شنو و متى اوكل ولدي/ بنتي ؟ تم دمج جميع استفساراتكم هنا

[hneen2]

رد: امهات شنو تعطون عيالكم عشا غير شوربه خضار

مادري انا مثلج ودي اعرف بس في اخت كاتي تسلقين دياي مع اي نوع خضار وتهرسينه............. بس دكتور محمد سعيد قال عطيه ماي اللحم او ماي الدياي يعني هم في فايده اللحم

 

[om_keesha]

رد: امهات شنو تعطون عيالكم عشا غير شوربه خضار

:gathering: وناسه انا قاعده استفيد علشان لما اولد اجربهم هههههه مشكورين على هالمعلومات

 

[ranoona55]

رد: امهات شنو تعطون عيالكم عشا غير شوربه خضار

من اكلج بس صغريه حيل انا كل شي اعطي بس بليل ما اكثر ويكون قبل نومه بساعتبن او 3 لان عند النوم اكيد بيشرب حليب

 

[hneen2]

رد: امهات شنو تعطون عيالكم عشا غير شوربه خضار

اي قاعد افكر اعطيه من اكلنا بس ساعات اقول يمكن البهارات حاره علي قلب الياهل فمن جذيه اعزله اكل بروح احطله شوي ملح و كمون بس

 

[hneen2]

رد: امهات شنو تعطون عيالكم عشا غير شوربه خضار

اي قاعد افكر اعطيه من اكلنا بس ساعات اقول يمكن البهارات حاره علي قلب الياهل فمن جذيه اعزله اكل بروح احطله شوي ملح و كمون بس

 

[ام سعودي]

رد: امهات شنو تعطون عيالكم عشا غير شوربه خضار

شرايكم كل وحده تكتب برنامجها بالضبط من يقعد البيبي لين ينام علشان نستفيد
وانا ببدي
اذا قعد اعطيه حليبه
وعقبها بفتره سيريلاك
وبعدين الغدا عيش وبطاط وجزر وبالخلاط
وعقب ما ينامويقعد العصر حليبه
والمغرب زبادي
واذا نام حلييبه
وحبيبي كل يوم نفس الشي عمره الحين 9 شهور انا مليت اشلون اهو
يلا قولولنا خل نستفيد

 

[hneen2]

رد: امهات شنو تعطون عيالكم عشا غير شوربه خضار

انا ااول مايقعد حليب بعدين سيريلاك او سيريال وبعدين حليب والغدا شوربه خضار وهم العصر حليب او بسكوت منقع بالحليب والعشا

هم خضار بس هاليومين عطيته مره عشا يريش مره عطيته بيض بالحليب نفس اللي قلتولي واستانس عليه ياقلبي ومره عشيته كيك منقع بالحليب

 

[ام سعودي]

رد: امهات شنو تعطون عيالكم عشا غير شوربه خضار

حلو بغيرله اليوم

 

[*&* المميزهـ *&*]

رد: امهات شنو تعطون عيالكم عشا غير شوربه خضار

انا ناويه اوكل ولدي هالشهر

ومنكم نستفيييييييد

 

[TeAcHeR_BeZaRiN]

متى ابدى أوكل بنتي ؟؟ وشنو واشلون نورني وعلموني

السلام عليكم

انا عندي بنوته عمرها 3 اشهور وماشية بالرابع اسم لله عليها عسى لله يخليها

وماني عارفة متى ابدى اوكلها اكل البيبات الاشياء المطحونه وجذي


وهالايام ما ادري اشفيها مو راضية اتكمل رضعاتها وقلت عدد الرضعات الي ترضعهم باليوم !!

يمكن لان من دش الشتا صارت اتحب اتنام اكثر من قبل ماشاء لله عليها !!

خواتي الي عندها فكرة خل اتفيدني لله يرضا عليكم

 

[ZajiL]

رد: متى ابدى أوكل بنتي ؟؟ وشنو واشلون نورني وعلموني

انا ولدي كمل 5 شهور اليوم ولييييييييه الحين ماعطيته شي غير الحليييب
والطبيب قالي لاتبدين معاه اكل قبل ال6 شهووور
واغلب الاكل والسيريلاك كله يبدي من 6 شهور يعني بنتج تووووووووووووووو الناس علييها

 

[مضيعة برقعها]

رد: متى ابدى أوكل بنتي ؟؟ وشنو واشلون نورني وعلموني

انا ولدي كمل 5 شهور اليوم ولييييييييه الحين ماعطيته شي غير الحليييب
والطبيب قالي لاتبدين معاه اكل قبل ال6 شهووور
واغلب الاكل والسيريلاك كله يبدي من 6 شهور يعني بنتج تووووووووووووووو الناس علييها

مضبووووط نفس ما قالي الدكتور

 

[asOola_21]

رد: متى ابدى أوكل بنتي ؟؟ وشنو واشلون نورني وعلموني

هاي بنات .. انا بنتي توها مكمله 3 شهور وبلشت معاها تفاح مهروس كل يوم الساعه 10 الصبح اعطيها وباجي اليوم ارضعها طبيعي , صارلي يومين من بلشت بالتفاح اول يوم عطيتها 3 قفشات (قفشة الجاي لصغيره) واليوم 6 ومتقبلته

