شنو و متى اوكل ولدي/ بنتي ؟ تم دمج جميع استفساراتكم هنا

[مزيونة مكه]

رد: ولدي بالشهر الخامس شنو اعطيه ياكل ؟؟؟

مرحبا يا أمهات عندي سؤال الله يعطيكن العافيه ..



انا بنتي عمرها خمسه شهور وشهو نوع السيرلاك المناسب وجربتوه ابي اشتري لها وماني عارفه النوع الزين ؟؟

 

[فروحة الكويتية]

رد: ساعدوني شنو أوكل بنتي؟؟؟؟؟؟؟؟؟؟؟؟؟

:eh_s(6):

 

[mrs_sugar]

السلام عليكم

لوحظ في الفترة الأخيرة كثرة الاستفسارات عن تغذية الطفل

و تعددت المواضيع و تشابهت الردود

مما يصعب على العضوات استخدام خاصية البحث و مما سبب امتلاء القسم بالمواضيع والردود المكررة

و عليه سيتم دمج جميع ا لاستفسارات الخاصة بتغذية الطفل في هذا الموضوع

سواء الاستفسارات القديمة او المواضيع الجديدة الخاصة باستفسارات التغذية و الطعام

تحياتي

مشرفة قسم التربية و الطفل

Mrs_sugar



​

 

[mrs_sugar]

للرفع

 

[mrs_sugar]

رد: جم وجبه؟

ياكل معاكم 3 وجبات رئيسية و 2 سناك و 3 - 4 مرات حليب

 

[أخر العنقود]

شنو تأكلون عيالكم الرضع ؟؟

السلام عليكم ورحمة الله ..

بنات واللي يعافيكم .. بنتي عمرها 6 اشهر ونص تأذيني وتطلع روحي على ما تشرب مميتها شكلها بتسنن يا ليت تقولين لي شنو أأكلها .. أبي شغلات مفيدة وتمتن.

وعلى فكره انا ما احب الطعام الجاهز ..يا ليت تساعدوني وتعطوني من خبرتكم وتجاربكم ..​

 

[بنت الكووووويت]

رد: شنو تأكلون عيالكم الرضع ؟؟

هم أنا ودي اعرف مثلج ولدي مسيكين ماوكلته لحد الحين ياريت البنات يفيدونا

 

[الحور]

رد: شنو تأكلون عيالكم الرضع ؟؟

حبيبتي اسلقيلج بطاطه وجزر وكوسا ورز
وبعد ماينضجون عدل حطيهم بالخلاطه وخلطيهم
وبعدها ضيفي شوي ملح وعطيها <<<< غداء

اما الريوق حطيلها سريلاك بالقمح واو اي نوع يصلح حق الريوق

والعشا نفس الغدا مع تغير انواع الخضروات ..

وشراب التفاح عندج همن حلو اخذيلج التفاحه وقطعيها صغار
وحطيه بالخلاطه مع اضافة الماي .. وعليها بالعافيه ..

 

[شاليمار]

رد: شنو تأكلون عيالكم الرضع ؟؟

انا ببناتى اول كنت ابتدى معاهم بالشهر السادس
اريقهم :
توسته عليها قفشة جبن قلاص يفضل المراعى لانه غنى بالكالسيوم
واذوبها بماى حار
مع صحن فيه
نتيفة قشطه طازجه حلوة وتتفخ الياهل ينوكل بقفشه

واذا كبرت شهر بعد اضيف لها صفار بيضه مفتتها عدل ويا جبن قلاص
وشربيها عصير برتقال طبيعى مخفف بالماى
افيد لها وساعات لبنه المراعى لانها مو حامضه ويستسيغها الياهل وحطى عليها شوى زيت زيتون

هذا للريووق ................................................................................................................

الغدا :

خضار مسلوقه
بطاط كوسا قرع جزر
مع رز مصرى وشوى كويكر

وتقدرين اتخلطين عدس ساعات وتحطين وياهم طماط
او سوى
شوربه عاديه خفيفه

او

روب بدرجة حرارة الغرفه بروحه
او
يريش مع روب حلو ويحبه الياهل

................................................................................................
العصر :

بسكوت فيرليز مذوب بحليب الياهل
او
محلبيه
او

كاسترد
روب المراعى اللى معاه فواكه بدرجة حرارة الغرفه
او

.فواكه طبيعيه انتى تخلطينها بالبلندر ( موز / تفاح او كمثرى ، كوجا صفرا او حمرا ، خوخ / شوى عصير برتقال )......................................................................................................................................


