شنو ردة فعلج؟؟؟؟؟؟؟؟؟؟؟؟؟؟

[نونا العتيبى]

أم مرمر تهبلين ,,,تصدقين أستانس لما أقرا ردج ,,,,

الظاهر أن بنتج طلعت عليج بخفة الدم,,,:dddds:

ويالعجميه مشكووووره ما قصرتي بوسه علي خدج ,,,وحق كل وحده تهتم بالمعاق ,,,,​

 

[مرمر]

حبيبتي والله
امبييييييييييييييييييييييييييييييييه وردت خدودي من الحيا
ماعليج زود

 

[الصابرة المحتسبة]

أحم أحم يالصابره نحن هنا ,,,, نووفه زعلانه,,,,,

يا حسرتي جنه بنتي بتطيح بجبدي ,,,,:krkrkr:

لازم أقوم سوقها ,,,شوفي يالصابره نووفه بيضا وشقره

وتحب الرقص ,,,بعد والله فيها وايد مميزات وبعد

شكلنا بندفع المهر بعد ,,,ها أشقلتي؟؟؟؟؟؟؟؟؟​

أفا كلش ولا نونا من أسمها كله دلع بدلع يعل ربي يحفظها ويخليها لعين ترجيها بس سالفة الترقص ما نبيها انزين اي انا شغل قبل اللي الخاله تعلق مفتاح دار الماجلة بملفعها ههههههه

 

[الصابرة المحتسبة]

أختي من ذوي الإحتياجات الخاصه والحمد الله سواء البيت او مدرستها مو محسسينها انها تنقص عنا بشي

عن تجربه يا اخواتي اقولها لكم لما نكون طالعين معاها مكان عام نتجاهل كل نظرات الشماته بكل ثقه

وهالشي اثر عليها صارت واثقه من نفسها وزادت قوتها ضد اي كلمه تسمعها او اي نظرة شماته

أتمنى توصلون بوساتي على راس مرمر و عزوز و أسوم و ولد أختي الصابره و نوفه و ولد أختي فالنسيا

جزاج الله خير وبارك الله فيج وكثر الله من أمثالج ويعل ربي يوفقج ويستر عليج ولج حبة راس تكريم لج يالغاليه من وليدي .

 

[الصابرة المحتسبة]

سلام عليكم حبيباتي شلونكم يالغاليات

أنا ويني عن هالتجمع

خل أقولكم هالموقف إللي صار مع أختي وزوجها ..

بنت أختي ماشالله تبارك الرحمن جمييييييييلة وايد أموت أموت عليها ماي عيني هذي ... وفيها إعاقة حركية .. ماتمشي
وقبل فترة أختي وزوجها ودوها أمريكا يعالجونها .. وكانوا مودينها الألعاب وهناك طبعا غيييييير عن العرب يعاملون المعاق كأنة vip وتكون له الأولوية بكل شي ..

فكانوا معطين بطاقه معاقين وعربانه خاصه حق بنت أختي .. وكل طابور يوقفون فيه يدخلونهم أول الناس

وصلت عند طابور كان واقف فيه واحد أمريكي متييييييييين وشعره خايس شطوله وجسمه كله تاتو .. يعني واحد معفن ..
يوم دخلوا بنت أختي شقال ؟؟؟

قال: She's not a specialneeds she's a lazy baby

يعني هذي مو معاقه ولا شي هذي بنية كسولة

ريل أختي مااااااااااااات من القهر إلتفت عليه بيطقه ( بجره مايرضى عليها ) إلتفت عليه مالقاه بس ماسكت راح كتب إيميل شطوله حق مدير مدينة الألعاب وإيميل ثاني حق محافظ المدينة بكبرها ماخلى أحد

عاد مادري شسولهم بعدين

إحنا علبالنا هالنظرة للمعاق بس عند العرب أثاري هم عندهم في بعد شوية خيّس يقطون حجي .

============================

وفي موقف ثاني حيل صعب صار مع واحد من إللي يشتغلون معانا بالقروب

أهو مدرس للصم والبكم .. وكان ماخذ تقريبا أكثر من 10 أعمارهم فوق العشرين موديهم سوق شرق المطاعم يتعشون
وأهو قاعد بأول الطاولة يتكلم معاهم بلغه الإشاره .. وواحد منهم كان يطلع أصوت عاليه وغريبه

وفي طاولة يمهم فيها شوية شباب صيّع قايم واحد منهم يتطنز على الأصم ويقلد أصواته وربعه يضحكون ..

