شنو عندج كتب؟؟

[نـــــوف]

سلسلة هاري بوتر
و سلسلة توايلايت
و سيد الخواتم وروايات شيكسبير وتشارلز ديكنز وبعد اشكثر

 

[عهود الحب]

مطيرية ماركة
ادري بس المشاغل يا وخيتي اوف يالمشاغل
عيالي مومخلين لي وقت اقرا وان مسكت كتاب ولهيت فيه قامت هوشاتهم وطق مطاقق

اللحين اكمل بقية الكتب احس مسوية زحمة بس شسوي دام صورتهم لازم احملهم

 

[عهود الحب]

الكاتب هذا روعة شوية عليه

قريت له رواية الخيميائي وقررت اشتري له بعد
انصحكم برواية الخيميائي
لاتطوفونها


على فكرة رواية الخيميائي مالقيتها هم مبيوقة مادري مضيعينها بناتي

يعجبني حيل الروايات التاريخية
هالرواية عن شخصية جنكيز خان
انا احب اقرا عن هالشعب
لأنه كان لهم دور خطير في التاريخ الاسلامي

رواية الاثنين الاسود

فتاة القيروان < قريتها قبل عشرين سنة ورديت اللحين شريتها
أحب الكاتب جرجي زيدان ولو انه في شغلات مثل السم بالعسل
بس احب اسلوبه شسوي

المملوك الشارد روعة روعة روعة اتعب اقول روعة
هم لنفس الكاتب

هم فتاة غسان حلوة لنفس الكاتب
والكاتب على فكرة كاتبها بالقرن التاسع عشر اعتقد اذا ما خانتني الذاكرة :gr4uu:

خوش قصة الزيني بركات

بس مادري ليش فجأة نسيت اكملها :gr4uu:


اكمل :lkmnkl: بعد ما أتأكد انه المنتدى ماخون فيني ومسح المشاركة

 

[عهود الحب]

احب اقرا الهاكاتب وشريت الكتاب قبل فترة

وفي له كتاب ثاني بس الجلدة كلتها الئطــة :$

بس احب مقالاته
والكتابين عبارة عن تجميع لمجمل مقالاته بالصحف والمجلات
وعلى فكرة الكاتب ما اوافقه بفكره بس تعجبني صراحته بالكتابة وحبه لديرته

خلصت هالكتاب لفوزية الدريع

عشان ودي اعرف شلون اخلي عيالي كلهم ثقة بالنفس
وفعلا هالكتاب نورني لشغلات كثيرة
انصح الكل يقراه
سواء فيهم ثقة بالنفس او ماعندهم ثقة بالنفس
الكتاب اروع مايمكن
وانصح والله كل ام انها تقراه وترى سريع وحلو وخفيف
نوعيته بسرعة تقدرين تقرينه وتخلصينه رغم انه 160 صفحة خلصته بسرعة واستمتعت فيه

كتاب روعة
فوزية الدريع ككاتبة
خطيرة
وانا اعتقد انه الي تبي تفهم زوجها بشكل افضل تقراه وبتمعن لازم
والكتاب مافيه اساءة للرجل كما يعتقد بالعكس
يعني اقروه بلاتردد

 

[عهود الحب]

كتاب السر
اشهر من نار على علم
وتبون الصج
ترى عالفاشوش ولاشي ولامنه فود بنظري انا

لاتقل لا ابدا < للكاتبة فيليس جورج
الكتاب هذا روعة شوية عليه المفروض يكتبون عنه وينشهر اكثر
الكتاب كاتبته ملكة جمال سابقة عن قصة حياتها
شلون كانت تفشل وتتعب وترد تجرب وتنجح
شلون طريقتها بتحقيق نجاح تلو الآخر < ياعيني عالتعبير ههههههههههه
وطبعا تسوق لنا امثلة من شخصيات معروفة وتبرر سبب نجاحهم
بصراحة انا بنظري هالكتاب اروع مما كنت اتصور
انصحكم تقرونه للي حاب يطور من ذاته

هذا العام سوف اقوم بكذا وكذا
خوش كتاب وبسيط بس ماحبيت اسلوبه بس ترى مومقياس يمكن يعجب غيري :gr4uu:

كيف اصبحوا عظماء للكاتب سعد الكريباني
الي ماشرت هالكتاب
لازم تروح تشتريه
وبدون تررددد
هذا ان حصلتوله نسخه بعد
3 مرات اروح لجرير ولا احصله
واخيرا شريته بالصيف وتوني قبل شهرين قريته
الكتاب ملهم جدا جدا جدا
وممتع ورائع
انصحكم فيه وبقوة والي تشتريه راح تدعي لي :tongue22:

افعل شيئا مختلفا
الكل يمدح فيه بس للحين ما تفرغت اقراااااااااه

العادات السبع للناس الاكثر فعالية
خوش كتااب والكل يمدح فيه بس ترى ماتخلصون منه بسرعة
انا لي سنتين اقرا فيه وللحين اتركه وارد له ليش شنو السبب الله اعلم :tongue22:

