شنو سويتى بالليله اللى قبل عرسج ؟؟؟

[Cute mama]

الصبح رحت الصالون وبالليل رحت الجمعيه اشتري اغراض حق بيتي
ورديت كنت حدي تعبانه اول ماحطيت راسي عالمخده جان اناااام اي وقبل لا انام تعشيت بيتزا
وثاني يوم امي قعدتني عال11 وانا مابي اقعد بنام دايخه جنه مو يوم عرسي لول وامي وخواتي يحنون على راسي ليمن قعدت

 

[مغتربة 2006]

تصدقون ما اذكر شي ههههه

 

[kuwaitya_zoGaa]

وناسه ... الله يتمم عليكم يارب
ومشكورين بنات يالله لا يوقف لا يوقف

اسطورة العشق
تسلم عيونج الحلوة

 

[kuwaitya_zoGaa]

اهم شى ان اغلب العرايس ماكلين بيتزا
لووووووووووووووووووووووول

 

[Un-6be3iya]

لوول العموم مآكلين بيتزآ !!

أب أب لآ يوقف

 

[كارلوفي فاري]

ويييييييييييييييه -السالفه جدا قديمه بس اللي اذكره اني نمت بغرفة امي وابوي -خخخخخخخخخخ والله فشله

 

[غلا عيوني]

رد : شنو سويتى بالليله اللى قبل عرسج ؟؟؟

تسلمين حبيبتي على الموضوع,,,,,,,,,,,,وواي رجعتيني جم سنه واااره اتذكر كنت رايحه الصالون الصبح ورديت العصر ولا امي الله يرحمها بجيها علي لاني كنت صغيره لما تزوجت وخواتي يتجهزون بيروحون الحفله لان بيت حمولتي عندهم حفله قبل العرس بيوم وراحو كلهم وقعدت بلبيت بروحي لما رجعو من الحفله يسولفون عن البنات شمسويت وانا بالي مو معاهم فيني خرعه وخووف ومانمت الا على اذن الفير
والكل كان نايم وقعدت الصبح قبلهم؛<<<لوووووووووول حده خوافه ورحت لصالون وبعد الصالون دخلت الصاله ويا ريلي وهو ولد عمي
فديت خشته <<<وسلامتكنم وبعدها رحت الفندق وكااانت احلى ليله بحيااااااااااااااااااااااااتي

 

[atoootta]

رد : شنو سويتى بالليله اللى قبل عرسج ؟؟؟

خخخخخخخخخخخخخ ذكرتيني بما مضى

الله يسلمج غير الصالون وتجهيز جنطه الصالون والفندق والسفر --> كلهم بيوم واحد صاروا خخخخخخخ

قعدت بداري بروحي ريحت عالاخر واسمع السوبر ستيشن --> نظامي قبل كله اغاني انجلش

وامي ياحياتي تشتريلي وتجيبلي من هالاكل بس ماقدرت اكل شي ولا قدرت انام الا متاخر على وش الصبح وقمت الساعه 9 يعني تعب بتعب






عساج عالقوة عسل

 

[*ريما*]

رد : شنو سويتى بالليله اللى قبل عرسج ؟؟؟

كان اهلي كلهم مجتمعين ببيتنا
وتصفق وسوالي دزة
وكان يوم حلو

 

[**مناير**]

سويت مناحه لووووووووووووول
لا وفي وحده الله يذكرها بالخير كانت على بو انه بتخفف عني تقول لاتخافين ترى والله السالفه اللي تصير بسيطه @@
انا وييييييييين واهي وين لوووووووووول

 

[منيتي اسعده]

خووووش موضوع ذكرنا بايااااااااااااااااام
بصراحه انا مااذكر شسويت ولا اذكر متي قعدت من النوم >> مو جنه قبل جم شهر ههه
بس اذكر اني من قعدت من النوم وانا خاااااايفه
مسكره علي غرفتي مشغله قران ومعاي العده وانظف شيسمونه وتحت الناس داشه طالعه تسلم علي امي
وبعد ماخلصت المهمه ناديت امي وخواتي وسكرت جناطي علي الساعه 9 بليل جذي
وراحو ودوهم بيت ريلي
وانا قعدت بروحي عااااد هني صار الفلم الهندي
يتني مسجات من اهلي وورفيجاتي يهدوني يقولون لاتخافين كلنا معاج
واللي تقول لاتنسينا عقب الزواج هههه وانا دموعي اربع اربع
بعدين تسبحت ورحت انام عالساعه 12 بليل
بس ماياني نوم افكر واحاتي
وابوي كل شوي يطل علي يحاتيني فديته الغالي
وانا مستحيه منه
ولزم علي اقوم اتعشه معاه
وقمت تعيشت فطيره لبنه وعصير برتقال فرش
وبعدها رحت بنام واتهاوش انا والنوم بنام بنام بنام اخيرن خرت عيني
جان اقعد علي صوت مسج.....
من حبيبي ريلي
يقولي تكفييييييييييييييييييييييييييييييييييين بدق عليج ردي علي
لان صارلي شهر ماشفته ولاكلمته
دزيتله... (من فينا هاليله ينام والشوق صاحي ماينام كل منا ياحبيبي شايل بقلبه كلام) ههههههه
تحطم الريال مات يترجاني ارد عليه
وكل شوي يدزلي مسج وانا ادزله مقطع من الاغنيه ههههه
(بكره ياعيوني بتجيني شايل بعينك حنيني.. تسهر الليله عشاني واسهر للشوق اللي فيني)
(مدري شسوي ياقلبي لما اشوفك بكره جنبي ودي احكيلك غرامي خايفه عيوني تخبي)
(بكره ياعمري لقانا وحدنا محد معانا)


