شنو شريتي اليوم ؟؟؟ شاركينا بالصور (الجزء الثاني)

[TooToo]

حبيبتي الاسطوريه حطيلنا صورة الاضاءه اللي من make up forever ورقمها

وشكرا

 

[.]

الله يعافيج..

الرسايل سهل تكتبين..

بس الفرق عن نوكيا انا المسافه بسوني اريكسون تكون المربع..

انا بط جبدي شلون اطرش رسايل..

 

[الاسطورية]

سهل سوني اريسكون وايد حلو مع الوقت تتعودين وتنسين طريقه نوكيا
توتو الحين بكتبلكم عنها اهي برودره كومباكت لونها بنفسجي بس لما تحطينها عالويه تعطي ااضاءه وايد حلوه
بس تلفوني قاهرني موراضي يرسل اهي معروفه لونها بنفجسي

 

[منورة الكويتية]

اليووووووووووووم العداد واصل عندي مليووون ومتضايقه من غير سبب
ف رحت الجمعيه ماكو ببالي شيئ بس المهم بشتري والسلام <<< الحمدلله والشكر :S


رحت التجميل فوووووق
وخذيت حمرا من نوووبه تهبل لونها عنابي و بلشررر اينننن اسمه بنكي بلشششش لوونه يعطي اضاءه للويييه

حاووولت الي تشتغل توريني اضاءات مني مناااك وانا االاخلاق مقفله عندي كلششش تقوولي اوريك الاضاءات قلتلها شنووو نانسي وهيفاء قامت تضحك لان كل مايت التجميل توريني اياهم وتقولي دي بييسموووها اضاءه هيفا حبات السوووكر ودي حمرة نانسي مادري يقصوون على منووووووووو


المهم

رحت انجلز خذيت حق نوره جوتي رياضه تكرررمون وجوتي ثاني ابيض وجيجيات و دسووووس حق البرد

وبعدين نزززلت وخذيت من تحت كريم الجسم مال ليل بالمسك ايننننننننننننن على كثر ما كنت اتطنز على هالماركه من دعاياتها المليقه مافي ليل مافي ليلى بس ماتوقعتها جذي ولا يطفوكم ديودرنت المسك روووعه تحسين ريحه نظااافه
وخذيت صابوون ايد بالفراوله شكله عجبني ماكو شغل شنسوي

 

[الفهود]

يعطيج العافيه

 

[*دبدوووبه*]

عليكم بالعافيه يابناات

وانا اليوم مشترياتي كلا من الصيدليه لووووووول

 

[شندوخه]

انا جربت سوني ماتأقلمت باسبو غيرته وشريت نوكيا غيره
ماقدر ما الحب إلا للحبيب الاولي

 

[MissChoco]

هاي بنات شلونكم شخباااركم وعيدكم مبارك ماخرا ههههه

والله من زمان عنكم :××


وعالبركه مشترياااتكم تينن وزوغه


بنت حوا

عليج بستين الف الف الف عااااافيه عالتيلفون وتقطعينه بالعافيه

 

[MissChoco]

انا حدي مالي خلق اصور ههههههه .. بس اشوه توني صورت وبوريكم مشترياتي


هذا جوتي وانتو بكرامه من ستبس .. جلد لمعه خفيفه اينن حيل وضالمته الصوره

وهذا عطر من الركن الكويتي وايد روعه اسمه روتانا عطر عربي وانا صراحه
ما احب العطور العربيه بس هذا حيل حيل روعه .. وكنت باخذ اثنين بس يقولي ماكو الا واحد :\

وهذا قميص مخيطته حق العيد وتوني اصوره :× لانه طلع قبل العيد بيوم

وهذا بدي همن حق العيد و وايد روعه بس بالصوره صاير خواره :×
وحسافه كان وايد وسيع :\\ .. بس شسوي خذيته بليلة العيد مامداني ارده :\