 

[عهود الحب]

الكاتب دكتور فيل ماغيره :eh_s(4):
عائلتي اولا
حلو هالكتاب للي حاب يرتب اولوياته
ينفع للامهات والاباء ايضا
الحلو فيه انه يعلمك شلون انه الاطفال والعائلة اهم من الزوج او الزوج السابق
حلو حيل حيل
ونفعني بفترة من حياتي اني ارتب اولوياتي صح وبدون ما اخسر شي :gr4uu:

تجارب النجاح المدرسي لنجيب الرفاعي :weight_lift:
بما اني ام وولية امر يهمني اعرف شلون احقق النجاح الدراسي لعيالي
ومنو احسن من الدكتور نجيب الرفاعي بهالتخصص !
حلو الكتاب لولي الامر وللطالب ايضا

تعلم كيف تدرس
ايضا عن الدراسة

تحسون اعاني مو

ابي امي اسمعاني جيدا :lkmnkl:

كتاب حق الي مثلي

ابني المراهق يقودني للجنون :tongue22:
شريته لما صار ولدي البكر مراهق
والغريبة كل مرة اخانقه يجيب الكتاب لي ويقولي اقريه يمكن تتغيرين وتفهميني :eh_s(4):
والله فعلا يقودني للجنون والظنون ملعوزني الله يهديه :eh_s(2):

 

[عهود الحب]

لاتهتم بصغائر الامور > كتاب للي مثلي يعاني مع عياله

الاطفال من الجنة :eh_s(4):

الكتاب المفروض يخليني مطمئنه
بس عقب ما انقلبت حالة صلاح الراشد
صرت اخاف على روحي :eh_s(2):
اخاف يجي لي يوم اطق مع فرقة طقاقة
خو الواحد يخاف خو يا مثبت القلوب ثبت قلبي على دينك :gr4uu:

 

[عهود الحب]

كن سعيدا

قوة عقلك الباطن

كيف تحصل على ماتريد وتحب ما لديك
كتاب حاطته على طاولتي عشان اقريه بالقريب العاجل

غيري حياتك
حلو الصراحة بس نتفة واحسه كافي ووافي للي يبي جذي كتاب خفيف

يبيله ادرسه دراسة عشان في اشخاص تضايقنا بالدوام
مالها الا لغة الجسد جود يفهمون
وبنفس الوقت يعلمنا شلون نكشف شخصيات من حولنا
عشان البعض يلجأ للكذب والصواريخ بالكلام فهالكتاب يعلمنا نكتشفه من خلال هاللغة العالمية

كتاب يشرح الفرق بين المرة والرجل انه المرة تفكيرها غير عن الرجل بكل الجوانب
على فكرة اهو مختلف عن كتاب الرجل من عطارد والنساء من الزهرة
والكتابين كلهم عندي
بس الرجال من عطارد مدري زحل
مدري وينه :gr4uu:

اضغط الزر وانطلق
قصص قصيرة للنجاح او التحدي او اي شي تبونه
يقول الكاتب انه تعب يجمعهم بس عشان العروض التقديمية
لما احد يسوي ورشة او ندوة يستفيد حيل من هالكتاب

 

[عهود الحب]

تبين الصج تعبت
والكتب للحين ماخلصوا

لي عودة بس بعدين

اتمنى اكون افدتكم

 

[فوشيه عجيبه]

هذول كتبي و يريت يعجبونكم




و حبيبه بعد وياكم

 

[مطيريه ماركه]

عهود لآ هنتِ

فيه كتب كثيرة عندج موجودة عندي مثل كيف أصبحوآ عظمآء وذآكرة آلجسد وآلسر آلخ آلخ

شد آنتبآهي شعلآنيآت من وين أخذتيه ؟؟

 

[Little_Queen]

يعطيكم العافيه بنات ..

و يعطيج العافيه عاشقه بدر المطوع على هالموضوع
و لي عوده مع صور كتبي ان شاء الله

 

[غروري بطيبتي]

اختي غروري بطيبتي
انا مجنونة بشي اسمه كتب تاريخية
من وين شريتي عن صلاح الدين والاغريق والسلاجقة والموحدين
شكلي ببجي ابيهم
بالعافية على قلبج

عهود الحب حبيبتي سوري تاخرت عليج ,, بس توني اليوم شبكت
الله يعافيج يقلبي :d
زين يعني في بنات يحبون التاريخ بعد
شريتهم من العجيري وكتبته بالرد
واذا تبين الاسعار وشرح مفصل عن كل كتاب ماعندي مشكله اكتبهم لج

غروري بـ طيبتي أمبيه كتبج شي شي من وين أنقذيني أحب آلتآريخ

عهود آلحب أنصحج تقرين كتب عبدآلوهآب فظييييييعة شـ نآطرة بآجر يصيرون طرشي

حبيبتي انتي
كتبي شاريتهم من العجيري

 

