شنو طريقتج وخلطتج حق الفتوش....ضروري يابنات

[%عسولة الحلوة%]

السلام عليكم ورحمة الله وبركاته



مبارك عليكم الشهر

وعساكم من عواده


شلونكم مع رمضان الله يشرفه



بنات
انا طرا علي الفتوش




(ترى الصورة من النت)
شلون اسويه

اعرف اقصص واحمص الخبز
بس يا الله كل وحدة تقولنا شنو تحط خضراوات تحطين فجل وال الا؟



بس ابي الصوص اللي تستخدمونه

شنو


يعني ليمون وملح وزيت زيتون

بعد شنو؟



يا الله ياسنعات يا طباخات
كل وحدة تقوللي طريقتها​

 

[sondos]

الذ سلطه برمضان الفتوش


خس--وجرجير اوراق--اوراق نعناع--اوراق بقدونس-- طماط --خيار --فجل --بصل اخضر شرايح مع العرق الاخضر--بصل احمر جوانح تفركينه مع قفشه سمااق


الصلصه:زيت وليمون وملح ونتفه خل ودبس رمان قفشه كبيره وفص ثوم



عليج بااااااالف عاافيه

 

[%عسولة الحلوة%]

sondos
حياج الله
شفتي 10 مرو
وانتي الوحيدة اللي رديتي عالموضوع


يمي يمي


خوووووووووش طريقة


عاد حدي مشتهية فتوش
بس قوليلي من وين اشتري دبس الرمان
توني عليمية بالطبخ وشغل المطبخ

 

[بطه فيها نطه]

هذي طريقتي :


المقادير :

خيار / طماط / فجل / اوراق نعناع / زعتر طري / خس / بصل ابيض ( مو وايد اقل من ربع وحده )



الصلصه :


اخذي دايما طريقتي بكل صوص تعدينه .... اخذي بطل بلاستيك او حتى بطل ماي

وحطي مقادير الصوص فيه .... وخضيه عدل ...

اولا يطلع متجانس عدل ... وبعدين ممكن يكون زايد وتحتفظين بالباقي بالثلاجه

ني حق صوص الفتوش :


زيت زيتون / عصير ليمون / فص ثوم واحد مهروس / ملح وفلفل / 2 م وسط سكر

والسكر علشان يكسر حده الحموظه اللي بالطماط وغيرها ...

واكيد السماق بالكمية اللي تحبينها .... ممكن ترشينها على السلطه او تنخلط مع الصوص

وبالاخير تزين بالخبز المحمص .... وانا استخدم عجينة السمبوسه اقصصها مثلثات

وتقلى عادي ... تطلع مقرمشه اكثر ....

وفي ناس على الطريقه اللبنانية تحط الخبز ني ابيض .... من غير تحميص

وعليك بالعافية ...

 

[%عسولة الحلوة%]

مشكورة على الطريقة


ما قصرتي والله

يا عساج تاكلين من فتوش الجنة قولي امين

 

[جارة القمر]

زيت زيتون


ثوم


دبس الرمان


ملح


سماق


ليمون

 

[مشغوله و محتاسه]

يحليل فتوشي .... طلع بسيط بالنسبة لكم

زيت زيتون و ليمون وملح و سماق + خيار ..طماط .. فلفل ملون .. نعناع << شوية
بربير اذا في

و خبز مقلي ..

و هات يا أكل ..

