شنو نظامج مع ريلج و حمولتج

[PuPa^^SWeeT]

السلام عليكم


شلونكم بنات


ان شالله بخير




حبيت اطل عليكم بموضوع يديييد



شنو نظامج برمضان و العيد مع ريلج و حمولتج و اهلج



و مابعد المناسبات بعد

 

[Dancing^Queen]

ايامج سعيده
عطينا عيديه


احنا نصير بيتزا هت كل شويه مكان نروح نسلم

 

[Perfume]

وعليكم السلام حبيبتي
احنا مرات نفطر بشقتنا ومرات ننزل عند حمولتي ومرات نروح بيت اهلي مافي نظام معين يعني
وبالمناسبات مثل الاعياد نروح نسلم بعدين يقطني ريلي بيت اهلي واهوا يروح بيت يدته وبالليل نطلع بروحنا او طلعة عائلية

 

[صعبه]

أول رمضان لي وانا عروس

بيت حمولتي هادي جدا وانتفطر يميع سوا على سفرة وحده وساعات اروح بيت هلي

والعيد ماشاء الله بيتهم مايوقف من الحريم وانا كله ممطيحه بيت هلي فالعيد ماحب الزوارات

 

[PuPa^^SWeeT]

انا برمضان


يوم بالاسبوع عند اهلي ويا ريلي و يوم عند حمولتي


و فيه يوم يكون انا بروحي اتفطر ويا اهلي و اهوا يروح بيت اهله





و بالعيد

انا اختار بدلي اتكون مريحة و زينة

لانه نفتر من بيت لي بيت بين بيوت حمولتي و بيوتنا احنا


انا وياه بسيارة وحدة ساعات

ساعات بسيارتين اذا عازمينه ديوانية اهله الكبار على عشا


نفتر من الظهر لين الساعة 10



ثاني يوم يكون فري حقه يشوف ربعه و انا ازور بعد اهلنا



ثالث يوم طلعة لنا

رابع يوم يا اقعد بالبيت



طلعة خاصة انا و بناتي مع خواتي

 

[شادن33]

بوبا كل عام وانتي بخير وعيدج مبارك مقدما هههه

احنا بالعيد أنعيد على اهله بالأول وبعدين بيت امي فديتها نتجمع كل وحده واعيا لها هنااك لي اخر الليل صلوح ملوح اللي يدل بيته يروووح هههه

واليوم الثاني والثالث مطشرين احنا واعيالنا بالمولات نقضي على العيديه هههه

 

[PuPa^^SWeeT]

^^^^

اهم شي نقضي عالعيدية



ههههههههههههههه

 

[Gifts&Occaions]

ماكو نظام معين

 

[popa]

انا نظامي برمضان عادي نتفطر مع اهلي او حمولتي واحيانا مطعم
اما بالعيد اول يوم ازور اهلي واهل زوجي كلهم بيوم واحد
واليوم الثاني غالبا طلعات وعقبها يخلص العيد

 

[الريمـ اللعوبـ]

اول شي عيدج مبارك وكل عام وانتي بخير

رمضاااااان
اغلب الايام نتفطر بشقتي ومرات عند اهله ومرات عند اهلي


بالعيييييد
اول شي نروح لاهله مانطول عندهم وبعدها بيت اهلي <<<<<ومن بيت اهلي يبدا المشوار افرفر على كل عمامي وعماتي وجدتي ونرد البيت هلكااااااانين

وباجي الايام بهالمجمعات مع بناتي اونسهم *

 

[♥MaSteRiyA♥]

آنا هذا أول رمضان لي مع زوجي..
والفطور يوم عند خالتي.. يوم عند أمي.. يوم معزومين عند
وحده من خالات زوجي.. يوم مطعم..

أما بالعيد.....
فراح نروح الشاليه باذن الله :ggdw:



** وعيدكم مبارك حبيباتي **​

 

[سندس 90]

ط م و ش ة 
كل عام وانتو بخيييير 

 

[سندس 90]

ط م و ش ة 
كل عام وانتو بخيييير 

 

[كـويتية]

والله حمدالله

رمضان كل يوم الفطور عندي او عند حمولتي او عند حماتي ... إلخ

العيد الصبح الساعة 8 اروح لبيت اهلي اسلم عليهم و 9 اروح من زوارة لزوارة وعقبها الساعة 10 ريلي يمرني نروح لحمولتي ونقعد عندهم ليما الغدا

بعد الغدا ناخذ لنا قيلولة ليما المغرب وبالمغرب اروح لاهلي وريلي يروح لربعه وعند اهلي نتوزع اللي بروح تودي اليهال الحديقة واللي راحت تتمشى بالاسواق واللي راحت مهرجانات ونجي 12 البيت ونتكلم عن كل وحده شنو شافت و2 يوم العيد و3 و4 العيد كله شاليهات مع حمولتي

بس وييي عقبها مدارس ودوامات وكرف

استانسوا احسن لكم بالعيد لان وراكم كرف

 

[حبيبي مالكني]

يوم العيد اروح بيت امي
والعصر امر على حمولتي ساعه وحده اقوم بالواجب
وبعدين طلعات وفراره في المجمعات

 

[هيبة ملك]

كل عام وأنت بخير أختي

في رمضان غالبا مانتفطر ببيتنا

والزواره اروح أسبوع لأهلي وأسبوع عند أخوه الكبير وأسبوع عندنا

وفالعيد يكون فبيت أخوه الكبير (زوجي يتيم الأب والأم ) وبعدها نعايد أهلي ونرد البيت ننام

ثاني يوم هو يروح لمعارفه وأنا أروح لمعارفي

والثالث نروح السوق نطلع نتمشى

والرابع نبدأ نصوم الست

 

[حجيه هيونه]

برمضان نروح بيت اهلي مره كل اسبوع اتفطر عندهم

بالعيد اروح لهم اول يوم وباقي الايام نطلع

<-- تقريبا ماكو حمولة الحمدالله

 

[دلال و غلا]

هلا بوبا

رمضان نتفطر ف البيت لان روجي ما يحب بتفطر بره البيت

و العيد الصبح نروح بيت اهل زوجي نتريق معاهم وبعدها يوديني بيت ابوي انسلم وبعدها اروح بيت اخوي و بعدها نتغدى مع امي

و ع المغرب نرد بيت اهل زوجي يكون تجمعو حمواتي و عيالهم ونتم عندهم لين آخر الليل

وثاني يوم نطلع بعض المرات مطعم و بسسس 