[عهود الحب]

غرروورري بطيبتي من صجج
منو مايحب التاريخ
ماعنددددددددده سالفة
احلى شي الكتب التاريخية
اموت انا ان شفت كتاب تاريخي
انا دورت افتريت بجرير
مااااااااااكووووووووووووووو كتب تاريخية هالكثر
وماعليج من اختج قمة التعقل قراءة التاريخ
مادري اذا تقدرين تشرحين ماعندي مانع
وانا بأقرب وقت بروح للعجيري




مطيرية ماركة ولا أنت ِ حبيبتي
كتاب شعلانيات مقالات له من هنا وهناك حلو ويونس اذا تحبين قراءة المقال الصحفي

شريته من زمان من معرض الكتاب اعتقد قبل سنتين ثلاث اربع مااتذكر لأنه انا مدمنة معرض كتاب


بالنسبة لمبارك الشعلان سوي سيرج عالنت تطلع لج مقالاته اعتقد يكتب بجريدة النهار
وللحين كتاباته ساخرة تونس

 

[Jro7 Al.nass]

اسفه على عدم تواجدي بالموضوع
واشكركم وااااااااااااايد على تواجدكم وتشجيعكم لي عـ الموضوع
فدييييييييييتكم والله ان شالله على طووول اكون متواجده بالموضوع
مع تحياتي: عاشقة بدر المطوع

 

[عهود الحب]

للكون اله

هذا الحبيب محمد فأقبل يا محب
اشياء عن سيد الخلق على الصلاة والسلام ماتعرفونها عنه من قبل
روعة هالكتاب روعة روعة

رجال حول الرسول

شخصيات مثيرة للجدل
اموت بسوالف الي جذي
احب اقرا عن الشخصيات السياسية او الشخصيات العامة

الحكام العرب
هالكتاب شريته على اساس بلاقي شي
انصدمت انه تلميع لشخصيات انا اكرههم كره العمى
مادري شحقه
تالي قريت اسم الكاتب ولا مصري
تووووووووبة اشتري لكاتب ينافق على حساب فليساتي

وشهد شاهد من اهلها
شهادات من الغرب عن الدين الاسلامي
احس يبيله مزاج للقراءة ماقريته للحين والله

اشهر النكت السياسية
لاتخزوني
هذا كتاب ولدي :dddds:
وصادرته :$

 

[عهود الحب]

عن العصر العباسي

أحب الشغلات اليدوية
في جزء ثاني اختفى ما ادري وينه
اللحين انا من التصوير اكتشفت انه في ناس تبوق كتبي
عاد انا كتبي مثل عيالي حيل غالين علي :eh_s(2):

المبشرون بالجنة
للاطفال
حلو للي عندها عيال مثلي ودي عيالي يقرون عن صحابة الرسول اكثر
وما لنا الا عن طريق الكتب احسن من مجابل التلفزيون خل يكون لهم فيهم قدوة
احسن من هانا مونتانا وربعها

السيرة النبوية
احب اسلوب متولي الشعراوي
شريت له كذا كتاب لأنه عجيب عجيب عسى ربي يسكنه الفردوس الاعلى

القراءة بطريقة النجمة
يساعد عالقراءة الفعالة

غرائب النساء
هالكتاب حبيته حيل أول مرة تعرفت عليه بمكتبة الجامعة وعقب تعبت ادوره ولما شريته حافظت عليه
عندي من زماااااااان ومتقطع بس لازلت محافظة عليه

مائة شمعة لاتنظفيء
كتاب بالصور
اقصد يقرن الكلمة بالصورة
حليو

 

[عهود الحب]

أحوال النساء بين الخيانة و الوفاء

عالج نفسك بالشاي الاخضر

الادوية النبوية الجامعة

موسوعة القصص المؤثرة - عن عقوق الوالدين وبرهما
حلوة صراحة

مذكرات سمين سابق

الكتاب حلو وعبارة عن مذكرات بس احس اخذ اكبر من حجمه بهذاك الوقت

قطوف نسائيه
لهاللحظة مادري شنو قصة هالكتاب
جنه نسائي < لا والله

يارب تحقق حلمي واشوف واحد من عيالي حافظ القرآن

 

[Jro7 Al.nass]

عهوود ان شالله ياارب تشوفين كل عيالج محفظين قران وتفرحين فيهم يآآآآآآآآآآآآآآرب آآآآآآآآمين

 

[ملكة الفن]

ملكة آلفن صآجة روعة هـ آلكتآب وكل كتب آلسويدآن كنز لآ تطوفج آصدآرآته آلصوتية قصص آلآنبيآء

اي و الله كتبه روعه
و قصص الانبياء توني شاريه اصدار نبيل العوضي بنات لا يطوفكم حده عجيب و مؤثر و اسلوبه روووووعه