شنو موقفج اذا دقت حماتج على ريلج و عزمته على .....

[كنت ما أدري...]

عااااااادي
مافيها شي

يمكن تاخذ راحتها مع اخوها

والموقف نفسه ممكن يصيرلي
يعني انا اخذ اخوي و اسافر

 

[العفاسيه]

والله اذا هو يسفرني ومايقصر مايشوف شر
اما اذا مقصر والله مايروح ولا يشوف جوازه هههه

 

[فرصه اخيره]

اغسلي يدك من زوجك <<<<<<<<اخربتها

 

[aṕriliå]

تبط الجبد

هذا واهي متزوجة بعد

 

[ميشو المالكي]

عادي بس أعرف وش سبب السفره وأذا مافي أحد يروح معاها غير ريلي عادي
أنا قد سافر معي أخوي للحج لأنه أخوي أنسان ملتزم وقد حج قبلي وأنا أرتاح معاه في أمور الدين
وزوجته ماعارضت لأنه راح يستفيد في دينه
وكانت السفره على حساب زوجي

 

[دنيا الصدمات]

ليحيني في بيت ابوووي
بس الصراااحه لوو تسويها اكوون شاكره لها وبوسه على راسها بعد
هيا حماتي وما منها خوف وثانيا اخذ مجال لروحي ايي واروح وازور الاوادم واطلع على راحتي حد ام الوناسه
بالعكس المووضوووع نعمه ليش انظر له بشكل سلبي
وكونها ما عزمتني صج بتحز بنفسي بس كيفهاا مااجبرها
وسواء كانت متزوجه او لا بعد خل تاخذه
بالعكس يشتاق لزوجته اكثر ويعطي الزوجه مجال تاخذ نفس وترد عزوبيه جم يووم
صراااحه عجبتني الفكره

 

[سنااااي]

عادي يمكن في شي بس مايبون يقولون يمكن اهيا عندها شغل ماضن سياحه لانه من الذوق تعزمج معاهم مافيها شي ..... سافري لاتخلينها بقلبج قولي له.... شنلعو مافيها شي الا فيها شي على الاقل يعزمونج معاهم انا لو مكانج ما ارضى هذي مو سفره ضروريه....

 

[لافلي روز]

حبيبتي لاتنقهرين ولاشي ,,,, انا اشوف ان السفرة كلش عاديه ,,, مهما كان نوعها وحتى لو هي كان بنيتها انها تحقرج او تضايقج

مهما كان هذي إخته ومن واجبه انه يروح معاها ,,,

اذا ودج تروحين ,,, قوليله بكل ذرابه خذني معاك حبيبي يعني باسلوب هادي وحليووووووووو,,, اما اذا كانت الميزانيه ماتسمح وانتي عارفه بهالشي فتقبلي الامر عادي وفرصه منها تروحين وتغيرين جو عند اهلج ,,, وتحاولي تسويلج لو نيولوك بسيط غير اللي شافج عليه والله بتنبسطين وبتبسطين ريلج ,,,, ولاتخلي الوساوس تاكل عقلج ترا مافي شي يستاهل حبي

 

[دنيا الصدمات]

امبييي امبيي قررريت نص الردوود ماقدرت اواااصل بغى ينفجر ضغطي
يعني ماادري ليش الحريم يعتبرون الزووج ملكيه خااصه وبعدين يقولوون رياييلنا مو ماعطينا ويه او ما يجابلونا وكله بالديوانيه
ايه لانج حاكرته ميودته من بلعومه يا معاي يا بلااها
يعني الحين الحريم عندهم احساس والزوج ما عنده
اوكي أمنا انه الزوجه لها حقووق بس ما يعني انه الزوج ملكها وتعال اربع وعشرين ساعه شيلني وحطني
لانه لو ملكها الله ما حلل التعدد
خلووه يتنفس
خلوووه يعيش مسكين بعيد شووي
وبعدين شلووون تسمح لي نفسي اقط روحي البنت تبي تسافر مع اخوهاا وين المشكله لين الوحده ايلست في بيت اهلها جم يوووم
والمسأله مو مساله انه الوحده تكون مثاليه لين رضت
بالعكسسسسسسس ينعن ام الونااسه الوحده ترتاااح من ريلهااا وتجدد شووقها له وتحسسه انه انا ابي وناستك روح وتحمل بروحك بس لا تنسى اتييب لي عطر ترا العطر اهم منك لوووول

 

[marimor]

عادي اخليهم

مابي اصير حماة نشبة

 

[محد مرتاح]

عااادي خل تسااافر مافيهااا شي

واذاا منبطه جبدج وتبيين تسافرين وتوسعين صدرج لارد زوجج من السفر سوي نفسهاا اعزميه على سفررره لووووول

 

[mnor]

عاااااااااااادي واذا يعني بتتوقف الحياه اصلا مو من حقي اغار ولامن حق اي وبنت تغار لان الغيره اللي من هالنوع مرض الله يكافينا شره

احد يغار من اخت زوجها اكيد مينونه مع احترامي للكل بس هذي وجهة نظري

 

[fdeet_shosho]

هلا حبيبتى انا اشوفه عادي خو رايح مع اخته مو مع احد غريب سواء كانت بنت او متزوجه ومو مهم سبب السفر سواء سياحه او علاج بشكل عام حطي ببالج ان اللى فيه خير باهله راح يكون فيه خير لج ولعيالج :
والله يهدي النفوس

 

[بيعي الوفاء]

لالالا والله اذا مصمم يروح وياااه خل يروح ولالزعل بيت اهلي وخليه يولي ومااروح ويااهم ليش اروح قطيعه ماتبيني اروح ارز ويهي اهو المفروض يقوله مااقدر اخلي زوجتي

 

[بيتي بوب بس كويتيه]

انا من ناحيتي عادي خلي يسافرون يستانسون
عادي مثل ما اهوا يخليني أسافر مع اهلي اخليه
واصلا يسافر مع اخته ولا مع ربعه الخمه
وحتى اذا رفضت ليش مثلا بيسمع كلامي ترا اهوا ريال واذا شي براسه يسويه غصب
فارضى واخليه يستانس
ولا اعكر مزاجه
وأوصيه بذيج الصوايغ الي تكسر الظهر
وادري حبيبي ما بقصر لانه خلاني

 

[brettey]

اذا متعود يسفرني ومو مخلي عليي قاصر عادي
صج بتضايق بس بفكر ان هم اهو ماقصر عليي سفرات ووناسه

 

[Qute-engineer]

عادي اخته يمكن تبي تغير جو ومولاقية محرم هونيها وتهون احسني الظن واخذيها من باب اجازة زوجية عشان يردلج مشتاق اخته ولاربعه

 

[pusy cat]

اذا السفره علاج مثلا اكيد برضا

او اذا ماعندها غير هالاخو وماعندها احد يوديها غيره اوكي

عالعموم بكل الحالات ما اقدر امنعه بالنسبه لي يسافر مع اهله احسن من لا يسافر مع ربعه

وانا رزقي بعدين انشالله

 

[يويوو]

ابصراحه عادي اخت وعازمه اخوها حتى لو متزوجه والمفروض زوجج يأخذج ويتحمل مصاريف السفر مالتج مادام اخته دافعه له

 

[خيشة شكر@]

اكيد عندهم شيء وخاشينه عنج بيسونه بالسفر ما ابي اخرعج بس ليش ماتقولين بروح معاكم عشان تحرم مره ثانيه