صاحبنا سكت عنه شوي .. تالي يوم زودها قام راحله .. قاله : شفيك ساكت ماتكمل طنازة ؟

هذاك إنصدم علباله صاحبنا بعد أطرم وأصم .. قاله صاحبنا : تدري لو أترجملهم الحين إللي تقوله والسخافات إللي تعتبرها نكت وقطيتها عليه تدري شيسون فيك هذيل ؟؟؟

يقطونك من فوق ويفلقون راسك .. بس تدري شلون ؟؟ ( يمهل ولا يهمل )
يقول هذا من الفشله قام يلقط ويهه لأنه حس إنه سخيف وايد وإنحاش


الموضوع موووووووووو هنيييييييييييييييييييييي

الجزء الثاني شنو صاااااااااااااااااااار ؟؟؟؟؟؟؟؟؟؟؟؟؟؟؟

تبون تعرفون ؟؟

تعبت إذا بتعرفون أكمل لكم بعدين

حشى قصه قصيرة لووووووووول

حياج الله يا أخت ريحانه وتسلمين على المشاركة والناس أجناس وقليل من اللي تلاقينه يقدر ذوي الإحتياجات الخاصة وكملي سالفتج ناطرينج

 

[ريحانة_14]

أم مرمر .. صاجة الأمريكان أرحم ويقدرون بس ياربي هذا مايندره شنو كان فباله والا شكان شارب ومدردع يومها

أكملكم سالفة صاحبنا مدام الغاليه ( الصابرة المحتسبه ناطرة

المهم

بعد هالموقف يقول صاحبنا رحت بعد سنتين هم سوق شرق أتمشى صوب زارا وتوني بدش داخل والا ريال ملتحي وملتزم يناديني .. قالي يالأخو يالأخو .. إنت فلان ؟؟؟؟؟؟؟؟

رد عليه : إي أنا منو حضرتك ؟؟؟؟

دمعت عين الريال ومسح دموعه وراح عند حرمة متغشية ومحتشمة ولابسة عباة وبإيدها طفل رضيع عمره تقريبا 5 شهور .. يقول أخذه الملتحي من إيدها وقرب صوبي وعطاني الولد ..

سأله صاحبنا : منو حضرتك أخوي وهذا ولدك ؟ الله يخليه بس أنا ما أعرفك !!!

قاله الريال : تذكر قبل سنتين لما كنت إنت قاعد بالمطاعم مع مجموعة شباب صم وبكم وفي طاولة يمكن كان فيها صبي قاعد يتطنز ويضحك عليكم ؟؟؟

قاله : إي تذكرت .

قاله أنا الصبي إللي كنت أتطنز عليكم .. وهذا ولدي .. ولاحظنا إنه مو مثل باجي الأطفال الرضع ما يلتفت وماينتبه .. يوم فحصناه والا طلع الولد ما يسمع وما يتكلم وما يشوف

يقول صاحبنا أنا كأنه أحد معطيني طراقات وصافقني وماعندي أي ردة فعل

والحين هذا الريال إشتغل معاهم في نادي المعاقين

سبحان الله

إن الله يمهل ولا يهمل

 

[الصابرة المحتسبة]

سبحان الله ربي يمهل ولا يهمل
يارب لطفك وعفوك

 

[%عـجـمـيـه صـريـحـه%]

مشكورين خواتي

مرمر أختي عمرها 15 في مدرسة المعرفه النموذجيه بالمنقف

 

[مرمر]

أم مرمر .. صاجة الأمريكان أرحم ويقدرون بس ياربي هذا مايندره شنو كان فباله والا شكان شارب ومدردع يومها

أكملكم سالفة صاحبنا مدام الغاليه ( الصابرة المحتسبه ناطرة

المهم

بعد هالموقف يقول صاحبنا رحت بعد سنتين هم سوق شرق أتمشى صوب زارا وتوني بدش داخل والا ريال ملتحي وملتزم يناديني .. قالي يالأخو يالأخو .. إنت فلان ؟؟؟؟؟؟؟؟

رد عليه : إي أنا منو حضرتك ؟؟؟؟

دمعت عين الريال ومسح دموعه وراح عند حرمة متغشية ومحتشمة ولابسة عباة وبإيدها طفل رضيع عمره تقريبا 5 شهور .. يقول أخذه الملتحي من إيدها وقرب صوبي وعطاني الولد ..

سأله صاحبنا : منو حضرتك أخوي وهذا ولدك ؟ الله يخليه بس أنا ما أعرفك !!!