وهذوله مسكرتين لانكوم ويا غسول الويهه ويا القلوس مسوين عليهم خصم كل هذوله على 21
وخذيت همن حمره وكحل ن لانكوم
وخذيت من لاندمارك مسكرتين ريميل لاني امووووووت عالمسكرا بس وحده حقي و وحده حق ماما
وخذيتلي صبغ اضافر بعد من ماكس فاكتر .. وكحل من محمود سعيد

عطر سان لوران وايد وايد روعه

 

[MissChoco]

وهذا لوشن من لانكوم

وهذا شنو؟؟؟؟؟؟؟؟؟؟؟؟

طبعا كيكه وااااووووووو لذيذه حيل واهم شي ماكلين منها هههههه ماصبرنا عشان اصور .. شارينها عشان رد اخوي من الحج الحمدالله وحسافه كنت بصور
الهديه الي يايبينها له بس من العيله نسيت :\\

وهذا رش حق الشعر ويصير حق الجسم

وهذا كحل من لانكوم اسود ضد الماي وصراحه ماعجبني بس سواده حيل اسود بس لمن ترمشين عينج
تحسين بدبق يعني العين ماتبطل حيل وماعجبني كلش وبالعين حيل يروح يعني مايثبت
والثاني كحل نصه ذهبي ونصه بني غامج وهمن ماعجبني

 

[زلابيا]

منوره ..

نفسيتنا ما تتعدل الا اذا صرفنا الحمدالله والشكر !!! عليج بألف عافيه

مس كاااااكاااااا..

صج من زمااااااان عنج عليج بالعافيه .. والحمدالله على سلامة اخوج والله يتقبل طاعته

 

[سمسميه]

اشلونكم بنات
سلام جثير لكم وحده وحده
وعليكم بالعافيه الاغراض

اليوم رحت الجمعيه شريت خرابيط للبيت بحط لكم منها اشياء مميزه وكنت اتعنى لي مركز سلطان اشتريها وهي اثاريها موجوده بالجمعيه



عدة السلطات
طماط مجفف
معجون الزيتون
خلطة البيستو

 

[ريمه الكويت]

هذي مثل المصاصه يحطون داخلها فواكه مثلا عشان الياهل اذا حطها بحلجه ياكل شي مفيد بدل هالعظاظه الي مامنها فايده

 

[bnt_7waa]

مس كاكا

عليج بمليوون عاافيه اغراضج

والحمدالله على سلامه اخوج

سمسميه
احب سوالف الصلصات يبله نجربهم

ريمه الكويت
اي والله خووش اخترااع من وين خذيتيها ؟

 

[منورة الكويتية]

ريمة الكوووووووووووويت خووش شيئ هذي من وييين
زلابيا حبيبتي يعافيج ياررررب

سمسيه ومس كاكااا بالعافيه

 

[سمسميه]

الله يعافيكم بنات

ريميه
انا كنت شاريه مثلهها لبنتي خوش شي مفيده كنت احط داخلها فواكه

 

[DKNY]

عليكم بالعافيه
بنت حوا : عليج بالعاافيه التليفون عاد انا كنت حاطه عيني عليه ومتعوده على حبيب العرب نوكيا بس شكلي بغير رايي اخاف اتوهق فيه

 

[زلابيا]

سمسميه ..

عليج بالعافيه .. احب سوالف الصلصات

ريميه ..

اي والله خوش شي .. عليها بالعافيه

 

[رفرف]

ريمه الكويت من وين الهضاضة تكفين عيزت فحطت وانا ادورها

 

[MissChoco]

زلابيا

اهلين حياااتي والله يسلمج .. اي والله انشغلنا شويس بالعيد :\\ روحه
وركضه لووول


بنت حوا

الله يسلمج حبيبتي .. وها بشرينا عن الموبايل عسى استعماله حلووو؟؟


منوره

ياحياتي الله يعافيج .. وبالعافيه على بنوتج الاغراض وتقطعهم بالف عافيه