[ ? شنو شريتي من معرض الكتاب 2011 ] [ حطي لـنـا مشترواتج.. ]

[منال القلب]

صباح الخير
جمعة مباركة يا بنات..

استغربت لما دخلت القسم مالقيت موضوع مخصص حق المشتريات الي خذيتوها

من معرض الكتاب 2011 والي فتح قبل يومين..

قلت أسوي هالموضوع، علشان نسطر كل مشترواتنا الي خذيناها بالمعرض. ياريت بنات

تصورون الكتب الي شريتوها علشان يمكن نفيد بعض ونستفيد أكيد..


أنا بعدي مارحت لان مشغولة هالجم يوم، بس أكيد أكيد الأسبوع الياي أكيد رايحة ان شالله وبس أخذ الي أبيه بصورهم وأحطهم هني..

الموضوع مختص فقط لوضع مشترواتكم بالصور أو بالكتابة، مع انه يفضل الصور علشا نتحمس. أما موضوع الأخت العزيزة D!va فهو

لانطباعاتكم ورايكم بالمعرض واللستة الي حاطين ببالكم تشترونها، أما هالموضوع تحطون شنو الي خذيتوه وشريتوه بالفعل..

هيا يا محبات القراءة انطلقوا...... :eh_s(7):

 

[c a t w o m a n]

انشالله لي روحة للمعرض

بس لي متى مستمر المعرض ..

 

[منال القلب]

إلى نهاية الشهر اعتقد

 

[Miss.madry]

انا ان شاء الله باجر الصبح بروح :*

 

[ليلو جبريت]

لا موضوع ديفا لمشتريات البنات
دشي وشوفي اخر الصفحات البنات منزلين الكتب

اللحين بيصير موضوعين وبيتلخبطون البنات

 

[LuLiTa]

^^^

صح ممكن اتصير لخبطة ...لو مخلية هـ الموضوع في قسم المعلمات لانه مشترياتهم تختلف ...خو انتو الابلات اتموتون عـ الوسايل العلمية و عدة الشرح

 

[منال القلب]

دام بتكملون في موضوع ديفا براحتكم سكروا هالموضوع
ماعندي اي مشكلة انا قلت نخلي واحد نقاشي والثاني للمشتريات..
وموفقين يارب..

 

[Tom ♥ Jerry]

,


موضوع ديفا نفس فكره موضوعج (=
و في صور البنات حآطين مشتريآتهم بأخر الصفحآت مثل مآ قالت ليلووو !

 

[ام عثمانو]

عنود العميري.. روايه الحب الابدي .. صاله ٥ .. دار البيان

 

[امجاد الاولين]

ولايهمج ياقلبي بس اروح للمعرض راح انزل الكتب

 

[*lavandula*]

لاااا حلو الموضوع
هذاك افتر راسي ادور المشتريات كله نقاشات
الاحد ان شاالله بروح وبحطلكم مشترياتي

 

[فرح يوسف]

يعني انا اول وحدة :eh_s(22):
هذي لمشترياتي بدبه السيارة



شريت 21 كتاب

نطروني انزل لكم كتبي لان البلوتوث منصدم مثلي مايبي يشتغل :eh_s(2):

 

[مانجه]

السلام عليكم
اشتريت من معرض الكتاب
1- هناك رجل ( لكاتبة معانا بالمنتدي ) أميرة علي عامر واستمتعت بقراءة مجموعتها انصح بها .
2- بيكاسو وستاربكس لياسر حارب ، والكتابين من اصدارات دار مدارك كتبهم قيمة وراقية

3- كتب من رابطة الادباء : خذها لا اريدها للكاتبة القديرة ليلى العثمان . قصة راقية ومؤلمة جدا في مشاعرها الانسانية
4- وموسوعة اللهجة الكويتية للباحث خالد الرشيد وكان موجود ووقع لي على المجموعة .
5 - نساء المنكر للكاتبة السعودية سمر المقرن لحد الان القصة مشوقة ( وصلت ص 38 ) .
ولي عودة اليوم بعد عودتي من معرض الكتاب لاحظى بتوقيع كاتبة هناك رجل واتعرف عليها وعلى مشرفتنا الحلوة ليتل كوين
ومشتريات جديدة اوافيكن بهااااا

 

[ليلو جبريت]

مايصير جي بعض البنات بتصير ردودهم هناك والبعض الاخر هني!!!!

لتل كوين تعالي دمجي الموضوعين ​

 

[ام عثمانو]

فرح قلتي بتمرين علينا ما شفناج وينج ��

 

[فرح يوسف]

فرح قلتي بتمرين علينا ما شفناج وينج ?

والله ييت الاربعاء الصباح وماطلعت لين 1 يوم قفلو
مالقيتج
قالو ماكو كتاب وتواقيع الحين :eh_s(16):

باجر او الاثنين بمركم - ماكو غير ابوي يوديني وماعندة فرصه لازم انطرة شاسوي :eh_s(16):

 

[ام عثمانو]

انا بانتظارج قلبي .. ضروري نشوفج ياحلوه :*

 

[FeShinGoOo]

انا امس شريت كتابين طبخ من فيرجن مارحت معرض الكتاب الصراحه احس مافيه شي يسوا

 

[فرح يوسف]

انا امس شريت كتابين طبخ من فيرجن مارحت معرض الكتاب الصراحه احس مافيه شي يسوا

`ذات السلاسل مليانه كتب طباخ
بس كلها بالانجليزي


كاتبتنأ الحلوة اكيد بيي
انطر ابوي يحصل فرصه

 

[بحـةةِ غيـآبِ ≈ ™]

مشتريآتي ممن بلاتينيوم بوك , :$

اتمنى تنوروني . .