العشاا:
قبل الساعه 9 الليل علشان ما يستعسر الياهل بالليل

روب خالى الدسم
شوربه خفيفه
عيش وروب ( العيش ملبوج ومطحون بالبلندر


اتمنى اكون افدتج
لانى الحين احاتى التسنينن ولدى عبودى عمره شهرين وقاعد احط اللسته شوكله شى مفيد

 

[um_yoyo]

رد: شنو تأكلون عيالكم الرضع ؟؟

جبن من شهر سادس مو زين كله دهن و منتجات الحليب بعد السنه


المهم

ابدي معاها بالبطاطه الحلوه وااااااااايد مفيده و لذيذه و طريقتها سهله يا بالفرن او مفيوحه


الموز طبعا مفيد جدا سهل الهضم و طعمه لذيذ

روب كامل الدسم و طبعا ما يكون منكه بالفواكه و السكر ( المنتج البقري الوحيد الي ممكن تعطين الطفل قبل ما يكمل سنه )

هذا الكلام مو من عندي هذا كلام اكبر دكاترة اطفال بامركيا

 

[Little Things]

رد: شنو تأكلون عيالكم الرضع ؟؟

انا بنتي بعد جم يوم ان شاءالله بتكمل 6 شهور اول اسبوع ببدي معاها عيش سيريلاك بعدين خضار مسلوقة يومين قرع يومين كوسا و يومين جزر يمكن و جذي عشان اشوف اذا فيها حساسية من شي او لا اذا مافيها اخلطهم مع بعض و اعطيها و جذي

 

[قطوطه الحلوة]

شنو اوكل ولدي

السلام عليكم


ولدي عمره 4 اشهر بعد جم يوم يصير 5 شنو اوكله وشلون جدول الاكل راح يصير ؟

 

[حبيب قلبي]

رد: شنو اوكل ولدي

مممممم ماادرى من جم يوم كنت عند الدكتور سألت اوكل بنتى عمرها 4 شهور بدش الخامس قالى لأ نطرى 6 شهور ولا تعطينها اى شي حتى العصير قالى لأ

 

[قطوطه الحلوة]

رد: شنو اوكل ولدي

10 يقرون الموضوع وماترد الا وحده شنو عيزانين تكتبون مانعرف وااااااااااااااااااااااااااااااااااااااااااااي عالفضول
ومشكورة اختي دكتورتي قالت ابدي وكليه

 

[فروحة الكويتية]

رد: شنو اوكل ولدي

ابدي معاهبسكوت وحليب وفيه ملوبا بالجمعية 4 شهووووور


الله يخليييييييييييييه لج

 

[قطوطه الحلوة]

رد: شنو اوكل ولدي

الله يسلمج حبيبتي بس احطله بسكوته وحده بالحليب ومتى الظهر ولا الصبح ولا بليل ولا اعطليه 3مرات؟

 

[قطوطه الحلوة]

رد: شنو اوكل ولدي

والمحلبيه اذا فيها حليب اطفال مايخترب بسرعه؟

 

[قطوطه الحلوة]

اكل رضع 4 اشهر

السلام عليكم













لو سمحتو بنات ابي اكل اطفال مفيد ويظل معاي يومين ؟
وابي اعرف اذا سويت محلبيه بحليب الاطفال مايخترب بسرعه؟





للاسف حطيت موضوع بقسم التربيه والطفل محد رد مادري ليش يمكن كتابة كلمتين صعبه وايد:0bee2e8d89:

 

[دلع86]

رد: شنو اوكل ولدي

ابدي بالعيش في ماركه ميلوبا من 4 شهوووور خفيف على معدته

 

[ابلة رسم كتكوته]

