شنو قوانينج عالخدم ؟؟

[عادت ذكرياتي]

اللي تقول ودوني المكتب ودوها بلا رجعة صدقوني لانها إذا ظلت يمكن تحط براسها انتقام ... الله يستر منهم

 

[ملوكـه]

اي والله صاجه
اهم شي ماتراددني بالكلام
يممممممه يرتفع ضغطي واصارخ عليها


كل اللي
بقوله قالوه البنات

 

[dalo0oa121]

في بعض البنات قواينينهم صارمة واحسها حرام
يعني اللي فيها الدورة وبطنها يعورها تقولين لها شغليها احسن
لا تخيلي روحج مكانها ولا اللي ماتخليها تكلم اهللها حرام هذولا
اهلها مايصير تقطعين علاقتهم فيها وتحرمينها انها تكلم امها وابوها

 

[*caramel macchiato*]

انا اعامل خدامتي نفس اختي...وخصوصا ان خدمي كلهم اكبر مني ...يكسرون خاطري ووايد ارحمهم...وبلعكس اخليها ترتاح واتحب بيتي وبنفس الوي ما اطيح الميانة معاها ...بس دايما ابتسم ابويها واقولها كلمة زينة ...والحمدالله ماشكيت منهم ...واي شي ابيه يتراكضون علشان يسوونه لي....ماعندي قوانين معينة ...بس الشي بالمعقول ..انا عيالي ليلحين صغار فأخليهم يقومون من الساعة 7 ينظفون الشقة ويغسلون الهدوم...والحمدالله الشغل خفيف ماعندنا وسخ ولا عندنا طباخ ...وبعدين اخليهم يقعدون اعيالي من النوم الساعة 9 ....واتجابلهم ...لين الساعة 2...وبعدين من 2 الي الساعة 5 البريك مالهم....وبعدين من ال 5 الى 10 او 10.30 يدورون مع عيالي ...وبالعطلة عاد نتأخر بليل واخذهم معاي نرجع 11 وشي او 12...واخليها تقعد الصبح بالويكند اشوي متاأخر يعني 8.30 ....

وبالنسبة حق الموبايل مامنعها عنه ...بعد الله يرحمنا ..بديرة غربة واتحاتي عيالها ويدقون عليها ...لو شنو مامنعها ....

والطلعة يطلعون مرة وحده بالسنة حق كريسماس...

واشتريلها كل راس شهر صابون وشامبو وديودرنت وكوتكس....وحالها من حالي من احسن الانواع ....

وعمري بحياتي ماصرخت على خدامة ...احس الي يصرخ عالخدم في ضعف شخصية ويطلع شخصيته على الي اضعف منه ....حرااام حرااام حرااام .....اوكي اشد معاها بالحجي اشوي...واحسسها اني متضايقة وممكن انفس عليها شوي....بس ابد لا اسبها ولا اصرخ عليها ...وبعدين اهما من نفسهم يعتذرون مني .....واقبل اعتذارهم واوصيهم مايعيدون هالشي ...وصج مايتكرر ولله الحمد...

وكل ماتميت شريتلها اشياء حق عيالها وعطيتها من اغراضي....واذا يالي بونص او زيادة فلوس احب اعطيهم على 10 و 20 ...


اكيد في بناااات وااايد ماتعجبهم طريقتي ....بس بالنسبة لي وااايد مرتاحة ...والحمد الله فارضة شخصيتي واحترامي ....واهم شي انهم يحبوني ويحبون عيالي وانا بعد احبهم ....لان احنا مو بعسكرية ....اهيا انسانة حالها من حالنا...

 

[Hello_kitty]

انا اعامل خدامتي نفس اختي...وخصوصا ان خدمي كلهم اكبر مني ...يكسرون خاطري ووايد ارحمهم...وبلعكس اخليها ترتاح واتحب بيتي وبنفس الوي ما اطيح الميانة معاها ...بس دايما ابتسم ابويها واقولها كلمة زينة ...والحمدالله ماشكيت منهم ...واي شي ابيه يتراكضون علشان يسوونه لي....ماعندي قوانين معينة ...بس الشي بالمعقول ..انا عيالي ليلحين صغار فأخليهم يقومون من الساعة 7 ينظفون الشقة ويغسلون الهدوم...والحمدالله الشغل خفيف ماعندنا وسخ ولا عندنا طباخ ...وبعدين اخليهم يقعدون اعيالي من النوم الساعة 9 ....واتجابلهم ...لين الساعة 2...وبعدين من 2 الي الساعة 5 البريك مالهم....وبعدين من ال 5 الى 10 او 10.30 يدورون مع عيالي ...وبالعطلة عاد نتأخر بليل واخذهم معاي نرجع 11 وشي او 12...واخليها تقعد الصبح بالويكند اشوي متاأخر يعني 8.30 ....

