شنو سويتى بالليله اللى قبل عرسج ؟؟؟

[عديمه احساس]

موضوع توووحفـــه.~

مو حـزب الطمآشششششه ان شاء الله برد واقولكم>>

الله يرزق كل بناتناااا الزوج اللي تتمناهاااااا ومثل ماتحب يااااااااااااارب..~

 

[دلــــــــــع!]

والله اخنقتني العبره وانا اقرآ
الله يرزقني انشالله وانا وكل البنات
اللي ما تزوجوا ونجي نقولكم

والموضوووع عجييب
اب
اب

 

[Mamselle]

يجنن الموضووووووووووووووووووع

 

[مجننتهم أنا]

وآي خرعةة بطني عورني أختي تقولي شفيه ويعهج قلت لها خوفوني من أحين
أحس ب خوف ع ونآسه
المهم ش تنصحوني فيه أثطععه شهرر ومآكلمه ولا أطقها سوآالف لين يوم العرس الصبح ؟

 

[يكفيني غرامك]

ااااخ ايام حلوه والله انا قبلها بيوم كانوا ربعي واهلي كلهم عندنه وكنت في الليل اطلع اجوف ليلتات العرس برع ع البيت
ونمت جي ع الساعه 11 فليل قمت 9 الصبح ع صوت خالتي تقولي قومي ياعروس اليوم يومج وبس دخلت تسبحت عقب ع طول نزلت تحت اله اجوف امي فديتهاا ومع مرت عمي ينطروني ع الفطور يقلون لي اكلي اقولهم مالي خلق يقلون لي اكلي مب زين بس عقب رحت القاعه تجهزت واااااااااااااااااي صج ايام كانت حلوه

 

[Mamselle]

الموضوع يعور القلببببببب :'( *للحين مشيرة ههههههه

الله يسعد المتزوجات ويرزق بنات المسلمين بالازواج الصالحين يااارب..بحق هذه الساعة الفضيلة

 

[ام حسون24]

يونا ناس
وماشالله نمت من الساعه 12 بليل لي الساعه 12 الضهر هههه

 

[д7βk βşķάť]

الله يعديها على خير
ياارب


اب الموضوع حلو لايوقف بناات​

 

[مـآلي شبيه~]

احنقتني العبرة مادري ليش لووول
الله يعدي هاليوم على خير ..~

 

[امـ خــزامـى]

موضوع جميل
واستمتعت وانا اقرا الردووووووود

واللي لفتني ان زواجاتكم توووووونس يالكويتيات ماشاءالله

احنا بالنسبه لمجتمعي كئيبين جدا
العروس ماتشوف احد من قبل زواجها باسبوع او اكثر بس تشوف امها وخواتها
وماعندنا حركة ان يجون يباركون قبل العرس بيوم


الله يهنيكم يااااااااااارب

بالنسبه لي اللي اتذكره قبل بيوم مخلصه كل شغلي بس رحت للصالون اشقر حواجبي وبعد مارجعت دخلت الغرفه ارتب شنطة الفندق
واهلي كانوا حزينين لان عمي توفى وكان قريب جدا لابوي
اساسا زواجي تاجل يومين عشان العزى
توفى عمي الاربعاء وانا كان زواجي الجمعه بس اجلناه ليوم الاحد
وكان ودي اكثر بس عشان السفر والحجوزات ماتروح على زوجي
وابوي قالي لاتاجلينه تزوجي يابنيتي والله يرحم موتانا وموتى المسلمين
ومافي زواج ولاطقطقه فعادي اجلته

المهم بعد ماجهزت شنطة الفندق اخذتها ومانمت في بيتنا رحت لبيت اختي
لان الصالون قريب لها لان الرياض زحممممممممممممممممممممممممممممممممممممممممه

