شنو كانت هديتج من ريلج ورأ 40 !

[رق رق]

هديتي ذهب ، وسوا غرفه بنته  الحمدالله

 

[أم يزيد &سديم&]

وووووايد
اشياء والله
لو ما الخوف من العين جان كتبتها
من كثر الهدايا الناس كانت تزورني يوميا
بس علشان يشوفون بهاليوم شنو يابلي

طيب حلو والله ذكرينا شيئ واحد بس
من اللي يزورنك الناس عليها
ولا خرطي مرطي

 

[boliana_q8]

بصراحة موضوعج حلو
بس المفروض الهدايا كلها تكون قيمة لانج تعبتي على مايبتيله بيبي
انا لين الحين الله مارزقني بس انشالله لما احمل اقولكم
ا شاء الله تبارك الرحمان حماتي ريلها ياب لها ساعة اوميجا 3000 دينار
عليها بالعافية
وانا يوم ريلي اشتهى يشتريلي حيول ذهب خالتي ام ريلي استكثرت الذهب علي وقالتله اخذ لها فضة

يعني حق بنتها ميتة من الفرحة وكله تتشيحط انه نسيبها مو مقصر مع بنتها
وانا جنتها مستكثرة علي ايبلي شي

عالعموم الي ريلها ماياب لها هدية الشرها مو عليه الشرها على امه وخواته الي ماعلموه السنع
ولا الرياييل اشعرفهم بهالسوالف

انا حمدالله والشكر بصباحيتي انا شريتلي طقم ذهب وقلتله لبسني جدام الناس جنك يايبه لي

الشرها مو على ريلي الشرها على امه ماعلمته

 

[فراشة البيت]

اول مره لابتوب
والثانيه تلفوون
والثالثه سفر لمصر وتونه راديييــــــــــــــــــــــــــــــن وناسه​

 

[مخمليـهَ]

<تمآشةة
بسس اللي تقول زوجهآ مآيعرف المفروض من قبل الاربعين تقطين سوآلف مثلآ رفيجتي زوجهآ جآب لهآ سآعة يوم طلعت من الاربعين وقولي انت شنو نآوي تجيب لي والا مآفكرت =)

 

[صمت المرافئ]

الحمد لله على كل حال
احنا من عادتنا هدية الطلوعة
يعني الريال يخير مرته
تبي فلوس أو تروح معاه يشتريلها طقم ذهب
قبل لا تطلع من النفاس بأيام
وصراحة يا حلوها من هدية :rerrerek:
وتعرف الوحدة ان ريلها يحبها ويعزها :eh_s(21):
هذا غير تكريم أهل الزوج ( يسوون للزوجة عشا )
على الأقل بالولادة الاولى والثانية
ويعزمون المقربين فقط
يعني أهل الزوجة ... أمها ... خواتها ... عماتها ... خالاتها ...
وأهل الزوج كذلك
والحمد لله كل ولادة يعطيني طلوعة
اما 500 دينار
والا طقم ذهب أحرص ان ما يتعدى هالمبلغ

​

 

[**Um '9a7oya**]

انا في بنتي سياره passat cc 20011 مادري 2012
وسفره ماليزيا والحين بالثاني قال بيبلج خاتم الماس الله يتمم علي
والحمدالله الله يخليه حقي

 

[لحظة سكون]

تصدقون ماهدني ابد كنت مشتهية اذا طلعت من الاربعين القا هديتي جاهزه
واذا قلتله قالي الذهب مرتفع سعره اذانزل شريتلج واذا قلتله نبي نسافر يقول
بعدين

 

[لحظة سكون]

السلام عليكم
احنا من عادتنا لازم يهدي وهو بكيفه
المهم انا متزوجه من ثلاث سنين
عندي ولدين ربي يخليهم لي ولأبوهم
المهم ولدي الأول حملت بعد زواجي بست
شهور بس كنت اخذ مثبتات وابر ولد بشهر
السابع وقعد بالمستشفى حول شهر بعدين طلع
بعد ماطلعت من الاربعين ماكنت يم شي
كان ولدي صغير هو همي الوحيد بعد
فتره قلت للابو العيال وهديتي قال بالطريق
بس اهداني بعد ماكمل سنه ولده واهداني على
حملي الاول لابتوب
بعدين حملت بالثاني ابد ما أهداني لا بالحمال
ولا الولاده اذا قلت له يقولي الذهب غالي
ابي اهديج جوال وانا مابي جوال يكفي عندي
ايفون

 

[دلوعة صلوح]

خلينى بس احمل انا اعطى الهدية هههههههههه

يارب ترزقنى وترزق كل محرومة يارب العالمين.

 

[بدوية بملامح كشميرية 86]

جابلي عطرشانيل

ولاب تووب

 

[Dan Dan 88]

ما يابلي شي
والمشكله اني اذكره بسس عمك اصمخ يسمع ويطنش

 

[ريكاتو]

مممم انا اول ولاده كانت توها نازله ساعات فندي اللي شكل حزام وقلت له شوف اللي بالجريده شحلات الساعه وانا بالاربعين لما بطلعتي عطاني اياهه هديه اما ولدي الثاني كان عندي ظروف ما قدر يعطيني شي والثالث شرالي خاتم من داماس

 

[وردة^الكويت]

لما طلعت ما جاب لي شي
لكن بوقت الاربعين صادف عيد زواجنا
و جاب لي ساعه و عطر و بااقه ورد حمرااا و بطااقه كاتب لي كلام حلووو
الله يخلييييه لي يا رب

 

[عروسة داجه]

انا هديتي قال شيلي اغراضج و روحي بيت اهلج هههههههههههههه
شر البلية ما يضحك
زوجي هادي وحبوب بس اذا عصب لحد يقرب صوبه
وانا بوجه المدفع
طبعا مو قصده و تأسف بس عاد شالفايدة، خوش هدية