شنو قوانينج عالخدم ؟؟

[Patcholli]

بنات شنو شروطكم وشنو قوانينكم على الخدم اول ماتيبونهم ..؟؟

واشلون بالنسبه للبريك باليوم انا اعطي خدامتي من ال 4 لي ال 6 بريك وامي تقول وايد

ويوم السبت اخليها تقعد بالبيت وازور اهلي امي تقول غلط هالشي تعودينها عالرباده

ووايد تهدني وتروح تقعد بغرفتها اتوقع لان ماعندي قوانين صارمه معاها

وشلون بالنسبه للعقاب مثلا اذا غلطت شنو ردة فعلكم زف وهواش ولا تطنيش ولا شنو ؟؟

يالليت كل وحده تكتب تجربتها بشكل مفصل محتاجتكم والله


للعلم خدامتي فلبينيه وكبيره بالعمر استحي اشد عليها وايد احسبها بعمر امي

 

[ام عزيزان]

لازم من الاول ما تعلمينها علي كيفها

وهي روح وانسانه بعد وتبي الراحه

تريح الظهر وياكم .... وتنام مبجر عالاقل الساعه عشر وتقعد الساعه ست

واذا تزورين لازم تودينها معاج شكو قاعده بالبيت

 

[بنت جنيف]

اولا ممنوع الموبايل وتقعد بوقت معين وتنام وقت معين ومادش المطبخ الا لما ارد من الدوام امسك اليهال واهيا تطبخ بالنسبه للبريك ماعطيها متا ماحست نفسها تعبانه تستاذن منيً واخليها ترتاح وكنت نفسج بالخدم الي قبل اخليهم بالشقه وازور امي هاذا الشي خلاهم ربادين وايي كله مالهم خلق وويهم متفخ من النوم واذا سوت شيً غلط علي حسب الشي الي سوته اتعامل معاها بصراخ او بهداوه او باسلوب شاد والخدم ماينعطون ويه كلش انا اول خدامه لي خرتها معاها وركبت فوق راسي بتمردها علبونا حرام مره كبيره واستحي بعدين تعلمت

 

[ام الدرر]

قوانيني
ايام الدوام
6 الا ربع يقعدون يجهزون للمدارس
والظهر بعد الغدا يريحون لل5
ايام العطل 8 واذا رادين متاخر من يمعه اعطيهم لل9
اعزكم الله الزبالة ماتنقط وانا مو موجوده بالبيت
غلطت خربت شي تعالي قولي
اذا يت وقالت انبه عليها تدير بالها مرة 2
اذا خشت وما قالت اشد عليها بالكلام
اذا صار تقصير وخمال شوي
اشد عليهم
اقلب البيت فوق حدر تنظيف
كل يوم يطلعون غرفة باللي فيها يظل الكبت والسرير ويمسحون كل شي ويردونه مكانه
مو شريرة بس لاني ما اقصر معاهم ما احب اي تقصير بشغلي
موبايل ما عطيتها الا لما كملت سنتين راحت اجازة وردت سمحت لها
عيالي خط احمر يغلطون او يتمادون تعالي قولي لي انا اعاقب مو انتي
الزوارة يروحون معاي اليمعة
اما الخميس فيكملون شغلهم غسيل ملابس المدارس
واذا فاضين اطلع لهم شغل
تنظيف مطبخ كبتات ثلاجات
بس هذا اللي في بالي

بالنسبة لخدامتج باتشولي اذا ماعندها شغل حاولي تعلمينها اشياء ثانية
تلف سمبوسة وكبب لرمضان
اشتري ماكينة خياطة تصلح ملابس يبيلها تقصير تضيييج (انا سويت جذي مع فلبينيتي)
ترتب المطبخ والثلاجات
والله يسخرها لج ويكفيج شرها​

 

[Mjnont '3lay]

حلو نظامج ام درر فعلا الخدم والله مايمشون الا بالعين الحمرا اذا عطيتيهم طيبه وريج حلو يركبون فوق راسج
و الحمدالله ماعندي خدامه

 

[Patcholli]

