شنو صالونج الي ترتاحين له وماتغيرينه ؟؟

[بنت الثانوية]

انا كنت كل مره صالون

بس ولا صالون كان يضبط حواجي قبل جم اسبوع رحت صالون (لنا ستايل) ضبطتلي حواجبي ..

وعندهم عرض تونست عليه ,, عاد الحين صار صالوني المفضل

عندهم عرض عجبني سشوار وحف كامل وحمام زيت وحمام مغربي شيره كامله وبدكير منيكير

بس انا سويت اشتراك يو 5 دنانير حف كامل وشيره كامله وحمام زيت وبدكير منيكير

 

[✿q8.ℓa∂ч✿]

رد : شنو صالونج الي ترتاحين له وماتغيرينه ؟؟

تسلموووووووووووووووووووووووووون والله ما قصرتواااااا :****

 

[سمو]

رد : شنو صالونج الي ترتاحين له وماتغيرينه ؟؟

للهم صل علي محمد وال محمد

انا كنت دايم اقص شعري بصالون جاك مشرف ...بس من يوم ما شالوا من الجمعيه وراحوا صوب الفرع صاروا مو شي لان الستاف الزين كله راح ... فصرت اقص شعري بصالون يورز جدام حديقه الشعب يم المسجد


اما الحف .. عند صالون (خوب صورت) ... وايد حلو شغلها بالجابريه .



يسلمووا موضوعج حلوو

 

[law love]

حق حف الحواجب مس ون قرطبه عند تينا

حق البديكير و المنيكير نيل تيني السره

حق السشوار و التسريحات لاشز اليرموك

حق الشيره هيربل سبا الشعب

 

[&موناليزا&]

رد : شنو صالونج الي ترتاحين له وماتغيرينه ؟؟

عزيزتي رفع لعيووووونج

 

[✿q8.ℓa∂ч✿]

رد : شنو صالونج الي ترتاحين له وماتغيرينه ؟؟

عزيزتي رفع لعيووووونج

تسلمين يا قلبي :eh_s(17):

 

[om-7asson]

انا دايما اروح لاروج بنيدالقار الشيرة الهندية مالتهم عجيبة واسويها عند روزي
وبدي كير و منيكير هم حلو اسويه عند كرستينا وحفهم حلو بعد

حمام مغربي اسويه بصالون بالسالمية والله ناسية اسمه

والصبغ و القص والتسريحة و الميك اب دايما بليلى هارموني عند زينب العرادى شغلها اينن ولو شنو ما اغيره

استشوار دايما اسويه بصالون كيوتي بحولي عند اي وحدة لان كل ستاف الصالون شغلهم حلو

انشاءالله اكون فدتكم

 

[دلوعة المطران]

سوالف حف وشيره احب بالبيت تجيني صالونه ..

اما حمام مغربي وبدكير منكير وسوالف قص وصبغ بالشررقيه ,,

اما بالعروس سوالف تساريح ومكياج احب لامود (( فندق الانتر كونتيننتال ))

 

[noynoy]

الحف و اشتراك حمام الزيت عند فيزيك (الحف ندى ايرانيه) و حمام الزيت عندهم اينن و وقف التساقط و صار فيه لمعه
الشيره هابه بصالون هدايه بالجابريه بس القديم عند الاثيوبيه تينن شيرتهم و بسرعه تخلصج و ايدها خفيفه و بدينارين
القص صالون فرش لوك عند راضيه بالشعب يم شلاويط اينن قصهم و شعرج يطول بسرعه عقب ايدها مشالله
الصبغ ما اصبغ فما اقدر افيدج
البديكير و المنكير كنت اسوي اببوبل نيل سبا بس الحين اسوي بفيزيك لانه اقرب
مغربي جربت وايد ليلى حلو و نظيف بس مافيه زود
يورك الشعب حلو و تفركهم عجيب
و جربت صالون تاج الاميره عند ام منصور اب 8 دنانير صج المكان مو شي و قديم بس حلو و تفرك بظمير و خلطاتهم عاديه هرده و حليب بودر و هالسوالف

