شنو سويتى بالليله اللى قبل عرسج ؟؟؟

[kuwaitya_zoGaa]

شلونكم بنوتات ؟؟؟

هالمره بنزل موضوع غير ... مادرى اذا نازل من قبل والا لا ؟؟؟ :s141:

المهم

شنو سويتى بالليله اللى قبل عرسج ؟؟ :hjy5jewf:

يعنى شلون كانت نومتج ؟؟ وين رحتى ؟؟؟ شنو جهزتى ؟؟ شنو كليتي ؟؟ :082502bye_prv:
شلون كانت النفسيه ؟؟؟ شنو المواقف اللى صارت لج ؟؟؟ الحلوه والموحلوه ؟؟
شنو سوولج اهلج ؟؟ :080402ask_prv:

يالله ابى ردود حلوه مثلكم :blueSmCLR:

 

[غلاتي ديرتي]

امممممممم


كنت اسوي نقش لرجولي وايديني واشيك ع شنطتي هههههههههههههه

وااااااااااااي ذكرتيني باللذي مضى خووش موضوع لايوقف

 

[فيونكه حمره]

موضوع حلووو ومبين انه بكون له تفاعل


واكيد الاغلبيه بكون بالصالووون

 

[سر الأنوثه]

اب اب طماشه
موجودين بكل مكان ^^

 

[اشتياق]

ازهب جنطة الصالون



وامي وخواتي وخالاتي وعمتي والجيران والمعارف تحت يقصدون صفين وانا اسمع زوجي وهو مستاانس متشقق لوووووووووووول

وبس نمت مبجر عشان قعدت الصبح ومانمت عدل كل شوي افز خخخخخخخخ

 

[أم كادي]

صوالييييييييييييين الله وكيلج ومحورف هي هي هي اخيييييييييييييييييييييييه ونااااااااااااااااااااااااااااااااااااااااااااااااااااااسه

 

[الكادي 2011]

اني كنت مسويه حفله حنه وجانوا ويايه صدقاتي واقربائنا والجيران وتعشيت ونمت ومافكرت بشي لان جنت تعبانه من الحفله

 

[غنوة ستايل]

كنت سهرانه ما جاني نوم
قاعده انا وامي الله يرحمها تعطيني النصايح والارشادات

 

[kuwaitya_zoGaa]

مشكورين بنات على ردودكم الحلوه ... يالله لا يوقف
يالله نبي بالتفصيل الممل ... سوالف توهق مقالب منو متخرعه ؟؟؟ منو بجت من الوناسه ؟؟؟

 

[حور العيون]

رد : شنو سويتى بالليله اللى قبل عرسج ؟؟؟

اب

اب

ومنكم نستفيييد

 

[هاديهـ&مطيعهـ]

كنت بالصالون أحف وبالرده خذيت لي وجبة من هارديز ورديت البيت تعلقت فوق لأن كانوا في حريم عند أمي ونمت مبجر بال11 وحاولت إني ما أفكر بشي وقعدت الساعه 6 الصبح وتميت بفراشي لي الساعه 9 وقعدوني على الريوق على نغمات صباح الخير يا عروسه ,,, ويييييييييييه ذكرتيني بأيام

 

[أورآد]

خوش موضوع صراحه

ايييييييييييييه ذكرتيني

انا قبل سنه ونص معرسه

انا وحده اذا خفت من شي احط راسي وانام نومه،،احلى نومه تكون..

خل اقولج من الصبح لليل اشصار

قعدت الصبح اسوي بديكير ومنكير وتشقير لحواجبي

حف وجه ماحفيت لاني سويت ليزر

رديت العصر البيت وصكرت آخر شي من أغراضي عشان الدزه

وعال6 امي واختي يروحون بيت المعرس عشان يودون اغراضي بيت المعرس

وطبعا كونه يصيرلي

كل اهلنا وجماعتنا واللي يعز علينا في بيت المعرس

ولما راحو يودون الدزه انا كنت انظف الشسمه واشيل

وصكيت على روحي الغرفه ولا شفت احد

واختي كل اشوي تدزلي مسج بالاخبار خخخ

ردوا عال11

وانا حطيت راسي ونمت

وماوعيت الا الساعه صارت 9 الصبح بيوم العرس

وكانت احلى نومه انامها من الخوف

وطبعا لما حطيت راسي عالمخده عشان انام

افكار تروح وتجي،،وشبيصير بالصاله

والا شلون بيكون شكلي

والا شنو بيصير في بيتي

وشلون بتعامل معاه وشنو بقووول وشنو بسوي


اووووووه اياام

بس صج ترى ايام حلوه

اللي على وش قواااز

نصييييييييحه لا تبجووووووووووووون

وعيشو فرحتكم

والله يهنيكم ويسعدكم

​

 