اشكركم جميعا

ام الدرر عجبتني قوانينج بحاول اطبق قدر الامكان ماشاء الله عليج امشيتهم على سراط مستقيم

اتصدقين اليوم مالتي جاذبه علي قبل يومين مجيلتلها ويايبتلها كل احتياجاتها ويايتلي تتعنفق مو عاجبني الشامبو ابي شامبو يديد وتبي تروح الفرع مشي قتلها لا ماكو تروحين بروحج انا اوديج
يوم نزلتها وعطيتها فلوس ولا شاريه رصيد :| واي بنات اشلون اتصرف وياها هاذي مدمنه تلفون يننتني نص الشغل تطالع تلفونها وتقعد تطرش مسجات صرخت عليها ذاك اليوم قتلها تلفونج وقت الشغل بدارج بس ماكو فايده

شسوي معاها ..!!

 

[PuPa^^SWeeT]

اذا ما سمعت كلامج بالتلفون

اخذيه منها




و بلغييها الشغل شغل خلاص


الله يعيينا من بلاوي الخدم



انا قوانين بناتي ما تحلطمين منهم بتاتا و ماتعاقبينهم و اذا انا عاقبتهم انتي اخذيهم مني و وديهم الدار هدييهم عن البجي



و التنظيف و الاوتي و الغسيل و كل شي يتم من اول ما اطلع لدوام معاي بناتي اهيا تقعد بروحها اتسوي كل شي


اقولها اتطلع يدام و اتفوحه نص ساعة اييي انا اكمل الطبخة من شوي و عيش و سوالف


اذا كسرت شي ولا بناتي كسرو اتبلغني اول باول



و ما احب اني اشدد بهالسالفة لانه انا تفلت مني صحون ولا قلاصات القعدة من النوم 5:30 بالايام العادية



و ما تاخذ بريك الا اذا قدرت انوم بنتي الصغيرة


اذا ما نامت تقعد وياي انجابلهم لين الساعة 5:30 اتسوي عشاهم و لما ياكلون و يغسلون و ينامون يعني 6:30 ولا 7

اهني اترووح بس مابي منها ولا شي



اتدش غرفتها و اتنام ولا اتسولف ويا اهلها شوي كيفها عاد


عندها موبايل بس اهو لي مو لها تدري اهي



لما ما اتكلم اتحطه بالصالة لانه ماعنده خط ارضي للحين


همممممممممممممممم



بالويك اند تقعد الساعة 8 المفروض بس ساعات تقعد من كيفها 7 مادري ليش و اتنظف


يوم اليمعة اطلع البنات و اتيي وياي


يوم السبت زوارة اهلي و طلعتي مع ريلي الرسمية تقعد ويا بناتي ببيت اهلي




وبسسسس هذا نظامي وياها







انا ما اصرخ عليها ماحب


بس اذا لمست شعرة من بناتي ولا قالتلهم شي



منيي خل اتمنى انها ما يت و دشت بيتي



بناتي خط احمر عرييييييييييييييييييض

 

[Patcholli]

بوبا اخاف اقولها ماكو تلفون تطنقز وبتروح المكتب نفس مالتي الاوليه شسوي :<

اتصدقين انا الخدم عندي يقعدون 7 ونص ومو عاجبهم وينامون 10 ونص والعصر بريك لي ال 6 ومو عاجبهم ..!!!


شسوي ياربي تعبت :<

 

[Mjnont '3lay]

باتشولي للامانه انتي دلعتييييييييييييييييييييهم
الحين اهما ركبو فوق راسج ما يسمعون لج كلمه ومتجرئين عالجذب والعنفقه
النظام الجديد
صوتج يحتد معاهم والطيبه انسيييييييييها وياهم
تلفون ينسحب منهاااا واي احد تبي تكلمه خليها تدق من تلفون بيتكم انا بيت اهلي جذي ماتسولف الا من تلفون البيت وما تمسك التلفون الا اذا خلصت كاامل شغلها
ان طولت لسانها تلغين وقت البريك مالها وتخلينها تشتغل فيه
وان قالت ابي المكتب قولي لها مافي مكتب ماتبين تشتغلين خلاص اشغلج عندي شهرين ثلاث بدون معاش واجمعهم لج واسفرج فيهم على حسابج صدقيييييييييييني تخاااااااااف وتسكت وتنسى طاري المكتب خير شر والله العظيم
وبعدين حبيبتي لا تعطينهم بريك كللللللللللش
صدقيني هذا الخراب من الاساس انتي مدلعتهم والله
لا حبيبتي مو بكيفهم من اليوم ورايح تقولين لها الساعه 6 ونص انتي مرتزه جدامي تبلشين شغل البيت من مساح وغسيل وكراف وبعدين تطلعين اليدام حق الغدا وتطبخين ومن تخلصين شغلج من الطباخ تغسلين المطبخ وتنظفينه بعدها تنطرينا نتغدا بعدين تتغدين ورانا تخلصين تذلفين غرفتج ومتى ما ناديناج تجين تسوين اللي نبي
وبعدين عقب ما ينامون الكل وتسوين لهم عشى كلهم ساعتها تذلفين تنامين صدقييييني لو تخلين نفسج حازمه معاها والله تمشي لج سيده والله انتي جربيها واذا ما نفع معاها خلي رجلج يعطيها العين الحمرا شووي ورح تمشي سيدا صدقيني
بس انتي انسي اسلوبج القديم واتبعي هالاسلوب الجديد معاها ومع غيرها وشوفي النتايج

 

[Roty]

اللي فوقي تقول
قولي للخدامه تذلفين

لا عاد مو جذي مهما كان هذول بشر مثلنا هادين بيوتهم عشان لقمه العيش والرزق

انا مع ام الدرر وبوبا

والله حلو موضوعج وحيل مفيد

 

[PuPa^^SWeeT]

اذا هددت بالمكتب معناته الاخت تبي الزلة و قاعدة اتحداج علشان اتقولين وديني المكتب ولا سفريني



انا قبل سيلانيتي قعدت عندي 3 اشهر و نص


لوعت جبدي اول شهر ماشية تمااام و حبيتها


بعدييين كل ما غلطت قلتلها هذا غلط قالت مو عاجبتج وديني المكتب



قمت انا كذا مرة اعاندها اقوولها قوومي حطي اغراضج انا بودييج المكتب بعد مو بابا

قامت اتخاااف


بس اخر شي وديتها المكتب


اوكي انا اتحمل غباء ولا بروود


بس ما اتحمل وحدة اتحط راسها برااسي

 

[ام الدرر]

اشكركم جميعا

ام الدرر عجبتني قوانينج بحاول اطبق قدر الامكان ماشاء الله عليج امشيتهم على سراط مستقيم

اتصدقين اليوم مالتي جاذبه علي قبل يومين مجيلتلها ويايبتلها كل احتياجاتها ويايتلي تتعنفق مو عاجبني الشامبو ابي شامبو يديد وتبي تروح الفرع مشي قتلها لا ماكو تروحين بروحج انا اوديج
يوم نزلتها وعطيتها فلوس ولا شاريه رصيد :| واي بنات اشلون اتصرف وياها هاذي مدمنه تلفون يننتني نص الشغل تطالع تلفونها وتقعد تطرش مسجات صرخت عليها ذاك اليوم قتلها تلفونج وقت الشغل بدارج بس ماكو فايده

شسوي معاها ..!!