 

[um zayoon]

شلونج حبيبتي انا احب احوس وجرب الصالونات طحت على صالون بالجابريه اهواقديم بس انا توني مكتشفته اسمه هدايا اسعارهم حيييييل مناسبه حق وقت الافلاس وشغلهم توب


الشيره كامله دينارين ياابلاش واتراجعين وراهم بعد
حمام مغربي ماجربته لاني حامل بس ودي اجربه
بدي كير ومني كير ؟؟ عندهم عجيييب وهم بدينارين يفركون ريلج والله تلق تصير بيضه عند الفلبينيه الفي وهم كل الفلبينيات زينيين
حف ؟؟ اشقر واصبغ عند شوبااا عجيييبه بدينارين ونص
قص ؟؟ماجربت
صبغ ؟؟ماجربتهم
وازيدج استشوارهم فظيييييييييييييييييع عند وحده سمره اسمها حسناا وهنديه اسمها لوووكاا واسعارهم 5 ولا 6 مايتعدون ال8
عيوبه
ماكو مصافط لازم تصفطين يم المدرسه بالبراحه فيها خطرت شارع يعني اذا كنتي امسويه بدكير منكي اتجولحين ولا تسريحه فشله اتمخطرين بين السيايير بس اذا حظج حلوو تلقين مصفط المشكله الزحمه ماتصير بالصالون الزحمه بسكان العماير الي دار مدارها

 

[نيــلــوفــر]

اول شي نصيحة لج روحي الصبح لانه تخيلي نفسيات اللي يشتغلون من الصبح لي بليل و مثلا انتي تروحينهلم بليل شبيصير اكيد نفسيتهم اكس و مالهم خلق شي طبيعي احسن شي روحي الصبح يكون مزاجهك حلو و عندهم تركيز و الشغل يكون مضبووط مو اي شي

انا الصالون اللي ارتحتله للحف ايجبت ستار بالسالمية يم شارع المطاعم في وحدة اسمها ماريا عجيبة

للمغربي جربت سانتا ماريا بحولي يم مجمع الرحاب بس مو شي حتى العاملات استغفر الله ريحتهم خايسة و تشمينها لما يفركونج لوول ادري لوعت جبدج

للقص الشرقية اللي بخيطان عند وحدة اسمها نهال مادر هناء لبنانية ضعيفة تضبط القصاااات عدل ما شاء الله حتى اختي مرة طلبت منها قصة ريهانا البوي ضبطتهااا عدل مثل الصورة بالضبط

وبس اتمنى افدتج

 

[ام حـزام]

الشرقية

 

[bnt-elghali]

الشرقيه حق البديكير والمنيكير والحف والحمام المغربي
الاستشوار عند اورينتال برنسس ولابلوبيل
القص عند شنكول اب لابلوبيل
الصبغ عند سيلفانا بيوتي

 

[✿q8.ℓa∂ч✿]

رد : شنو صالونج الي ترتاحين له وماتغيرينه ؟؟

بعد عمري ماقصرتوا والله شكلي كل شهر بجرب شي ههههه
والله كلكم شوقتوني بمدحكم لصالونات
يعطيكم الف عافيه :***

 

[قماشه]

رد : شنو صالونج الي ترتاحين له وماتغيرينه ؟؟

بنات صالون هدايااا وين ؟

 

[✿q8.ℓa∂ч✿]

رد : شنو صالونج الي ترتاحين له وماتغيرينه ؟؟

اي بنات بلييز قولولنا كل صالون وين صاير ما عيكم امر
وتسلمون

 

[ام عبدالله الشمري]

شكرا

 

[عاالية]

رد : شنو صالونج الي ترتاحين له وماتغيرينه ؟؟

ma بالمنقف

 

[عادي من قلبي أشيلك]

مهاوي بالفحيحيل