هاذي نصيحة امي لأن هي سوت لنا جذي قبل

 

[بنات حواء2]

رد: متى ابدى أوكل بنتي ؟؟ وشنو واشلون نورني وعلموني

شوفي حبيبتي طبيعي بنسبه لتقليل الرضعات ممكن يكون احتقان او تسنين فديري بالج كلش كلش وديها المستوصف يجيكون على اذونها و حرارتها
بنسبه للاكل اول ماتكمل 4 اشهر
يعني اليوم كملت اربع اشهر تطيرين على الجمعيه و تاخذين لها برطمات الفواكه بس لا غير
و تبدين تعلمينها تاكل برطمان كامل في اليوم لين تدخل الشهر السادس استمري على هلمنوالب و تقدرين الشهر الخامس تعطينها ميلوبا و هسوالف بس تأكدي انه ل 4 اشهر ترى اذا ل 6 اشهر احتمال اسمله عليها يصير فيها حساسيه فتأكدي انه ل 4 اشهر ينكتب على اعلبه
من تدخل الشهر السادس خلاص كلشي تاكل تبدين تسوينلها كوسا مفيوحا جزر بطاط هريس دياي باميه سبانخ ميلوخيا معكرونيا
كل هشغلات تفوحينهم و تطحنينهم و تعطينها و تعلمينها تاكل وجبتين في اليوم مثلن الصبح سريلاك او فيرلز او ميلوبا و الغدا يكون الوجبه الي انتي سويتيها لها بس اول شي بلشي تسوين لها صنف واحد يعني كوسا بس بعد يومين ض

 

[بنات حواء2]

رد: متى ابدى أوكل بنتي ؟؟ وشنو واشلون نورني وعلموني

سوري دز الرد و انا بعدي ما كملت المهم انه بعد يومين ممكن تضيفين الجزر علكوسه و بعدي العيش و هكذا يعني اول شي حاولي انه يكون صنف واحد عشان لا تتعب معدتها و اول ما تدش الثاممن خلاص تاكل كلشي
انا عن نفسي عطيت حق بنتي كل شي من الثامن الروب و دانيت و زبادي هذا كله اعطي بلاضافه الى اكلي الي انا اكله مرق مثلن معكرونيه تهرسينهم بالقفشه و تعطينها عشان تتعلم على الاكل المبهر
من الشهر الرابع حاولي تعلمينها تشربينها ماي التمر او الكشمش وايد مفيد تحطين ماي مغلي على تمرتين و تعصرينهم و تشربينها الماي هذا يعطي عافيه حق البيبي و يخلي يسنن و يحبي بسرعه
تقدرين تعطينها 4 كشمشات تنقعينهم من الليل بماي مغلي و تشربينها الصبح عريج مايهم
وايد مفيد
الوجبات الي الحين بحطهم عباره عن خلطات تقدرين تسوينهم حق بنتج :
كوسا + بطاط + جزر + قفشة عيش
معكرونه + جزر
عيش + صدر دياي + كوسا
هريس 4 قفشات فل + صدر دياي
باميه ( ممكن تستخدمين المثلج بس الفرش اكيد افيد ) + 2 الى 3 ملاعق عيش
باميه + الخضار المشكل المثلج + عيش
باميه + كوسا + جزر + عيش
ممكن تسوين شوربة الدياي الجاهزه + صدر دياي + 3 ملاعق شزفان كويكر هذي الاكله تهبل و يحبونها اليهال
كل هذي الوصفات انا اضيف لهم ربع مكعب ماجب عشان يخلي الاكل حلو و يستلذه الياهل و ما احط ملح بعده لانه كافي الملح الي فيه
و سامحيني على القصور

 

[TeAcHeR_BeZaRiN]

رد: متى ابدى أوكل بنتي ؟؟ وشنو واشلون نورني وعلموني

بعد قلبي ماقصرتو ولو انه الاراء متفاوته
ومشكووووووووووووووووووووووورة من قلب اختي بنات حواء حدج ماااااااااااااقصرتي عطيتيني كلشي بالتفصيل يابعد قلبي

يعني الحين من تتم الرابع وتدخل بالخامس ابدى اوكلها عدل ؟

يعني مو الحين

 

[ام سعودي]

رد: امهات شنو تعطون عيالكم عشا غير شوربه خضار

يلا وينكم يا امهات ماتبون اتفيدونا

 

[toto2006]

رد: امهات شنو تعطون عيالكم عشا غير شوربه خضار

شوفي كتاب ريم قنواتي فيه وايد اشيا

 

[hneen2]

رد: امهات شنو تعطون عيالكم عشا غير شوربه خضار

وين القا الكتاب في اي مكتبه ؟

 

[ام سعودي]

رد: امهات شنو تعطون عيالكم عشا غير شوربه خضار

انا خذيته من فيرجن