شنو ناخذ ويانا للعرس.....

[طير الحب]

السلام عليكم....


بنات عرس اخوى ان شاء الله الخميس وهذا اول صبى يتزوج عندنا فما ادرى شنو ناخذ للصاله ......غير البخور والفحم والمشعل .......فى شى بعد

وبالنسبه لصاله الرياييل ياخذون معهم شى....

قولولى ترانا ضايعين


شكرا مقدما

 

[al7reyaa]

مشاركة: شنو ناخذ ويانا للعرس.....

بطوطه بالمبارك .... طلبوا ورد بوكيهات على الاقل 3 يطلعون بالتصوير .... والحلو خلوه غير اللي من المطعم

لبسوا صبيان صغار نفس الشي خلوهم يمسكون المبخر و المرش و خلوا اذا عندكم صبيان صغار يلبسون نفس الشي يصير شكلهم يشوق

 

[طير الحب]

مشاركة: شنو ناخذ ويانا للعرس.....

مشكوره..... بس انا قصدى مو حركات قصدى الاشياء اللى نستخدمها بالعرس مثل البخور المشعل والفحم....الخ

 

[الغلاااااااكله]

مشاركة: شنو ناخذ ويانا للعرس.....

لازم ماتنسين البخور والخلطات الرش

والفحم وهدايا الضيوف اذا مسويه لاتنسينها .

ولاتعتمدين على المطعم في كل شي يعني خلي المطعم يتكفل في البوفيه وعصاير الشرقيه مثلا للعصير
عشان يجتهدون ويقدمون عدل

واعتقد الباجي كله عالمطعم للتقديم
المباخر والصواني هذا شغلهم والله يوفقكم ومبروك العرس

 

[al7reyaa]

مشاركة: شنو ناخذ ويانا للعرس.....

بالمبارك والله يوفقكم

 

[فروحة توحة]

مشاركة: شنو ناخذ ويانا للعرس.....

بالمبارك بطوطة انا عاد معزومه الخميس على عرس والولد عاد اهوا العود واول واحد يتزوج

سبحان الله لا يكون نعرف بعض ولا ادري

 

[xxx]

مشاركة: شنو ناخذ ويانا للعرس.....

مبرووووووووك بطه وعسى الله يهنيه

صالة الرياييل لازم تاخذون الكلنكس والصابون ترى مايحطون ...

وصالة الحريم : البخور - المشعل - والاهم ولاعة الفحم

واخذو بنادول والله صج اخاف احد راسه يعوره الله لا يقوله خو الدي جي يفر الراس

 

[طير الحب]

مشاركة: شنو ناخذ ويانا للعرس.....

والله انا متفرقه..... المفروض انى بالصالون........

بس والله مشكورين كلكم وايد.......وايد

والفال لكم ....ونخدمكم بالافراح

فروحه الظاهر هذا عرسنا

احنا برجنسى ها هو والمواصفات هى

 

[جارة القمر]

مشاركة: شنو ناخذ ويانا للعرس.....

بطه

موفق يارب


أهم شي البندول

للأنكم خوات المعرس مع الدوخه وعوار الرأس راح تتعبين فلا تنسينه

وطبعا الكلينكس

ومكياج أخذي حمره وبودرة اساس علشان ما توهقين

والمباخر والبخور والفحم والولاعه

والصابون والكلينكس


أحسن معاج

وطبعا العطور

اللي مثبته للبخور أحسن

وتأكدي من الحلويات والكوشه

لا يوهقم
والدي جي ولا الطقاقه


ومبروك مقدما

 

[فروحة توحة]

مشاركة: شنو ناخذ ويانا للعرس.....

ماشالله بطوط طلعنا نعرف بعض الله يبارك لهم ويوفقهم بس نفنوف العروس عجبة قوليلي من وين ماخذتة

صديقتي زواجها قريب وتدور

 

[طير الحب]

مشاركة: شنو ناخذ ويانا للعرس.....

فروحه كنت بالعرس

بس قوليلى من اى طرف ...!

اول شئ قوليلى اشرايج بالعرس وكل شى.... وانت شنو كنت لابسه الخ

والنفنوف والله ما ادرى من وين ما خذته حتى مرت صديق ابوى دقت على امى تسال عالنفنوف بتاخذه

اسالها وارد لج خبر ان شاء الله