شنو و متى اوكل ولدي/ بنتي ؟ تم دمج جميع استفساراتكم هنا

[wonderwoman]

رد: متى ادخل الدجاج او اللحم او البيض على اكل بنتي؟؟؟

حبيبتي لا تلفين ولا تدورين غير هالسايت ماتلاقين !!!!:eh_s(3):
يحطلج الفاكهة و الخضار و اللحوم والاسماك و البقوليات و البيض و الاجبان و النشويات كل شي يخطر على بالج!! كل نوع و العمر المناسب للطفل عشان تبتدين فيه واشلون تطبخينه و يعطيج وصفات عشان طفلج ما يمل من الاكل ......
www.wholesomebabyfood.com

 

[ناتشوو]

رد: متى ادخل الدجاج او اللحم او البيض على اكل بنتي؟؟؟

يعطيج العافية ووندروومين عالموقع
ان شاء الله استفيد منه

 

[الريشة]

رد: متى ادخل الدجاج او اللحم او البيض على اكل بنتي؟؟؟

معلوماتي من كتاب الطفل السليم:
الطفل لما يكمل 6 شهور يبدي ياكل دجاج و لحم و سمك و طحنيهم بالخلاط أحسن
و ياكل صفار البيض فقط
و لما يكمل السنة يقدر ياكل البيضة كاملة

 

[الريشة]

رد: 4 شهوور الطفل

أول أسبوع عطيه وجبة وحدة باليوم مثل أرز ميلوبا بالحليب بوقت الضحى.
ثاني أسبوع دخلي وجبة ثانية مثل خضار مسلوقة و مهروسة بوقت الغدا و جربي نوع نوع كل 3 أيام على شان تعرفين شنو اللي يسبب حساسية لا سمح الله.
ثالث و رابع أسبوع دخلي وجبة ثالثة معاهم مثل بسكو ت مع حليب سواء بالمميه أو ياكلهم بصحن بوقت العشا.
هالمعلومات من كتاب الطفل السليم

 

[أحلى الجياكر]

رد: بنتي كملت 4 شهور .. مو راضيه تاكل .. شسوي

علايه ..
عن الحبسه ..آآآآآآآآآآآآآآآآآآآآآه أتكلم عنها من الحين لى باجر

والله العظيم منقطعة عن العالم و الدنيا ..والله العظيم ...طلعتى بالضبط لازم تاخذ لها 30 دقيقة ..لا ومتى ..لما يكون نايم والله والنومة ..
كنت اتريا يكما 3 شهور عششان ادخل الاكل و اعطيه ممية

د.عفاف تهبل ..بس النطرة تذبح عندها ...
انا بعد عندى جدول ممتاز ماشية عليه من زمان ..بس خل يرضى ياكل المعزب

 

[أحلى الجياكر]

رد: بنتي كملت 4 شهور .. مو راضيه تاكل .. شسوي

ووندر ومن ..مشكورة حبوبة على السايت ...

 

[ديمة وريم]

رد: بنتي كملت 4 شهور .. مو راضيه تاكل .. شسوي

انا بنتي عمرها 5 شهور بديت اعطيها أرز ميلوبا ماتحبة بس اقصبها علية

 

[فروحة الكويتية]

ساعدوني شنو أوكل بنتي؟؟؟؟؟؟؟؟؟؟؟؟؟

متوهقة يا بنات

بنتي عمرها 4 شهور ما ادري شنو أوكلها

شنو لازم ابدي فيه؟ شلون اطبخ الاكل لها بالبيت؟

الله يعافيكم ساعدوني

 

[*uM_MiMi*]

رد: ساعدوني شنو أوكل بنتي؟؟؟؟؟؟؟؟؟؟؟؟؟

السلام عليكم هاذي اول مشاركة لي بالمنتدى الرائع, واتمنى افيدجِ
اول شيء طبعا الطب الحديث يفضل انج ماتوكلين البيبي إلا لما يكمل ال 6 شهور عشان مايصير في حساسية من اي نوع من الاكل,, بس والله انا بنتي كنت اعطيها بعمر ال4 شهور خضره و فواكه مطحونه,, لاتخلطين!! جربي كل نوع بروح يعني يوم بس قرع اتسوينة مثل الشوربة اذا حبته اوكي عطيها,, و التفاح الاحمر تقشرينه وتسلقينه مع شوية دارسين,, لاتخلطين وايد انواع خضار و فواكه عشان تعرفين اي نوع فواكه او خضار اتحبها بنتج,, و تاكدي انج ماتضيفين ملح لاكل البيبي مو زين و دايما خلي الخلطة مثل الشوربة سائلة,,, وبعدين ديري بالج اذا وكلتيها ميلوبا والا فارليز في وايد يهال اتسويلهم حساسية هالاصناف,, عطيها كمية صغيرة ونطري لمن اليوم الثاني عشان تتأكدين ان ماسوت حساسية لها,, وتحملي البيبي اول مايجرب اكل غير الحليب يكون عسر بالاكل و ياذي على مايكمل وجبته,, اتمنى انج استفدتي,, وبالعافية على قلبها