المهم بالليل جهزت التشقير عشان اصبغ صدري وظهري وبعد ماخلصت نزلت تحت وسهرنا على التلفزيون انا واختي
سااااكتين مانتكلم بشي بس نسوي انفسنا نتابع المسلسل التركي
واتذكر كانت الحلقه الاولى خخخخخخخخخخ
بعدها طلعت انام بالغرفه وكانت يمكن الساعه 2 ونص
اتقلب ماجاني نوم ذبحني التفكيييييييييييييييير وعلى الساعه 6 الصببح جاني مسج من زوجي
يسالني نايمه ؟ رديت عليه لا
قالي لليش قلت افكر وخايفه تعرف بطلع من بيت اهلي لبيت جديد علي وحياة جديده
رد علي حتى انا بطلع من بيت اهلي هههههههههه ضحكني حسيت انه متوترررررر

على 7 او 8 نمت صحيت 11 الظهر اخذت لي شاور وانا اررجف والجو هااااااااااااااادئ جدا
مااسمع الا دقات قلبي كأني مبنجه
ماتذكر وش كان فطوري
اول العصر رحت للصالون سويت المكياج والتسريحه وطلعت قبل العشاء
ماوصلت الاستراحه الا بعد العشاء بشوي
كل هالوقت ماسكه نفسي
بس اول ماشفت امي وخواتي وبنات خالتي وبنت خالي ماقدرت على طووووووووول نزلت دموعي
بس لهيت عمري عشان مايخرب شكلي ههههههههههههههههه
عطوني سجاده عشان اصلي العشاء
اول ماخلصت مسكتني بنت خالتي وربي ادعيلها وغصبتني اكل فطيرة لوزين
وانا مابي بس بالغصب اكلت مع عصير برتقال وياعمري كانوا جايبين زياده عصير وفطيره حطوها لي بالشنطه
يقولون ندري بتستحين ومارح تاكلين مع زوجك كولي من وراه ههههههههههههه >وصدق كسبوا فيني اجر
ولا كان اللحين انا هيكل عظمي خخخخخخخ


اول ماخلصت اكل لبست الفستان وضبطولي الطرحه
هنا شعوووووري كان طبيعي جدا راح الخوف مادري ليش
اصلا لهيت بالتصويررررررررر
وبكل مكان نصور انا والبنات
وطلعت صوري مثل الاجانب لانها استراحه وكلها عشب وفيها قوس ورد


وصارت الساعه 10 يووووووووووووومه قالولي المعرس ينتظر بالمجلس


دخلتني امي وقلبي يرررررررقع جلسنا شوي صورنا وعقبها طلعنا
رحت البس عباتي واودعهم وعيوني بالارض مابي اشوفهم واجلس اصيح
ركبت السياره ورحت للفنددددددددددق

عاد ذيك الليله لاتنسى هههههههههههههههههههههههههههه صار فيها فيلم هندي على مصري
بس انتصرت بالاخير وماقدر علي



<<<<اتمنى ارجع بنت واعيش عرسي من اول وجديد وبطريقه غير اللي عشتها
وحتى شهر العسل <<<<<<بالجنه ان شاءالله


^^تحطيم تايم

 

[سوزي الشرقية]

اني قبلها بيوم كان عندي حناء وجلوات العصر خخخ زي اهل الأول المهم اذن المغرب انصرفوالناس لبيوتهم خخخخخخخخخخخخخ وتعشيت رزوصالونة لحم ورحت انام في غرفتنا والله نمت خوش نومه وجلست بكير عشان كان وراي كوافير من الساعه 10ونص الصبح

 

[حلم مبدعة]

يالله متى متى يجي هاليوم
ياااااااااااااارب الله يرزق كل بنوتة وياي
بالزوج الصالح اللي تحبة

 

[..~Goolz]

اللللللللللللللللله خوش موضوع ودي اقرا الردود بس حدي دايخه بقولج شنو سويت قبل العرس
من الصبح كنت بالصالون عقبها رديت ريحت بالبيت كنت امخلصه كل شي قبلها يعني ابهاليوم مو امخلية غير سالفة الصالون
والمغرب ودو دزتي وطبعا اختي ادزلي مسجات اتوافيني بالاخبار بس صراحه ما اذكر شنو تعشيت بس تعشيت عشا بيت مو مطعم
وكنت انا وريلي متفقين قبل العرس باسبوع ما ندري عن بعض كلللللللللللللش ولا حتى مسج
بس بليل دزيتله مسج (( من فينا هالليله ينام والشوق صاحي ما ينام كل منا يا حبيبي شايل ابقلبه كلام ))
رد (( هذا واحنا مالتقينا ورعشة الشوق بايدينا كيف بكره يا حبيبي وأول الموعد سلام من فينا هالليله ينام ))
والحين كل ذكرى لعيد زواجنا نتذكر هالاغنيه وايد احبها وبسس

وايد اعجبوووني مسجاتكم >بسيفها عندي لووول
>حزب الطماشه:d

 

[pizza HuT]

الله يهنيكم ويسعدكم يارب

ويرزقنا بالازواج الصالحيييين يارب العالمين ... ونقولكم سوالفنااا هوون

 

[pizza HuT]

يالله متى متى يجي هاليوم
ياااااااااااااارب الله يرزق كل بنوتة وياي
بالزوج الصالح اللي تحبة

آميييين يارب :eh_s(7):

 

[white**angel]

صج احلاااااااااا يووووم
قبل العرس بيوم رحت الصالون احف حواجبي كنت مخليتهم اخر شي وبعدها رحت شقتي مع اختي عشان اط الكفر وابخرهاا واجيك على كل شي يعني القي النظره الاخيره عليها
بعدها ردينا البيت صلينا وقعدت مع ابوي كان قاعد يسألني اذا ابي شي ولا لا تالي بدلت وطلعت مع اختي رحنا جيليز عالبحر لووووول والله حدي متفرغه ماكو شغل
ردينا البيت دهنت جسمي مسويه خلطه وحطيتلي ماسك وسويتلي حمام مغربي وقريت سورة البقره ومايالي نوم قعدت اسولف معاا شويه بالتلفون لين قتله بس خل نشتااق حق بعض مسكين يقووول صارلي اسبوعين مو شايفج حتى التلفون ماتبييين

بعدين نمت تقريبا عالثنتين ونص او الثلاث ولمن امي قعدتني حق صلاة الفير مانمت قعدت احووس احوووس ماكو شغل اقول يالله متى يصير الصبح بروح الصالون ابي العررررس لووووووووول مشفووووحه
وبعدها ماكو غفيت اختي قعدتني 10ونص الصبح بدلت ورحت الصالون ومنااك بدعنا زيااده لانه خالاتي وبنات خالاتي معاااي ينينااا

 

[أم يزيد &سديم&]

اصلا لي اسبوع ما انام
والنفسية زيروا
والاكل ما عاد أشتهييه

 

[أبله أريج]

توترررررررررررررررررررر

 

[عزوتي خمس صقور]

امبببييية ةةةةةة
حدي اخترعت منكم وشوي عادي شعور مختلط
الله يسهل ذيك الليله عاد
لساتني طموشه

​

 

[زبــــــــدة]

لووووووووول ونااااااسه كان


قبل العرس بيوم رحت السبا كان عندي حمام مغربي وحمام ورد ..وواكس حق جسمي كله

خلصت ورديت عالمغرب ...تسبحت وقعدت ويا اخواني ...طبعا ضغاااط فيني

اخوي يقولي يلا تدربي عالمشيه خنشووفج شلون بتطيحين لوووووول ....اخواني كلهم اصغر مني يعني اختي 19 ووحده 9 سنين وواحد 16 وواحد 22

بو 16 اهوا اللي يقولي تدربي عالطيحه لوووووووول قصده وقت الزفه لما ادش الصاله ...

المهم قاعدين ونسولف ونضحك وعادي ماحسيت بتوتر كلللللش .....

قعدت بعدين ازهب جنطتي حق الفندق ... وبعدين نمت ساعه 1 ... نومه عمييييييقه لي 9 الصبح قمت ورحت ويا امي وخالتي وخواتي اييب نفنوفي وعقب رحنا الصالون ...

والحمدالله كان سهالات ...اليوم ...