وبالنسبة حق الموبايل مامنعها عنه ...بعد الله يرحمنا ..بديرة غربة واتحاتي عيالها ويدقون عليها ...لو شنو مامنعها ....

والطلعة يطلعون مرة وحده بالسنة حق كريسماس...

واشتريلها كل راس شهر صابون وشامبو وديودرنت وكوتكس....وحالها من حالي من احسن الانواع ....

وعمري بحياتي ماصرخت على خدامة ...احس الي يصرخ عالخدم في ضعف شخصية ويطلع شخصيته على الي اضعف منه ....حرااام حرااام حرااام .....اوكي اشد معاها بالحجي اشوي...واحسسها اني متضايقة وممكن انفس عليها شوي....بس ابد لا اسبها ولا اصرخ عليها ...وبعدين اهما من نفسهم يعتذرون مني .....واقبل اعتذارهم واوصيهم مايعيدون هالشي ...وصج مايتكرر ولله الحمد...

وكل ماتميت شريتلها اشياء حق عيالها وعطيتها من اغراضي....واذا يالي بونص او زيادة فلوس احب اعطيهم على 10 و 20 ...


اكيد في بناااات وااايد ماتعجبهم طريقتي ....بس بالنسبة لي وااايد مرتاحة ...والحمد الله فارضة شخصيتي واحترامي ....واهم شي انهم يحبوني ويحبون عيالي وانا بعد احبهم ....لان احنا مو بعسكرية ....اهيا انسانة حالها من حالنا...

انه معاملتي لهم نفس كراميلا ماشالله عليها والحمدلله ماشالله مثل ماقالت من اروع ما يكونون معاي.الأمر مايخلو انها تنفس او تكون مزاجيه ساعات بس انه اطوف لأنهم بشر مثلنا الله يرحمهم برحمته..يعني احنا شكثر ننفس ونطنقر بدون سبب مومعقوله كل الوقت بيكون لها خلق..

كل شهر اشتريلهم كل احتياجاتهم حتى الأشياء اللي يحبونها خاصه الفلبن مثل النسكافيه النودلز انواع الكاكاو اللي يحبونها واذا صادف ان خذيت وحده معاي الجمعيه اقولها تختار شنو تحب تشتري حرام اهم مثلنا يشوفون ويشتهون ويمكن تستحي تطلب..

بالشتا والصيف لازم كسوه يديده بكل شي من يونفورمات ملابس داخليه بجامات دلاغات تكرمون جواتي..

ومرات اتنقصلها حق اعيالها او حقها..واذا سافرت لازم صوغه لهم..

بالنسبه حق الشغل اعيالي الصبح حضانه ومقسمه الشغل اليومي بينهم..وفي شغل اضافي يكون كل اسبوع وشغل يكون كل شهر مثل نطلع الماترس والزل بالشمس..ونمسح كبيت الجواتي كله ونطلع الجواتي بالشمس عشان تقتل اي بكتيريا فيهم..

والمعامله تكون باحترام جدا حتى اذا غلطوا او نسوا شي عادي اطوف لها بس اذا في اغلاط تكررت مثل تكسر قلاص او يضيع شي لأ اهني انبه بحزم..يعني مره اتخذت اسلوب اي وحده تكسر مواعين
لازم تيي تقولي مو اكتشف فجاه ان شي ناقص وهالطريقه ريحتني صاروا ينتبهون اكثر لأنهم ينحرجون اييون ويقولون كسرنا او خربنا..

