شنو كليتي اليوم ((الجزء الثالث عشر)) تعالي وشاركينا بالصور

[baskota mal7a]

كيكة بنت ولد عمتي اليوم من الخباز


​

 

[أم حسون]

عوافي والله يعافييييييكم حبايبي
ميوزك جربي باباروتي ترى ماعندهم غير هالخبزه والباجي مشروبات يمي اشتهيتها الحين
همبوش هذا الرقم:مطعم تاجران:25664949

 

[أم حسون]

طلباتي:
سلطة ناتشوز

باستا يمي

سينابون شغل خالتي

 

[سيده نفسي]

عوااافي

 

[اماراتيه 75]

السلام عليكم يا احلى منتدى :eh_s(22):
أولا أنا عندي مداخله بسيطه او نقدر إنسميها نصيحه لانكم خواتي و غاليات على قلبي :eh_s(17):
من فتره وانا ادخل هذا القسم و ملاحظه انه فيه بنات يأكلون فاست فود وهذا الشيء عورلي قلبي والله بنات ليش؟؟ ترا هذا جسمنا ولازم نعتني فيه كيف إندخل مثل هذي الاشياء المضره فيه :eh_s(2): انا ما أختلف وياكم طعمه لذيذ وهذا السر لازم إنقوي إرادتنا و نمنع نفسنا منه

انا من حوالي السنه و قفت كل الاشياء المضره و حتى الكولا إللي كان عشقي تركته و بالاراده كل شي ممكن المسأله مسالة تعود لا غير .. أنا ما كنت أكل فاست فود أصلا بس وقفت كل الاكلات الدسمه و الكولا و الجبسات و خليت نظام حياتي صحي سلطات عصائر فرش فواكه و يازين الفواكه خبز نخاله عيش أسمر الدهون لغيتها نهائيا اللهم زيت الزيتون ولقيت نتائج في بشرتي جسمي شعري فعلا كنت ظالمه نفسي وايد بس الحمدالله ما فيه أحلى من الحياه الصحيه

ترا هذا مب رجيم هذا نظام صحي للحياه ترا السكر و الكوليسترول ماله دخل بالسمنه انا اعرف بنات أوزانهم في الخمسين و فيهم سكر و كوليسترول الله يبعده عنكم و عنا ياااااارب نوعية الاكل هذي المشكله

والله أني أموووووت قهر يوم أمر جنب ماكدونلز و ربعه و أشوف الامهات يعطون عيالهم من هذا السم :eh_s(2): حرااااام هذا مب أكل والله مب أكل
أدخلو اليوتيوب و أكتبوا ماكدونلز أو وينديز و شوف بعينكم والله تكرهونه ولا إتقربون منه أبدااااا عيل فيه أكل يبقى بالسنوات ما يتحلل :eh_s(14):!!!! الاجانب ما إيقربون صوبه و نحن و عيالنا إمطيحين فيه ليش؟

أصلا من أسمه junk food ترجموها شوع يعني؟؟؟ يعني طعام زباله الله إيكرم النعمه

بنات السموحه على الإطاله بس أنتوا خواتي و نبا إنعيش حياه صحيه قدر المستطاع و نبعد عن الفاست فود بكل انواعه و الدهون و المقليات و الحلويات اللي كلها سكر أبيض و انا أسميه السم الابيض كلها سموم و مواد بسيطه إتخل في نظام الجسم

نرجع للفواكه و الخظار المشاوي و خبز النخاله من أفضل أنواع الخبز و تقدرون تبحثون عنه و إتشوفون الفوائد و بالانجلش أسمه bran bread و العيش الاسمر و الحليب و الروب ياليت إيكون خالي الدسم ويااااااااااااااااااااارب الصحه ما إتفارقكم أبد

هذي نصيحتي لخواتي و أرجوا إنكم تتقبلون نصيحتي لانكم غالين على قلبي :eh_s(17):

وأي إنتقاد أنا حاضره بالسلب او بالايجاب و السموحه منكم

أحبكم

 

[شموووخ اماراتيه]

جزااااااج الله خيررر بنت بلااااادي ماشاء الله شكلللج اخصائية تغذيهـ

وهذا يدل على حرصج علينا وووفهالوقت كثرت الأمراض الله المستعاااان.....

