شنو كنت تكتب ع الطاوله ,, بصراحه و ابي تفآآعـل

[آميـرهـ بهوآهـآ]

انا درجي نظيف وما كنت اسمح حق اي احد يكتب عليه
وكنت اجلدة جلاد الوان انا واللي يمي وساعات الللي جدامي ووراي

لوووووول يحليلج والله ,, هذا الناس مو انا لوووول انا لآآآآزم شخابيط

 

[shaQshoQa]

لوووول انا عن نفسي لازم اجلده بالاول .. و بعدين اكتب اسمي و مرات اسامي رفيجاتي
و اخر السنه اخليهم يكتبون لي ذكرى و اشيل الجلاد و اخذه البيت و اخشه لووول كـ نوع من الذكرى

يعطيج العافيه



^
^
درجي السنه الي طافت
طبعا الدرج قبل لا اييبون لنا اليدد

و قبل لا يكتبون لي رفيجاتي سوالف الذكرى :eh_s(6):

 

[مكسورة الخاطر]

لوووول انا كنت اتنافس مع البنت اللي كانت يمي
منو تييب نسبة اعلى من الـ 80
فكنا نكتب FINAL EXAMS 80%+
كنا نكتبه بالرصاص لان الطاولات كانت توها يديدة
فكل ما تمر الوكيلة نمسحها علطول ، واول ما تروح نرد نكتبها :d
يسلموو عالموضوع الحلوو

 

[بنت الفارس]

موضوعج حيل حلو رجعتينا للذكريات أنا موظفه وليومكم أكتب بس ع الرزنامه الكبيره :ssssso:

عاد أيام الدراسه كنت اكتب (( كلن على همه سرى وأنا على همي سريت ))

 

[LO0O0LY EL- q8]

لمن كنت بعاشر كل يوم لي درج قولوا ليش ,,,,,,,,,,,,,,,,,,,,





لانه في بنات ينبشون وراي يبون يعرفون شكتب لانه انا الله يسلمكم اذا عصبت ولا لاعت جبدي من احد مسكت الدرج واكتب عليه كل شي صارلي وسب وتلعن واخر وما احط اسامي احط اول حرف من اسم البنت واسم ابوها عشان تشك بعمرها <<<<<<<<<<داااااهية
وبعدين قمت اكتب باوراق واقطمهم لانه رفيجاتي ملقوفات اي ورقة طايحة ياخذونها ويقرونها فصارت هوايتي الثانية خخخخخخخخخخخخخخخخخخخخخ
ولمن كنت بحادي عشر اكتب بدلية الابله عشان ما انسها خخخخخخخ واكتب اغنية اوي ارسم توقيع حقي مثل احط ورد واحرف وبس

 

[آميـرهـ بهوآهـآ]

شقشووقه/ مشــكوروووره ع الصوره خيتو و شكرا ع المرور

دكتوره حورآء :: لوووووول اذمر انا كنت ابرشم بالرصاص و بالمعرب حق ابله الاجتماعات ما تعرف لووووول يسلمو ع المرور حبيبتي

بنت الفارس:: حلت دنيـآآج يالغلا والله لو لا ردودكم ما كام بالحلاوه هذي << مستانسه اني رجعت ذكريـآت

لوونلي الكويت:: لووووووووووووووووووووووووووووول والله انا احب اقرى شنو ع الطولات


يسلمووووو ع المرور الحلو خبيبات قلبي و الله لا يحرمني من ردودكم الحلوه

 

[Min6arba]

اذا كنت معلقه على اغنيه اقعد اكتبهآ 60 مره هههـ ..~

 

[آميـرهـ بهوآهـآ]

اذا كنت معلقه على اغنيه اقعد اكتبهآ 60 مره هههـ ..~

هههههههههههه والله حتى انا,, اذا علقت,, حتى اغنيها بالصف والابله تـزف خخخخخخ

 

[خالة حبيبتها]