اغراض التنظيف صابون مواعين وهدوم اخليهم عندي بكبت بحمامي وكل ما خلص اللي عندهم اطلع لهم بهالطريقه يكونون حريصين واهم يستعملون التنظيفات مو يكتكتون كت لأنج قاعد تراقبينهم

ما اخليهم بالبيت بروحهم بكل مشوار اوديهم بيت اهلي واذا في تجمعات للخدم او بيحتفلون بكريسمس مثلا ما امنعهم بالعكس خلهم يرفهون عن عمرهم..وما احب اطلعم معاي بطلعاتي مع ريلي واعيالي الا بين فتره وفتره للتغييير بس!! وغرفتي اي وقت اطلع مقفوله..
ما اخليهم يروحون مشواير بروحهم مثل اللي تخلي خدمها يروحون الجمعيه ولا الخباز ولا غيره بروحهم ليش اولا ما امن شيصير برا وثانيا انه عندي سياره اروح كل مكان ليش اخليها مسكينه تمشي وتتعب على ريولها حرام هذا مو شغلها.. ومستحيل اخليهم يطلعون مع اعيالي بروحهم مثلا يروحون الحديقه اللي يمنا او الألعاب مستحيل الوقت يخرع اذا مو من الخدم من اللي ممكن نصادفهم برا..طلعات اعيالي لازم انه او ابوهم او احد من اهلي معاهم فوق راسهم حتى بالألعاب

اذا شريت اي شي اشيل الفواتير عنه عشان مايصير بخاطرهم..اذا طلبنا من برا نطلب لهم بعد

تلفون ماكو مشكله بس مافيه كاميرا قبل كنت اشتري كل شهر كرت لهم الحين لأ على حسب مزاجي ولما اشوفهم يستاهلون اشتري..اشتري مجلات بلغتهم بين فتره وفتره.. عندهم مسجل خاص فيهم ما يمنع يسمعون اللي يبون كيفهم..واذا مرضت او تعبت اريحها ماكو شغل واوديها الطبيب واحاتيها هذولي مالهم بالغربه غيرنااحنا مسؤولين عنهم..

ومع كل هذا لازم احرص عالمراقبه ثم المراقبه ثم المراقبه لازم راعيه البيت تشرف وتراقب على كل شي ببيتها الخدامه تكون نظيف او وصخه على حسب معزبتها.وشكلها لازم يكون مرتب ما ارضى تهلق باللبس لأن شكلها وترتيبها يعكس شخصيه معزبتها.شايله مفاتيح غرفتهم منهم مو ضروري يقفلونها..ولازم ينظفون غرفتهم حمامهم لأنها جزء من البيت انه ما ارضى بالوصاخه..

وموصيتهم بيبان الحمامات تكرمون كلها لازم يسكرونها بالبيت قبل ينامون اخاف سبحان الله حشره نمله تطلع جذي تفكيري.. وان قبل ما ينامون مكنسه كهربائيه يدويه صغيره عالسريع اذا في شي متناثر بعد اليهال عشان ما يصير فيه نمل..

واستغرب من البنات اللي يقولون يكرفونها او اخلي لها قلاص وصحن خاص حرام اشدعوا هذي مو نظافه هذي اهانه!!يعني اخصصلها شي بروحها جنها فيها جرب اوغير عنا؟ وليش تنكرف اذا ماكو شغل من حقها ترتاح مسكينه يوم اليمعه تقريبا ما يسون شي اخليه راحه لكل البيت..واستغرب من اللي يخلون خدم يشيلون غاز؟اامبيه ترى اهم حريم مثلكم مو رجل حديدي؟؟او يخلونها تكرف ببيوت غيرهم .ترى بذمتكم وحرام شغلها بس في بيتج ومكتوب هالشي بالعقد وحرام تكلفينها بغير شغلها..ترضين بداومج تكلفج مسؤولتج بشغل غيرج؟

ومعاشها يوصلها باول الشهر ولا انقص منه شي..واذا ساعات ماكان معاي خرده وخذيت منها دينار او ان شاء الله 100 فلس ثاني يوم ارجعلها فلوسها وزود بعد والحين بس اطلب منهم فلوس اذا ماكنت ساحبه على طول يتسابقون يعطوني لأن يدرون ما اكل حقهم لو شنو..

وبالنهايه صدقيني كل وحده الله بيعطيها على قد نيتها اللي تعاملهم بما يرضي الله الله بيسخرهم لها واللي تشد وتتفلسف عليهم وتستقوي على ضعفهم وتتطنز عليهم الله بيستقوي عليها ويسلط عليها اللي اقوى منها..اسفه حدي طولت وقرقت :eh_s(4):

 

[فرزاشيهـ]

واااي مشاكل هالخدم ماتخلص

انا توني من شهر و شي جايبه خدامه


قوانيني كانت >> ايام الدوام تقوم الساعه 5:30 ترتب و تجهز الريوق لي و لزوجي

و وقت ماكون بالدوام اوتي و تنظيف و تجهز الغدا

نخلص غدا من ٣ لين ما اناا اقوم ماكو شغل مرات من ٣ لي ٨ يكون بريك ماعندها شي

طبعا تلفون ممنوع اذا تبي تكلم تكلم من فوني او فون زوجي لان كلش الهنديات خصوصا ماينعطون وجه

تي في ماكو ! اذا ماعندها شغل تروح غرفتها

و اذا زوجي كان موجود تكون بغرفتها بعد -- لاني ساكنه بشقه برا ف وجودها حاكرني :/


اللي صار يابنات تخيلو يوم تقوم من نفسها الصبح و عشره انا اقعدها علت قلبي نبهتها 6 مرات على هالموضوع اخر مره قبل امس امس الساعه 5 ونص انا سمعت صوت منبهها و توقعت انها قامت الساعه 6 ونص قعدت و لا اشوفها نايمه !!!! 6 مرات هددتها ف قلت لها راح اخصم من راتبها 3 دنانير و حصلت زفه محترمه من زوجي بعد بسبه هالنوم كله تنام قاعده اخلق لها شغل من تحت الاارض تسويه بسرعه و تنام !

و فوق هذا تقعد بصالتي و افلام و دندنه و كذا مره اقول لها لمن اكون باللبيت ماتشوفين تي في و عمك اصمك ولا لمن اروح الصاله غناوي و لقطات وسخه بعد !
الحين حذرتها اي خطا منها ماراح اقبله لانها جد تعبتني بروحي حامل و كرشي و حاله

 

[Hello_kitty]

وفي شغله قالوها البنات ان تحترم اعيالي ومالها شغل فيها بالمقابل بعد لازم تعلمون اعيالكم يحترمونها ومايدوسون لها على طرف..هم اهي لها احترامها وكرامتها حالها من حالكم ما نهينيها عشان حاجتها مسكينه.وهالشي اتبعته مع اعيالي والحمدلله
الحين تعلموا الإحترام والأدب مع الكل بغض النظر خدامه ولا غيرها

 

[*caramel macchiato*]

انه معاملتي لهم نفس كراميلا ماشالله عليها والحمدلله ماشالله مثل ماقالت من اروع ما يكونون معاي.الأمر مايخلو انها تنفس او تكون مزاجيه ساعات بس انه اطوف لأنهم بشر مثلنا الله يرحمهم برحمته..يعني احنا شكثر ننفس ونطنقر بدون سبب مومعقوله كل الوقت بيكون لها خلق..

كل شهر اشتريلهم كل احتياجاتهم حتى الأشياء اللي يحبونها خاصه الفلبن مثل النسكافيه النودلز انواع الكاكاو اللي يحبونها واذا صادف ان خذيت وحده معاي الجمعيه اقولها تختار شنو تحب تشتري حرام اهم مثلنا يشوفون ويشتهون ويمكن تستحي تطلب..

بالشتا والصيف لازم كسوه يديده بكل شي من يونفورمات ملابس داخليه بجامات دلاغات تكرمون جواتي..

ومرات اتنقصلها حق اعيالها او حقها..واذا سافرت لازم صوغه لهم..

بالنسبه حق الشغل اعيالي الصبح حضانه ومقسمه الشغل اليومي بينهم..وفي شغل اضافي يكون كل اسبوع وشغل يكون كل شهر مثل نطلع الماترس والزل بالشمس..ونمسح كبيت الجواتي كله ونطلع الجواتي بالشمس عشان تقتل اي بكتيريا فيهم..

والمعامله تكون باحترام جدا حتى اذا غلطوا او نسوا شي عادي اطوف لها بس اذا في اغلاط تكررت مثل تكسر قلاص او يضيع شي لأ اهني انبه بحزم..يعني مره اتخذت اسلوب اي وحده تكسر مواعين
لازم تيي تقولي مو اكتشف فجاه ان شي ناقص وهالطريقه ريحتني صاروا ينتبهون اكثر لأنهم ينحرجون اييون ويقولون كسرنا او خربنا..

اغراض التنظيف صابون مواعين وهدوم اخليهم عندي بكبت بحمامي وكل ما خلص اللي عندهم اطلع لهم بهالطريقه يكونون حريصين واهم يستعملون التنظيفات مو يكتكتون كت لأنج قاعد تراقبينهم

ما اخليهم بالبيت بروحهم بكل مشوار اوديهم بيت اهلي واذا في تجمعات للخدم او بيحتفلون بكريسمس مثلا ما امنعهم بالعكس خلهم يرفهون عن عمرهم..وما احب اطلعم معاي بطلعاتي مع ريلي واعيالي الا بين فتره وفتره للتغييير بس!! وغرفتي اي وقت اطلع مقفوله..
ما اخليهم يروحون مشواير بروحهم مثل اللي تخلي خدمها يروحون الجمعيه ولا الخباز ولا غيره بروحهم ليش اولا ما امن شيصير برا وثانيا انه عندي سياره اروح كل مكان ليش اخليها مسكينه تمشي وتتعب على ريولها حرام هذا مو شغلها.. ومستحيل اخليهم يطلعون مع اعيالي بروحهم مثلا يروحون الحديقه اللي يمنا او الألعاب مستحيل الوقت يخرع اذا مو من الخدم من اللي ممكن نصادفهم برا..طلعات اعيالي لازم انه او ابوهم او احد من اهلي معاهم فوق راسهم حتى بالألعاب

اذا شريت اي شي اشيل الفواتير عنه عشان مايصير بخاطرهم..اذا طلبنا من برا نطلب لهم بعد

تلفون ماكو مشكله بس مافيه كاميرا قبل كنت اشتري كل شهر كرت لهم الحين لأ على حسب مزاجي ولما اشوفهم يستاهلون اشتري..اشتري مجلات بلغتهم بين فتره وفتره.. عندهم مسجل خاص فيهم ما يمنع يسمعون اللي يبون كيفهم..واذا مرضت او تعبت اريحها ماكو شغل واوديها الطبيب واحاتيها هذولي مالهم بالغربه غيرنااحنا مسؤولين عنهم..

ومع كل هذا لازم احرص عالمراقبه ثم المراقبه ثم المراقبه لازم راعيه البيت تشرف وتراقب على كل شي ببيتها الخدامه تكون نظيف او وصخه على حسب معزبتها.وشكلها لازم يكون مرتب ما ارضى تهلق باللبس لأن شكلها وترتيبها يعكس شخصيه معزبتها.شايله مفاتيح غرفتهم منهم مو ضروري يقفلونها..ولازم ينظفون غرفتهم حمامهم لأنها جزء من البيت انه ما ارضى بالوصاخه..

وموصيتهم بيبان الحمامات تكرمون كلها لازم يسكرونها بالبيت قبل ينامون اخاف سبحان الله حشره نمله تطلع جذي تفكيري.. وان قبل ما ينامون مكنسه كهربائيه يدويه صغيره عالسريع اذا في شي متناثر بعد اليهال عشان ما يصير فيه نمل..

واستغرب من البنات اللي يقولون يكرفونها او اخلي لها قلاص وصحن خاص حرام اشدعوا هذي مو نظافه هذي اهانه!!يعني اخصصلها شي بروحها جنها فيها جرب اوغير عنا؟ وليش تنكرف اذا ماكو شغل من حقها ترتاح مسكينه يوم اليمعه تقريبا ما يسون شي اخليه راحه لكل البيت..واستغرب من اللي يخلون خدم يشيلون غاز؟اامبيه ترى اهم حريم مثلكم مو رجل حديدي؟؟او يخلونها تكرف ببيوت غيرهم .ترى بذمتكم وحرام شغلها بس في بيتج ومكتوب هالشي بالعقد وحرام تكلفينها بغير شغلها..ترضين بداومج تكلفج مسؤولتج بشغل غيرج؟

ومعاشها يوصلها باول الشهر ولا انقص منه شي..واذا ساعات ماكان معاي خرده وخذيت منها دينار او ان شاء الله 100 فلس ثاني يوم ارجعلها فلوسها وزود بعد والحين بس اطلب منهم فلوس اذا ماكنت ساحبه على طول يتسابقون يعطوني لأن يدرون ما اكل حقهم لو شنو..

وبالنهايه صدقيني كل وحده الله بيعطيها على قد نيتها اللي تعاملهم بما يرضي الله الله بيسخرهم لها واللي تشد وتتفلسف عليهم وتستقوي على ضعفهم وتتطنز عليهم الله بيستقوي عليها ويسلط عليها اللي اقوى منها..اسفه حدي طولت وقرقت :eh_s(4):

:eh_s(15)::eh_s(15)::eh_s(15)::eh_s(15)::eh_s(15)::eh_s(15):
هذي المعاملة ويلا بلاش ....الله يعطيج على نيتج :yaaaaaarb:

 

[وحيدة امى]

ام درر انتي دره بالاسلوب باسنع نبي موضوع عن تعاملج وتعليمج عن الخدم

وكل البنات ماقصرتو
انا كنت كل اندويسيه وماعندي قوانين كانوا الخدم الله مسخرهم تحسين يبون الشغل
وبعدها جب السلنيه وتقريبا نفسج اخليها بالبيت دلوعه ولسان وديني مكتب لاعت جبدي بطلب فلبن الله يعين​

 

[وآحشنــي زمآنـك]

مجنوونه اسلووبج مااعجبني كللش بالأخير هذي بشر وأنتو الثنتين متنفعين من بعض انتي تبينها تشتغل عندج وهي تبي الفلووس ..


أنا توني أول مره أجيب خدامه ولدي عمره سنه إلاا وكانت معاي من النفااس ..

قوانين اممم التليفون ماا تستعمله الا وهي فاضيه ..

أي رقم غريب تعطيني إياااه ..

وقت رآحتها عالعصر إذا نآم ولدي لانه احنا شقه صغيره ومافيهاا شغل واجد ..

 

[وآحشنــي زمآنـك]

بخصووص المشترياات صابون - شامبو - معجون - ديودرنت ناخذلها من فلووسنا مو مكلفنا شي وأهم شي عندي النظاافه ..

الشغلآت الثآنيه مثل نسكآفيه - فلفل - بيبسي << اكثر شي تحبهم هم نفس الشي من فلوسنا لأنه فيهاا وبلآها تارسين ثلآجتنا ..


هيلو كآتي ليش أنتي ماتخصصين لها صحن ؟؟

أنا ماحب صراااحه تاكل من صحني أو تشرب من كوبي ..

بس ما احسسها انه فيها شي يعني شريت تانك عطوني هديه قلاص اقولها هذاا لج هديه تستانس

 

[ام الدرر]

ام درر انتي دره بالاسلوب باسنع نبي موضوع عن تعاملج وتعليمج عن الخدم​

وكل البنات ماقصرتو
انا كنت كل اندويسيه وماعندي قوانين كانوا الخدم الله مسخرهم تحسين يبون الشغل

وبعدها جب السلنيه وتقريبا نفسج اخليها بالبيت دلوعه ولسان وديني مكتب لاعت جبدي بطلب فلبن الله يعين​

ياحياتي
ماقصرتي
الموضوع موجود والكل يدلي بدلوه
وانا دزيت لج عالخاص
واي سؤال تبين انا حاضرة ​

 

[Patcholli]

بنات احنا ماقلنا مانشتريلهم الخصوصيات اكيد كل وحده تشترري لخادمتها شامبو وصابون واكل ويونيفورمات هاذا شي مفروغ منه

بس كروت تلفونات خير ان شاء الله ؟؟ كرت كل اسبوعين ممكن بس كل يومين وترك لا والله مو شغلنا ..!!