بس ماخليته يكلمني بس مسجات يقولي لاتخافين انتي وين رايحه يعني رايحه حق ريلج>> مايدري ان هذا الموت هههه

وبس ماطولت نمت عالساعه 4 وقعدت الساعه 11
ورحت الصالون رشا شيك وبعدها رحت الصاله ودخل عقبي ريلي حبيبي طل بويهي قبل مايقعد عالكوشه ههههه شكله واضح الكل شافه والكاميرا صادته واهو مدنق طال بويهي ويكلمني ههههه فديته
والحمدلله احلااااااااااااا اياااااااااااااااام حيااااااااااااااااااااااتي
>>> ريلي لي الحين يموووووت على هالاغنيه (من فينا_ مالت الجسمي)
واذا سمعها يتحطم

 

[فطفط نجد]

ماكو شغل نتابع ردودكم يالمتزوجات

الله يرزقنا

آب

آب

 

[جروح خالده]

رد : شنو سويتى بالليله اللى قبل عرسج ؟؟؟

لا يـــوقف









لايـــوقف

 

[صفاءء]

طمااااااااشه فقط لوووول

 

[kuwaitya_zoGaa]

الله يتمم عليكم يارب
يالله
لايوقف لا يوقف لا يوقف

 

[جنون العشق]

وااااي يا حلاتها من ذكريات

 

[جروح الحب]

الله يتمم عليكم ويخليكم حق بعض يارب
من حزب الطماشه

 

[نماين]

يا حلو اخر ليالي العزوبية لو تنعاد اعيدها

ويا حلو موضوعك

اذكر رحت الصالون احف واسوي حواجبي ( ايام حف الحواجب ) وبديكير و...الخ
وخواتي يسولفون
وبعدين رحت استلم النفنوف خليته لاخر شي احاتي القياس
وقعدت اختي فديتها وفيدت ايامنا الحلوة تفتر فينا بالخليج وكان الجو مطر وبرد ( احاتي لا يكون بكرة مطر او غرقة )
واشتهيت ماكدونالدز واخذت لي وجبه وماك فلوري ع قولت اختي اكلي بتمر عليك ايام تتمنين هالوجبة الي تاكلها بالراحة
ورديت البيت لقيت امي مضبطة القهوة والشاي والحلو عقب ماراحوا الحريم وتققهوينا وقعدت اضبط جنطة الفندق والملابس الي بلبسها لمن اطلع ( يا حلو هالايام )

وكنت احس اني بحلم مو انا الي بتزوج ولاهذي اغراضي كاني امثل دور

خواتي يغيرون الموضوع ما جابوا طاري اني العروس ويجربون بدلهم ويشيكون عليها وعلى شغلهم مو كانه عرسي

وحاولت انام ع ال 11 وافكار تودي وافكار تجيب
شلون ؟ ومتى ؟ وليش ؟
ليمن غفيت وصحيت ع قومة خواتي و صوتهم واستعدادهم بيروحون الصالون قبلي واستسلمت وقمت.....

 

[الاحساس والطيبة]

رد : شنو سويتى بالليله اللى قبل عرسج ؟؟؟

اذكر اني اول ماقمت علي الساعة عشر رحت علي طول للمطبخ علبنا بسوي الغداواللة فاضية شافتني امي اللة يرحمها وقالت شتوين قلت ماتبون غدا قالت بنطلب من المطعم روحي ارتاحي المهم دخلت غرفتي وطبعا كل شوي داخل علي واحد من اخواني طبعا الحريم ترسين البيت المهم نمت علي الساعة 3الفجر وقومتني اختي الساعة عشر وقعدة تريقني عقبها رحنا الصالون وبعدين رديت لبيتنا بعدين جارجلي وقضينا احلي ليلة

 

[دنيا غريبه]

كملو بنات والله سوالفكم تهبل ماينمل منها

لايوقــــــــــــــــــــــــــــــــــــــــــــــف