 

[برستيجي مآركة]

اماراتيه الله يجزاك الجنه ياحبيبتي وكلامك صحيح100%..

والله يعين...


بنات عوافي ماكليتو...

فاقدين ريووم الكويت وينها؟؟؟
عسى المانع خير...

 

[شموووخ اماراتيه]

ههههههههههه انا اذا يوعااانه اسوي طاااف حق كل الأقساااام وااابررركن اهني لين مايجهز العشاااا

 

[اماراتيه 75]

شموخ إمارتيه فديت بنت بلادي والله

والله يالغاليه لا مب إخصائية تغذيه بس الحياه إتعلم والصحه ما فيه أغلى منها مثل ما إيقولون يبالنا كل يوم لفه على المستشفيات علشان نتعلم إنعيش صحي ويارب إتعافي جميع مرضى المسلمين ياااااااااارب

وما أوصيج على الاكل الصحي يا بنت بلادي

 

[اماراتيه 75]

برستيجي ماركه مشكوره فديتج
والله من حبي لخواتي لانه لو حسبنا كل هذي الاكلات الدسمه و الحلويات كلها في يوم واحد كم سعره حراريه تطلع؟؟؟؟؟
أتوقع رقم إيخوف يعني باجر لما نمرض بيمر علينا ماكدونلز و غيره إيزورونا هذي مجرد شركات تجاريه همها الربح و بس

لا والله صحتي و ما أتخلى عنها و نفسي لازم أظبطها متعة الاكل دقايق و تروح والاكل الصحي لذيذ جدا ما يشكي من شي

 

[شموووخ اماراتيه]

ان شاااء الله فديييييتج وكلااااامج عييين الصح...

 

[اماراتيه 75]

ترا أنا موسوعه في الاكل و الصحه ههههههههههههه اللي في خاطره سؤال أنا حاضره

 

[اماراتيه 75]

فديت بنت بلادي والله مشكوره غناتي

 

[ţẩ݃ ĀŁ_Ŝħ๓๓ŘỊ]

وربي جوعآنه ححدي وزأد الجوع يوم شفت الصور
لي رجعه مع صور ان شاء الله

 

[reem alflla]

عـــــــوافي

 

[*السكب*]

السلام عليكم ورحمة الله وبركاته ​

هاذي اول مشاركه لي هنا

​

واتمنى تعجبكم .. لانها عباره عن جلسة شاي عائليه

​

وبسيطه مافيها تكلف .. يعني لحد ينقد :eh_s(2):​

احس اني حنيت للقرقيعان .. ​

واول مره اصور ... ان شاء الله تعجبكم​

وهنا وهي مفتوحه ادري فيكم تبون تشوفون

​

وهنا البلعه بالتفصيل

اللهم ادمها من نعمه وبارك لنا فيها اللهم آمين​

سبحان الله وبحمده ... سبحان الله العظيم​

:33_1185028183:​

 

[قطوة@@]

عواافي علييكم بناات

اشتهيتاكل من كل شي

 

[أحلى همبه كويتية]

عوافي عليكم كلكم


ام حسون
شكرا قلب


اختي اماراتية
بارك الله فيك على هالنصيحة
ما قصرتي
كلامك صح 100/100
​

 

[أحلى همبه كويتية]

السلام عليكم ورحمة الله وبركاته ​

هاذي اول مشاركه لي هنا

​

واتمنى تعجبكم .. لانها عباره عن جلسة شاي عائليه

​

وبسيطه مافيها تكلف .. يعني لحد ينقد :eh_s(2):​

احس اني حنيت للقرقيعان .. ​

واول مره اصور ... ان شاء الله تعجبكم​

وهنا وهي مفتوحه ادري فيكم تبون تشوفون

​

وهنا البلعه بالتفصيل

اللهم ادمها من نعمه وبارك لنا فيها اللهم آمين​

سبحان الله وبحمده ... سبحان الله العظيم​

:33_1185028183:​

حياك الله حبيبتي
بالعكس والله تجهيزاتكم وايد حلوة
وين امي عنك اتحب هالطوس الملبسة


انا عندي كبيرة

من وين شاريتهم ؟؟ حجمهم وايد حلو


بالعافية:eh_s(7):​

 

[كراميلا مرة]

عليكم بالعافيه