عالعموم انا كلمت خدامتي قبل يومين بجديه وقتلها يافلانه صكري الباب بكلمج ودشت وقتلها انتي يايه تبين تشتغلين وتترزقين ولا يايه تتكلمين بالتلفون وقتعدين بدارج وتنحاشين من الشغل ؟؟
قتلها وضعج مو عاجبني اتمنى هالشي مايتكرر تلفونج يظل بدارج وقت الشغل ووقت البريك انتي حره
وقتلها المره اليايه راح ينسحب منج واساسا خداماتي السابقات ماكان عندهم تلفون بس شفتج حرمه كبيره قلت ميخالف
وقتلها اذا ماتغير هالحال وظليتي على وضعج اسمحيلي راح اوديج المكتب لان انا محتاجه وحده تساعدني بشغل البيت مو وحده يبح صوتي ويحت شعر راسي عشان اناديها واهي قاعده بدارها تسولف بالتلفون
والله بنات قهر شنو يعني خدامتي تتكي على فراشي وتقعد تطرش مسجات بعز الشغل ..!!
شنو يعني تمر يمي وعلى اذنها التلفون وحتى ماتطالعني تمر وتسولف وجني صنم مو حاطتلي اعتبار ..!!
انا اللي خربتها بالدلع الزايد
مخليتها تسوي الشغل على كيفها ماقولها الحين سوي والحين غسلي والحين خمي ..
اي شي تبيه اركظلها نفس اليوم ايبه ماحب اقصر عليها ويصير بذمتي
كروت تلفونات كل يوم وترك قلت يديده ومو متعوده وبتكلم اهلها
بس امصخت ...!!!
كل ما اصير زينه تتمادى وتصير اخس ..!!
يوم شديت عليها مشت سيده
طبعا الحين ماراح اظل طول الوقت شاده عليها
وماراح ارخي مره وحده يوم شاده ويوم مرخيه ..
واهي خافت وقالت انا ابي الشغل مابي اروح المكتب واشوف في تطور عقب ماكلمتها
اهي شافتني بنية صغيره قالت ماحطلها اعتبار وانا شفتها مره كبيره قلت اهي اكبر من امي حرام اكرفها
بس الصراحه الكراف اهو اللي امشيهم سيده حست بقيمتي يوم كنت طيبه وحنونه معاها .. قتلها انتي خسرتي هالشي باهمالج وبيدج

 

[ام الدرر]

بنات احنا ماقلنا مانشتريلهم الخصوصيات اكيد كل وحده تشترري لخادمتها شامبو وصابون واكل ويونيفورمات هاذا شي مفروغ منه

بس كروت تلفونات خير ان شاء الله ؟؟ كرت كل اسبوعين ممكن بس كل يومين وترك لا والله مو شغلنا ..!!


عالعموم انا كلمت خدامتي قبل يومين بجديه وقتلها يافلانه صكري الباب بكلمج ودشت وقتلها انتي يايه تبين تشتغلين وتترزقين ولا يايه تتكلمين بالتلفون وقتعدين بدارج وتنحاشين من الشغل ؟؟
قتلها وضعج مو عاجبني اتمنى هالشي مايتكرر تلفونج يظل بدارج وقت الشغل ووقت البريك انتي حره
وقتلها المره اليايه راح ينسحب منج واساسا خداماتي السابقات ماكان عندهم تلفون بس شفتج حرمه كبيره قلت ميخالف
وقتلها اذا ماتغير هالحال وظليتي على وضعج اسمحيلي راح اوديج المكتب لان انا محتاجه وحده تساعدني بشغل البيت مو وحده يبح صوتي ويحت شعر راسي عشان اناديها واهي قاعده بدارها تسولف بالتلفون
والله بنات قهر شنو يعني خدامتي تتكي على فراشي وتقعد تطرش مسجات بعز الشغل ..!!
شنو يعني تمر يمي وعلى اذنها التلفون وحتى ماتطالعني تمر وتسولف وجني صنم مو حاطتلي اعتبار ..!!
انا اللي خربتها بالدلع الزايد
مخليتها تسوي الشغل على كيفها ماقولها الحين سوي والحين غسلي والحين خمي ..
اي شي تبيه اركظلها نفس اليوم ايبه ماحب اقصر عليها ويصير بذمتي
كروت تلفونات كل يوم وترك قلت يديده ومو متعوده وبتكلم اهلها
بس امصخت ...!!!
كل ما اصير زينه تتمادى وتصير اخس ..!!
يوم شديت عليها مشت سيده
طبعا الحين ماراح اظل طول الوقت شاده عليها
وماراح ارخي مره وحده يوم شاده ويوم مرخيه ..
واهي خافت وقالت انا ابي الشغل مابي اروح المكتب واشوف في تطور عقب ماكلمتها
اهي شافتني بنية صغيره قالت ماحطلها اعتبار وانا شفتها مره كبيره قلت اهي اكبر من امي حرام اكرفها
بس الصراحه الكراف اهو اللي امشيهم سيده حست بقيمتي يوم كنت طيبه وحنونه معاها .. قتلها انتي خسرتي هالشي باهمالج وبيدج