بالعافيه

 

[||الجـــواهـــــر||]

السلام عليكم
مبارك عليكم الشهر
انا احب اكثر بالفتوش النعناع الفرش والبربير وذرة وفلفل بارد بالوانه الاحمر والاصفر والاخضر يطلع عجيييب ومع اللي قالوه الخوات
والصوص ليمون وزيت وملح وخل التفاح الاصلي واحب اكثر دبس الرمان يعني قفشتين اكل تقريبا واحط شويه ثوم وسماق ونعناع ناشف مع الخلطه وخلطيه عدل يطلع لونه غامج وحطيه وبعدين حطي الخبز فوقه لانه حيل خفيف يذوب بسرعه اذا حطيتيه مع السلطه خليه فوق وزينيه بالسماق رشي شويه وبالف عاااااااااااافيه حبيبتي

 

[afesa]

خيار خس طماط فلفل اخضر بصل ابيض وبربير وجرجير
والصلصه ليمون زيت زيتون وملح وسماق وبس
باجرب طريقه البنات دبس الرمان والخل

 

[mrs_sugar]

مشكورة اختي صاحبة الموضوع

و البنات اللي ردوا

جاري التطبيق

 

[ميمي الحلوه]

حلوة الفتوش تهبل


مثلكم انا اسويها

 

[om-s3ood]

خياار
طماااط
فلفل اخضر
جرجير
زعتر طري
فجل
بصل ابيض شويه
خبز محمص


والصلصه .... زيت زيتون .. ملح .. دبس رماان .. خل ابيض .. صماااغ .. ليمووون

والف هناااااا ...........

 

[%عسولة الحلوة%]

مشكورين على الردود الحلوة يا خواتي

 

[ابلة رسم كتكوته]

جرجير-بربير-نعناع-فجل احمر-بصل اخضر-خيار-طماط-بصل ابيض(على حسب الرغبه)
الخضره الورقيه على عدالها تحطينها بعد ما تغسلينها
بس الخيار والطماط تقطعينهم كبار والبصل الاخضر تقطعينه نااااعم-والابيض جوانح
والصلصه:ليمون-خل-ثوم مدقوق-زيت زيتون-صماق-صلصة كنوراللي على خل وثوم(اختياري)
وتقلين الخبز بزيت زيتون
وعليج بستين الف عافيه

 

[h.a.d.a.w.y]

انا امي تحط شويه دبس الرمان

تطلع لذييييييييييييييييذه

والخيار تقصصه حلقات بس رفييييعه وصج تطلع بالشكل احلى

 

[أم عزيـز]

حبيبتي انا الصوص اللي احطه على الفتوش

1- ليمون
2- خل
3- زيت زيتون
4- دبس الرمان
5- ثوم بودره
6- ملح
7- سماق

وطبعا مقادير السلطه

خس
فجل
خيار
طماط
نعناع

وطبعا ما ننسى الخبز المحمص

 

[أم قلبين]

جربي طريقتي ما رح تندمي

الخضروات

بندورة "طماطم" + خيار + بقدونس + خس+ نعناع ناشف أو أخضر كله واحد.

الصلصة

زيت زيتون + سماق + خل أبيض + ملح + ليمون

يفضل عدم اضافة الخبز المحمص الا قبل مع الاكل بربع ساعة علشان يبقي الخبر مقرمش ويجب ان يوضع الخبر بالفرن ويحمص لا عن طريق القلي حتي لا يحمل دهون ضاره.

وافضل صحة وهناء ​

 

[قرقاشة]

شوفي طبعا الخضار على حسب اللي تختارينه انا عن نفسي احط كل شي اخضر بالثلاجة يعني كل انواع الخضرة الورقية اما الصلصة وهي الاساس
( ليمون - زيت زيتون - خل - دبس رمان - نعناع ناشف - سماق - قفشة صغيرة عسل - ملح وفلفل اسود فصين ثوم مهروسين )

 

[غنوة ستايل]

طماط ـ خيار ـ فجل احمر ـ خس ـ جرجير ـ بقدونس ـ بقل ـ ريحان ـ نعناع ـ سماق ـ بصله حمرا صغيره ـ بصله خضراء ـ

الصوص :
خل ـ زيت زيتون ـ وليمونه ـ وملح ...

وبس

 

[%عسولة الحلوة%]

مشكووووووووووووووورين عالمرور والردوج الحلوة

يمي يمي
احب الفتوش