شنو شريتي اليوم ؟؟؟ شاركينا بالصور (الجزء الثاني)

[دهن عود مبخر]

bnt_7waa
الله يعافيج ويسلمج يارب
وصج الككاو شكله وطعمه يمييييييييييييييي


al3ajmia و دمي خفيف
هلا حبيباتي.. الككاو من فوشون اللي قبال مجمع الصالحيه
والمكان مايضيع
وحياكم الله ​

 

[بتبوتااا]

دهونه هالدوا الازرق صديقي الصدووق وشكل الككاويات اينن عليج بالعافيه حبيبتي

سوسو البار اينن عليج بالعافيه حبيبتي

 

[ريمه الكويت]

مشترواتي اغلبها كريمات هوايتي

شريت من تالغو






هذا الكريم يعطي حيويه للويه ويشده شوي وينعم البشره ((انتي ايج ))يعني للي عمرها بالثلاثينات يصلح للخطوط التعبيريه


هذي حبوب زيت السمك الكل يعرفه ويمه مرطب للشفايف المتشققه مثل شفايفي على شكل مداليه واهو على زيت القرفه ريحته دارسين\\


وهذا شاريته حق بنتي من انرهقت وويها فيه حب شباب مجموعه من تالغو غسول وماسك وتونك

واخر شي عطتني ماسكات دعايه شي على بابونج وشي من طين كله مواد طبيعيه





ونسيييييييييييييت شامبو حق القشره وينعم الشعر ويعطيه لمعه وحق التساقط كله اعشاب فيه روز ماري وفليفله و زيت الشاي و احماض امينية و الزنك و والقطران بس لايوصل عيونكم

 

[ريمه الكويت]

البار يهبل عليج بالعافيه الاسطوريه من وين شاريته

 

[الاسطورية]

من هوم سنتر طوصار عليه سيل
ب49 صار بدون الكراسي

 

[امون حبيبة الكل]

علييييييييييييييكم بالعافيه بنااات

دهن عود اااي هالكاكاو اذكر يهبل موجود كروان بلازا اللي بالفروانيه

شغلهم حلو بس اذكر الشغل عجبني اكثر من الطعم

 

[rzaan77]

عليكم بالعافيه بنات

 

[أسولة]

ماشاء الله أغراضكم اتهبل حبيبتي ريمة الكويت وين مكان تالغو

 

[bnt_7waa]

ريمه
عليج بالعافيه حبيبتي..

 

[دهن عود مبخر]

بتبوتاا
الله يعافيج ويسلمج يارب.. وصاجه هالازيرق مانفارقه ابدننننن

امون حبيبه الكل
واااااااايد حلو ككاوهم.. يذوب بالحلج ..يمييييييييييييي

ريمه الكويت
عليج بالف عافيه الكريمات .. شلون مفعولهم ؟؟​

 

[Raveena]

اوكي شريت جم شغله هالجم يوم

شغلت زيبرا وفوشي عليهم سيل العلبه بدينار
والعلاقه بدينار و600 فلس من بروي الصراحه فرصه




وهذا بار وايد عجبني شريته للصاله


لوشن فكتوريا سيكرت عندي هذي احلى ريحه فيهم


طقم من توس برقته جنه الماس عجيب




وبس

عليج بالعافية

الزيبرا وايد حلو خصوصا الصندوق .. ودي اروح بروي ولا مرة رحت له


اللوشن عجيييب احلى نوع من فكتوريا سيكرت :0bee2e8d89:

 

[رجاوي]

عليكم بالعافيه بناااااات

بغيت اسأل (( بروي وين مكانه ؟ ))​

 

[^وجد قلبي^]

بروي بلاافينيوز

 

[Raveena]

مشترياتي اليوم الساعة 9 الصبح :tomato2:


دلاغات عجييييبة الواحد ب500 فلس

من حبيب القلب بـــــــو 100 فــلــس

ليف للصحون - متر - فرش - درنفيسات صغيرة

دسوس ( هذا سبب روحتي حق بو 100 لاني كنت ميتة من البرد قلت ماكو الا بو 100 فاتح هالحزة) _03BA: امتار - ملاقط للبراغي - مشط صغير حق بنتي - ولاعة الغاز - و الثلاثي المرح مهفات للصيف على ريحة (فراولة-رقي-تفاح) :ggdw:

 

[رجاوي]

عليج بالعافيه رافينــــــــــــــــا

 

[رجاوي]

بروي بلاافينيوز

يعطيج العافيه حبيبتي

بس اي صوب بالافنيوز ؟​

 

[زيـنـه]

بروي بالافنيوز صوب مذر كير و مقابل المطحنه الدوليه

رافينا .. خوش اغراض .. اي بو 100 لو سمحتي
و عليج بالعافيه

 

[ريمه الكويت]

تالغو من صيدليه الجامعه موجوده بحولي قطعه79 مبنى1 شارع موسى بن نصير تلفونهم 2612161 دقي عليهم ويدلونج بالظبط

وفايده الكريم يصلح للخطوط التعبيريه والنظاره لانه فيه طحالب البحر ومواد مفيده ثانيه مثل الارجلين تعطي بشره مشدوده بس توني امس شاريته وبشوف النتايج علي على الاقل يبله شهر عشان يبين بس انا احب منتجات تالغو لانها كلها من طحالب البحر

انا التونك والماسك والغسول هذولا حق حب الشباب والبشره الدهنيه

 

[.. مـــلاكـ ..]

عليكم بالعافيه بنات

 

[Raveena]

بروي بالافنيوز صوب مذر كير و مقابل المطحنه الدوليه

رافينا .. خوش اغراض .. اي بو 100 لو سمحتي
و عليج بالعافيه

بو 100 اللي بمجمع الزبن بالسالمية نفس المجمع اللي فيه المحاميد


الدلاغات من المحاميد اول ثلاث دلاغات بــ150 فلس و الدلاغين اللي على قلوب و رجل ثلج بــ500 فلس


بغيت اخمطهم ههههه عندهم خوش دلاغات _03BA: