شنو صار فيج لمن سمعتي عن الحريق ؟؟

[بتبوتااا]

الســـــــلام عليــــــكم ورحمه اللــــــــه وبركاته ,,


شـــلونكم بنات ؟

اللهم اجرنا في مصيبتناا واخلف لناا خيراا منـــــهاا ..

قدر الله وماشاء فعــــــــــل وانا لله وانا اليــــــــــه راجعون ,,

__________________

هلي صار شي مستحيل يتصدق ولا ينســـــي حسبي الله ونعم الوكيـــــــــل ,,



من يوم الحــــادث وانا مصدوومه مو قادره استوعب عايشه بكأبه شوي اقرا قران وشوي ابجي وشوي افكر بلي صارومنظرهم وشلون تحملوو وشلــــون وشلوون شلون !

كله عشان شنو !!!

الله كريم بــــــــــــس !

والله يجازي الي كان السبب ,,وادري كلكم تحسون نفس احســــــــــاسي والله

المـــــــــهم ,,



ابـــــــــي اعرف كـــــل وحده شـــــــلون سمعت خبـــــر الحريق واسبابه ؟

وشنو كان موقفج وشنو كان شعووورج وقتهاا ؟






:0bee2e8d89:

 

[جـــواهر]

انا كنت حاطه ع سكوب ولا واحد كاتب تحت بالرساله ياناس الحقو صار حريق بالجهرا ..!!!
انا عادي قلت اكيد حريق عادي ...

المهم بعد شوي ولا صارت القنوات ...تتكلم وعادي قلت حريق عادي ... المهم ولا واحد كاتب تحت الزوجه الاولى هي السبب ..!!
عاد انا قلت يمه يهالناس الزوجه الاولى شكو ..!!!

وشوي ولا كل ساع قايلين الوفيات وصلت 20 !!!!

انصدمت

ومااااااااااااااااااااااني مستوعبه للحين اللي صار

 

[جوك احلى جو]

قهرررررررررررر

وصدمه

ومحتره من اللي صار حرقت قلوبنا حسبي الله عليها

 

[miss_lymoona]

اوووووف ماعندي سالفه صارت غير هالسالفه وحدي تضايقت وقلبي معورني
احنا بعيدين عن السالفه وجذي متضايقين الله يعين اهاليهم يارب

 

[بتبوتااا]

بالنسبه لي كنت توني طالعه من الحمام واننو بكرامه لقيت ريلي حاط ايده على راسه وعيونه طالعه على التلفزيون !

قالي شووفي ولا اشووف وياليتني ما شفت

خبر عاجل حريق في عرس الجهراء يؤدي لمقتل عشرات من النســــاء !!

طلعت عيوني والله حزتهاا ولا شعوري قعدت ابجــــــــي

قعدت على الغنفه وابي استوعب واعرف شنو قاعد يصير !! ومن وقتهاا واناا كل شوي من قوقل لي يوتيوب لي جريده بس ابي اعرف شنو صار وكل ما اقرا شي انغمت وابجي واكتأب حسبي الله ونعم الوكيل !!

واخوي يشتغل بالجنائيه كل شوي داقه عليه اهو بروحه مو عارف شيقول ولا شنو يشرح من الي شاافه الله يكون بعونه وبعنوناا

 

[بتبوتااا]

ابي اعرف بنات لحظه ما سمعتو الخبر شنو شعوركم ؟!

وصج صدمه ومو متقبلتهاا لي الحين شكثر حلمت بليل فيهم وشكثر قمت وتنحت بالطووفه بس افكر وافكر

 

[فرااااولة]

اخ بس اخ على هاالفاجعة
احنا اللي ما كنا موجودين مو قادرين ننسى
شلون هالمساكين اللي عاشوا الوضع
او الزوج اللي يدري ان زوجته بالخيمة قاعدة تحترق وما يقدر يطلعها
ولا ذاك الولد اللي يسمع صراخ اخته
ولا اليهال اللي يفرفرون على امهاتهم
حسبي الله ونعم الوكيل عليها

 

[جودي ابوت]

طبعا انا بالسعوديه وخالتي دقت علي قالت لي السالفهـ ..

انصدمت اطالع قوقل وابحث

وقبالي التلفزيون من قناه لقناه

يمه شي مرعب شلون ناس يمتون جذي

عيل شلوون اللي شافو اهلهم ماتو قبالهم

الله يصبرهم يارب ويرحم موتاهم

 

[بحرينية اصيله]

انا خالي دق علي اهوا ساكن فالكويت وبنفس المنطقه
قالي البيت جدامه يحترق وصراخ قالي فتحي التلفزيون على قناة الكويت او الراي وجوفي
والله ان شعر جسمي كش
لكن ماقول ال حسبي الله ونعم الوكيل

 

[غربتي طالت]

مشككووره اختي على الموضوع

انا لله وانا اليه راجعوون

بحكم اقامتي في ميونخ ماعندي قنوات كويتيه مثل الوطن وسكوب والراي الخ ........


الخبر وصلني عن طريق منتدانا منتدى كويتيات الله يديمه علينا يا رب

كنت كالعاده اتصفح المنتدى ولا اقرا الخبر بصرااااااااحه صرت ارجف وكش شعر ينبي كنت بروحي وخايفه واااايد
انصمدت لما شفت عدد الوفيات 20 ! قمت دقيت على اهلي اطمن عليهم واحد واااحد

ما تركت اللابتوب ولا دقيقه كل شوي اسوي تحديث ابي اعرف اخر التطورات
وانا مصدوووووووومه وعيوني مبققه
ماقدرت انام والله
ولما حطيت راسي عالمخده بجييييت بحرقه تخيلت نفسي معاهم حسييت بلي يحسونه تمنييييت اكون بالكويت بهاللحظه
وكل شوي اقوم مفزووووعه مادري شفيني

ولما انتشر الخبر وطلعت ان الزوجه الاولى اهي السبب , زادت حالتي سوء, وسألت نفسي معقوووووووووووووله؟؟ وصارت حالتي حاله
صدقوني بنااات لما الحييين انا مصدومه مو قادره اركززززز كل شوي اقرا الاحداث وكل شوي افكر بأهالي اللي رااااحو شلون بيصبرووون شلون ورمضان عالابواب
والله الله يكوووون بعونهم وينعم عليهم بصبر أيووب

والله حالتي كأاااااااااابه

انشالله خاتمة الاحزان يا كويت
وانا لله وانا اليه راجعوووووووووون

 

[غزلان]

انا هسترت قمت اناقز من الصدمه وللعلم انا دريت اول ماشبت النار كانوا يدقون علي بنات عبالهم رايحه
اول شي كنت معزمه وناويه اورح
ثاني شي كل الي هناك اعرفهم وودايم اجتمع معاهم بعروس وعزايم كنا قروب ولا اروع وتقيبا كل اسبوع اصادفهم
يعني قمت ادقق على بنات الظفير عشوائي وجتني اتصالات كثيره نسال بعض فيكم شي !!!!
على طول طرنا الجهرااا
مـأساه بحجم الكارثه

 

[بتبوتااا]

لو انه السالفه صارت من التماس او انفجار غاز او سياره جان هانت شوي السالفه وقلناا قضاء الله وقدره بس السالفه بفعل فاعل ومن وحده صغيره حاقده ومحتره ! وهالوحده بجت ريايل ومووت اطفال وحوامل وامهاات اخ يا قلبي بس لي اليوم احس انه السالفه توها صايره

 

[roses_77]

تصدقين نسيت من وين عرفت الخبر والله راسي مفتر جنه احد قالي بس نسيت منو
واكييييييييييد انصدمت وبجييييييييييت من صجي وصدعت وجابلت المنتدى واتابع الاخبار
وانا مو من الجهرا ولا اعرف احد بس بجيت على حالهم الله يرحمهم
وعظم الله اجر الكويت والله يشافي المصابين ومرضا امه محمد ياااارب
ومبارك عليكم الشهر

 

[حرم راشد الماجد]

انا كنت توني داشه البيت وبطلت التلفزيون عشان اشوف فوزيه الدريع لاني من متابعينها وحطيته ولا هي قاعده تسولف قلت اشوا ولا ريلي يقولي شنو اشوا ناس ميتين ( انا كنت اقصد ان البرنامج ماخلص مانتبهت عالخبر العاجل


لفيت ويهي وقريت ا لخبر العاجل ولا عرس الجهرا ومادري شنو

قلت له منطقة العيون وين هاذي جان يقولي بالجهرا (كنت مجذبه نفسي ان عندنا بالكويت )

انصدمنا
قمنا نفرفر عالقنوات نبي نعرف السالفه ماكو شي
ردبناه عالراي ولاحاطين مره ثانيه عاجل ان توفو 20 امرأة كش شعر يمبي




ومن ذاك اليوم لي اليوم وانا افكر واتخيل واحط نفسي مكانهم


الله يعنا على ما ابتلانا


والناس اللي ماتو الله يرحمهم ويتغمد ارواحهم الجنه
واللي عايش الله يشافيه ويقومه بالسلامه
واهلهم الله يلهمه الصبر والسلوان
والجريمه الله يظهر الحق ونرتاح

