شنو راي الامهات

[mamanoonaa]

السلام عليكم حبايببي
طرحت موضوع ابوي وكان تفاعلكم حلو وردودكم احلى وعسى ربي يرحم ابهات الكل الاموات منهم والاحياء
لما شفت ردودكم فعلا اثبتولي ان البنت بنت ابوها بس تتوقعون ان هذي العلاقه اتضايق ست الحبايب ؟ وتتوقعون لو بناتنا يسوون نفس الشي معانا راح انغار ونضايق؟​

 

[dodowa el7elwa]

لاا عاادي وثاانكس

 

[tmtmt]

هلا حبيبتي
فعلا كان موضوع ابووووووي وااايد حلو
يعطيج العافيه

اول شي بتكلم عن تجربه بنتي توها صغيرون الله يخليها
بس ابووها يموووووووت عليييها وقام يحبها اكثر مني <<<< يعني شوفي شكثر يحبها دام اكثر مني هههههههههههه

والكل يقول نسخه منج وتشبهج الا اهوا يحتر ويقول ما تشيهج واهيا احلى

انا الصراحه اسوي روحي محتره <<<< عشان يستانس
بس من داخلي لا والله عادي ومستااااااااااانسه

اما عن امي الله يطول بعمرها
اممممممممممم ... مادري تغار ولا لا
بس ماخذه حبنا لابوي نفطه لصالحها

كل ما بغت منه شي واحنا مانبي نسوييه قالت

ابووووج يقوووووووول

الله يخليهم لنا ويطول باعمارهم ويرضون عنا يارب

سوري على الاطاله ومشكوره على الموضوع

 

[شوشو الشقيه]

تسلمين اختي
يا قموره
بالعكس ما يضايق اي ام لان االبنت من لحمها ودمهااااااااااااااا
لو حبت شخص تراها ما حبت غريب حبت ابوهااااااااااااااااااااااا من اقرب حق البنت صدق الامهات ولكن
الاب يعني للبنت كل شيء هو سندهااااااااااااااا وفخرهاااااااااا وقوتهااااااااااااااااااا
بالعكس امي ما تغار والحمد الله
ليس كل النساء عقولهم صغيره
بالعكس اذا الاب حب بنته اكثر من الام بصراحه الام تفرح وتستانس لان الاب ما حب بنت الغريب ولكن بنته الي من لحمهاااا ودمهااااااااا
اذا الاب لم يدلع بنته ويحبها ويغنجها ويدلع ويحبها مين يحبها بالله عليج
بالعكس الام كل ما رات الاب يموت في بنته واطفاله فرحت
والام عاقله هي من تكسب حب اطفالها لها وتجعل اطفالها يحبونها في نفس الوقت

اكبر غلطه يعملها الاب والام هو كسب حب اطفالهم لهم وجعل الطرف الاخر ليس محبوب
لا هذا في المستقبل البعيد يظهر اثاره

الام تفرح وتستانس اذا شافت ابنائها يخافون ويحبون ابوهم واايد
من اختج شوشوش الشقيه
اختي البنت شرفها من شرف اهلها

 

[كويتية و لكن]

اي ام تغار من بنتها اذا ابوها يحبها ويدللها ويعزها --اكيد بتكون مو ام عاقله لان الاب من الطبيعي يحب عياله وبالذات البنت لان الاب يحس ان البنت مصيرها بنروح بيت زوجها عكس الولد بيكون قاعد عند الاب والام وحب الاولاد لبوهم ناتج من تربية الام بيدها الاولاد يحبون ابوهم او ما يحبونه لان الام هي اللي تربي واحلي و واقوي حب اللي ما بعده حب حب الاولاد حق امهم وابوهم وحب الوالدين حق اعيالهم
اكو ام تغير من بنتها ههههههههه اي شي
عوذ بللاه منك يا شيطان

 

[honey lust]

والله انا ما شفت الموضوع الي كنتي كاتبته بس اللي فهمته ان الام تغار من بنتها اذا الابو كان يحبها
انا والله عمري ما حسيت بهالشي عندنا بالعكس المفروض الام تستانس بعد اذا بتغار من بنتها عيل على الدنيا السلام

 

[رفرف]

انا احس انه يعتمد ع الابو ويعتمد ع البنت ..

احنا مثلا ابوي الله يحليه ويحفظه ويطول بعمره يارب اهوه طبعه وااااايد حنون حتى احن من امي من جذيه انا اعترف انا بنت ابوي
بس انا بناتي توهم صغار 5 سنوات وسنتين .. احس علاقتهم مع ابوهم مو ذاك الزود حتى الكبيرة فيهم ..
يمكن لأن اهوه طبعه شوي جاف مو حنون معاهم للأسف بعكسي انا واااااااايد احن عليهم وهشي واضح يعني الممهم ابوسهم ادلعهم فاهمه وايد متعلقين فيني انا اكثر من ابوهم عاد مادري لي كبرو يتغير هشي ولا لا بس حاليا هذا اللي اشوفه ..

واذا يضايقني ؟؟ بالعكس ودي والله
انا اللي احاول اقوي العلاقة بينهم اطرشهم يتعيرون على ابوهم واحاول احنن قلبه عليهم انا ودي تكون علاقتهم فيه قوية ودي لي صار شي بيني وبينهم يلجأون لابوهم ما يلجأون لحد بره بس وين اللي يساعد ؟

 

[بطاط مهروس]

لالالالالالالالالا عادى اشدعوة مهما يكون ترا البنت تكون بنتها
مشكورة وتقلبى مرورى

 

[frfr197]

والله لا تقولين فى بعض الامهات يغارون الحمدالله والشكر.....بس بالنسبه لى انا عندى بناتى اشوفهم يسولفون ويطلعون مع ابوهم بس ما يوصل الاحساس انى اغار منهم.....عسى الله يخليهم لى ويستر عليهم انشاالله ومهما يكون هذولى بناتى وما اعتقد ان فى ام تبى تحط راسها براس بنتها ولا شرايكم