل البرامج الترفيهيه او الدينيه او برامج المسابقات او برامج اهدائت الاغاني

او حتا البرامج التلفزونيه مثل برنامج فوزية دريع على الهوا :fun: او برنامج مستضيفين فيه فنان معروف


او غيره من البرامج غير انه احيانا يتكلمون عن امور خاصه وجذي :27d66a9c24b146327bf

اشوف ماشاءالله يعني في وايد ناس يدقون احيانا بس ايصبحون او ايحيون احد غير هالمسجات اصبح عليكم او امسي عليكم ... احسهم ماعندهم سالفه ماعرف ليش

مايصير خاطرج اتشاركين .... وتفضفضين اي او لا وشلي يردج عن المشاركه !!!!


انتوا شرايكم في هالموضوع وهل عادي او انتي من الناس اللي تشارك في الاذاعه والتلفزيون او لا

وشرايكم في الناس اللي تشارك

ان شاءالله ماكون طولت عليكم ويلا تناقشش :sfg: وقووولولي شرايكم بالموضوع ؟؟؟

 

[اميره1980]

اتكلم عن نفسي
انا قبل كنت احب اشارك سواء بالاذاعة او بالتلفزيون و كنت ما اصدق اذا شفت مذيع يقدم برنامج في احد المجمعات اروح اركض و اطلع بالتلفزيون لووووووووووووول بس الحين ما قمت احب بطلت
ذكرتيني قبل جم مره فزت في برنامج فكر و اربح وناااااااااسة

 

[غلآة امي]

عادي يعني اهوا من ناحيتي احب اشارك عشان استاانس و اضحك يعني مو عشان شي ثاني

مادري يعني احسه عادي

ذكرتوني ياما ربحت بس عمري ماخذيت الهدايا مالي خلق ارووح لووول

 

[متواضعة]

لووول يا حلوكم


انا اظن لو بروحي اشارك بالبرنامج مستحيل افووز وراثي بالعيله عندنا عدم الفوز

 

[SOKAR MALE7♥]

انا الاذاعه شغاله عليهم لكن التلفزيون مو دايما اللهم اذا كان فنان بس مسجات مو مكالمه لاني بالعاده افصل ودايما مشاركات فصلات لكن فوزية الدريع استحي وانا اطالع شلون تبني اشارك يسلموا على الموضوع