مشكوره بتبوت عالموضوع

 

[zahoor]

انا كنت عند حمولتي وفتحو التلفزيون وكان حريجه وماهتميت تتوقعت بس خيمه احترقت يعني ماتوقعت عرس وناس وقعدت اسولف وماهتميت وثاني يوم الي شفت اللويه والعفيسه تصدقون وايد ضاق خلقي كل شوي ادق على ريلي اقوله التطورات وينصدم..شرينا جم جريده نقرا عنها وادش المنتدى واقرا وبليل ماقدرت انام قلبي مقموت اول مره اعيش حزن لي هالدرجه والله وقاعده افكر اب اي وحده من رفيجاتي القدم واليدد البدويات وافكر اذا كانو بالعرس وليلحين ابي اعرف اذا كانو من ضمن الموجودين بالعرس لاني وايد اعزهم والله وماعندي ارقامهم بس الحمدالله مالقيت اساميهم من ضمن الوفيات والله يستر علينا وعليهم..وحدي حقدت عالبنت وساعات افكر فيها واحط نفسي مكانها ومادري شسوي وافكر بعيالها واهلها اما المعرس كلش ماهمني ابدا مادري ليشوهذا قاهرني..وهذا مو معناتا اني مو كارهه البنت بالعكس كارهتها الزوجه الاولى بس هم يعني قاعده اقول ليش سوت بنفسها جذي خلاص ضاعت وضيعت الناس معاها

 

[tota kim]

انا كنت اشوف فورزيه دريع بالراي والا يحطوون خبر عاجل ولما قريت قلت يماا الله يستر وحطيت الوطن والا بعد حااطين
بس ماحطيت ابالي قلت نفس اخر مرا اللي صار بالصاله بس لما حطوو بالاخباار كانت صج صدمه وماتوقعت انا جذي صاار
الله يرحمهم ياااااااااااااااااارب
عورني قلبي عليهم استغفر الله العظيم

 

[بدوره 22]

ااااااااااخ يا قلبي

اول مره سمعت بالخير

كنا كلنا قاعدين تحت في بيت حمولتي وكان حاطين قناة الراي

والصراحه ما كنا منتبهين على التلفزيون

المهم شوي ولا حماي يقول : اووووووووووف شوفوا شنو كاتبنين !!!!!!!!!

قرينا ان في حريق بالجهرا

اول شي قلت ان شاء الله يتلاحقون عليه وما كو شي ... ان شاء الله شي بسيط

وقمنا نفرفر بهالقنوات

شوي الا وااااااااااي يا قلبي

قلبي انقمت وانا اشوف صار هدووووء

صعدت شقتي انا وريلي وقمنا نطالع التلفزيون وانا ادعي يارب ماكو احد متعور

ولا حول ولا قوة الا بالله العدد كان يزيد وقلبي ينعصر زياده

ابي ابجي ماني قادره ( شعور وايد متعب على فكره )

بس بعدين بطيتها وما قدرت انااااااااااااااااااام والله يا بنات ا ن من صارت السالفه وانا ما انام عدل

هالابرياء على بالي

لا حول ولا قوة الا بالله

حسبي الله ونعم الوكيل


وثاني يوم بعد ادت علي الكابه بعد اخبار الجرايد والي قريناه وشفناه بالمنتدى والله شي يقطع القلب
يعور قلب الكافر ........


شذنب اليهال ؟؟؟ وشذنب الحريم ؟؟؟ بس انهم راحوا العرس .؟؟؟؟

ياربي ارحمهم وصبر اهلهم

 

[مرووومة]

بالنسبة لي انا كنت اشوف برنامج على قناة الكويت الاولى وفجأة انقطع البرنامج بخبر عاجل عن الحريق

عبالي انفجارغاز اوالتماس ماتوقعت عرس وجذي ...

انا قاعدة افكر بالزوجة الاولى لوهي خذت مسدس ثنعش طلقة وفرغته في راس ريلها من الحرة جان اهون

من 50 نفس تموت على الأقل يموت واحد واهي وريلها ينيازون

والله يرحم كل اللي ماتو ويغفر لهم

 

[بتبوتااا]

وااي صج موقف ما ننحسد عليه وقتهاا ولحد الحين حالتناا اكـــس

نفسيتي حيل اتعبت من هالسالفه والله راسي بينبط ثلاث ايام رابطته وقهوه ورا قهوه وعيوني تعورني من كثر ما اطالع بهالكمبيوتر

 

[بتبوتااا]

اب اب