قاله الريال : تذكر قبل سنتين لما كنت إنت قاعد بالمطاعم مع مجموعة شباب صم وبكم وفي طاولة يمكن كان فيها صبي قاعد يتطنز ويضحك عليكم ؟؟؟

قاله : إي تذكرت .

قاله أنا الصبي إللي كنت أتطنز عليكم .. وهذا ولدي .. ولاحظنا إنه مو مثل باجي الأطفال الرضع ما يلتفت وماينتبه .. يوم فحصناه والا طلع الولد ما يسمع وما يتكلم وما يشوف

يقول صاحبنا أنا كأنه أحد معطيني طراقات وصافقني وماعندي أي ردة فعل

والحين هذا الريال إشتغل معاهم في نادي المعاقين

سبحان الله

إن الله يمهل ولا يهمل

سبحان الله والله وقف شعر جنبي
يمهل ولا يهمل موزين الشماته
الحمدالله علي كل حال

 

[مرمر]

مشكورين خواتي

مرمر أختي عمرها 15 في مدرسة المعرفه النموذجيه بالمنقف

الله يحفظها ويشفيها

 

[ريحانة_14]

إي والله يا أم مرمر شماتة وطنازة بعد على خلقة ربي ؟؟

بس تعلم درس

 

[مرمر]

الحمدالله علي كل حال
ان دل علي شي يدل علي تربيتهم واخلاقهم

 

[HearT ChocolaTe]

سبحان اللي جمعهم ثاني ..
لا إله إلا الله .. يمهل ولا يهمل
مشكورة أختي ريحانه
والله يكثر من أمثالكم اللي يتشرف فيكم المجتمع

 

[HearT ChocolaTe]

فديتج عجميه .. وصلت البوسه لعزوز
وتكركر من بوستج

 

[مرمر]

للرفع

 

[الصابرة المحتسبة]

رفع

 

[ام ناييف]

انا توني والده والله رزقني ببنت متلازمة داون والحمدلله على ما اعطى
واكيد اني صدمت اول ما عرفت بس تقبلت الوضع ولله الحمد
اهلي واهل زوجي شجعوني ويعاملون بنتي عادي وانها طبيعية
بس انا بصراحه خايفه من ردود فعل الناس وشلون راح اتعامل معاهم
بس كلامكم خوفني اكثر

ارجوكم انصحوني شنو اسوي خاصه مع طلعة الاربعين
ولاتنسوني من دعاءكم وخاصه لبنتي

 

[مشاعل الشمري]

انا توني والده والله رزقني ببنت متلازمة داون والحمدلله على ما اعطى
واكيد اني صدمت اول ما عرفت بس تقبلت الوضع ولله الحمد
اهلي واهل زوجي شجعوني ويعاملون بنتي عادي وانها طبيعية
بس انا بصراحه خايفه من ردود فعل الناس وشلون راح اتعامل معاهم
بس كلامكم خوفني اكثر

ارجوكم انصحوني شنو اسوي خاصه مع طلعة الاربعين
ولاتنسوني من دعاءكم وخاصه لبنتي

الحمدلله رب العالمييين وحمدا لله على سلامتج وان اهلج مؤمنين بقضاء الله وقدره وهذي بحد ذاته نعمه
اما عن الداون فاهما فئه تهبل وشحلاتهم وعندهم قدره على التعلم والانجاز
ومالج شغل بالناس الي ينتقدون او يعيبون وكوني قويه ووقفي مع بنتج ولا تستحين انتي مو مرتكبه ذنب:ggdw:
معا اني قاعده اشوف ان الوعي زاد عندنا بالنسبه عن قبل
يارب تشافيها واتعافيها ويخليها لج ربي

 

[الصابرة المحتسبة]

هلا أختي ام ناييف من تابع الناس مات هما مالج شغل بحد وتابعي الحاله والعلاج المبكر أول خطوة وأهمها في الحصول على النتايج الإيجابية فلا تيأسين أوتكاسلين راجعي وتابعي والله يحفظكم.

 

[ام ناييف]

مشكورين على التشجيع والكلام الحلو
انا الحين ماشيه بمراجعانها ومو قاعده اطوف موعد مع اني انفاس والمشي صعب شوي
بس الله ما ينسى عبيده
ما تدرون شلون احاتيها وخايفه عليها
دام انا موجوده ماراح ينقصها شي باذن الله
بس اذا مت منو بيهتم فيها الكل لاهي بنفسه حتى زوجي عيالي يمرضون يالله يوديهم الطبيب
وشلون هالصغيره
ما ادري