رد: اكل رضع 4 اشهر

السلام عليكم ورحمة الله وبركته
اولا حبيت احط هذا الموضوع ليساعد كل ام في تغذية طفلها وهوا من مجهودي الخاص ونتيجه تجربتي مع بناتي في البديه يجب الاهتمام بغلي الادوات كل يوم المفروض بعد كل وجبه بس العجازه كل يوم
عند البدء في تاكيل الطفل اول يوم كميه بسيطه اي ملء ماعقتين كبار وكل يوم تزيدي الى ان تصبح وجبه وايضا لا بدمن الصبر وطولة البال لان هذا شيء جديدعلى الطفل اول شيئ ثانيا لاتنزعجي من الفوضى التي قد يسببها الطفل مثل انه يسقط الاكل على ملابس ويدخل يده مع الاكل في فمه
الافضل تستخدمي رضاعة السريلاك الي تكون بلاستيك وفي راسها ملعقه صغيره لانها تساعدك في التحكم اكثر من الصحن والملعقه اسرع واريح وافضل شيئ شيكو صارت دعايه لاني بصراحه جربت كم نوع و وتجلس ريحة الاكل فيها حتى بعد الغلي والتعقيم لاكن شيكو مشاء الله ترجع كانها جديده
لا تجبري الطفل على اكل الكميه المحددة حتى مايكره الاكل وحاولي تلعبيه وتضحكيه مو تموتيه من الضحك بعدين يغص وانت تاكليه حتى تصبح لحظات الطعام ممتعه بالنسبه له واذا شافك جايبه الاكل يفرح مو يتنكد لان الطفل يحب الحنان في كل شيئ ومع اللعب بياكل اكثر بدون مايحس ولا يمل ومنها ترتاح نفسيتك وطفلك يشبع وينام وما يهمك اذا رفض في البدايع لانه شيء جديد وطعمه غريب بالنسبه له حاولي معه كم مره حتى لو وصلت للعشر مرات وفي الاخير بيتقبل زي الطفل اول ماينولد ما يعرف يرضع وكل شوي يشرق ومع الوقت يتعلم ويصير امر عادي كل شيئ في البدايه يبيله تعب
بالنسبه اللملح لاتحطيه الا اذا رفض الطفل الاكل نهائيا واذا وضعتيه لازم قليل بحيث اذا ذقتيه تحسيه بالنسبه لك مافيه ملح لانه ضرره اكثر من نفعه
اما السكر الافضل تستعملي سكر النبات يوجد عندالعطار او الصيدلي ولاتكثره حتى لا يتعود طفلك على اكل الحالي لان طبيعة الطفل يحب الاشياء الحلوه ويتقبلها بسهوله ولا تضعي السكر في عصيرات الفواكه لانها فيها سكر كافي لكن ممكن تستخدميه مع المهلبيه

في البدايه في عمر 4شهور الحكمه من البداء في تاكيل الطفل مبكرا من اربع شهور انه لسه صغير وما يميز جيدا فيتقبل لاكل بسهوله وكل مايكبر الطفل كل مايكون تاكيله اصعب وتقبله للطعام اقل لان تمييزه بيزيد ويقدر يفرض رايه كلام دكتور
* تعطي الطفل سريلاك بالرز سريلاك رز ماييل ماما لانه اخف على معدة الطفل من سريلاك القمح اما السريلاك في البدايه لازم رز بعدين تبدئي تنوعي لان الرز اخف شي حتى لماتروح دكتور راح يقول ابدئي برز لاني رحت كم دكتور وقالي نفس الكلام ومع السريلا ك
نبداء بوصفات الفواكه و العصير الطبيعي المعد في البيت مثل