زين سويتي باتشولي
الحمدلله احنا نحاسب نفسنا قبل لا ربي يحاسبنا ونخاف الله فيهم
وصدقيني لو ما انتي حبوبة ما تصبر وتقعد عندج
انا ومو مدح بنفسي من كثر ما الخدم مرتاحين بالشغل عندي
اللي عندي تسمسر لي على فليبينيات الاودام اللي ماذينهم معزبينهم تقولي صديقتي تيبينها عندج
حتى النيبالية القديمة يوم خلصت اقامة خدامة اختي خدامتي النيبالية تقولي هاتيها عندنا
الخدم لازم تعاملينهم مثل خواتج بس الغلط والتقصير محد يرضى فيه
انا يايبتها تساعدني مو اوكل واشرب فيها واصرف عليها ومثل ما انا ما اقصر معاها هي لازم ما تقصر بشغلها
انا اذا يت تسافر احجز لها لي ديرتها مع الطيران الداخلي
اقول حرام تتمرمط وتركب باص 12 ولا 14 ساعة لقريتها
يعني شي مقابل شي
تشتغل بذمة وضمير واجازيها
عسى الله يكفينا شرهم ويسخر لهم لنا ​

 

[وآحشنــي زمآنـك]

زين سويتي يوووم كلمتيهااا شافتح حبووبه قآلت أركب على رآسهاا ..

أناا جذي بالبدآيه ماكنت أقدر أصير حآزمه معآها لأنها أكبر مني ب٢٠ سنه ..

بس مع الوقت فهمت اللي أبيه منها وأي شي مايعجبني أوقفها عند حدها بلحظتها ..

 

[شادن33]

باتشوووو
ذكرتيني بمبروكه سعاد عبدالله لما صارت خدامه عند طيبه الفرج
وكانت تبي تطلع المعزبه وتقولها غسلي المواعين وطبخي الغدا وخمي البيت وسوي اكل لليهال وغسلي السياييير ونظفي الحديقه خخخخ
جان اتقولها سعاد عبدالله وبسسسس جان ترد عليها اي وبعد صعدي السطح ونظفيه وبس الرحمه زيييينه خخخخ

باتشوو لما تطلعين عطيها شغل اضافي لاتخلينها فاضيه خصوصا ماعندج عيال مافي شغل وايد

 

[الحورية الصغيرة]

أستغرب من إلي تقول كرفيها لا تخلينها دقيقه وحده فاضيه أو أشتري أغرضها من معاشها لا تشترين لها من فلوسج

المسكينه لولا الحاجه ما يت تشتغل إهني
( من لا يرحم لا يُرحم )

ما حبيت أطلع من غير لا أعلق

 

[ام الدرر]

أستغرب من إلي تقول كرفيها لا تخلينها دقيقه وحده فاضيه أو أشتري أغرضها من معاشها لا تشترين لها من فلوسج

المسكينه لولا الحاجه ما يت تشتغل إهني
( من لا يرحم لا يُرحم )

ما حبيت أطلع من غير لا أعلق

حبوبة اذا تقصدين كلامي
انا تكلمت عن العضوة باتشولي وخدامتها ووقت فراغها طويل
والاغراض اللي تشتريها من فلوسها موضروريات
انا مو ملزومة بكرت موبايل كل اسبوع ولا شامبو او كريم معين
مع اني اشتري لخدامتي كروت تليفون واشتري لها حتى الفيتامينات من فلوسي
انا اتكلم بشكل عام
وباتشولي طلب النصيحه بالتعامل معاها وعطينها راينا
وكررتها كذا مرة الحمدلله احاسب نفسي واحط نفسي مكان الخدامة واوزن الامور
المقصد مو تعذيب ولا عدم رحمة
المقصد هي طريقة تعامل
تعطي تاخذ
مو انا اعطي واعطي واعطي وما احصل غير الاهمال والتعب والمراكض وراهم
شحقه اييب خدامة عيل اشتغل في بيتي بروحي احسن​

 

[الدميره ..]

ام الدرر كلامج ريحني حيل انا ما احب اظلم الخدم وخدامتي هالوقت مالها خلق لنا مدري شنو اسوي وفيها اقترحي علي معنه والله اغلب وقتها قاعده ومعاها ولدي ما يمشي يحبي

 

[ام الدرر]

ام الدرر كلامج ريحني حيل انا ما احب اظلم الخدم وخدامتي هالوقت مالها خلق لنا مدري شنو اسوي وفيها اقترحي علي معنه والله اغلب وقتها قاعده ومعاها ولدي ما يمشي يحبي

حبيبتي الدميرة
عسى دوم الراحه
شنو جنسيتها وجم صار لها عندج
وشنو جدولها اليومي​