شنو موقفج لو تعرفين أن زوجج كان رااااااااعي..؟

[شيخة الزين]

صبااااااااح الخيراااات والغبره​

شلونكم بنات شخباركم؟​

وناسه ماراح أروح الكليه نريح شوي من عناء الدراسه​

سؤالي لكم؟​

شنو احساسج لو تعرفين أن زوجج كان رااااااااااااااعي بنااااااااااااااااااات قبل ما ياخذج:eh_s(10): ؟​

ويحب التقزز حييييييييييييييل عند الكليات والجامعات والمجمعات مثلا ويحب يطلع معاه بنات ويفرفر فيهم بالسياره؟​

وأن بعلج المؤدب المحترم اللي يسوي روحه مثالي جدامج كان جذي قبل ما ياخذج؟​

أبي أعرف شنو احساس كل وحده فيكم؟​

 

[تذكر خافقي رمحك]

ليلحين ما يي نصيبي
بس لو ييي
راح اقط ماضيه ورا ظهري
خنكون صريحين
بهالزمن ماكو صبي ماعنده ماضي وإذا ماكان ماضي أسود بعد
وإذا بنبش بماضي كل صبي جان 3 ارباع البنات ما اتزوجوا
اهم شي مايستمر على هالشي بعد الزواج ولو ان حتى هذي صارت صعبه بهالوقت​

 

[Habibat Abooha]

امبييييه ماتخيل

الله لايحطني آبهالموقف

 

[لبى عيونه]

أول شيء أنا عندي جامعه اليوم أكشت يعني ولا لأ؟ بس شيشتيني يوم قلتي غااايبه
وبالنسبه للموضوع لو كاااااان يعني قبل عااادي لأن صدقيني شكثر ناااس تغلط بنات الله يستر عليهم تكون قبل الزواج مو ذاك الزود بس تزوج تعقل حتى بعض الرياجيل ترا

 

[غنج إلعذآرى]

الله يهديهم إلى طريق إلصؤآب :*​

 

[سوسن1980]

قبل الزواج كيفه اما بعد مااخذته اكيد شئ يحر

 

[Beauty is Me]

طبعااا اهوه بطريج وانا بطريج يعني يوم ما خطبني ليش ما اعترفلي بهالشي يعني هم ماضي اسود وهم جذاااااااااااب وبهالزمن اللي عنده خرابيط ما يتوب لو شنو وبالنسبه لي غلط اقول انه كل الشباب مغازلجيه مثل ما انه في بنات محترمات اكيد في شباب محترمين ولا جان كلنا بالنار وما كان في جنه تحياتي

 

[Beauty is Me]

واذا اهوه كان مخربط قبل خل ياخذ وحده نفسه لا يدور بنات الحمايل ونفس الشي انا دام انا سيده اخذ واحد سيده مو تزعلون بنات بس هاذا راي

 

[njoom1]

شوفي كل شي اقدر اتغاضى عنه واقطه ورا ظهري الا اذا كان مسوي شي كبير اذا فهمتي يعني ...... مع وحده هذا مستحيل اتغاضى عن

 

[*غنج*]

ما اعتقد استمر معاه لأنه اللي عنده سوالف بطاليه قبل الزواج اتوقع عادي عنده بعده الا من رحم ربي، واللي يقولون ما في واحد ما عنده سوابق فاسمحولي غلطاااااااانه اللي يتربى عالدين والصلاح ومخافه الله ما يروح لهذا الطريج ياما شفت شباب ملتزمين ويخافون من اللي خلقهم وما عندهم سوالف بنات ومغازل يعني في وااااااايد رياييل بهالزمن ماعندهم ماضي أسود

 

[رتو الكيوت]

يعني انتي متوقعه بتطيحين بواحد ماكلم بنت قط بحياته !!!

لو ماسواها هوايه

سواها لقافه يشوف شعند البنات ؟

ولاتنسين الربع لهم تاثير اذا مو هو الي مخرب ربعه

بالطقاق عساني الحق على مستقبه وياي اروح انبش ماصيه قلعته اهم شي قايم بكل شي لي اذا مقصر وابي الفكه ذيك الساعه بينزل علي الخبال وبفتش ماضيه لووول

 

[roobee]

من شب على شيء،،،،،،،،
شااااااااااب علية،،،،،
يعني الله يعينج.....
اول مايتزوج بسوي روحة تكانة وريال....
وماعندة هالخرابيط...او بالأحرى صار انسان نظيف
وينتقد كل من يغازل ويخربط..ويقول الله لا يبلانا...
وبعد فترة....بس يحن قلبه على سوالفة البطالية
اويلقى فجه....على طووووول بيروح للدرب القديم
وبعدين يقول مو مني الشيطان شااااااطر...
ومايدري ان اهو الشيطان....خو البنات الحين اشكرة
تقط ويها على الريال وماتبي منه شي...
واهوا ماصدق...حن على الاياااام الحلوة
وبس تصير مشكلة بسيطة
او تكونين نفاس...على طول رد للهياتة..
اقول حبيبتي...اخذي واحد يعرف ربة...مو يعني مربي لحية
لا واحد في قلبة ددددددين...يعرف الحرام والحلال من وهوًصغير متربي
عدل..امة وابوة مربينه ع الصلاة والمسيد...ويعرف(من زنى يزنى بة)
وكلمة اخيرة،،،،،،،،مثل روعه......
وذيل الكلب عمرو مايتعدل))ههه
يلا صفقووو لي

 

[زينبو]

الماضي ينسي ياحبيبتي ..

خلج باللي جدامج دامه زين الف الحمدلله والشكر ..

وحتى البنات ترى ماقولج قزيزين بس كلنا عشنا فترة مراهقه وتصرفنا خطأ موشرط مغازل وايد اشياء غبيه كنا نسويها مايعني هذا ان احنا الحين عاهات العمر له دور يعني

 

[زينبو]

روبي موشرط..

في ناس يهديها الله وناس لا طبع مايتخلى عنه راح يبين عالريال مع العشرة ترى ..

 

[خَآنِي زِمآنَيٍ]

خل انكون واقعيين اللحين دوريلي صبي وريال ماكلم و غلى قولة وحده الي ماكلم هواية كلم لقافة وانا لو دريت ان كانت له سوابق تسود الويه بقطه ورا ظهري لان هذا ماضي وانا حاظر:d

 

[عتيبيه رزه]

انا عن نفسي اذا تزوجت ان شاء الله مالي شغل بماضيه وانتي قلتيها ماضي يعني وله وراح واصلا ماراح اسإله عن ماضيه واذا اهو بيكلمني عنه كيفه بس مدامه خوش ريال خلاص مالي شغل بالماضي كله

 

[اختكم بالله]

الله يهديهم بس الوحده تفكر بعد الزواج لاتنبش الماضي

 

[dectora 7elwa]

انتي قلتي كاااااااااان
الله يغفر المره ما راح تغفر
اذا ماضي طاف
بس وهو معاي لا

 

[ذابحتهم]

مافي واحد الا وكان راعي سوالف بس هل بعد الزواج يستمر والا خلاص تتغير حياته هني السؤال

 

[عشق رسامه :$]

مووووودري