شنو كليتي اليوم **** تعالي وشاركينا بالصور :)

[irresistible]

ياجماعة مسحوها بويهي بنت تكساس تعاني من home sick ميخالف تعاني شوي من الاكل فقيرة ما تاكل بس توا متعشية مجبوس دياي ع الطريقة الامريكية

 

[منورة الكويتية]

بنت الغالي
بنوووكة
رووونه
بنت حوا
ام كشري خخخ
عليكم بالف عافيه ويعافيكم يارب

اما انتي يا بنت تكساس فديتج والله كسرتي خاطررري تعالي الكوووووويت بس مني لج احلى زبيدي طبعا من امي مو مني
حياتي والله الله يعدي غربتج على خير انتي وتوتا و كنديه وتردون لنا سالمين غانمين يارررررررررررب

 

[irresistible]

مشكووووووووووورة ع الدعوة الحلوة ما عليج ما نبي زبيدي و لاشي نبي هالدعوات الحلووة وبس

 

[مياوه]

سلام بنات

بالعافيه عليكم

غداي اليوم

احبه​

 

[bnt_7waa]

بنت الغالي


هذا المطعم ب شرق ببرج حمود الدور الثاالث لايطووفج

 

[bnt_7waa]

مياااوه


هذا ربيااان ولادياااي؟؟

 

[منورة الكويتية]

حبيبيتي توتا اذا مادعينالكم حق منو ندعي

خخخخ بنت حوا الله يهداج اي دياي مبين من الشوارب ربيان:d

 

[مياوه]

بنت حوا

ربيان شفيج مو بين عدل

شرمبي ​

 

[منورة الكويتية]

خخخخ مياااوه انتي التأثيرات الي حاطتها مومبينه الاكل عدل مشاااااااان هيك يعني :d>> انتي منو عينج محامي@@

 

[bnt_7waa]

لووووووووول منوووره استغربت من كبر الربياانه

ميااوه عليج بالعافيه حبيبتي ..

 

[بتبوتااا]

لوووووووووووول بنوته ضحكتيني خخخخخخخخخ

بليز لحد يكرهني

الصبح لما وديت ولدي الروضه رحت سينابون وطلبت لي سينابون بالككاو امووت عليها .. مع كابتشينوو..

وهالصوره صورتها امس لما رحت كويت ماجك وبعدها شريت من subway حق ريلي
ووعشانا امس من كناري كشويات وديايه مشيويه ورق عنب ورق عنبهم عجيــــــــب

واهم شي اصابع عيالي ايد مني وايد مناك وهم صبع ريلي طالع

طبعا بس امسك الكامرا ولا ريلي يقول يالله بتصور ينيتي انتي خخخخخخخخخخخ ..

خدامتي مسويتلي اندومي مقلي مع خضراوات ايـــنن عجيب وكل شوي طالعتلي بطبخه بهالاندوومي ..

وبس لحد يكرهني خخخخخخخخ

 

[بنت عبدالغني شربت]

بالعافيه بتبوتاااااااااااااا بروح اشوف الورق عنب شكله عجيييييييييييييييييييييييييييييب

اليوم بخرب الدايت كير هههه

 

[بتبوتااا]

ههههههههههههههههه ونااسه طقيتج سلف خخخ

 

[bnt_7waa]

الله ورق عنب اببييييي


عليكم بالعافيه

بتبووت لاتقولين خدامتج اندونوسيه لووول مادري ليش يموتون بالاندومي

 

[Pink GirL]

رحيق
بالعافية الكوشري شهيتيناااا

مياوة
بالعافية الشرمبي

بتبوت
عليج بالعافية السينابون والمشويات والاندومي بعد

ريوقي اليوم

فطيرة بطاط وبيديان وسفن اب

وانا طالعه من الدوام هفتني نفسي مشتهية كوكيز هارديز
رحت شريت كوكيز ورديت البيت كليت وحده ونمت

اما عشاي حليبة وبيض وخبز ايراني ياي بالطريج مع الوالد الله يحفظة

 

[bnt_7waa]

بنوووك عليييج بالعاافيه جاان زين اكلي مثلج جاان خفييييييت

 

[bnt_7waa]

بنوووكه


عندي سؤال التصوير هذا من تلفونج اليديد

وسؤال اخر انتي مستخدمه الفوتو شوب بعدولا الصوره طبيعيه جذي


احببب تصويرج ماشاءالله عليج

 

[bent^al`3ale]

بتبوتا عليج بالعافيه يارب والسينابون احب الصلصه البيضا اكثر من الككاو والناتس اللي فيه لذذذذذذذذذذذذيذ عوافي على قلبج والمشويات تشوووووق والله يخليلج ويحفظلج عيالج وريلج يارب وعادي خربيها ولازم تتغذين وتاكلين عن اثنين

بنوووكه وااااي الكوكيز احبه خصوصا اذا كان من هارديز او فدركرز عوافي ياقلبي

بنت وا تصدقين عالمطعم اللي ببرج حمود اللي جبال المثنى مو؟؟ اذكر رحتاله من فتره بالعيد واكله كان اينن شكلي بروحله مره ثانيه وعليكم بالعافيه شكر الحمص باللحم يشووووووووووووووووق

والباجي عليكم بالعافيه يااااااااااااااااااااارب

 

[bent^al`3ale]

وتو الحين شربت هالحليب

والفراوله بتاااااااااااع الفراوله لوووووووووووول

وبعد شوي بشرب جاي رويال وماي بقزرها لمه انام ومن باجر بأذن الله ببدي مشي بالممشا عشان الحج

بسألكم انا ان شاء الله بالحج بلبس عزكم الله جوتي ساس عشان مريح وايد

سؤالي عادي امشي فيه بالممشا ولا البس عزكم الله جوتي رياضه؟؟

 

[Pink GirL]

بنوته
وي يا ريت اخف انا على الماي امتن يا بنوته
اما الصور الريوق الله يسلمج بكاميرة تلفوني اليديد والكوكيز بالكاميرا
وهالصورتين ما استخدمت فيهم الفوتوشوب الا للتصغير بس
وحبتج العافية يالغالية

بنت الغالي
الله يعافيج حياتي .. انا عندي كوكيز هارديز احلى من فدريكرز