انا ما عندي سوالف حب واشعار واغاني لأ بس اذا عصبت اكتب مثلا
ابلة الموسيقى.........وحدها......
يعني كله سب بس ما اكتب السبه
واكتب وايد اشياء واسوي نجوم وعيون واكتب ملاحظات ايام الفاينل
مثلا باجر علوم بعد اسبوع عرس جذي هالسوالف بس طبعا ما اغش ولا اغشش بالامتحانات بس بالصفي اغشش واغش اذا ما ركزت بالحصة

 

[آميـرهـ بهوآهـآ]

مشكووووووووووووووووووره ع المرور يا حياتي

 

[آميـرهـ بهوآهـآ]

آآآآب
آآآآب
آآآآآب


وين ردووودكـم

 

[وش عـاد بـاقـي]

والله أنا أشعآآر ومواويل وكل شي وأغاني وآآآآآآآآآيد

 

[آميـرهـ بهوآهـآ]

يسلموووووووووو ع المرور خيتوووو

 

[زبــــــــدة]

لووووووول ذكرتيني باحلى ايام

كنت اكتب...اغاااني على اوراق ملونه والزقهم على درجي...بالترتيب لوووول

وكاتبه اسمي بخط كبيير بالانجليزي....

بس والله كان درجي تحفه ههههههههههههه حتى كان ودي اخذه معاي يوم تخرجت من حلاااته تحسفت عليه خخخخخخخخخ

 

[كفاك الغرور]

موضوع روعة

انا كنت اكتب احبك a

واشعار واغاني ولازم ارسم

عين تبجي مو بس بطاولتي

على كل الطاولات >>>>>>>>>>>>.

 

[آميـرهـ بهوآهـآ]

يسلموووووووووووووووو ع المرور يا حلوت والله نورت الصفحه

 

[كلو^^زقرت]

انا اكتب كلمات اغاني و اسامي رفيجاتي و دلع اسمي عل كبر الدرج و I Hate SchooL لوووول
و كنا نسولف :] و كنت اكتب شعر على مس الانجليزي هههههههههههههههههههه

 

[آميـرهـ بهوآهـآ]

لوووووووووووووووول ,, اهــم شي,, آي هيت سكووول!! يسلمووو ع المرور خينووو

 

[صبورة و قلم]

انا والله بقولكم سالفه تضحك و السبه طاولات المدرسة مره خذيت لي فتره اي احد يكلمني اقوله (اذوووووب) انزين لوووووول عاد كنت كاتبتها عالطاوله بخط كبير على كبر الطاولة بقلم صبورة اسود ( ابداع صح ) المهم كانت علينا اسلاميه و وحده من ايلاتي عجميه( فديت العجمان) جان قالت لي : يا امش شنو هاذا وخري ايدش بشوف ، انا وخرت ايدي و لا شافتها جان تقولي : من ذا يا امش اللي مذوبش و مطير عقلش . عاد رفيجتي تدري فيني هاذي كلمتس قمت انا وياها نضحك و نطالع بعض .
عاد ويهي قام يقط الوان جان اقولها : لا ابله والله (بعد احلف) هاذي مو طاولتي من الصف الثاني .ردت : والله مدري عنش يا امش .
الصف طبعا فصلووووووو في وحده من الضحك قامت تقح والبنات بس يشوفوني بالفرصه قالو لي اذوووووووووب عاد انا يعني عند هالابله طالبه مجتهده و حالاتي حاله بس ما اعتقد خذت فكره لانها قامت تضحك بعد خخخخخخخخخخ


و طبعا هاذا غير الورد والويوه اللي ارسمها اذا الحصه مليقه اقعد ارسم عاد طاولتي صفره كل شي يبين لوووووول
و كنت عض المرات اغش املاء الانجليزي اكيد الكل يغش بهالموضوع ما يبيله تحقيق


وتقبلي مروري
يسلمووووووووووووووووووو

 

[صبورة و قلم]

لا تضحكون على بدلياتي خخخخخخخخ
باي