شنو معناته هاذا

[MiSsY HottY]

شنو معناة أنه الأسبوع الطاف كان فيه عندنا استقبال بنت عمتي وكنت بأوج كشختي

ورشاقتي وصابغه شعري صبغة هيفا الحمرا و طالعه واااااو وما ابي امدح عمري بس أنا جدا جميله بشهادة

الكل وضعفت واايد من عقب ولادة ولدي وكنت طالعه مو صج نيولوك والكل مبهور فيني بالحفله ولما رديت

من الإستقبال لشقتي انا وزوجي وانا مخليه ولدى عند امي وزوجي دق علي بالطريج وقالي وينج يلا لا

تتأخرين تحمست علبالي اهوا شفقان علي ولما وصلت بيت ما حتى طل بويهي ولا جني مسويه شي ولا

جني كاشخه بعدين تعذرت قلت له صورني ما تصورت بالحفله صورني بالتلفون جان يحقرني @_@

عمري بحياتي ما حسيت انتقاص لأنوثتي كثر اللحين اكتب لكم ودموعي اربع اربع كارهتهههههه احس

كرامتي انهانت وفوق هاذا شكيت قلت معقوله كل هاذا وماكو احساس مو من عوايده عادتاً كان يحب

هالسوالف حسيت بانتقاص كبير لانوثتي حسيت اني مجروحه وقلت له اكثر من مره صورني وانا ادلع

عليه بس عطاني ظهره وحقرني وحط الكمبل على راسه ولا حتى شافني شنو لابسه زين ليش تدق

علي بالطريج وانته متحمس وتدقرني بعدين حاااقدههههههههه عليه حقد ورب الكعبه انا شكيت يمكن

متعرف على وحده أو يطالع افلام اباحيه والله انفتحت عندي أبواب الشكككك وانا اللي كنت أشك بعمري

ولا أشك فيه ستغفر الله العظيم واتوب اليه ​

 

[MiSsY HottY]

أنا مبالغه ولا صج السالفه تغثثثثثثثث بليز كلموني بستخف

 

[أم حسوون]

السلام عليكم ، ما أدري شلون علاقتج مع زوجج ، بس إذا طيبه ، عادي أنت حيل مكبرة السالفه ، بعض الرياجيل ما يحب المكياج ، يعني أنا لما أرجع من العروس لازم أمسح المكياج الأوفر ما يحبه ولا يستانس عليه ، وبعدين ليش حيل تحنين صورني خلاص هو شايفج وبعدين مو أول مرة يشوفج ، يمكن ضايق خلقه أو يفكر بشي ليش دايما سوء الظن ، وبعدين الوحدة لازم تحصن عمرها بالأذكار صبح وليل لأن الناس ما تعطي خير .

 

[rose2012]

يعني يحبج ومشتاقلج بس باطه جبده بشي وموعارف يعبر عن هالشي

 

[MiSsY HottY]

ما أدري صراحه مقهوره أم حسون أنا ما طلبت معجزه ومو شرط حتى يسوي معاي الشيسمونه كل اللي كنت ابيه جم كلمه حلوه بس ولا كلمة غزل او مدح انا اللحين مستحقره نفسي فوق ما تتصوروون كارهه عمري وعيوني ذبلت من كثر ما ابجي على الموقف الغبي

روز شنو قصدج انا صارلي مده احسه خاش عني شي بس ما أدري شنو أهوا ​

 

[Miss Cherry]

انتي مكبرة السالفة

مرات الواحد متضايق من شغلة ولا مضغوط ولا مزاجه مايسمح حتى حق كلمة حلوة

 

[Miss Basma ..}]

شوفي حبيبتي ، طنشي اللي صار معنه شي مزعج
بس حطي نفسج رقم 1 و عيالج في المرتبة الثانية و زوجج 3 إذا هو زين بشكل عام
الوحدة المفروض ما تحط زوجها كل شي بحياتها ، باختصار عامليه بقدر معاملته لج (( طبعا بدون تقصير بالواجبات الزوجية ))
و إذا شاكة بشي ادعي ربج بالسجود و أوقات الاستجابة و استغفري ، معنه مو شرط خاش شي ، ممكن مزاجية -_-

 

[OM BARAK]