[Cinderella]

allahhhhhhhhhhhhh ya7low hatheek alayam

ana knt aghz 9ofrty lm3a a7`wany o 7`waty lana kan belbeit 3ndna o b3deen t3shena o r7t anam o gmt al9b7 o r7t al9aloon m3a a7`ty o kan yomha y6g m6r o 7a6een a3`niat nancy 3agrm( a3mlk eeih b2ol 7nsak o mabansash leh hwak lesah)

wallah ashtgt 7g ahly

 

[Tutti-Frutti]

حلوو الموضوع

<< حزب الطماشه

up

 

[a7la MUM]

الله ذكرتيني ببجي!
الله يسلمج انا اصلا كنت مجهزه كل شي جنطه الفندق والصالون وجسمي نظيييف يلق لق وابو زوجي عزم العايله الكريمه عنده قبل العرس بيوم وزوجي عصب الا تيين العزيمه وانا الصراحه مارضيت مايصير عروس باجر عرسي ويايه العزيمه خيير المهم وكل اهلي راحو والبيت فااااااضي عاد قعدت ابجي قطعت رووووووووحي من البجي محد يحبني يبون يزوجوني باجر عرسي والكل متيمع ومايدرون عني وافلام هنديه نمت امبجر ع9 وقعدت11 وااااايد نمت امي تقول عبالي متي المهم قعدت ويوو اخواني عندي انا عندي 6اخوان صبيان وانا وحيدتهم المهم سوولي فلم بجي لاتروحين خلج معانا لووووول اخوي الصغير عمره 7سنين يقول لاتزوجين خليج كملي دراستج اول انا مو راضي على زواجج لوول فديته اول مرة اشوفهم يبجون حبايبي وييت خالتي ورحنا الصالون مع امي رشا شيك وكنت يوعانه وطلبنا بيتزا اكسبرس وريحه البصل فااااحت بس الحمدالله ماكليت جان طيرت الريال لووول عاد قبلها بيومين كنت مسويه تنظيف بشرة فلما حطولي كريم الاساس ويهي قشر وقعدت ابجي وقلت خلاااااااااااااااااااااااص ماراح ادش الصاله كنسلو مااااااااابي عرس وامي دقت على ريلي وكلمني قتله مااااااااابي مستحيل ادش العرس يزاها الله خير رشا حطتلي كريمات لين خف التقشير وطلعت روووووعه بالمكياج والله ماابالغ بس روووعه والتسريحه تينن وبس رحنا الصاله ودشيت الحمدالله الزفه تهبل الحمدالله عاد زهقت بس اطالع الناس ويطالعوني قلت حق امي بس مليت بطلع دقي على زوجي ابوي متى ايون زهقت افففف بس صج زهق اول شي وناسه بس بعد ساعه لالالالا
وبس صورنا وقصينا الكيكه ورحنا الفندق وكانت ليله ماتنسي
وادعي ربي يرزق كل بنوته بالزوج الصالح وتكتمل ليلتها مثل ماتتمنى اللهم امين
مشكوورة عالموضوع حبوبه

 

[Zozαĺiиaђ]

حزب الطماشه

لا يوقف لا يوقف

خوش موضوع

 

[بسكوت بطعم التوت]

اه ذكريات لاتنسى مانمت الاساعة وباقي الوقت مغطية وجهي بالمفرش وافكر وامي كانت تحاتيني وبس تبيني انام ....

 

[روحي ابوي]

الصبح كنت بالصااالون وخلصت 3 العصر...

تغديت.. وكنت انطر رفيجاتي.. بيون يبااركون..لووووووووووول كان لما يمر ابوي او واااحد من اخواااني اموت من الحياااااا

الساعه9 امي و خالتي واختي راااحو يودون جهااازي .. تميت لساعة 6 الصبح مااانمت احااااااااااتي كل شي .. وكنت حدي خااااااااااايفة

 

["اسطورة العشق"]

حلوووو الموضوع ...


اب لعيون صاحبه الموضوع

 

[ديانا سبنسر]

بيتنا مليان من الناس يجون يهدون امي انا حضرت جناطي خلصت كافة التنظيفات بس النوم طار من عيني وطيران على المستوصف فيكي ايه يا بنتي ؟دكتور انا عروس ومو قادرة انام عطني منوم خذيت المنوم ونمت وماصحيت الاالساعة 9 الصبح وسلامتكم