شنو يسالون بالمقابله حق فيزا امريكا ؟؟؟؟؟

[درر ستايل]

السلام عليكم بنات

اشلونكم

الموضوع واضح من عنوانه


مقابلتي حق السفارة الامريكيه الخميس الياي ان شاء الله

ودي اعرف شنو يسالون ؟؟؟

وهل يحتاج اودي عيالي ولا بس انا وزوجي نروح ؟؟؟

عيالي 11 سنه
5 سنوات
2 سنه

وهل راح ياخذون الجواز الاصلي في المقابله عشان يحطون الفيزا

ولا بعدين لما يعطونا موعد ثاني ؟؟؟

ياريت تفيدوني وجزاكم الله خير ​

 

[ربوع الحلوة]

لازم الجواز الأصلي لأن راح يخلونه عندهم لما تخلص الفيزا

بعدين لازم كشف حساب لج ولزوجك مال 6 شهور؟ من البنك ويسألونكم ليش رايحين أمريكا؟ قولي سياحه والسكن هناك إذا حاجزين فندق أو شقه عطوهم العنوان ؟

وشنوتشتغلون ؟ وجم مره رحتوا أمريكا ؟ أسئله بسيطه بس مثل ماقلتلج الأهم كشف الحساب والجوازات الأصليه وصور خلفيه بيضاء

والزوج صور مكشوف الراس

 

[carrot^cake]

انا بطلو جوازي وشافو وين سافرت ويسألون ليش كنت رايحه هالديرة

وليش بتسافرين امريكا

ومع منو

وين بتسكنون

وجم يوم

ومتى

 

[درر ستايل]

جزاكم الله خير

انزين اودي عيالي للمقابله ولا لا؟؟؟؟

 

[عروسة]

حبيبتي بالذات السفاره الامريكيه خلك حريصه على كل شيء
عيالك اذا بيروحون معك وشغالة كلهم لازم يروحون احتياط اذا بغوهم الا معاك مو تتمرمطون ويعطونكم موعد ثاني وتتأخرون خلكم كاملين من الاول وارتاحي
انا سالوني عن سبب السفر وليش اخترت امريكا واي ولايه ووين بسكن وهل سبق رحت لها او لا وكم لي متزوجه وموظفه او لا
واهم شيء جوازك الاصلي وكشف حساب البنك اصلا الحواز ياخذونه الين تطلع الفيزه يختمونها فيه ...
الله يسهل امركم

 

[عروس الدنيا]

الي اعرفه اليهال من مواليد لي 13 سنه مو لازم
بس انا وديت عيالي
يسالونج ليش بتروحين امريكا ؟؟؟ اي ولايه ؟؟
رايحه من قبل ؟؟ مع منو بتروحين ؟؟ وين تشتغليين ؟؟
و بعدين اذا رايحه سوريا او ايران او العراق تقولج ليش رايحه ؟؟؟ بسسسسسسسسسس