قطيها بويهه اشكره ليش تاكلين بعمرج؟؟؟؟؟ قوليله شفيك ذاك اليوم مو على طبيعتك و انا كنت حدي متحمسه ارجع البيت عقب ما سمعت مدح الكل عني بالاستقبال و انت ضيقت خلقي .. والله صدقيني عن تجربه ما ينفع الا اللي تقطها اشكره بالويه بس طبعا مو بعصبيه خلج عادي مع دلع بعد ؛)

 

[rose2012]

يمكن متضايق مثلا ليش هملتيه وطولتي بالصالون وبالعرس وانشغلتي باهلج وصديقاتج عنه وحس ان مو مهم وانج هاملته فكان زعلان اوشي عادي سئليه وتعرفين السبب ترا يضايق الموقف بس عادي طوفيي

 

[فروحته]

مع البنات الي يقولون قوليله بس بدلع شوي
و لا تضايقين حبيبتي ترا عادي ممكن الواحد يكون له ظروف
و عادي ما يعلق يمكن عباله كشختي عشان العرس
انتي بينله انج كاشخة عشانه هدا الي يحبونه
و ربي يسخره لج و يخليكم حق بعض

 

[بنت عطا]

مجربه هالكسره عدل وحاسه فيج بس للامانه ماعنده شي زوجي كلش كلش بس كان يدقرني نص تعليق حرف ماسمع منه والله ببساطه صكي الليت بنام وكنت ابجي واحتر وازعل واحرق روحي وهو ولاهمه .... بس يوم صرت اطنشه ومالزق مثل اول صار اهوا يدورني ويسال وين الكشخه وين اللبس صراحه يبيلهم جذي الكشخه مو دوم من فتره لفتره واطنشينهم يمشون سيده اكتشفت انه زوجي جذي نوعه

 

[بنت عطا]

وع فكره انا مثلج حلوه وكشخه الحمدلله ونظيفه يعني ماعندي اي شي ممكن ينقد عليه وعندي عيال ماشاءالله ماشاءالله محد يصدق لانه وايد شكلي وجسمي صغير بس موهذا شرط يخلي الرجال يموت فيج لا كلش كلش الرجال يبيلهم تعامل خاص


لاحظي انه جيكره وزوجها يموت فيها وحده تكون فيل وتلقين يشوفها احلى جسم تدرين ليش لانه الرجال يبيلهم الي اطنشهم وتهتم بنفسها وتحط نفسها وبس اولاً

 

[ليتني عندك]

عادي اعترفي له انج زعلتي من حركته ،، اذا كان مندمج
قي موبايله انتي أتكلمي قولي السالفه فجأه قولي اتصدق
ذاك اليوم يوم كنت كأشخه وانت اتدقدق علي كنت ابي رايك بشكلي
ولبسي بس انت كسرت بخاطري و بعدي منقهره وشوقي شيقول لج
يمكن يراضيج

 

[yam_yam]

يالغالية انتي مكبره السالفة وااااااااااااااااااايد
ترا اغلب الرياييل لو شنو تسوين يظل عالمزاج
اكو ريال و انتي تطبخين بدراعة المطبخ و ريحتج ثوم و بصل اذا يبي هالشغله خلاص
و في ناس لو شنو تسويين ماكو فايدة
انتي لا تضايقين ولا تزعلين نفسج و بعدين يمكن لما شافج حلوة قام يغار شوي هههههههههههه
و مايبي يقولج عشان مايكبر راسج خخخخخ
ماعليج و لا تتضايقين
انتي شوفي لج ويك اند فاضيه فيه روحي كشخي نفس هالكشخه و قطي عيالج عند امج و قعدي له

و بعدين يا قلبي لا تسمعين من احد اللي تقولج رجعت العرس زوجي ماخلاني و هالخرابيط
ترا يمكن جذب او تبالغ
و الله يتمم عليج
​

 

[MiSsY HottY]

اهوا راضاني بس انا حاقده عليه ما اقص عليكم لني حساسه ولني عمري ما جرحته ولا غثيته بكلمه وبطني تعورني من أمس الهقوه صار فيني قولون عصبي وفعلا طلع زعلان عشان طولت بالحفله وحس اني مطنشته