 

[فروحة الكويتية]

رد: ساعدوني شنو أوكل بنتي؟؟؟؟؟؟؟؟؟؟؟؟؟

حبيبتي مشكووووووووووووووووووووووووورة

 

[غـــ روحــsaraــي ــلآآ]

رد: ساعدوني شنو أوكل بنتي؟؟؟؟؟؟؟؟؟؟؟؟؟

اول شيء لازم تعطينها سيريلاك وفارليز وبعدين مثل ماقالت الاخت تفاح احمر مع شوية عيش مصري تطبخينهم مع بعض وتحطينهم بالخلاط حيل مفيده هالاكله للاطفال

 

[فيروزه]

رد: ساعدوني شنو أوكل بنتي؟؟؟؟؟؟؟؟؟؟؟؟؟

مثل ما قالو البنات
بس في ملاحظه مهمه

لانها صارتلي مع ولدي

فارليز وسيميلاك اذا كان بالقمح ممكن يسبب حسسيه للطفل

احسن شي ميلوبا بالارز

حاولي تبتعدين عن القمح بهلفتره لانه اكتشفو معظم الاطفال يتحسسون منه

 

[فروحة الكويتية]

رد: ساعدوني شنو أوكل بنتي؟؟؟؟؟؟؟؟؟؟؟؟؟

تسلمووووووووووون

يصير أطبخ لها بطاط+كوسا + قرع

 

[كيت كات]

رد: ساعدوني شنو أوكل بنتي؟؟؟؟؟؟؟؟؟؟؟؟؟

اختي لو تشوفين هالرابط ان شاء الله تلاقين كل اللي تبينه
طعام الأطفال صور وتفاصيل

 

[فروحة الكويتية]

رد: ساعدوني شنو أوكل بنتي؟؟؟؟؟؟؟؟؟؟؟؟؟

مشكووووووووووووووووورة

 

[دلع86]

رد: ساعدوني شنو أوكل بنتي؟؟؟؟؟؟؟؟؟؟؟؟؟

انا بنتي عمرها 4 شهور اعطيها عيش مطحون مال ميلوبا
وبسكوت مكتوب عليه 4 شهور مره اذوبه مع حليب ومره مع ماي ومره مع عصير برتقال عشان لا تتعود على الطعم
وساعات اسويلها عصير برتقال او تفاح

 

[فروحة الكويتية]

رد: ساعدوني شنو أوكل بنتي؟؟؟؟؟؟؟؟؟؟؟؟؟

دلع أي بسكوت قصدج؟؟

 

[فروحة الكويتية]

رد: ساعدوني شنو أوكل بنتي؟؟؟؟؟؟؟؟؟؟؟؟؟

uppppppppppppp

 

[اللمسة المخملية]

رد: ساعدوني شنو أوكل بنتي؟؟؟؟؟؟؟؟؟؟؟؟؟

ابدي معاها بالخضروات (البطاط والجزر والكوسا) كل شي بروح
بعد الخظروات بمدة عطيها فواكه..
ديري بالج لاتعطينها الفواكه اول لان الفواكه حلوة اذا عرفت طعمها ماراح تتقبل الخضراوات لانها ماصخة..

وبالنسبة للسيريلاك وبسكوت فارليز لاتعطينها الحين لنفس السبب.. طعمهم وايد حلو..
وانا مرة قالتلي الدكتورة السيريلاك والفارليز المفروض بعد 6 اشهر عشان في احتمال ان البيبي يتحسس منهم..

وممكن تعطينها عصير برتقال مخفف.. زيديه ماي

وديري بالج عقب ماتعطينها كل نوع اكل اذا كانت تتحسس منه والا لا!!

 

[فروحة الكويتية]

رد: ساعدوني شنو أوكل بنتي؟؟؟؟؟؟؟؟؟؟؟؟؟

:q8::q8::q8: