شنو في ادويه زينه للبيبيات (التسنين) وللحوامل من امريكا ؟!؟

[Om_Ksha]

سلالالالالالام
بناااات انشالله اذا الله سهل باجر عندكم بعد شوي طيارتي .. وحدي طايره على رزقي مانطرت اوصل هناك واكتب ههههه مابي اضيع وقت ,, وسفرتنا قصيره ..قلت اسألكم ,,

بنتي اسمالله عليها بتكمل 5 شهور وفقيره تكفخ بعمرها لثتها مأذيتها شكلها بتسنن :eh_s(10):
واحس بامريكا الجمعيه بروحها فيها سوالف الدنياااا فما بالكم بالصيدليه !!!

فيريت بناااااات تقولولي اي شي مفيد ممكن اشتريه لهااا من فيتامينات وسوالف وغيره ترا ماعندي خبره اول بيبي واول زياره لي انشالله .,, وهم ابي سوالف للحوامل ممكن تفيدني ..

وللشعر شعري يحت بشكل خيااااااااااااالي وصاير لييييييييييفه يخرع !! من عقب الولاده احس بقرع ,, وصج السترج مارك بالبطن ابروحه فيلم !! ماكو شي يقلل الخطوط الحمرا والمنيله !!!

مادري ابي تفيدوني بخبرتكم بأي شي مو شرط اللي قلته ودي زيارتي تكون مفيده :eh_s(22):

:eh_s(7)::eh_s(7)::eh_s(7): ومشكوووووورين :eh_s(7)::eh_s(7)::eh_s(7):

 

[Om_Ksha]

شدعوووووووووووووووه بنااااااااااااات الحين وصلت امريكا وتوقعت الردوووود شاقتني شق اخر شي محد رااااد ((((((((((((

 

[مجنونة حبه]

دشي سي في اس روحي قسم ادويه الحوامل فيه فيتامينات زينه ( احنا لازم اورقه علشان صرف الادويه حق الحامل حتى لو كانت فيتامينات )
وتسنين كل الانواع زينه فيه حق بليل من جل الى حبوب

 

[Om_Ksha]

مشكوووووووووووووووووووووره بعد قلبي انتي كله طالعتلي وييييييييين اروووووح من جمااااااااايلج .. استحيت ادزلج رساله خاصه عشان مااذيج بس مع هذا راده علي .. الله يوفقج وين ماتروحين ..

انشالله بروح واشوف بس ماعندكم اسامى معينه اشتريهم علاطول خاصه للبيبي بنتي بعد قلبي قاعده تسنن وتتعذب كلا تكفخ روحها ..!! عاد مادري اذا رجعت بتطلع اسنانها ولا مطولين ,,

 

[لولوة الكويتية]

ام كشه الحمدلله على السلامه اشلونك ان شاء الله مستانسين واشلون الطريج عسى ما تعبتي والله لو اعرف جان قلتلك يلا ما قصرت مجنونة حبه

 

[Om_Ksha]

الله يسلمج بعد قلبي الحمدالله والله عدت مع انه حييييييييييل احاتي درب الطياره .. الحين اللي متعبني المشي كل شوي قاعدين .. بس الله يسهل انشالله ومشكووورين

 

[لولوة الكويتية]

الله يعينك عاد ديري بالك على روحك ترى المشي الواايد مو زين

 

[مجنونة حبه]

لا عادي كلنا خوات والله
لا تستحين ولا شي
واذا تبين اي شي انا حاضره والله دزي مسجات اذا تبين ولا ضيفيني واتس اب
وتقدرين تسالين داخل سي في اس عن احسن ماركه لان في استشاري صيدله داخل تقدرين تسالينه واهو يجاوبج ويقولج
وبالنسبه حق تخدير الاسنان للاطفال baby orajel اتوقع اذا ماني غلطانه

 

[laish ya3ni]

ياا روحي نطري بروح ايمعلج اسامي الادويه و اعطيج لاني مينونه ادويه امرييكا مدمنه مدمنه اختي كل ماترد تييبلي هاند باق متروسه ادويه هههه ادزلج عالخاص باللسته هعهع

 

[laish ya3ni]

لووول دقرني المنتدى
رسالة إدارية

عفواً مشاركاتك قليلة جداً .. لذآ لايمكنك إرسال رسالة خاصة .... إدارة المنتدى

بحطه هني :
هاذي الاشياء انا استعملتها على عيالي و واثقه فيها ... اول شي واهم شي ولازم تشترين منه 2 او 3 مدامج حامل
1. Vicks BabyBalsam للاطفال و اكرر للاطفال تلقينه بالصيدليات وال drug stores ممتاز ومفيد حق حتى المواليد وقت الكحه والبرد .. منو مايعرف لمسه vikssssssss الدافيه والمريحه هههه. ومو موجودة ماركه vicks حق اليهال بالكويت.

2. حق التسنين انا جربت نوعين واثنينهم زي بعض و بيني وبينج ترى ما يفرق عن اللي بالديرة بس مال امريكا احلى لازم لوول واحد اسمه Camilia Teething relief والثاني اسمه Humphrys Teething relief بس هانوع فيه منه نكهات فيه جنه كرز عجيب و ايصير مثل اللزقات او الشرايح مو جل سائل

3. اهم شي عندي واهم دوا او مكمل غذائي بالنسبه لعيالي اسمه Coromega Omega 3 Gel.. هذا قوطي كبير فيه منه برتقال و كاكاو و ليمون عبارة عن جياس مثل جياس كتشب المطاعم فيه جيلي بنكهه للاطفال فوق السنه انا استعمله على طول حق كل اعيالي لان هذا اوميغا 3 ومهم جدا لنمو العقل وسلامه البصر والقلب.. وعيالنا الله خير مايشتهون السمج خييييييييير شر ومعروف ان اوميغا 3 يوجد بكثرة بالسمج فانا احاول اعوض هالنقص بهل مكمل كل يوم اعطيهم جيس واللي تلوع جبده او مو متقبله اخلطله اياة بعصيرة و اخليه يزرط قصب ههعهع .

4. فيتامينات + اوميغا3 حقج اثناء الحمل مكمل اسمه
PregnaCare Plus omega3

5.ماي غريب للاطفال بطعم التفاح ماركة Baby's Bliss لونه كحلي وفيه رسمة وحدة شايله بيبي و دوا ثاني لغازات اليهال اسمه Little Tummys Gas relief Drops مونه ابيض اب ازرق.
6.حق السترش مارك و الخطوط انصحج بفازلين من قلب هههههههه + زيت اسمه Bio oil وموجود منه بالكويت شفته مره اب بوتس.

7. اخيراTylenol infant drops مال اليهال اللي يصير قطرة نصيحة ييبي منه 3 لان كله مقطوع بالكويت :cxxxp: وحدة وحده حق التطعيمات و السخاين ... وفيه منه Tylenol infant plus Cold and Cough هذا حق اليهال وقت الكحة والبرد.
وسلامتش و ااااااااااسفه كنت بحط صورهم عيزت مو راضي كله فشل تحميل الصورة .. شوفي صورهم بالعم قوقل :rerrerek:

​

​

 

[Om_Ksha]

بعددددددددددددددددد قلبي ماااااااااااتقصرين صج تبرديييين الجبد .. الله يحفظج وانشالله ان لقيت بيبلج منهم ,, وهذا بايو اويل موجود بالكويت بس مايسوي شي !!

الخرايط اللي عندي مستحيله .. يالله الله كريم .. ومشكووووووووووره

 

[لبـى قلبـي]

والله للأسف مآعندي علم للحين مآجبت بيبي ..



بس كنت بسألك
شـ صآير بموضوع التصويت على ملآبس البنوتآت ..!


والله كنت متحمسه ابي تفوزين ..
مآشاءالله ملآبس بنتك كآنت so classy ..



وتوصلين بالسلآمه إن شاءالله ...

 

[laish ya3ni]

هههههههههه مشكورة يا قلبي ماتقصرين... بس انا جايه الشهر الياااي للعلاج الله يشافينه ويشافيكم انا اشوفك هناك ونتوااعد هههههه