:التمر وهومفيدجدا بالاخص للاطفال الي مايرضعو طبيعي احنا نعطيه الطفل من عمر شهر وماله اي ضرر وفيه ناس من جماعتنا يعطوه من الولاد تطبيق لحديث الرسول الي معناه ان الطفل اول مايولد ياذن في اذنه ويحنك بتمر لايحضرني نص الحديث وهو ثابت في السنه وهي تجيبي كاس ماء الافضل حار الانه اسرع وتحطي فيه ثلاث تمرات رطب وممكن عادي بس الرطب اسرع وفضل وتهرسيها بالشوكة زين لين تتفكك وكل شوي تقلبيه بالشوكه وتخليه تتنقع على الاقل 2ساعه وانا اسويهامن الليل واشربها بنتي الفجر علشان الحديث الي امرنا فيه الرسول معليش كان ودي اكتب نص الحديث بس برنامج الحديث عندي مارضى يشتغل نفطر على7تمرات لان الافطار على التمر له فوائد عجيبه وفيه موضوع في المنتدى عنه بس ما اذكر وينه اوتضربيها في الخلاط بس التنقيع افضل علشان قشر التمر مايختلط وتكون وسط ماهي خفيفه زي الماء اوثقيله مره وتصفيها والتمر الي في الطصفى اضغطيه بالملعقه لين ينزل كل المويه الي فيه وتشربيه طفلك في الرضاعة وحاولي معه لان ممكن في البدايه يرفضها لانها حاليه شوي وانا بنتي ماتشربها الا وهي نايمه اخدعها فيها

التفاح معصور في العصاره حقت الجزر بقشرها وتخففيه بشوي ماء بعني الكاس ثلاث ارباع عصير وربع ما ء تستمري بالعصير مخفف لمده 4 ايام بعدين تبدئي تعطيه مركز مثل ماهوبدون تخفيف اما اذا ماعندك عصاره جزر تحطي في الخلاط تفاحه مقشره خفيف مره مع ثلاث ارباع كاس ماء وتضرب في الخلاط بدون سكر وتعطى الطفل
او الموز مع ماء في الخلاط واذا تم ست شهور تضعي بدل الماء حليب قليل الدسم مراعي او الصافي الي يجي طازج في جيكات تغليه وتخليه يبرد بعدين تحطي نص الكاس ماء والنص الثاني حليب وكل فتره تزيدي كميه الحليب ونتقصي الماء يعني يجب التدرج في كل شيء
البرتقال مايعطى لوحده لان حامض ومعدة الطفل لسه في هذا العمر حساسه ماتتحمل الحوامض لانها تزيد حموضه المعده وممكن تسبب قرحه يعطى اما مخلوط مع فواكه اخرى اومخفف بماء كثير اذا فيه امساك ومضطره تعطيه اياه لحاله
الجزر يعصر في عصاره الجزر ويخفف بالما لانه ثقيل على المعده واذا ما فيه عصاره حطي جزره كبيره منضفه ومغسوله في الخلاط مع كاس ماء بعدين صفيها اذا كانت خشنه
خوخ او مشمش تغسليه زين بعدين تقشريه تشيلي قشره خفيفه مره اوتضعيه بقشره اذا كان صعب التقشير لان القشر فيه فوائد كثيره وطبيا يقال الفواكه والخضار لاتقشر لان اغلب فائدة الثمره تكون في القشره وتضعيه في الخلاط مع ماء وتخلطيه زين وتشربيه لطفلك واذا خلطيه بقشره صفيه
في البداية كل شيئ لحاله وتراقبي الطفل لان ممكن يكون عنده حساسيه من بعض الاكل واذا لاحضتي انه تحسس من شيئ ارجعي جربيه بعداسبوعين واذا تحسسمنه مره ثانيه لاتعطيه اياه ال بعدسنه عن تجربه مع بنات وكلام دكتور استشاري كنت اتابع عنده لبناتي قالي وفعلا بنتي الكبيره حسسها البرتقال والاشياء الحامضه 0 (
***هذه الوجبات تستطيع اذا اعددتيهات حطيها في بطرمان زجاج نضيف ناشف جيدا وتضعيها في الثلاجه وتكون صالحه لمده ثلاث ايام اليوم الذي اعددتيها فيه ويومين بعدها اذا راعيتي النضافه بانك تحكمي اغلاقها حتى لا يدخلها الهواءو لاتطعمي طفلك من العبوه مباشره حتى لايختلط لعاب الطفل بمحتوى العلبه فتفسد بل تاخذي الكميه التي سيأكلها طفلك وتضعيها في اناء خارجي وتدفيها قليلا في حمام مائي حار يعني تضعي اناء فيه ماء حار وتضعي الانا الذي فيه طعام الطفل في الماءالحار الى ان يدفىءولا تسخني طعام طفلك في المكرويف علشان الاشعه )
بعدين ابدئي اخلطي الاصناف مع بعض ممكن تخلطي نوعين او اكثر مثل تفاح مع خوخ او مشمش او تفاح مع جزر معصور في عصارة الجزر او في الخلاط وصفيهاحتى لايغص لانه مابعد تعود على الاشياء الخشنة ممكن تعصري جزره +و تفاحه في العصاره وتضعيها في الخلاط وتحطي عليها اصبع موز +حبه كمثرى مقشره+عصيربرتقاله+خوخ او مشمش هنا الطفل بيكون تعود على الاشياء الثقيله فلا تقشريها +ثلاث ارباع كاس مويه واذا كانت ثقيله مره زيدي قليل من الماء ونضربيها في الخلاط وتعصيها الطفل

مهلبية الفواكه بالقرع الامريكي والجزر
المقادير
تفاحه مقشره خفيف
موزة
2كمثرىمقشره
خوخة و5مشمش واذا مافيه طازج حصي مجفف
5حبات تمر مقشر ومنزمع النوى
حبه قرع امريكي صغيره الاحمر واذا هي كبيره حطي نصها مقشره وفي اخرها يصير فيها بذور شيليها
واحد جزره كبيره منضفه ومغسوله جيدا اذا قشرهالونه غامق حكيها بالسكين لين تنضف
2قطعه سكر نبات واذا مافيه كطي ربع ملعقه صغيره سكرعادي
2الى3كوب ماء
الطريقه:
تقطع الفواكه والقرع والجزر وتوضع في قدر على النارويضاف لها الماءوالسكر وتترك على نار متوسطه اقرب الى الهادئه وتغطى الى ان ينضج القرع ثم توضع محتويات القدر في الخلاط وتخلط جيدا ثم توضع في بطرمان زجاج مجفف جيدا وتستعمل كما ذكرت سابقا

مهلبية الفواكه بالبسكوت من خمس شهور
تفاح
موز
عصير برتقال
كمثرى
خوخ او مشمش (الفواكه المتوفره عندك في البيت) طبعا الاشياء الحامضه زي الكيوي والناناس بعد ست شهور على حسب تقبل الطفل
ثلاث ارباع كاس حليب قليل الدسم مراعي او الصافي مغلي ومبرد
بسكوت شاي الكميه تقريبا باكيت صغير مكسر حسب الثقل الي تريديه
الطريقه:
توضع المقادير في الخلاط ماعدا البسكويت ثم تخلط جيدا ثم نضيفي البسكوت الى ان تصبح ثقيله مثلالمهلبيه الرخوه يعني زي خليط الكيك او اثقل قليلا( تنسكب)
طعم الفواكه يتقبله الطفل لانه من الوجبات المحببه للصغار

زبادي بالفواكه
اما ان تشتريه من السوبر ماركت وافضلها زبادي زادي من شركة المراعي او تعديه في المنزل
الطريقه تاخذي علبه زبادي عاديه انا افضل المراعي وتضعيها في الخلاط وتضعي عليها مقاس علبة الزبادي مرتين ماء وحبه فواكه اي نوع(خوخ-مشمش-موز-فروله-توت-كرز- بابايا) المتوفر وتضرب في الخلاط الى ان تتجانس جيدا وتعطى للطفل هذي الوجبه تجهز وتاكل في نفس اليوم لاتصلح ان تجلس لليوم الثاني لان الزبادي اذا جلس فتره طويله مفتوح يتلوث

المهلبيه
نص كاس ماء والنصف الاخر حليب قليل الدسم
ملعقه وربع صغيره نشا
2مكعب سكر نبات اونص ملعقه صغيره سكر
توضع المقادير في قدر على النار وتحرك الى ان تثقل وتوضع في برطمان كما سبق وتستخدم

ناتي للخضار والارز
يترتب على سلق الخضار انتقال العناصر الغذائية الى ماء السلقولكن مزج الخضار في الخلاط مع ماء السلقيتم اعاده هذه العناصر الهامه الى الوجبه

ممكن تستخدمي موية الرز المصري اذا طفلك عنده اسهال حتى لو عمره شهر بانك تسلقي شوي في ماء طبعا على نار هاديه علشان ماتنشف المويه ملعقه كبيره على 2 ونص كاس ماء لين تشوفي الرز استوى جدا ومويته صار فيهامثل النشا بعدين تصفيه وتاخذي موية السلق فقط بدون الرز وترضعيها الطفل في الرضاعه بدون سكر لان فيه نسبة نشاء تمسك البطن


ـ رزمصري مسلوق بالماءومضروب في الخلاط فنجال رز مصري+كاس ماء توضع في قدر على النار الى ان تنضج ثم تضرب في الخلاط
ارز بالحليب مع الشوفان
1كاس ماء
1كاس حليب قليل الدسم
1ملعقه كبيره دقيق الارز واذا ماعندك خذي رز مصري واطحنيه الى ان ينعم واستعمليه
1ملعقه كبيره شوفان (كويكر)
2مكعب سكر نبات او نصف ملعقه صغيره سكر عادي
توضع المقادير في قدر على النار وتقلب وتترك على نار هادئه جدا الى انينضج الرز واذا اصبحت ثقيله جدا زيدي ماء وتخلط في الخلاطوتوضع في برطمان وتستعمل كما سبق

القرع الاخضر (الدباء)تسلق مع ماء وتضرب في الخلاط وهي ممتازه جدا لانها سهلة الهضم وخفيفه وتصلح للي معدتهم حساسه
ـزبادي بس بشرط منزوع الدسم لان كامل الدسم قبل السنه يجيب اسهال واذا صار7شهور قليل الدسم
ـبطاطس مسلوقة بماء ومضروبة في الخلاط في البداية كل شيئ لحله الكوسه لحالها تجيب اسهال الافضل تخلط مع البطاطس او شورة خضار
جزر مسلوق ومضروب في الخلاط
بعدين تبدئي تعطيه شوربة خضار منوعة مع بعض مسلوقة في ماء ومضروبه في الخلاط وهي

شوربه خضار
المقادير
1بطاطس
1كوسه
1جزره كبيره
1قرع احمر صغير اونص حبه كبيره
نص حبه قرع اخضر (الدباء)
1حبه صغيره بصل
1حبه طماطم وسط توضع في ماء حاااااااااررر ليسهل تقشيرها وتشق وتخرج منها البذور
مقاس فنجال قهوه رز مصري
رشه كمون مطحون
رشة ملح بنفس الشروط التي ذكرتها في الاعلى
الطريقه:
تغسل الخضار جيدا ويقشر القرع والبطاطس والطماطم ام الجزر والكوسه تحك بالسكين خفيف وتقطع وتضاف باقي المقادير وتوضع في قدر على النار ويضاف لها الماء يغطي الخضار ويزيد عليه3 اصابع وتغطى وتترك تغلي على نار
لمده ساعه الى ساعه ونص او ربع ساعه في قدر الظغط وتخلط في الخلاط وتوضع في برطمان كمى سبق
سوفتقابلين صعوبه في بداية الامر فالخضار ليس من الوجبات المحببه للصغار لكن عليك بالمثابره في اعطاء طفلك دون يأس او ملل
(وفيه بعض الاطفال يفضل الخضار على الفواكه الاطفال ليسو مثل بعضانا بناتي وحده تحب شوربه الخضار وماتحب الفوا كه والثانيه العكس )
لا تضيفي السكر الى شوربة الخضار فقد تادي هذه التحليه الى رفض الطفل تناول اي طعام غير محلى لكن يجب ان يعتاد على مختلف الأذواق


في عمر ستة اشهر نبداء نضيف صدر دجاج بدون جلد وتسلقيه مع شوربه الخضار السابقه في البدايه تبدي بالمرق الدجاج اواللحوم يعني تسلقي الدجاج اواللحم مع الوجبه ولما تجي تحطي الاكل في الخلاط شيلي قطعة الدجاج وكذالك الامر مع اللحم لاتخلطيها معه بعد اسبوع ابدئي اخلطي الدجاج او الحم مع الوجبه
وفي عمر سبعه اشهر نستبدل الدجاج باللحم او السمك هذا للي بدا الاكل من 4شهور اما الي بداء من ست تضاف الدجاج من 7 شهور والللحم من8 شهور منقول