باتشولي بالنسبة لسالفة الشامبو انا اول مايتني كنت اشتري لها شامبو رخيص ولما طلبت نوع معين قلت لها اشتري اللي تبين من فلوسج
انزلها وياي الجمعية وتشتري اي شي زيادة عن الاحتياجات الاساسية (كوتكس -شامبو - معجون -فرشاة اسنان ) من فلوسها عشان حتى كرت التعئبة تحرص ما تشتري ولا تستهلك الرصيد بسرعه
الحين عقب 5 سنين اييب لها من فلوسي لانها ماشية سيده معاي
وبالنسبة للموبايل كلميها بالعقل وبهداوة لان الفلبن ماييون بالزف
(انتي طالعة من ديرتج ومتغربة عن اهلج تبين تشتغلين وتيمعين فلوس
انا احترمج واقدر شغلج واكافئج زيادة اذا مشيتي معاي سيده
التليفون انا سمحت لج عشان تتواصلين مع اهلج بوقت راحتج فقط )
فلا تخليني اشوفه معاج برة الغرفة
واذا شفتيه معاها
قولي لها
(ودي الموبايل الغرفة )
بكل مرة تشوفينه
كرري عليها الطلب
بدون صراخ او هواش صدقيني اذا هي حريصة وياية تشتغل بتتغير
واذا حسيتي بالتغيير كافئيها بكرت تعبئة وهي بتفهم انه عشان التزمت بقوانينج
وعسى الله يسخرها لج ويكفيج شرها ​

 

[Patcholli]

مجنونه

انا ماقدر اخذ منها التلفون لان اهي يت واهو معاها واخاف تسوي نفس القبليه يوم منعتها قالت بروح المكتب ماتبي تشتغل ..!!
وهم احط روحي مكانها اقول مفارقه عيالها وتوها اول مره تشتغل من جذي رافه بحالها بس صج مو كفو
واهي اساسا طباخ ماتطبخ انا الي اطبخ وانا اقطع الدياي وكلشي ماخليها تجيس الاكل اخاف منهم ماتدرين تتفل فيه ولاتقط نجاسه كلش مااتطمن وريلي تلوع جبده ..

بوبا انا هددتها بالمكتب واليوم اعتذرتلي يعني يايه تبي شغل من امس تعتذر بس هالمره حقرتها كل مره اقولها اتس اوكي دونت ووري هالمره حقرتها ومارديت وعطيتها نظره حاده يعني معصبه صج ..

واليوم قتلها امشي بيت ابوي جان تقول بطني وبتلي الدوره قتلها ماكو يلا قومي
اساسا فبيت ابوي اهي ماتسوي شي ..
ركبت السياره جان اقولها نزلي قعدي بالبيت خلاص .. لان زوجي كان عنده ظيوف وخفت يحتاجهم ..
بس حريمتها اعطيها اي فلس زياده ..


ام الدرر جان زين تبي شامبو صج كل مره تطلب نعطيها زياده وكل مره اكتشف انها شاريه كرت تلفون
ذاك اليوم قالت ابي خبز وصمون معني شاريتلها بس قلت حرام يمكن تبي نوع معين
يوم راحت الفرع ردت تبجي تقول المكينه مالت الكروت التعبئه بالعه الفلوس
الله فضحها


انزين شنو اطلعلها شغل زياده انا شقتي صغيره حتى لو تنظف وتغسل الاثاث بتخلص بسرعه :<

 

[ام الدرر]

باتشولي انا ادري ماتبي شامبو تبي فلوس للكرت
لما تقولين لها هذا الموجود واذا تبين شي معين اشتري من فلوسج
بتصير حريصة عالكرت وما تستعمل الموبايل وااايد لانه من فلوسها
واذا صج تبي شامبو معين او اكل معين قولي لها شنو تبين بالضبط انا اشتريه
لاتعودينها تعطينها اي مبلغ بايدها زيادة على معاشها
والشغل مثل ما قلت لج علميها اشياء تفرزن لج حق رمضان
انا اسوي كمية واوزع على خواتي بعد
كل يوم وانت رادة من الدوام اشتري كيلو عجينه سمبوسه وسوي حشوة معينه
جبن -بطاط- لم مفروم
وخليها العصاري تلف السمبوسة ترى طبعهم بسرعه يتعلمون وشغلهم مرتب
سوي خلطة ورق عنب وخليها تلفه
اشتري كراتين الكيك الجاهز وخليها تقرا وتسوي الطريقة
عطيها مقادير عجينه العصر وقولي لها عجنيها وسوي بيتزا ولا فطاير
عوديها تكوي كل قطع الملابس
خلي لها جدول اسبوعي
كل يوم شغله
مثلا الثلاجات والفريزر يوم معين تطلع كل شي فيهم وتنظفهم وترجع ترتبهم
الحمامات تطلع كل شي برا
تفرك الارضيات والطوف غسيل شامل مو نفس كل يوم
كبتات غرف النوم
تطلع كل شي فيه تمسح بفوطة ومعطر وتخليه يتهوى شوي وترجع كل شي مكانه
شبابيك البيت تنطيف عميييق من داخل وبرا
البردات اذا نوعهم امريكي سهل الفك والتركيب
تشيلهم وتغسلهم وتكويهم وتردهم مكانهم
لاتقولين بيتي نظيف ومرتب وماعندي شغل
ترى طبعم ما اشتغلت تتعود عالربادة
ملاحظة اخاف تقولون معذبة خدامتها انا عندي ثنتين بالبيت وما احب اضغط عالخدم
وهالشي اسويه اثناء الاجازات ​

 

[هيللو كيتي]

مووضووع حلووو

ومنكم نستفيدد

والله الدلع ماااينفع معاهم انا نفسج ادلع لان اخاف ع عيالي بس يتمردوون جذي
جربت الفلبينيه والاثيوبيه وكلهم ماينععطونً وجه ومايقدرون العشرة لاتحاسبينهم نفسنا
بس شنسويً الله يعيين..

وترا اهم متعودين عالشغل و القعدة من الفجر ل الليل ناس عمليين
لاتعودينها عالربادة
لان صراحه قوانينج زياددة اوفر بالدلع ..
حتي لو بتطلعين انتي وريلج وديها لاهلج او اختج خل يشغلونها
وجمعيه لاتروح انتي هاتي لها اللي تبي..

 

[Patcholli]

واي ام الدرر وايد فدتيني بعد قلبي صج انج ام الدرر وماتقولين الا درر

انا تدرين مشكلتي كلها اني قاعده فوق وبيت اهل رييلي تحت واهي اغلب الوقت تحت من جذي ماخذه راحتها يعني فوق ماعندي مكان اقعدها عشان تكون طول اليوم جدام عيني .. علبو انها تحت بالمطبخ وتزرق دارها

اليوم كرفتها خليتها تشتغل عدل

وباجر ان شاء الله بخليها تنظف الداريش والحمامات بخليها تفركهم عدل

وعطيتها مواعين قدم بالكبت قتلها باجر غسليهم لازم اظمنلها شغل وانا مو موجوده

ومثل ماقلتي ام الدرر بعلمها عالطباخ مع ان زوجي مايحب بس احسن من القعده جذي

وبعلمها تسوي حلو وتلف سمبوسه وكبب ان شاء الله

ماقصرتي ام الدرر والله اليوم طبقت وايد من الاشياء الي ذكرتيها وصج استانست طلعلتها شغل لي وقت نومها بالظبط راحت دارها


يزاج الله خير :*** وماقصرتي بعد قلبي

 

[Patcholli]

هيلو كيتي معاج حق والله وحده عندها مكتب خدم تقول هذيل بالجبل يشيلون خياش على ظهورهم ويصعدون فيهم الجبل واهني يتدلعون ونبي ومانبي تقول ماياكلون غير عيش مشخول وحليب اذا حصلو ..

واهني مو عاجبهم العجبببببببببببببب

 

[ام الدرر]

ياحياتي باتشولي ماسويت شي
وعسى الله يسخرها لج ويكفيج شرها ​

 

[Mjnont '3lay]

ايه والله باتشولي صاجه انا بعد ماحب اكل الخدم قبل خدامة بيت اهلي اكثر من مره القى بالاكل شعر ونزفها وهم ماكو فايده مع انها تربط شعرها بس قطيعه الشعر الظاهر يعلق بالملابس ويطيح بالاكل ولووووووووووووعه الله لايوريج لا نصيحه خليج انتي عالطباخ وعلميها بس على سوالف اللف والعجن حق رمضان وكله خليه جدام عينج لانهم كلش مو نظاف والله
واذا انتي من النوع ماعندج شغل روحي قطيها بيت خواتج يكرفونها لج حتى لو عندهم خدم تساعدهم بالشغل
او بيت امج تساعد امج وتكرفها لج
او نزليها بيت اهل رجلج يكرفونها لج بس كلش كلش لا تعلمينها عالرباده
ترى بديارهم يكرفون كرف اليهد عشان لقمة العيش وهم صعب يحصلونها وهني لاقين اللي مدلعهم عشان جذي يركبون فوق راسنا ويتحلطمون
وانتي اذا كرفتيها عدل مرح يكون لها وقت حق التلفون لانه يادوووووب تخلص اللي بيدها عشان ترتاح وتنام وسالفة البريك لاتعطينها كلش الا نص ساعه او بالكثير ساعه عشان تاكل فيهم او تكلم اهلها غيره لاتعطينها عشان ما تقعد تتدلع عليج كل شوي وتسوي روحها تعبانه
وبالنسبه للاغراض اذا قالت ابي مثلا شغله فلانيه قولي لها خلاص مو لازم تروحين انا اروح اجيب لج كتبي اللي تبين وانا اجيبه عشان مره ثانيه تحرم تجذب عليج بسالفة الكروت والكروت انتي مو ملزومه تجيبين لها خليها تجيبه من معاشها عشان ما تضطر تشتري كل شوي لانهم يموتون عالفلس
اما سالفة قعدة البيت وانتي مو موجوده بالبيت لاتسمحين لها بهالشي كللللللللللللللللللش اذا بتطلعين بيت اهلج او زوارات غصبن عليها اخذيها معاج عشان مايصير لها مجال انها بروحها بالبيت وتاخذ راحتها والله يعلم هذول ينخاف منهم
وعلى فكره لو تحطين لج كامره صغيره مخفيه عند باب المدخل اللي يطل عالشارع رح تشوفييييييييييين بلاووووووي الله وكيلج
احنا قبل خدامتنا ببيت اهلي جذي مسكينه وفقيره ومايطلع منها العيبه وابوي على نياته يقول الباب الخارجي اكثر من مره اكون متاكد اني قافله والقاه مفتوح مرات عاد انا قلت له يمكن اخواني ينسون يقفلونه بعد مايجون من بره
وقلت له حط كامره واتطمن انشاءالله يكونون اخواني
بس اللي صج صج انصدمنا منه شفنا خدامتنا توقف عند الباب وتسولف مع سواويق الفريج وتتضحك ومرات تطلع وترد محد يدري عنها ومايندرى ين تروح
نصيحه نصيحه حطي منتي خسرانه شي ويقولج ياما تحت السواهي دواهي

 

[M!Ss Smart]

صراحه بنات اللي تسب الخدم بكلمات مثل ذلفي وطسي وتسبهم وتصارخ بأقوى صوتها هذي هيلقيه وماتخاف الله حتى لو غلطوو حرام نعاملهم جذي اذا حرقت عبايه مثلا وتأسفت عادي كل انسان خطاء مو مشكله حلووه المعامله الراقيه خليها تشتغل وتأدي واجبها بلا معافر ونجره ليش الصراخ واللي ينزل عليهم وحي النظافه ويخلون الخدم ينفضون الغرفه كلها ليش ايام ماكانت عندج خدامه انا احلف ان حدهم يخمون الغرفه ويمسحون الغبار اوكي تبينها تنظف تنظف بس رتبي لها أيام يعني تكون منظفه البيت ومرتبته عادي تالي تمسك غرفه وحده وتنظفها وتمسحها وتخليها تلمع اما ان تنظف البيت كله وتمسح وتخم وتغسل ملابس وتنظف جم غرفه وتخلينها تنظف غرفه وطلع كل الاثاث حرام ترى اهما بشر مو ريبوت وكل خدامه لها الحق ترتاح وتطلع بشهر مره يشوفون خواتهم وأصدقائهم اذا انتي معاملتها معامله زينه ليش تخافون تخلونها تطلع يوم بشهر او تخافون على عيالكم